07-22-2014 12:03 AM

في البدء ندين ونستنكر بشدة الهجوم الإرهابي والإعتداء علي مقر وصحفي صحيفة التيارونتمني الشفاء العاجل لرئيس تحرير التيار الأستاذ عثمان ميرغني ونطالب بملاحقة ومحاكمة الجناه وبدون شك هذا الإعتداء ترك أكثر من سؤال لكل مواطن سوداني .
حكومة المؤتمر الوطني التي فتحت أبواب الموت المجاني للمواطن السوداني لزمت الصمت لهذا الإعتداءولم تصدر بيان رسمي أو فتح تحقيق وملاحقة مرتكبي هذه الجريمة وإكتفو بقول وزير الدفاع بلنظر الذي قال إن الحادث لا يشبه أخلاق السودانيين وقيمهم وسماحتهم.
وجاءت اليوم الوزيرة السابقة ونائبة رئيس البرلمان سامية أحمد محمد وألقت باللائمة على اتحاد الصحفيين بدل الإدانة ليبقي الفاعل مجهول غير معروف حتي الآن .
والسؤال الجوهري والمهم هنا من هم وراء هذا الهجوم والإعتداء وما سبب الهجوم السؤال لوزير الدفاع طالما قال الحادث لا يشبه أخلاق السودانيين وقيمهم وسماحتهم ؟
بلنسبة لسماحة وأخلاقيات السودانيين يا عبد الرحيم محمد حسين أنتم أفسدتم أخلاقيات وقيم الشعب السوداني بكذبكم ونفاقكم وبجلبكم مليشيات والمجرمين من جميع أنحاء العالم لحماية أنفسكم.
وأنا بسألك إنت وحكومتك يا وزير.
أين القيم وسماحة أخلاق السودانيين يوما ما ذبحتم 28 ضابط سوداني في شهر رمضان المعظم ولا أحد يدري أين تم دفنهم حتي اليوم؟
أين القيم وسماحة أخلاق السودانيين وأنتم قتلتم 2 مليون سوداني في جنوب السودان وفصلتم السودان لأسباب عنصرية ؟
أين القيم وسماحة أخلاق السودانيين يوم ذبح الطيب مصطفي الثور الأسود فرحآ ببتر جزء عزيز من السودان؟
أين القيم وسماحة أخلاق السودانيين وإنت تأمر الجيش وتقول ليهم أكسح أمسح السودانيين في النيل الأزرق وجبال النوبة ودارفور؟
أين القيم وسماحة أخلاق السودانيين والرئيس عمر البشير يقول ما دايرين أسير ولا جريح عايزنها واطة نضيفة؟
أين القيم وسماحة أخلاق السودانيين والرئيس عمر البشير يقول في السودانية الغرباوية ..........؟
أين القيم وسماحة أخلاق السودانيين وأحمد هارون يحرض المليشيات الحكومية بقتل أهل جنوب كردفان ويقول ليهم أكسح أمسح قشو ما دايراين عبئ إداري؟
أين القيم وسماحة أخلاق السودانيين وأنت تشحن طائرات الأنتونوف بلقنابل وتقذف المدنيين العزل في دارفور والنيل والأزرق وجبال النوبة؟
أين القيم وسماحة أخلاق السودانيين عندما أبرمت صفقات بمليارات الدولارات لجلب طائرات الساخوي لدك منازل المواطنيين في جبال النوبة ودارفور والنيل الأزرق؟
أين القيم وسماحة أخلاق السودانيين عندما رفدت لواء في الشرطة بطريقة إستفزازية أمام كلية الشرطة وقولت ليهو أمشي أمشي إنت معاش خلاص عندما كنت وزيرآ للداخلية لكونه غرباوي ؟
أين القيم وسماحة أخلاق السودانيين عندما سلحتم مليشيات الجنجويد ليقتلو ويشردو السودانيين ؟
أين القيم وسماحة أخلاق السودانيين عندما أمرتم الشرطة بقتل أهالي كجبار؟
أين القيم وسماحة أخلاق السودانيين عندما قتلتم المتظاهرين السلميين بقناصات في داخل الخرطوم؟
أين القيم وسماحة أخلاق السودانيين عندما شردتم الأبرياء في دارفور أطفال رضع نساء حوامل شيوخ أصبحو وجبة دسمة للذئاب والمرافعين والثعالب في الوديان والجبال بعد أن هربو من مليشياتكم وقذف طائرات الأنتونوف والساخوي ؟
أين القيم وسماحة أخلاق السودانيين وإنت تنشئ مطارات حربية بدل المدارس والمستشفيات في دارفور وجبال النوبة والنيل الأزرق هذه المطارات ليس دفاعآ عن السودان لكن لقتل السودانيين؟
أين القيم وسماحة أخلاق السودانيين وحلايب محتلة من مصر وأنت ترقص علي أشلاء وجثث سودانيين في دونكي بعاشيم؟
وأين وأين أين؟؟؟؟؟؟؟؟؟؟؟
في عهد حكومة المؤتمر الوطني السوداني أصبح غريب في السودان والأجنبي أصبح سوداني .

[email protected]

تعليقات 3 | إهداء 0 | زيارات 1333

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1064279 [اللمبي]
0.00/5 (0 صوت)

07-23-2014 11:19 AM
اناعارف!!!!


#1064107 [بت البلد]
0.00/5 (0 صوت)

07-23-2014 07:31 AM
لا تنسى يا أخي أن من شعاراتهم المرفوعة تغيير صيغة الانسان السوداني ...


#1063141 [فلان بن علان]
0.00/5 (0 صوت)

07-22-2014 12:13 AM
إنت عارف الأجنبي الذي اصبح سـوداني دا منو؟ ... طبعاً الصوارمي ....


محمد نور عودو
مساحة اعلانية
تقييم
1.00/10 (1 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة