06-14-2014 10:58 AM


((مريم الحره))
شوفوا مريم فى ثباتها
لا بلاهة ولا عباطه
زى اسد فى ساحه تقدل
وزى عريس وسط السباته
مريم العز والصلابه
عرت (اسلام) الخيابه
لبسوا قدامها الرحاطه
وقالوا رده واستتابه
***
يا اخوها وود ابوها
يا خساره
الرجاله والجساره
مافى مريم
وما فى دينها
فى الفراشات السجينه
فى البلد الزاد انينها
مريم .. المنصوره حره
ماسكه قى يدينها جمره
ميرى تهتف فى سكاتها
ميرى تسأل
عن بلد اتلاشى ضائع
عن شعب رائع
علم الناس كيفن تثور
لمتين يا شعبى الرائع
لغير الله بتخضع
وتتتذله
ومتين زى نيلك
تفيض تملاها شوارع
عامل وزارع وصانع
قدامك الشباب والطلبه
ووراهم احرار النخبه
لمتين بتأتى وتحبه
وتجار الدين فى وطنك
ما خلوا الحبه
***
يا بلادى يا مآذن حق تنادى
ويا كنائس دقى اجراس السلام
ابن عربى من زمان حسم القضيه
وقال كلام
و(الماعندو محبه ما عندو الحبه)
كلام قالوا ابن الفارض
والشريف محجوب بقول
((كل واحد عندو رأى كل واحد عندو دين))
وانتو وين
ووينو دينكم
لسه عايشين فى الظلام
تعلوا فى قصور الفساد
وتمصوا دم الكادحين
خلوا مريم فى سبيلها
وشوفوا شعبا كان عزيز
اليوم صبح مقهور وجائع
والنظام لم الحثاله
من كل ناصيه وكل شارع
وكل (مائع) وأى صائع
والوطن الكان كبير
نصو هاجر ونصو ضائع
***
شوفوا مريم فى ثباتها
لا بلاهة ولا عباطه
زى اسد فى ساحه تقدل
وزى عريس وسط السباته
مريم العز والصلابه
عرت اسلام الخيابه
لبسوا قدامها الرحاطه
وقالوا رده واستتابه
.....................
تاج السر حسين – كمبالا
7/6/2014
[email protected]

تعليقات 2 | إهداء 0 | زيارات 2041

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1035475 [ود الأمير]
1.00/5 (1 صوت)

06-15-2014 02:23 PM
يا سلام ياخ


#1034644 [عشنا وشفنا]
3.00/5 (2 صوت)

06-14-2014 01:13 PM
واتقوا يوما ترجعون فيه الى الله , ثم توفى كل نفس ما كسيت وهم لا يظلمون ).

( وادع الى سبيل ربك بالحكمة والموعظة الحسنة ).

( وسيعلم الذين ظلموا اى منقلب ينقلبون ).


تاج السر حسين
تاج السر حسين

مساحة اعلانية
تقييم
7.75/10 (3 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة