10-13-2014 01:27 AM



لا يدري الفلاح الشاب زيدان ماذا حدث في العام المنصرم.. كل التوقعات كانت تشير إلى أن إنتاجه من محصول البصل سيقفز به إلى نادي أثرياء القرية.. بلا مقدمات انهارت أسعار البصل.. حاول الفلاح أن يقنع أحد التجار أن يحصد البصل المزروع في الحواشة دون مقابل حتى يتمكن من زراعة محصول آخر.. حتى هذه الصفقة لم تنجح.. أخيراً اضطر المزارع أن يجعل محصوله الوافر لقمة سائغة للمواشي والدواب محتسبا أجره في الدار الأخرى.
تلك الحالة وغيرها من أنواع الركود والبوار الناتج بسبب وفرة الإنتاج ما كان لها أن تحدث لو كان السوق السوداني مرتبط بدول الجوار الأفريقي.. كل الدول الأفريقية التي تقترب من خط الاستواء تحتاج لهذه السلعة الحيوية، ولكن تدفق المطر الدائم يمنع نمو البصل في تلك البقاع.. لو تمكن ذاك المزارع وغيره من نقل إنتاجهم لدول مثل جنوب السودان وإثيوبيا والكنقو لانتعشت تجارتهم وبالتالي زاد حماسهم لمزيد من الإنتاج.. ما يمنع تحقيق تلك الرغبة بجانب البيروقراطية ليس سوى صعوبة النقل.
قرأت بالأمس تصريحات للمهندس عبد الله مسار رئيس لجنة النقل بالمجلس الوطني.. مسار تحدث بشكل فضفاض عن خطط لربط السودان بكل من تشاد وإثيوبيا عبر السكة حديد.. لم يحدد السيد مسار جدولا زمنيا بل جعل المقترح في خانة الأمنيات المستحيلة.
في تقديري أن دولة جنوب السودان أولى بالارتباط.. بداية لأن الخط أصلا يصل مدينة واو بالتالي تمديده إلى جوبا يبدو أمرا سهلا.. بل من الأفضل أن يتم فتح مسارات جديدة مثلا من كوستي إلى ملكال.. سوق جنوب السودان واعد ومرحب بالسلع السودانية بسبب تشابه العادات والأذواق الغذائية.. على سبيل المثال تظل جبنة الدويم افضل أنواع الأجبان الآن في أسواق جوبا.. كلما تأخر الارتباط الاقتصادي توسعت حكومة جوبا في استخدام فقه البدائل من دول الجوار الأفريقي المتلهفة لزيادة حصتها في دولة ليس فيها سوى مصنع واحد للخمور.
في تقديري أن السودان حتى الآن لم يستفد من موقعه الجغرافي.. بلدنا لا تبعد كثيرا عن دول مغلقة لا تملك موانيء مثل جنوب السودان وتشاد والكنقو الديمقراطية.. ماذا أعددنا لهذه الدول.. المنطقة التجارية بقرى شمال الخرطوم والتي تعتبر منطقة سوق حر ليس فيها سوى عشرة مخازن ضخمة ومصنعين وعشر شركات تأمين.. بجانب هذه البنية التحتية الضعيفة توجد بروقراطية تجعل دول الجوار تفكر في موانيء بديلة وأن كانت بعيدة.
بصراحة.. تظل دول الجوار الأفريقي منخفضا اقتصاديا للسلع السودانية.. هذه الدول بها عمالة زهيدة التكلفة نحتاجها في أي نهضة شاملة.. مجاهل أفريقيا ومنابع النيل تستهوي السياح ولكن صعوبة التنقل وزيادة كلفته تقلل من الإقبال على الفكرة.
بصراحة.. الاتجاه جنوبا في هذا الوقت سيكون فيه منافع عظيمة لنا ولاخوتنا في الدول المجاورة.. البناء على الاقتصاد يجعل للسودان نفوذاً سياسياً في المنطقة مرحباً به.

التيار

تعليقات 10 | إهداء 0 | زيارات 1714

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1126170 [الدقس]
0.00/5 (0 صوت)

10-14-2014 04:38 PM
قول البلح وريح نفسك


#1125431 [شريف]
5.00/5 (1 صوت)

10-13-2014 04:25 PM
قلت دولة الجنوب فيها مصنع واحد بس للبيرة ما عشان كده الجنوب انفصل الجنوب ده ما كان جزء من السودان حتي 2011 ليه يكون فيهو مصنع واحد بس و يبدو ان المصنع تم بعد الانفصال كمان و انت يا الظافر وين كنت قبل انفصال الجنوب و كلمتك دي ما قلتها زمان ليه جاي الان بعد ما الجنوب بقي دولة مستقلة تسخر منه اما انك كوز ****


#1125021 [عجيب]
5.00/5 (1 صوت)

10-13-2014 09:11 AM
قال ربط دول الجوار بالسكة حديد!!
ياخوي خطوط السكة حديد البتربط محالج القطن في الجزيرة بميناء بورتسودان باعوها خردة بالكيلو. باعوا الخطوط البتربط الانتاج المحلي المضمون بموانئ الصادر عاوزهم يعملوا خطوط تربطهم ببلاد أجنبية عديمة الاستقرار السياسي والأمني؟؟؟؟


#1124963 [صادميم]
5.00/5 (1 صوت)

10-13-2014 08:24 AM
جبنة الدويم في الخرطوم القريبة دي الكيلو بخمسين جنية يعني عندما تصل جوبا ما يقدر على شرائها الا سيلفاكير و من حوله.


#1124961 [ملتوف يزيل الكيزان]
0.00/5 (0 صوت)

10-13-2014 08:22 AM
عندما اسمع كلمة (التيار) اتحسس مسدسي!
يا ناس عملتوها بليل و استوليتو على السلطة الشرعية و اوصلت البلد هذا الحال الماثل امامكم وحتى الان تستغفلون الناس بدموع التماسيح و غنج العلوج يا ديوثات القرن الواحد وشرين. كلكم كده ، فاتيات ليس الا. ما فيكم راجل واحد. عارفين الراجل بمسكو من وين و انت ما عندكم مساكات.
علي الشباب حرق بيوت الكيزان و كلاب الامن بداية الانتفاضة .واول بيوت بيوت التيار.


#1124927 [دقنة]
0.00/5 (0 صوت)

10-13-2014 07:35 AM
خلاص ما صدقت العيد إنتهى وجيتنا طاير تكاكي !!!!!


#1124904 [حمدي]
0.00/5 (0 صوت)

10-13-2014 06:57 AM
قال (وفرة الانتاج)
والله الوفره دي الا في النفاق والخداع والفساد واللصوصيه والارتزاقوكل الصفات السئيه
في تقديري ان مكتبك بجامعه الخرطوم يفرض عليك عن تكتب بخيال واسع ورومانسيه عن وفره انتاج كمشكله
بصراحه كتاباتك تغيظ


#1124903 [Kogak Leil]
5.00/5 (1 صوت)

10-13-2014 06:54 AM
حليلك الظافر انت لسع في الضلال القديم يا أخي زول يكسي امو يقدر يكسي خالتو جنوب شنو وغرب شنو بلد مقادر تتواصل بين أطرافها معقولة بس تتواصل مع جيرانها والجنوب دا في نظركم شنو ما عبيد وبس تقدرو تتاجرو معاهم ومتين المزاج الجنوبي كان سوداني دا وهم كبير. قال الجنوب فيهو مصنع واحد للبيرة دي برضها فيها استخفاف وأسوأconnotation


ردود على Kogak Leil
[عود مقاس 23 ونص] 10-14-2014 11:34 PM
بالغت ياماجد والله وزودتها كمان انت يااخي

Sudan [ماجد] 10-13-2014 03:35 PM
كونو انو الجنوب فيهو مصنع واحد و مصنع بيرة كمان دي حقيقة ﻻ ينكرها اﻻ منافق بل جا افتتحوا وزير الصناعة و القى كلمة قال فيها انو المصنع دا اكبر رد على المندكورو و نسكر مما نصنع


#1124866 [التاج محمد أحمد]
0.00/5 (0 صوت)

10-13-2014 03:20 AM
شكلك بتكتب في المقال وعينك علي حاجه تانيه


#1124857 [شانشيء]
5.00/5 (1 صوت)

10-13-2014 02:14 AM
تنظير ساي كدي يا عمك شيل ليك صفحية طماطم من المسيد ادخل بيها الخرطوم في ظل إنقاذك هذة عشان تأمن


عبد الباقى الظافر
عبد الباقى الظافر

مساحة اعلانية
تقييم
0.00/10 (0 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة