المقالات
السياسة
وهمة كانت ..واستمارة..!!
وهمة كانت ..واستمارة..!!
06-10-2014 03:08 AM


وهمة كانت..واستمارة..!!
زاهر بخيت الفكى..
سلام والينا..
أهلاً بيك ومرحب..
نحن جينـا..
وما لقينـاك..
انتظرناك..
إنت ما طليت علينا..
ما براك ..
ناديتنا إنــت..
نحن جينا..
حقيقة عارفين المشاغل..
ما مهم حالتنا نحن..
ما فى شئ ..
يا سيدى شاغل..
أصـــلى عاطل ..
جيــت وشــايل ..
كم شهادة..
بيها أبحث عن سعـادة..
معاها جربت الصنائع..
لا سباكة ولا حدادة..
لا بـــرادة..
ولا نجادة..
ما العمل أس العبادة..
جينا رافعين..راية بيضا..
لا عصاية ولا مطـــارق..
لا طبنجة ولا بنادق..
كان عشمنا..تجينا مارق..
نحن ما شعبك برِضنا..
جينا نبحث عن وظيفة..
جوة فى داخل أرِضنا..
همنا المهنة الشريفة..
شان نوفر بيها..
فى بيوتنا الرغيــــفة..
مُلاحنا ..
والكسـرة الرهيــفة..
والعلاج إن يوم مرِضنا..
نأكل اللقمة النضيفة..
ينستر حالنا وعرِضــنا..
يا خسارة..
لا وظيفة حلمنا بيـــها..
جوة فى داخـل وزارة..
لا محــاسـب فى ادارة..
لا مصمـم فى عِمــارة..
القصة كانت استمـارة..
وهمة كانت واستمارة..


بلا أقنعة..
صحيفة الجريدة السودانية..
[email protected]

تعليقات 0 | إهداء 0 | زيارات 1265

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




زاهر بخيت الفكى
زاهر بخيت الفكى

مساحة اعلانية
تقييم
10.00/10 (6 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة