04-26-2014 11:57 PM




لو صدفة جاتك ..عينوك..
جوة النظام..ما تختلس..
خليك أمين ..
لو راودوك ..
أوعاك تلين..
أغروك بالجاه والعرس..
برادو جديدة نيف..
أو مرسيدس..
لا تستكين..
لو ضايقوك..
ما تبتئس..
خليك حريص..
ما تقرب المال الحرام..
ما تختلس..
ما تأكل أموال الغلابة..
أهلك الفقرا ..
التعابة..
تلحق الناس القبيل..
سالت لُعابة..
لما شافوا المال ده سايب..
بلا رقابة..
ما تغشك ..
أبراجنا العِلت..
الناطحة يا سيدى السحابة..
يسيل لُعابك زيهم..
هم الزمان ..
أشباه صحابة..
صاموا اثنين والخميس..
جاهدوا الروح..
بصلابة..
فى الجنوب كانوا الأشاوس..
حاربوهم..
قاتلوهم..بضراوة..
طاردوهم ..
غابة غابة..
حجوا بيت الله الحرام..
فى كل عام..
يا ربى نسألك السلامة..
ندعو (للأمة) الهداية..
يحفظ الدولة وترابة..
أوعاك تَزوِر تختلس..
أبعد من الفاسدين..
ما تقرب الفعل النجس..
يغُشك إبليس اللعين..
ليك يفترس..
ينصب عليك شراكه..
السلطة والجاه..
واللبس..
ما تختلس..

بلا أقنعة...
صحيفة الجريدة السودانية...
[email protected]





تعليقات 1 | إهداء 0 | زيارات 774

خدمات المحتوى


التعليقات
#986839 [ابو الفضل]
0.00/5 (0 صوت)

04-28-2014 01:11 AM
الاغبياء فقط هم من يختلسون.


زاهر بخيت الفكى..
زاهر بخيت الفكى..

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة