في



المقالات
السياسة
الي أمي التي أحبها فاطمة حجاز مدثر لها الخلود والمجد
الي أمي التي أحبها فاطمة حجاز مدثر لها الخلود والمجد
09-23-2014 09:04 AM


ماغبتي

ولاغابت تفاصيل الوجود منك

وما موتي
ولا الموت القدريحجب
رؤاي عنك
وماممكن يكون الحب
ولا كل القيم الفيك
ولاحنك
سوي معني الخلود والمجد
ومن ذات الإله إنك
روح قدسية في إنسية**
ساقيانا السمو
كاساتو من دنك
فيا* أمي
ويافهمي
وياعلمي
وياعقل
ا وهبني الوعي والإبداع
من فنك
حياتك فيني مادامت
حياتي دوام
ومادام الحياة عرفت
حياتك كالكتاب تمنك
وقيمتو من* المعاني
الفيك
حقوق وعداله
حب وكرامه
وإنسانيه
ضحكات الفرح سنك
دهب* خالص
من بينات*
قلوب الناس
سكن للرب
وبيت إختارو
وهو السكنك
سكن لي الله
حرية
وروح منطلقة دغرية
ولا موتك قيود سجنك
ولاقبرك ولاكفنك
ولا كل الذي دفنك
بيقدر أن يزيف من
خلودك* شي
بل يمشي
في ذات الطريق فطنك
فاطنة القاطنة
في كل المعارف حب
وفي كل الأهل والجيرة
كم هيمان فنا ورطنك
كما كل القلوب وطنك
شاهد من صلاحك صاح**
بقولة الحق والإنصاح
وترفضي للظلم بإفصاح
وياما صبرتي من ضنك
ولي دجل الظلاميين
ومن سرقة حكم فاسدين
وقولك إنو هم ظالمين
وماكان الوهم ظنك
طلع فيهم غضب
ميات
والالاف الشباب سبقوك
في حتف الفقر والجوع
ظهر حزنك
وفي جمعات
و لحس الكوع
سالت من عيونكي* دموع
خنق بمبانم المخدوع
مرقتي من الدعاء خزنك
وفي سبتمبر البعدو
بكت من الألم مزنك
وقت سمعت
رصاص سفاحو طلقاتو
طبل أذنك
وقت شفتي
صور
جثث الشباب ارتال
وقلتي يارب
قصاصك والدموع ابنك
من الشافتو عيونك
علي كل الولاد كما
أن كانو زي ولدك
رضع لبنك
خامس إسبوع
ماشفناك
ولاهم مع اهلهم
وليهم حول
مشتاقين
دموعنا من الحنين رونك
وفي سبتمبر الهباتو
من فيض الخلاص حونك
بمجد فيك
وفي ثوارو
قادل بالصمود عونك
ومن ذات التماسك حب
وذكري من الوفاء صونك
[email protected]





تعليقات 0 | إهداء 0 | زيارات 830

خدمات المحتوى


محمد محجوب محي الدين
مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة