المقالات
السياسة
لوين ماشين يا ناس ؟
لوين ماشين يا ناس ؟
12-08-2014 10:04 PM


نحن بنأكل من مانسرق
بنأكــل وما بنشـــــــــبع
ونلبـــس لبـــــس مقطع
وكله تســــــول وإغاثة
ومشاريعنا كلها وهمية
بقينـا نكـــذب ونراوغ
عايشــين بقوه وزندية
كذبنا كتير على أولادنا
بحلم إســــــمه الحرية
ايدينا مقيده من بدري
بسلاسل وأقفال صينية
وافواهنا مكممة مربوطة
بقفل مفتاحــــــه الزردية
وكم موعد في الميزانية سمعناه
بكره بنشــبع من ما نزرع
ونلبــس من ما نصــنع
وكله حكــاوي خرافية
بطلنا زراعة واستوردنا
طــماطـــم أثيوبيــــــــة
ما في مصانع بس نستورد
والمسألة كـــلها زندية
ما نحــــن بلد بترولية
وهي لعبــة شـــطرنج
يخرج حــــــــــــــــمدان
ويدخـــــــل بركـــــــــــية
مره مشايخه ومرات جوكية
ومن كتر التغيير طشينا الشبكة
وبقينا ملامـــح وهـــــمية
وكـــــل بلدنا بقت وزراء
تلبــس بدله او عمه كبيره
وتقدل في الشــــــــارع
باكـــر تصـــبح ماكـــر
وقدامك بيرق في العربية
والقاعـــد زينا ســـاكت
ما جـــــــايبين خـــــــبرو
بهابو الشفتة وحامل البندقية
كــــــترو الثوار في بلدنا
شرقه وغربه وجبال النوبة
مطالبين بعداله وقومــــــية
ما عاوزين نتطاول في البنيان
مطالبنا مدارس ومراكز صحية
ولقـــمة نظـــيفه من راتبنــا
مش بالســـرقه نبني عماير
ونضحك على شعبنا يا جوكية.
واسرائيل تضربنا وتطلع
في الخــــرطوم وســـواكن
ما حـــــد يحـــرك ســاكت
وبقولو بلادنا كلها محمية
فالحــــــــين نتكــــــــلم
وسياستنا فارغه ومقدودة
لا بقينا أفارقة ولا عربية
ماشين نتسول لبكـــــــرة
وحكــــــمنا بقوة وزندية
ما عندنا لون زي الحرباية
وما هي لعبة واصلها قردية
لوين مشاين ما عارفـــين
بلد لا فيها حكيم ولا سياسي
جــــــبانه وهايصــــــــــة
وبلد مليانه حـــــــــرامية
أقفل خشمك ممنوع تتكــلم
بياخدوك على طول للظبطية



تعليقات 1 | إهداء 0 | زيارات 619

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1166393 [الجيلى نور المدينة]
0.00/5 (0 صوت)

12-09-2014 06:57 PM
البلد دى ما ماشــة دى لا ماشـة قدام ولا راجعة لى وراء دى يا ابنى بلد لافة فى الفاضى والله يستر


عماد الرومي
مساحة اعلانية
تقييم
1.00/10 (1 صوت)





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة