المقالات
منوعات
قصيدة - شوقي لامي
قصيدة - شوقي لامي
03-18-2014 10:56 AM


اهد يكم بمناسبة عيد الام قصيدتى هذة وهى من ضمن ديوان شعرى (بلاد العديل والزين) والذي سينشر عما قريب وبة بعض النصوص مع الاستلذ ود الحاوي تحت التلحين ----
شوقي لامى

أمى ليك حبي وهواى وبكتب ليك بأهات بكاى
وتخنقنى العبرة في صدري من شوقي البزيد أسباب أذاى
ياريت دعاك يجينى في غربتى ويروح همي و أساى
ياما كنتى بتشيلى فينى وتلولي وتهدهدى في صدرى وقفاى
ويجينى الحنين كلة من عينيك لما تغني النوم النوم ياجناى
ولما أشعر بشوية تعب يظل حالك صابر بكل عطف وحنان معاي
وعينيك تحس كل البيا في مودة وعشمانة تعرف كل تفاصيل جواى
ولمسات حنانك تبقى بلسم روحى ودواى
ما بعدت منى لحظة وأديتنى المحاسن وما خليتنى لنوائب الدهر براى
امى أنتي دنيا الريد وأحلامى ومرتع صباي
أديتني مشاعر حية أسعدت حياتى وزانت دربي ورست خطاى
ومشدود لعينيك بالفة ومحنة أنتى بهجة حياتى
وشوفتى ليك غايتى ومناى
أصلوحبك ساكن بين ضلوعي من مهدي وصباي
ومصدر سعادتى وهناي
لابتتهني ولا علي المى بتستنى ولابالك يروق الا يروح المى وشقاى
وما بنسي حال عينيك مع السهاد تطبطبي في جبينى وانا في قمة الاحلام
ناسية ياأمى روحك ودنيتك وما عارفة كم ليلة جافيتى المنام
شايلة أحساس جواى في جواك وحاضنة أيدي وتدى عينى بهمسك أحلي الكلام
ا

أمي يانبع المحنة الوارف الظليل أصلك أنت واحة ود ولحن منساب وئام
وشوقي يمتد ليك مع نسمة صباح وفيض حنانك يسمو في البال دوام


ويحن قلبى لملامحك بكل الوان حنين وأحترام
وبتحدى بيك كل الصعاب و الظروف
وأهديك يا غالية الحروف عطر الفصول و شذى الايام
ويدوم حنينك في عيني و في دنياي قربك ومقامك ليا دام

ولو يقدر يطاوعتى الزمن أشيل من العمر وأزيد لعمرك سنين وأبعد منك قساوة الدنيا والآلآم
أمى طول عمرى بتمنى عفوك ورضاك لا زعل منك ولا حتى شوية ملام
ولو المولي مد في العمر من غربتى بحنيني بجيك
ولو قصر العمربرسل ليك ريدى وشوقى وسلام------الشاعر كمبال محمد الامين الريح--الدوحة -قطر--

[email protected]





تعليقات 1 | إهداء 0 | زيارات 746

خدمات المحتوى


التعليقات
#947040 [aboali]
0.00/5 (0 صوت)

03-19-2014 11:41 AM
ممتازة جدا جدا ولك فائق الشكر والتقدير


كمبال محمد الامين
مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة