في



المقالات
السياسة
عَهدْ يا محجوب
عَهدْ يا محجوب
04-03-2014 02:22 PM



يجي صوتك
دايما يجي من بعيد/ جواي
وقت الحارة وكَتْرَتْ العوعاي
صادق صافي ناصع
ما بيشبه أي كلام
تطلع حروفك من حناجرنا
(تتواثب حافية رشيقة) لما نغني ..
أكان جراري، كان طمباري، كان دوباي.
يا ود قبايل الشموس ..
يا ترباية النخل النبيل

عديلة خطوتك
يا فارس نهارات العركه
يا فانوس الوعي البضوي الليل
عديلة خطوتك ..
يا جبل شيلنا الما بيعرف الميل
عديلة خطوتك
يا المجرتق بالصدق
وجدايل العرق النبيل
رغم الجمر الحارق/
سفاهة الحكام/ وقهر المساكين
(ما الحِمل يا المحجوب تقيل)
عديلة خطُوتك ..
ومقدم بالفرحْ
رغم التعب ..وسهر الزنازين

عديلة خطوتك يا الشريف
وإطمئن بلحيل
كُلُو تمام ..
وحال شعبك تَمَامينْ
البنات مُتْلزِمَاتْ .. و الرجال مُتحذمين
والهبباي على شوف "صلاح" جاي في الطريق
ونشيدك يا جميل
مِلء الحلوق
مواقفك بوصله
وصوتَكْ للفي الوحل خايضين رعد
وبرقك حريق
وللغلابة (يا الحُر)
صوتك مطر.. وبرقك علامه
شارة ودليل.

شايلنك داجين في شوارع "الثورة" ايقونه
ميزان
مسطرينا
ومونا
ودعناك الله يا المسافر فينا
إلا نبضك فينا باقي
يدوزن هتافاتنا
يطرز أغانينا
خلاص أخوي إرتاح
ما قصرتَّ ..
كفيّت ووفيت
ختيت الساس .. ورفعت المثال
للجايين في طريق الكفاح
إرتاح ..
كفاية سهر
فلق الصباح
فجر الخلاص
أهو داك .. نورو لاح.

[email protected]





تعليقات 0 | إهداء 0 | زيارات 926

خدمات المحتوى


عزالدين صغيرون
عزالدين صغيرون

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة