المقالات
السياسة
خسئ الوالي
خسئ الوالي
05-02-2014 11:20 AM


خسئ الوالي..
الخمش الخمشة..
وكبر فينا بصوتو العالي
كم من والي ..
غيرو بينهب ..
قوت (الشعب الغالي )
وكم من والي ..
غيرو بينهب ..
لمن أصبح بلدا خالي
وكم تتعجب ..
إنو يكبر ..
وإنو ينادي الناس
هيا صلوا..
وصوموا..
وعمرو هذا ..
الوكت الخالي
وأعرفوا إنو الدنيا ..
ممر لي الآخرة ..
ونحن أسياد لي كل مثالي
ونحن بنخمش..
خمشة تكون للهِ..
وترفع شان البلد الواطي..
نحو العالي
وأوعو يفكر واحد ..
إنو بنسرق..
نحن بنعمل لي صالحكم..
وصالح بلدا ..
خرّبو كل شيوعي ضلالي
واوعو..
تنادو على بي خسئ الوالي
أنا كم قدمت..
مصالح شعبي..
سهرت عليكم ..
لما صرتم كل أشغالي
بالله عليكم !
ما أستاهل ..أخمش خمشة ..
تكافئ تعبي ..
وتسعد حالي
وأوعو تقولو ..
خسئ الوالي
ونحن جماعة بتنهب فيكم ..
وأوعو تفكِّروا ..
إني لحالي
نحن جماعة أنهب وأخمش..
وكبر وهلل..
وأرتع وحشش..
وأوعى تعلّم جيبك..
يصبح خالي
خسئ الوالي ..
الخمش الخمشة ..
وكبر فينا بصوتو العالي
ولعن الخالق ..
كل حرامي..
وكل ضلالي

[email protected]


تعليقات 1 | إهداء 0 | زيارات 1187

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#992004 [وجع راقد]
1.00/5 (1 صوت)

05-03-2014 09:42 AM
رائعة يا ذات النطاقين ... طبعا ديل أقنعوا الرئيس بقصيدة عبد الرحمن الريح :

يا رئيس يا مدلل
قول إية ذنب الكوز
لو سرق وتحلل ( ما فيها شيء)

مع تحياتي،،،


اسماء عبد اللطيف
مساحة اعلانية
تقييم
1.00/10 (1 صوت)





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة