القدع هاني رسلان .. ديدبان
06-04-2014 06:42 AM


ليك وحشة يا ود يا هاني . وينك ووين اراضيك . وينك في الشكشاكة والنقناقة والمطرة الصابة ؟؟ اختفيت ورجعت مدير وحدة السودان بمركز الدراسات السياسية والاستراتيجية . اول حاجة نهنيك ، ونهني انفسنا انك بقيت مدير كبير . قبل كدة كنت فقط خبير في الشأن السوداني . يعني السودان كبر في عين المخابرات المصرية . وصار المسئول عنه مدير بحاله . عقبال كمان تبقي وزير الشأن السوداني مين عارف ، ما زمان عملوا عضو مجلس قيادة الثورة صلاح سالم مسئولا عن الشان السوداني . ولسوء الحظ فشل وانتهي مغضوبا علية . وسجن لمدة طويلة . خد بالك يا هاني انتا بتاعنا . يمكن انت تروح ويجي واحد اظرط . ورب يوم بكيت منه وعندما صرت في غيره بكيت عليه .ونحن ياهاني ذي ما انت عارف بنقول . جنا تعرفه ولا جنا بيغباك .
وانت زعلان ليه ؟؟ صرحت قائلا واعترضت علي تصريح مدير هيئة مياه الخرطوم بمناسبة دراسة لتصدير مياة من السودان الي السعودية . وقلت ان هذا مخالف للقانون الدولي . ولا يمكن نقل مياه خارج حوض النيل الا بموافقة جماعية مكتوبة من دول الحوض . وتكرمت علينا ونحن المساكين ونورتنا بأن هذا الامر مركزي ومسئولية وزارة المياه والكهرباء ولا يصح ان يصرح مدير المياه . وطيب لمن دول الحوض اجتمعت ووقعت علي الاتفاقية الاطارية لماذا رفضتم ؟؟
انت هنا كما قلت لك في موضوع سابق . كالمثل السوداني . ,, في بيتو استغفر الله وفي بيت الناس يشلخ ويملخ . . ليس عندك الصلاحية لكي تحدد كيف يحكم الآخرون بلادهم . ومن يصرح ومن يصمت . ياخي عندكم في مصر حتي غفير مزلقان بتأمر وبيصرح .انحنا عاوزين منادي سيارات يصرح . ممكن تقولي انت دخلك ايه يا ود يا حشري انت ؟
بالرغم من انك قد صرت مديرا ولكن اكل الكشري مرات ما بيساعد علي التفكير . كل شئ في الدنيا بيبدا بدراسة . فاهم يا بتاع الدراسات . يعني نمشي ونجيب ليك موافقة كل دول الحوض وبعد كده نعمل دراسة ويطلع الموضوع غير عملي . ولا ننتظر القدع هاني يدينا النور الاخضر . علشان نعمل دراسة . والدراسة دي حيعملها مين ؟ اذا ماكان مدير هيئة مياة الخرطوم التي يسكنها ثلث سكان السودان .
لقد وهب السادات مياه النيل في تصريحات موثقة لاسرائيل . هل تحصل علي توكيل من دول الحوض ؟. ومصر اكثر بلد تستفيد من ماء النيل . ومصر لا تغذي النيل بأي مياه تذكر .
هل تذكر يا هاني السيول و وملايين الخيران في السنة الماضية والتي كانت تحمل الماء الي النيل في السودان بعد ان حطمت واغرقت البلاد؟؟ نحن دولة مصدر للمياه . وانتم مستهلكون فقط . وما ان تذكر كلمة مياه حتي تصابون بداء الصرع لماذا ؟؟ ويكاد المريب ان يقول خذوني . بيجيني احساس كده انكم ذي الصراف المختلس لم يذكروه بقدوم المراجح او لجنه الحسابان .
المضحك يا هاني انك تتكلم عن القانون الدولي. اين كان هذا القانون الدولي عندمات دفعتم بجيوشكم واهدرتم الدم السوداني في حلايب . وانتم الآن مغتصبون وقتلة . وتمارسون جريمة دولية لمحاولتكم طمس هوية سكان حلايب السودانية . وتحاولون القضاء علي هوية اعرق شعب ، الشعب النوبي . اذا كنتم تعرفون ما هو القانون الدولي فدعونا نحتكم اليه في موضوع حلايب ..
وتصرح يا هاني بان السودان قد بلغ سقفه في نصيبه من المياه وهذه كذبة . وليس غريبا علي رجال المخابرات من امثالك الكذب . فالكذب احدي المواد الاساسية في دراسة المخابرات ، واحسبك من الطلاب النجباء والا لما صرت مديرا بمخصصات وسائق وهيلمانة وسيكرتيرة حلوه ومدلك ، وتأتي الي السودان ويقابلك البرابرة المساكين بالاحضان ،وليه لا مش انت ممثل المحروسة . ودي مش غلطتك دي خيبتنا نحنا .
انت تعرف جيدا ان حصة السودان التي هي 18 مليارد متر مكعب هي حصة مجحفة فرضت علي السودان في بداية اول حكم عسكري عن طريق البلطجة . وبالرغم من هذا فالسودان لا يستغل سوي سوي 10 الي 12 مليلرد متر مكعب لنه ليس للسودان طاقة تخزينية الآن ، ولكن الايام حبلي بالمفاجئات . واكثر من 6 مليارد تذهب الي مصر . ومصر تقول انه دين . ولقد سألت مرة متي ستعيد مصرالدين . وهل سناخذ بدله عرقسوس ؟؟ وبالمناسبة شاهدت قبل مدة ببسي كولا وكوكا كولا من مصر في احد دكاكين العرب هنا في السويد . ولكن عرفت ان السويد قد منعت تلك المشروبات لوجود مواد ضارة . والسويد لا تسمح بكل الاضافات الموجودة في الكوكا كولا العادية . واتسائل الآن ، هل تلك الكوكا كولا المصرية المصدرة والتي تحتوي علي مياه اثيوبية وسودانية قد تحصلت علي موافقة دول حوض النيل . ؟؟؟
مش عيب مسئول مصري يصرح ان هنالك موامرة من السودانيين لتوطين الملاريا في اسيوط . وان الملاريا ستنتقل الي كل مصر . وشاهدنا التلفزيون يتحدث عن هذه الموامره . وانت يا هاني ربنا ما فتح عليك بكلمة . والمضحك ان طبيب مصري صرح بانها ملاريا حميدة . انا مس عارف ليه اي حكومة ممكن تلعب بالشعب المصري وليه المصريين اعلامهم بكل سهولة يعمل ليهم غسيل مخ ؟. ملاريا حميدة دي اول مرة نسمع بيها : ذي عقارب غير سامة ، ولية لا ما كله بظرميط .
اذا لم تكن عندكم مياه راكدة وترع مكشوفة وبالوعات غير مغطاة ، لما تكاثر الناموس . ومش بس مصر التعبانة التي تعتبر من الدول المتخلفة . هنالك مناطق في اوربا مثل اسبانيا تتواجد فيها الملاريا . واذكر ان سلوفاكية كانت تعاني من الملاريا الي بداية السبعينات . هل هذة مؤامرة سودانية كذلك ؟؟
اذا لم تعرف فان البلهارسيا اتت الي السودان مع اول مصريين اتي بهم الانجليز الي مشروع الزيداب ثم الجزيرة . ولقد تحدث عمرو بن العاص عن البلد التي يحيض رجالها عندما حكم مصر ، اشارة لمرض البلهارسيا . وألآن في هذه اللحظة تعتبر القاهرة عاصمة الكبد المبائي في العالم. هذا الكلام يقوله الاوربيون . ونتألم نحن وندافع عن مصر ونحاول ان نذكر الاوربيين بالاشياء الاخري الرائعة والتي تستحق المشاهدة في مصر.
اذا تنازلتم قليلا واقتنعتم بانكم تحتاجون الآخرين اكثر مما يحتاجكم الآخرون، لكان هذا بداية الطريق للتفاهم والتعاون . ولكن المصريون قد سكروا كل الوقت بالاحساس الكاذب بانهم ,, حاقة الاصتا وحاقة خاصة ,,.. وتشتم مصرية في فلم الرئيس اوباما وتصفه بالعبد . ويهلل المصريون ولحم اكتافكم يا هاني من قمح واعانات امريكا .
,, العبيد,, الي في افريقيا انتم تحتاجونهم . والتهديدات لاتعدوا كونها سخف . لم ستكلف الحرب ماديا . ما انت بتاع الدراسات يلا نورنا . وما هو المكسب ؟ وهل سيقف العالم متفرجا .
السيسي الان يبحث عن بطولات وانجازات سريعة . وليس عنده الوظائف ولا فرص العمل والمقدرة علي خفض التضخم والعطالة . وسيشبع الشعب المصري خطبا وعزفا علي الشعور القومي وسيستنهض القومية والشوفينية مثل ناصر. ونحن لن نربع ايدينا ونتقبل الاهانات . سامع يا ود يا هاني ولا اعيد ليك الكلام ، يا ابو الكلام .
ع . س . شوقي
[email protected]

تعليقات 45 | إهداء 0 | زيارات 5094

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1027574 [الفراخ]
3.75/5 (3 صوت)

06-06-2014 07:10 PM
والله العظيم
السودان بلد عملاق وغني وقوي بس للاسف مافي قياده تقوده للدور الذي يجب ويمكن ان يلعبه
ويا ريت نتفق مع الفراعنه اي زول افرز عيشتو ،كل واحد في حال سبيله لكم دينكم ولي ديني
هذا ما يجب ان يكون عليه الحال وهذا هو الطريق السليم لكف اذاهم وشرورهم عنا


#1027537 [جلد الفيل]
1.50/5 (2 صوت)

06-06-2014 06:17 PM
ما حنناقشك كتير يا أستاذ في موقفك "التاريخي" من مصر وإن كنا نطالبك بشيء من الموضوعية إزاءها .. عموما الآن لنا أمل - من بعد الله - في الكماشة السعودية - المصرية إنها حتساعد الشعب السوداني في خلع "الضرس المسوس والملتهب " منذ 1989 .. ما تقول لي إن الشعب السوداني براه حيقدر ... ما أظن والله .. الشي بقى فيه جنجويد مكتمل التسليح وإيران بالقنابل والشعب الجوع والففقر هد حيله .. والنقابات اتحلت واتزيفت بالكامل وكل ما يجمع الناس اتفرتق حتى المحطة الوسطى .. والفتن بين القبائل والمجموعات التي أشعلها الجماعة نيرانها "باقة " - بتشديد القاف - وأولاد الشعب الفيهم خير كلهم بره .. المساعدة على "دفرة العربية" ما فيها حاجة ... حاج السيسي دا ما بطال معانا .. يا خي أديه فرصه يشوف معانا "الشغلة دي" .. والسعوديه حتدفع مصاريف "الشغل" .. وناس أبو السياسي ما بقصروا . .. ونحن خاتين الترس في نمره 2 وراجين الدفرة .. ياخي ما تعكس علينا....


#1027219 [جمال برؤي]
2.50/5 (2 صوت)

06-06-2014 10:18 AM
عافيت منك يا شوقي وتسلم البطن الجابتك....... حرام يحكمون البلد كمية من الجهلاء والسماسرة وامثالك خارج منظومة ادارة السودان


#1026791 [شاهد اثبات]
2.75/5 (3 صوت)

06-05-2014 05:16 PM
يا عمنا شوقي بدري.. في .كوجيتو مصري كده فالقننا بيه من ما وعينا في الدنيا اسمه" الامن القومي المصري" والتعامل مع الدولة العميقة لامنية عبر هذا الملف مع السودان والنتائج الكارثية الان ...دعونا نفكك هذا الكوجيتو من خلال النظام العالمي الجديد لمنظومة الامن
1-هل نعني بالامن القومي- امن الدولة بالمحافظة عل كافة ارضيها وترك دول الجوار السودان نموذجا يذهب مع الريح بتصدير الايدولجيات"الناصرية-الشيوعية-الاخواجية التي اخلت بالامن الاجتماعي السوداني عبر العصور وادت اخيرا الى فصل الجنوب و تدمير دارفور وهوامش السودان الست باخر مشروع مصري وافد-الاخوان المسلمين-
2- هل يعني الامن القومي- السلام الجتماعي والمجتمعي في مصر نفسها ونحن نرى كا بضاعة خان الخليلي تشرخ الدولة القطرية نفسها الى عرب وغير عرب ومسلمين غير مسلمين وسنة وشيعة واخرهم مات في ميدان التحرير في ولاية امام المسلمين مرسي...وهي ايدولجيات مشبوهة الجذور والنشاة والامر موثق
اما اذا كان الامر ((امن مصر من امن السودان))
كان على مصر منذ استقلال السودان عبر ديموقراطية وست منستر تكون حريصة على استدامة الديموقراطية في السودان وعدم اجهاض كافة منصات التاسيس التي يصنعها السودانيين عبر العصور بالانقلابات والتعتيم والتضليل الاعلامي وانكار حضارة وفكر وثقافة السودان..بمعنى ادق حرص مصر على ديموقراطية السودان كان هو اكبر ضامن لامن مصر القومي ان فقهو عبرالعصور وليس الاستعلاء والهيمنة الفكرية والابتزاز كالذي يمارصه هاني رسلان حتى الان
وعي النخبة المصرية المازومة هو وعي مصر الخديوية التركية وليس وعي مصر "الاصلية شقيقة السودان" والامر يحتاج الى مراجعات شاملة وصادقة ومتجردة في شكل حوار فكري وثقافي وسياسي مصري سوداني في مرحلة ما بعد فوز الفريق السيسي..وتكون مصر احرص على الديموقراطيةفي السودان وتلزم النظام المختل القائم الان بالسعي لها وتفتح الفضائيات للمعارضة السودانية "المحترمة"..وليس استمرار الابتزاز القديم في حقبة مبارك والذى يبشرنا به هاني رسلان


#1026649 [ema]
2.50/5 (2 صوت)

06-05-2014 02:08 PM
انه نااااااااااااااااااااااااصر


#1026365 [ابوامين]
3.50/5 (2 صوت)

06-05-2014 11:02 AM
لااوفقك الراي تماما فيما كتبته حتي اذا كان هاني رسلان يتحدث باسلوب فج اورخيص ماهكذا تورد الابل ياعمنا شوقي مصر تحتاج الي السودان وكذلك السودان يحتاج لمصر في ظل سياسة متوازنة يحفظ فيها الحق للطرفين قل لي ماذا استفاد السودان من معادة مصر وايضا ماذا استفدات مصر من معاداة السودان كل هذا هراء وكيد سياسي لايصب في مصلحة شعبي البلدين انا لااومن ابدا بمبداء المعاده مب باب الكيد والتناحر السياسي الذي لايقدم ولايؤخر في شي وانما مصلحة الشعوب فوق كل شي وكلنا يعرف تماما ماذا يريد السودان من مصر وماذا تريد مصر من السودان فالرجاء عدم الاساءة والتندر والضحك علي الاخرين من باب السخرية والكيد السياسي

اما اذا كان هناك من يريدون الضحك والتندر علي السودانيون فمن باب اولي ان يتم الرد عليهم عبر القنوات الرسمية لان الابواق الماجورة في كلا البلدين والتي تريد ان تخرب فقط كثيرة وكفانا ضحك وتندر وسخرية علي الاخر لان العالم يسمع ويعي ويتفرج ويضحك علينا نحن الاعراب فيما يدور بيننا من مكايدات سياسية لاتؤخر ولاتقدم في رفاهية الشعوب وبناء نهضتهاورقيها


ردود على ابوامين
United States [ود الحاجة] 06-05-2014 02:44 PM
يا ابا امين : لا اعتقد ان الامر وصل للمعاداة من قبل بعض الكتاب من الشعب السوداني و لكن الامر بببساطة انه يجب ان ياخذ حقوقه المشروعة في التعامل بين السودان و مصر .

هم لا يفرطون في حقوقهم فلماذا نفرط نحن في حقوقنا.
هذا كل ما في الامر


#1026180 [احمد حسن]
2.50/5 (2 صوت)

06-05-2014 09:24 AM
انتم جميعا بتعرضوا خارج الحلقة . سودان شـنو اللى حايصدر الماء الى السعودية ؟ ياجماعة الخرطوم مدينة يجرى فيها ثلاثة انهار وتعانى من العطش ومشروع مياه بورتسودان ظللنا نسمع عنه من زمن الديمقراطية فى الخمسينات ولم يحصل ى شئ . قال ايه ؟ قال حانصدر المياه للسعودية ؟


#1025978 [Quickly]
0.00/5 (0 صوت)

06-05-2014 05:43 AM
هههه الله يجازي محنك يا ودبدري دائما مبدع حيرتا اولاد بمبا ديل في حنانهم
هسى دا لوا واحد فيهم داير يرد عليك يقول شنو تاني ؟؟


#1025853 [منورى]
4.50/5 (3 صوت)

06-04-2014 11:25 PM
للأسف جل حديثك يا أخ شوقى لا يخرج عن نطاق التحامل, الزنوفوبيا, السخرية والهجوم الشخصى ويفتقر الى المادة الموضوعية no substance ليس بهذا المنطق تطرح القضايا أيا كانت حلايب أو مياه النيل أو تصدير الملاريا, مصر بلد مهم وجار للسودان وستبقى دائما كذلك ولا مفر من التعايش مع هذه الحقيقة رضينا أم أبينا, لذا وجب النهوض بمستوى العلاقة والحوار وتسوية الخلافات وبحث حقوق وواجبات الطرفين الجارين و الوصول الى الى حلول ونتائج بأسلوب هادىء ومتحضر حتى وان كان ذلك يعنى اللجؤ الى تحكيم دولى للفصل فى الخلاف, ما أقصده هنا ركوب موجة اشاعة الكراهية وروح العداء السافر لن تحل مشكلة لأى طرف فى عالم بدأ يتخلص من الاساليب الشيفونية المتطرفة فى حلحلة الخلافات ويجنح للسلم والتعاون ووحدة المصالح ولنا فى الاتحاد الاوربى مثال, تجييش العواطف العدائية لا يفيد وبألطبع لن يساعد المليون وأكثر سودانى الذين يعيشون فى مصر و ارتبطت حياتهم بها ولن يسعدهم أن يكونوا فى نطاق توتر ومصادمة هم فى غنى عنها.


ردود على منورى
United States [زهجان من الضبان] 06-05-2014 03:56 PM
how .......... ??????????/


#1025707 [nawal]
4.50/5 (2 صوت)

06-04-2014 07:30 PM
موضوع مهم ولكن اسلوبك يفتقر الي المهنيه وإنما كلو شتيمة سوقية


ردود على nawal
United States [على حسن] 06-05-2014 09:14 AM
اقتباس:
موضوع مهم ولكن اسلوبك يفتقر الي المهنية وإنما كلو شتيمة سوقية

نيابة عن الاستاذ شوقي نشكرك يا نوال على قول الحق في انو الموضوع مهم و بنعاتبك على رايك الفلسفي في نقد الموضوع من الناحية المهنية. ونرجو من سعادتك ان تكتبي انت عن الموضوع بأسلوب ينم عن المهنية ويبتعد عن السوقية والشتيمة. ودائما بنقول ليك ونكرر (ما تكوى البحر في صورتو).


#1025702 [لوممبا]
1.00/5 (1 صوت)

06-04-2014 07:22 PM
يديك العافية ويسكنك الصافية بيت ناصية ( يعنى رحلناك من امدرمان مجازيا )شاءت الصدف اتلمينا فى سكن مؤقت مع مهندس حامل للدكتوراة وزميله ماجستير جايبنها من كندا اول استفتاح بعد المعرفة وشيل التكلفة جماعتك كان اول مداخلة فى الكلام انتو فى السودان الحيونات المتوحشة عايشين معاها كيف فكان ردى لهم زى ما انا جالس الان امامكم وانحنا بنتعامل معاهم عادى جماعتك فكروا فى المخارجة من الغرفة .
نسأل الله ان يبعدهم عنا ويهبنا حكام عاقلين .
خالص التحايا استاذ/ شوقى .


#1025682 [الغلبان]
3.75/5 (3 صوت)

06-04-2014 06:49 PM
مصر ام الدينا ههههه مصر ايه ما عارف هههه وعهد الاسر من 18-25 اسر سودانية صرفه ولا يذكرون ذلك للسياح هههه مصر ام الدينا


#1025632 [omer]
4.50/5 (2 صوت)

06-04-2014 05:42 PM
والنبي بالملسا يا شوقي كما قال اجدادهم لانصار الامام في شيكان


#1025623 [ema]
3.50/5 (2 صوت)

06-04-2014 05:29 PM
ما تهبش ناصر اتكلم على قدرك يا ود ناس بدرى


ردود على ema
United States [مواطن] 06-06-2014 09:30 AM
برضو يا بنت الناظر ويا شوقي بدري عبد الناصر زعيم عربي قومي ...

United States [بنت الناظر] 06-05-2014 07:55 PM
يا Ema إقرأ كتاب سنة أولى سجن لمصطفى أمين بعدين تعال أهبش ود ناس بدرى ..

[shawgi badri] 06-04-2014 09:31 PM
ناصر الي كان عايش في الخرطوم في اشلاق عباس مع صاحبه عبد الحكيم . كان لايختلط بالسودانيين . صاحبه مصري ترزي في الخرطوم يتواجد معه دائما . ناصر غدر بمحمد نجيب لانه نادي بالديمقراطية . وسجن محمد نجيب واهين . واغتالت المخابرات ابنه . وسجنت الآخر . ناصر كان ضيق الافق لا يعرف الكثير عن السياسة العالمية . ادخل العرب في حرب بجيش متخلف وباسلحة ضعيفة . ناصر اضاع الضفة الغربية والجولان وسيناء . وسجن وعذب المعارضين . هل هو ده ناصر الانتا بتتكلم عنه ولا واحد تاني .


#1025553 [حسام]
3.50/5 (3 صوت)

06-04-2014 04:30 PM
د البدرى

انت نزلت من مستواك وقللت من احترامك لدى على الاقل
رقم المقال الرائع فى المضون بس نزلت الى الحضيض فى الاسلوب
ياريت لو كتبتة باسلوبك الشيق المميز

لك الف تحية من معجب


ردود على حسام
United States [غرب وشرق] 06-06-2014 06:53 PM
اكيد لن يعجبك يا حسام
الحقيقه مؤلمه للبعض
مثل هذه الكتابه هي ما يفهمه الفراعنه

[shawgi badri] 06-04-2014 09:36 PM
العزيز حسام لكل مقام كلام . لقد رددت علي هاني بعدة مواضيع في منتهي التهذيب . لم يكطلف نفسة بالرد . توكل بالرد نيابة عنه البطل وبعض الكتاب السودانيين . هنا تطاول علي السودان .


#1025468 [ركابي]
5.00/5 (1 صوت)

06-04-2014 03:17 PM
السعودية القالوا عايزين يودوا ليها الموية حتساعد مصر وبتنظر لمصر علي انها دولة لها ثقل وقيمة اما نحن فلا قيمة لنا........مصر دولة مؤسسات اما السودان فالكيزان خلصوا عليهو وبقي مافيهو اي معالم دولة

نتمني ان يأتي اليوم السودان يقدر يقيف فيهو علي رجلينو والناس تنظر ليهو بهيبة واحترام .........لا نكن اي كراهية تجاه الشعب المصري والمشكلة بيننا وبين مصر هي احتلال حلايب والكان السبب فيهو ناس علي عثمان وغبائهم المتمثل في محاولة اغتيال حسني مبارك.........ربنا يحلنا من حكم الانقاذ وتجي حكومة ديمقراطية منتخبة من الشعب وبعد داك نحاول نحلحل مشاكلنا مع جيراننا وما تكون علاقة السودان فيها توتر مع اي دولة


#1025453 [Ahmed Elradi]
2.00/5 (3 صوت)

06-04-2014 03:08 PM
أوعدك يا أستاذنا الجليل أن السيسي سيشعل الحرب علي ليبيا لإشباع ذلك الشعور الوهمي بالعظمة ولسرقة خيرات وإمكانات ليبيا، وبيننا الأيام، ل أسئ لمصر ولا لشعبها لكن جهلهم وكذبهم وأغرب من ذلك إتفاقهم علي الكذب وعلي تصديق الكذب شئ يحير


ردود على Ahmed Elradi
[الغلبان] 06-04-2014 06:51 PM
أويدك في هذا الرأي خاصة بعد الاضواء الخضراء من ماما امريكا ودادا السعودية


#1025440 [المجنون]
5.00/5 (1 صوت)

06-04-2014 02:56 PM
هاكم اول حجر من شوقي يا مصارى

اول حجر على راسكم قبل تأديىة السيسي لليمين


#1025399 [Gogomri Salim KOKO]
4.00/5 (5 صوت)

06-04-2014 02:25 PM
احبك يا عم شوقي ولله انت سوداني ابن سوداني ابن كل السودان وما في زول أرجل منك إلا ابوك الجابك ، اسعدني ردك و لغتك لهذا المعرص الذي بنا حياه على دماء السودانين الغلابة ، وكان يأخذ حوافز شهريه مقابل التكسير للمؤتمرين الوثنين ، و يذيف الحقائق للطرفين ، واحتكر جميع قنوات الحكام و اصبح خبيرا ومعرصا بدرجة دبلوم عالي فقط ، لقب بالدكتور ثم حصل بعد ذلك على الماجستير ، انه من كبار المنافقين للمخلوع حسني ، ثم عاد بثوب جديد يترنم على فتات السيسي بعد البسه مرسي ''كالسو والبيكني ''د. شوقي انت وسام علىجبين اي سوداني عندما ترد دائما على المعر صين و المعرسين

متعك الله بالصحة وقوية شوكة قلمك الحر


#1025386 [الهمام]
3.00/5 (1 صوت)

06-04-2014 02:17 PM
روعة والله اسلم فمك


#1025359 [على حسن]
5.00/5 (1 صوت)

06-04-2014 01:55 PM
رائع دائما يا عم شوقى

الغريبة في احتجاج رسلان هو بحتج على المويه الماشه السعودية انا متأكد يا عم شوقى لو كان هذا الرسلان صبر شوية وانتظر حتى وصول برقية الملك عبدالله بن عبد العزيز وقرأ ما بها لكان قد قال نعم على السودانيين أن يصدروا نصف مياه النيل للسعودية وما عندنا اى مانع في ذلك ليه لانه المويه ماشه السعودية طيب يا رسلان سؤال (اذا نحنا اعتذرنا و قلنا للسعودية ما حا نقدر نرسل ليكم مويه لان هبة النيل مصر وكأن النيل وهب في هذه الدنيا مصر فقط لا تقبل بذلك ماذا ستفعلون ايها المصريون؟)


ردود على على حسن
[nawal] 06-05-2014 01:46 PM
اوﻻ انا ليست كاتبة وﻻ أملك ملكة الكتابةوثانيا بدري أخذ الموضوع من غير أي مهنية بعدين اقول ليك ولو سمحت أشرح لي أو خلي عمك الذي فوضك لدفاع عنه كوي البحر في صرتو يعني شنو عيب كبير علينا نشتم العالم وان شتمنا يكون الرد بأسلوب مهذب وموضعي لﻻسف عمك ليست كاتب انت كنت ﻻ اكتب بنتي 11 عاما تكتب شعر وقصص سوف تسمعون عنها لو تقرأ بالإنجليزية وأقول لك يااخي حسنن اني قارئية ممتازة اكتب لنا انت بس بفكر حلو جميل


#1025342 [خالد قدورة]
4.50/5 (3 صوت)

06-04-2014 01:45 PM
عااافين منك يا عم ,, يا ريت لو كااان المسؤولين فى السودان يمتلكوون حرارة القلب دى وعدم تقبل الاهانات والخوووف على البلد زيك ما كانت دى حالننا ,,, والله كفيت ووفيت ,, بالحمبة الفيها الحديدة


#1025332 [wad Elbalad]
4.25/5 (3 صوت)

06-04-2014 01:36 PM
كتر خيرك وبارك الله فيك ماقلته حق وجميل لكن برضو شوية علي اولاد بمبة المتعنطزين في الفارغ عبدة الطواغيت والفراعنة والمستبدين . الله فتح عليهم مرة واحدة جاهم حاكم منتخب شعروا بانهم لايتنفسون الا تحت الجزمة والكرباج والذل والخنوع فاطاحوا بمرسي لأنهم لايعرفون معني الحرية والاستقلال . لكن لمن الحكاية يكون السودان طرف فيها تعال شوف الردح وطولة اللسان وقلة الأدب كأننا ترلة بجروها ولامكنسة بايديهم والعارف عزه مستريح ... فاذا اتتك مذمتي من.... والباقي معروف


#1025320 [Gogomri Salim KOKO]
4.00/5 (3 صوت)

06-04-2014 01:27 PM
احبك يا عم شوقي ولله انت سوداني ابن سوداني ابن كل السودان وما في زول أرجل منك إلا ابوك الجابك ، اسعدني ردك و لغتك لهذا المعرص الذي بنا حياه على دماء السودانين الغلابة ، وكان يأخذ حوافز شهريه مقابل التكسير للمؤتمرين الوثنين ، و يذيف الحقائق للطرفين ، واحتكر جميع قنوات الحكام و اصبح خبيرا ومعرصا بدرجة دبلوم عالي فقط ، لقب بالدكتور ثم حصل بعد ذلك على الماجستير ، انه من كبار المنافقين للمخلوع حسني ، ثم عاد بثوب جديد يترنم على فتات السيسي بعد البسه مرسي ''كالسو والبيكني ''د. شوقي انت وسام علىجبين اي سوداني عندما ترد دائما على المعر صين و المعرسين

متعك الله بالصحة وقوية شوكة قلمك الحر


#1025251 [عزالدين الشريف]
4.00/5 (2 صوت)

06-04-2014 12:36 PM
دفاع مقبول ولكن ما مشكلة المصريين؟ حتى "مدير مركز الدراسات" يعتقد ان اهل بلادنا يفترض ان يفعلوا كذا ولا يفعلوا كذا ويتركوا كذا ولا يتركوا كذا ...!!! اين العلم والمنطق والفهم السديد مما يفترض في "مدير مركز دراسات"؟ يجب ان تكون هنالك نظرة استراتيجية واضحة لما نوريده من مصر وما تريده مصر من السودان ... على ضوء ذلك يمكن التعامل مع الحالة المصرية ... يقولون في السياسة الجار القوي مصدر قلق وتهديد لذلك لن تترك المخابرات المصرية اي شيء في سبيل ضعف جيراتها ... هذه قاعدة راسخة في السياسة والملف السوداني في مصر تتعامل معه الاستخبارات المصرية من قبل استقلال السودان.


#1025227 [كلمة حق]
3.00/5 (2 صوت)

06-04-2014 12:17 PM
يا احبابى ، انتوا عايشين فى غيبوبة . نعم مصر لها مشاكلها ، لكنها لا تزال على الاقل دولة . بينما فى السودان لا توجد دولة من اساسه . مصر كانت ولا زالت وستظل مصر ، والسودان سودان . بلاش الحقد والعنصرية . ياخى على الاقل المصريين ديل كنسوا قاذوراتهم يوم 30 يونيو ، لكن نحن القاذورات قاعدة على راسنا 25 سنة . وانت يا ود بدرى ذكرت انه الاوربيون يقولون ان القاهرة عاصمة الكبد الوبائي في العالم. طيب ماذا يقولون عن السودان ؟ هل يقولون عنه انه البلد الاكثر تطورا جنوب الصحراء ؟ . انه بلد الفقر والمرض والجوع والحروب والقباحة كمان . دافع عن نفسك اولا يا ود بدرى ، لان بلادك محتاجة للدفاع عنها اضعاف ما تحتاجة القاهرة . فالقاهرة تستطيع الدفاع عن نفسها ، لكن الخرطوم مسكينة يتيمة تحتاج لمن يدافع عنها . حلايب شنو بالتتكلم عنها وبلد كلها مستباحة ، الجنجويد يصولون ويجولون داخل مدينة الخرطوم .


ردود على كلمة حق
European Union [nawal] 06-06-2014 01:15 PM
والله كلامك صحيح مصر ليها مكانتها ولكن أيضا للسودان مكانة يجب المحافظة عليها من خلال أبناء الوطن المخلصين ولكن تعجبت من رد بدري لك من خلال تجربته الشخصية التي وان كانت صحيحة وأشك في صدقها تبقى فردية.

[shawgi badri] 06-04-2014 09:51 PM
قبل 10 سنوات كنت في مكتب صديقي صلاح عبد الفتاح في القاهرة . وكان هنالك مهندس مصري بتكلم عن الامراض الكثيرة والجديدة التي انتشرت في مصر احدها الفشل الكلوي المتفشي . واشرت الي انني لاحظت استخدام المبيدات بطريقة مكثفة في الزراعة. وبعضها ممنوع عالميا مثل الدي دي تي .
فانتفض المهندس وقال انه يستعجب من كلامي وانا من السودان البلد المتخلف الي مش قادر يأكل اهله . فضحكت وقلت له انني كنت اوافقه في الرأي والنقاش كان عن مشاكل مصر . وكون السودان متخلف لايمنعني ان اتكلم حق الاختناق المروري . واستعمال البوري بدون سبب .
دلوكت انت ذكرتني بالمهندس المصري . وافقنا السودان سئ . لكن هذا لايمنعنا من انتقاد مصر والسويد وامريكا . علي بعد 300 متر من البيت الابيض في ناس نايمه في الجليد وعلي بلاستيك . يعني لانه من العباسية ما ممكن اعلق علي هذه الظاهرة ؟؟ وعلشان السودان تعبان مصر تقرم حلايب وتشاد تقرم جبل مرة وانت ما عندك اعتراض .؟؟


#1025212 [الكاهلية]
4.50/5 (2 صوت)

06-04-2014 12:07 PM
لا لافض فوووك


#1025209 [Zubair]
0.00/5 (0 صوت)

06-04-2014 11:57 AM
Dear Mr. Shawagi,, I appreciate this great reply to great layer,,, in fact there is a lot to be communicated to the world regarding Egyptians expertise misleads, mischief & other horrible media campaign against Sudan & Sudanese nowadays..


#1025189 [sudan first]
3.75/5 (3 صوت)

06-04-2014 11:44 AM
God bless you .


#1025187 [مدحت عروة]
3.25/5 (3 صوت)

06-04-2014 11:43 AM
شوقى بدرى يا رائع!!
اصلا انحنا مصر دى جانا منها اوسخ واقذر شيئين فى العالم وهما تنظيم الضباط الاحرار والاخوان المتاسلمون وفكرهم الضال!!!
نحنا عيننا للنظافة والرقى اى نظام وستمنستر نقوم نبارى الزبالة والحثالة الجاتنا من مصر؟؟؟؟


ردود على مدحت عروة
[مواطن] 06-05-2014 02:43 PM
شكرا ... أخ مدحت عروة ... فقط نريد من الأخ شوقي أن يكتب كمعارض سوداني عن كيف نستطيع أن نلملم شتات المعارضة السودانيةحتى تكون معارضة قوية تستطيع ان تحرك الشارع السوداني وتهز أركان نظام الكيزان الفاسد؟ ... أما عن علاقتنا بمصر والحديث عن حلايب وغيرها من الأمور بين السودان ومصر فليؤجل الحديث عنها الى ما بعد تغيير هذا النظام الخائن الفاسد ....

United States [مدحت عروة] 06-05-2014 09:42 AM
اتفق معك ان الانجليز احتلوا السودان واستعمرونا وعملوا مشاكل مع الجنوب(فرق تسد) الخ الخ الخ لكن قصدى يا مواطن ان نتبع طريقة ادارتهم او نظامهم السياسى لادارة السودان وبنكهة سودانية ودون التخلى عن عقيدتنا وعاداتنا مش احسن مليون مرة مما نتبع طريقة المصريين وحكاية الشقيقة الكبرى وهذا الكلام الفارغ؟؟؟ لا اح يريد ان يكون عبدا لاحد مصريين او انجليز ولكن نختار النظام السياسى البيطور وينفع البلد واكيد نظام الانقلابات بتاع الضباط الاحرار او الكيزان اثبتوا فشلهم الذريع معقول يا مواطن انت ما فهمت انا بقصد شنو من تعليقى هذا؟؟؟؟؟
انا اريد من النظام السياسى السودانى الديمقراطى ان يكون عبدا للسودانيين لا لانجليز او غيرهم!!!!!!!!!!

United States [مواطن] 06-04-2014 02:12 PM
وست منستر ! يعني أنت عبد للانجليز ....ما دام انت شايف انو مصر جاتنا منها البلاوي ... فانجلترا هي أس البلاوي ...


#1025165 [بنت الناظر]
5.00/5 (1 صوت)

06-04-2014 11:24 AM
وأجمل ما أعجبنى فى ردك إنك قدأعطيت إبن رسلان فى المليان ..أولاد بمبة ديل عايزين العين الحمراء..
ذكرنى موقفك هذا بموقف حكاه لنا أحد الدبلوماسيين السودانيين..قال كان هنالك وفد من حكومة السودان الحالية بعث ليتفاوض مع خبراء فى إحدى الدول الأوربية وتصادف أن كان فى تلك الدولة خبير سودانى معارض لدود للنظام لكنه قام بمساعدة الوفد السودانى فى تلك المفاوضات وأعانهم كثيرا بخبرته لكن بعد المفاوضات قال لهم أنا عملت هذا لأجل السودان وليس حبا فيكم ولا فى نظام الخرطوم..
وها أنت يا أستاذنا الفاضل تدافع عن السودان بتجرد شديد..
وأتمنى من كل السودانيين فى الخارج والداخل أن يضعوا السودان نصب أعينهم و نعمل جميعا لأجل السودان ورفعته ..
والله أقول هذا وأنا عن نفسى على أتم إستعداد لعمل الكثير من أجل أن يكون سوداننا عاليا فوق الأمم ومن أجل أن نرى شعبنا حرا أبيا سليما معافى عزيزا مكرما داخل السودان وخارجه...

جاءنى على الواتساب قبل أسبوع فيديو عن السودان سابقافى الستينات مقارنة بمدن عربيةفى ذات الحقبة وعن السودان الآن مقارنة بنفس المدن وكانت تصحب الفيديو موسيقى سودانية أصيلة حنينة
وتصادف وصوله أثناء وقت العمل فإنهمرت دموعى بغزارة وأنا أسمع فيه داخل مكتبى فدخلت بالصدفة إحدى الزميلات من دولة عربية وإنزعجت جدا لبكائى .. وتأثرت أكثر حينماقلت لها إننى أبكى على بلدى فإنى أحب السودان أكثر من أى شيىء فى هذه الدنيا ..
نتمنى أن يتعافى سوداننا الحبيب ويتجاوز محنته قريبا بإذن الله


ردود على بنت الناظر
European Union [Amin] 06-04-2014 03:32 PM
حنبنيه البنحلم بيه يوماتي ،، وطن شامخ وطن عاتي ،، وطن خير دمقراطي


#1025068 [الكوز الفى الزير التحت الراكوبه]
0.00/5 (0 صوت)

06-04-2014 10:16 AM
والله وريتو المكشن بلا بصل .


#1025060 [abu shawarib]
2.50/5 (2 صوت)

06-04-2014 10:08 AM
.


#1025053 [silik]
1.00/5 (1 صوت)

06-04-2014 10:06 AM
100%
Carry on !


#1025030 [السفروق]
4.00/5 (3 صوت)

06-04-2014 09:51 AM
أرذل وأخس وادنى شعب..شعب القوادين والعري والتفسخ يشتموا السودان ولسودانيين ولسه ماسكين في حكاية الملك فاروق ونسي المصريين بعانخي وحكم النوبيين لمصر قرونا..إذا مصر ذاااااتها تابعه لينا ولا مش كدا يااااااض..
بس تفوتنا الحكومه المنبطحه دي ونوريكم ..تاني لحمه مااااااافي فقط بط وأرانب وحشائش


#1025023 [الكلس]
4.50/5 (2 صوت)

06-04-2014 09:47 AM
عفارم عليك يا عم شوقى!أديلو يا جدع بالشوووووووووومة!أصلو العالم دى ما بتجيش بالساهل.!!


#1025013 [مواطن]
4.50/5 (3 صوت)

06-04-2014 09:40 AM
السيسي خلص المصريين من المتأسلمين فمن سيخلص السودان منهم ؟ خلونا من المصريين السودان الآن في مهب الريح منذ ربع قرن من حكم الاسلاميين الذين أحكموا الخناق على الشعب السوداني و المعارضة لا تتفق على التوحد وتحريك الشارع السوداني .... حقيقة فقدنا الأمل ونسأل الله العافية وأن يسخر الله للسودان من ينقذه من هؤلاء المفسدين الفاسدين ....


#1024991 [رئيس السودان 2020م]
2.50/5 (4 صوت)

06-04-2014 09:24 AM
والله يا ود بدري قمة الابداع
لقد افحمت اولاد بمبه
...................................
وإن كانت مصر ام الدنيا كما يقولون
فالسودان ابوهاعلى سنة الله ورسوله
وفي السودان الرجال لمن لا يعرف التاريخ
.....................................
وحلايب سودانية ميه الميه رغم انف الحرامية
وحين تذهب حكومة الفساد ستعود لاحضان البلاد


#1024936 [حسن - الخليج]
5.00/5 (1 صوت)

06-04-2014 08:45 AM
صح لسانك يا استاذ شوقي لماذا لا نرى كتاب و اصحاب الراي السودانيين يردون علي امثال هؤلاء الذين يحاولون تعليمنا من جهلهم الواضح لان هؤلاء شعب لايفهم الادب و الزوق بل يتعبره ضعف انظر الان كيف يخافون و يحترمون الجزائر التي ادبتهم ادخل علي منتدياتهم و انت تري انهم يطلبون من بعضهم البعض الابتعاد من ما يغضب الجزائريين اما اذا صمت فلن يرحموك من قلة ادبهم و لسانهم الطويل الزفر


#1024931 [A BU ALI ALI]
3.00/5 (2 صوت)

06-04-2014 08:42 AM
كفيت ووفيت يا الاخ الشجاع شوقي هذا هوكلام الرجال ربنا يكثر من امثالك


#1024923 [فارس عبدالرحمن]
0.00/5 (0 صوت)

06-04-2014 08:34 AM
وماذا تنتظر يا شوقى من ابناء الراقصات والكبريهات


#1024906 [magdi]
3.00/5 (3 صوت)

06-04-2014 08:15 AM
و الله كلامك دا ريحني راحة......و فش غبينتي


#1024871 [الحنكول اخو الدعول]
3.00/5 (2 صوت)

06-04-2014 07:30 AM
الاستاذ ودبدري متعك الله بالصحة والعافية فشتني شديد والله هؤلاء الحلب ابناء الراقصات لايعرفون قدرهم وحجمهم الحقيقي وهذا الدلقان بن رسلان لايعرف الشان المصري ناهيك عن الشان السوداني لكن نعمل ايه مع حكومة الحرامية وتجار الدين التي جعلت الحلب والزبالة يتطاولوا علينا وعلي بلدنا لكن جميعهم ليهم يوم
وشكرآعلي الرد الكافي والشافي


#1024870 [شمس الدين ساتى]
4.50/5 (3 صوت)

06-04-2014 07:29 AM
أديتو بالحتة الفيها الحديدة يا أستاذنا العزيز ..لك الف تحية

بالله برضو ذكرو هل المتنبى جاء بالملاريا من دنقلا العجوز أم من أين؟

السفير المصرى السابق بالسودتن جاء الى السودان بكبد متليفة من البلهارسيا

ومات ..وأظن هانى رسلان يعان سنسفيل السودان الذى قتله بالبلهارسيا.. يعنى

نحنا أعدنا تصدير البلهارسيا لمصر..والله ياها ال... محن.. بس المرة دى مصرية

لك التحية.


#1024862 [الجقرم]
5.00/5 (2 صوت)

06-04-2014 07:11 AM
(ونحن لن نربع ايدينا ونتقبل الاهانات)

ده الكلام استاذنا المحترم شوقى


شوقي بدري
شوقي بدري

مساحة اعلانية
تقييم
5.50/10 (6 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة