المقالات
السياسة
سودن شبكتك وخليك سوداني
سودن شبكتك وخليك سوداني
12-23-2014 04:17 PM

image

اخبرني يوم سائح فرنسي التقيته في صنعاء في اوائل التسعينات انه زار السودان واخبرني انه عندما يدخل حدود السودان من اي جهة الشمال الشرق الغرب الجنوب...يعرف انه دخل السودان من القيمة السلوكية التي تتجلى في الانسان من كرم واخلاق رفيعة المستوى في التعامل مع ضيوف السودان والغرباء..وادهشتني هذه الملاحظة حتى كررها عراقيون دخلو السودان قادمين من ليبيا وجاءوا لي اليمن فرار من جحيم البعث العراقي ورددو على مسامعنا في قطاع التعليم هنا في اليمن(السودانيين خوش اوادم)) وشرحو لنا كيف اكرمتهم القبائل في دارفور وكردفان )...ومن يومها بدات افكر في (((نظرية المجال الروحي))) الذى يحيط بالسودان في شكله الحالي وعجز كافة الادوات الاستعمارية على تفكيكه طيلة الحقب الماضية وبكل وسائلها المريبة بما في ذلك انفلونزا الطيور/الاخوان المسلمين الان وتوجعهم الحضاري..ولكني اتسال الان...هل ضاقت الفكرة ام ضاق الوطن ؟
****
كنت في الاعدادي في مدينة بربر..ودعاني صديق له اخ شقيق فقط للغداء واذكر اني عندما ذهبت لبيتهم...طفقت اقرع باب النساء...وصادف ان مر رجل مسن وقال لي
1- يا ابني دق باب الرجال...البيت ما بدخلو بيجاي

وهذه القيمة الاخلاقية انحفرت في ذاكرتي حتى اليوم والتزمتها..لان السودانيين كانو يعظمون حرمة العرض والنساء وصممو بيوتهم على هذا النحو
باب الرجال وباب النسوان
*****
امر هام يشكل تعاسة السودان الحالية
عدم احترام المتعلمين من فصيلة (النعر)* للذكاء السوداني ذو البعدين عبر العصور
البعد الاول: الذكاء الفطريnatural intelligence
وهذا افضل نموذج له في المحيط العربي شيخ زايد حكيم العرب الذى صنع معجزة الامارات..وفي السودان السيد عبدالرحمن المهدي ورجال الادارة الاهلية من امثال بابو نمر ودينق مجوك وابوسن
البعد الثاني: الذكاء الابداعي:creative intelligence
وهذا يشمل المثقفين الحقيقيين والمتخرجين من غردون او ما بعدها من الجامعات مثل محمود محمد طه وجون قرنق ود منصور خالد ود فرانسيس دينق...الخ
النعر: الذكاء الاصطناعي artificial intelligence]
وهؤلاء معتنقي الايدولجيات القادمة من خارج الحدود ومختلي الوعي والشعور ولا يحترمون السودان وكل ما هو سوداني يعيشون في عالمهم المزيف ويعيقون التغيير عبر العصور ومنهم اصحاب المؤسسات اعلاه من اخوان مسلمين وشيوعيين وبعثيين وناصريين وانصار سنة وولاية فقيه"( نخب المركز)... وان تفاوتوا في السوء
غادرالليبراليين الاذكياء السودانيين بسبب سياسات التطهير للناصريين والشيوعين والتمكين للاخوان المسلمين السودان عبرالعصور وبنو الخليج واليمن وبقي المتعلم المؤدلج "قرد بافلوف" من اهل" العلم الذي لا ينفع" في السودان فجعلوه اسفل سافلين ..وصعيدا جرذا ..

النعر*:ضرب من الذباب يدخل في انف الابل ويورمها وتقول العرب فلان له نعرة إذا صعر خده للناس كبرا واستكبارا
****
لقد ايقظ الراعي الواعي "الطيب زين العابدين" السائرون نياما في دول مجلس التعاون الخليجي بعد ان نسى جيل كبير من ابناء الخليج او تناسوا الدور الرائد للسودانيين في تاسيس النهضة المعاصرة على اسس ليبرالية واخلاقية في جل دول الخليج ودور السودانيين في كافة المجالات المهنية والادارية التي اسهمت في استقرار دول الخليج"الملكية " بعد انهيار نوعين من الفجر الكاذب"الناصرية " و"الاخوان المسلمين" والنظم الجمهورية المزيفة ثم عادت فضائية الجزيرة لاعادة انتاجهم ..هيكل والقرضاوي..وبقدرة قادر استشري القوميين والاخوان المسلمين وهذا الفكر العاطل بين ابناء دول الخليج واستلموا الفضاء الفكري والثقافي والسياسي للميديا-الفضائيات - مراكز الدراسات- الصحف والمجلات والاذاعات والمهرجانات واصبح السودانيين "كاميرا خفية" ومامبو سوداني لا تعرفهم الاجيال الجديدة...وتتمسخر عليهم كمان...في عصر العلم والمعلومات...من يظلمهم المرجفين ينصفهم التريخ ..وفي رواية اخرى ينصفهم التتار...كما حدث للمعري ..اكبر محطة انذار مبكر عبر التريخ..جاء التتار الجدد ودمروا تمثاله لانه تنبا بالتتار القدامي ولم ينصت له احد..
*****
المثقف والسوداني الحقيقي هو الذي يقوم اليوم بالتعريف بالسودان حضاريا وفكريا وثقافيا وسياسيا واقتصاديا واجتماعيا ونفسيا عبرالعصور .. انا كان موقعه كما فعل الراعي الطيب ..عبر كافة اشكال الابداع السوداني او يدعم الابداع السوداني ولكل اجر..هذا هو الدور الوطني والمسؤلية الفردية...ليس له ادنى علاقة بي ان تكون تبع المؤتمر الوطني او ضده...
******

[email protected]

تعليقات 3 | إهداء 0 | زيارات 914

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1175312 [حسن]
0.00/5 (0 صوت)

12-24-2014 06:25 AM
غادرالليبراليين الاذكياء السودانيين بسبب سياسات التطهير للناصريين والشيوعين والتمكين ....
يا حبة ... مين الناصريين ديل ؟؟؟؟
اديني اسم سوداني ناصري فاعل .....
الناصرية ده صناعة مصرية ونحن لا نتعامل مع الصناعات المصرية - لانها دائما رديئة وما جيدة


ردود على حسن
Yemen [عادل الامين] 12-24-2014 01:27 PM
انقلاب مايو 1969- 1971-معروف تارخيا انه كان انقلاب قوميين عرب مدعوم بالمخابرات المصرية مع لاشتراك الجنائي للحزب الشيوعي السوداني ..قال المحجوب" اخرجت عبدالناصر من مستنقع الحرب الاهلية في اليمن فكافأني بانقلاب مايو 1969" المرجع-الديموقراطية في الميزان
1-مسخ الشعار والعلم والتعليم والاعلام والفكر والثقافة ولحدي هسة وفرض دولة عروبية اسلاموية على كل السودانيين حتى ولو قطعوا السودان ده حتة حتة
2-ابادة الانصار في الجزيرة ابا وقتل الهادي المهدي غيلة دون مبرر 1970
3- ترك الرئيس الازهري يموت اهمالا بقطع المعينات الدوائية عنه ونعيه بطريقة مخزية في الاذاعة والتلفزيون
4- التاميم وخفة اليد الثورية والثراء الحرام اليساري الذى دمر الاقتصاد الراسمالي الرشيد
5-تدمير الخدمة المدنية بالتطهير نيابة عن الشعب "هتف لشعب من اعماقه التطهير واجب وطني
6-قام الامن المصري بتدريب الاجهزة الامنية وتعليمهم كل المخازي التي يرتكبها امن الدولة المصري ضد المعارضة والشعب المصري وحتى الان-خارج الاعلان العالمي لحقوق الانسان ..لانه "امن دولة" وليس امن شعب في الدولة البوليسية للزعيم والراعي والريع والرعية والرعاع المقبوحة التي صدرها عبدالناصر في كل الجمهوريات الملكية العربية لمشوهة ..وهذا ما رفضه لانجليز في تاسيس البوليس السياسي السوداني في الخمسينات-راجع مذكرات الشرطة السودانية -
****
اما اسم ناصري او شيوعي فاعل الان الشيوعية بتاعتناذاتا مصرية الهوى والجذور عشان ما ترقص وتغطي دقنك اتأسست من حدتو المصرية حستو السودانية
-امشي لي فارقو ابو عيسى فكاله اسره زعيم المعارضة القديمة الحالية-معارضة " الجداد غمت"المركزية ..اساله " امشي اساله لماذا كان يجعر مع نميري لمن مات هبل صنم العرب الاكبر عبدالناصر "وماذا انجز عبدالناصر او اي رئيس مصري للسودان عبر العصور ومصر ذاتا احسن من السودان بي شنو عشان تصدر لينا افكارها ا العاطلة من ناصريين وشيوعيين واخوان مسلمين ؟؟"
وامشي للقاضي بابكر عوض الله في كاردف في برطانيا -مليانة شيوعيين- يحتلفو كل سنة باكتوبر 1964 وقول ليه لي غيرت علم وشعار السودان واتعاملت مع الازهري بطريقة غير انسانية ولماذا تصر على ذلك في برنامج-في الواجهة- مع احمد البلال الطيب بهذا العلم الشين الذى فصل الجنوب ودمر دارفور وقتل 2000000 سوداني في البحث عن دول عرب ستان في السبعينات وكوز ستان من 1978-2014 ولازال البعض يتمسح بالكريمات لا بقى عربي "شكلا" ولا سوداني "سلوكا..."
وعشان تبقى سوداني الشريحة اوضح من الشمس مع المقال ومشكورين جدا ناس الراكوبة على التعاون النشر ..واالشريحة مجانية لكن اول حاجة الناصري والشيوعي والكوز يمشو لي العلام دكتور د.منصور خالد يفرمتو اولا عاشن يكون عنده وعي سياسي حقيقي لان الناصرية والشيوعية والاخوان المسلمين اضحت من اللاوعي في القرن 21
53


#1175108 [شوكة]
0.00/5 (0 صوت)

12-23-2014 10:48 PM
كتبت وأجدت وأجاد قلمك أخي عادل ..
سمعة السودانيين في الخارج بين جيل الشباب الصاعد للأسف الشديد راحت مع الزمن الجميل .. لم تعد صورتنا عندهم تمثل سوى الكسل وكسلا والمامبو السوداني ودارفور والجوع والفقر رغم أنهم هم أكسل خلق الله أبداناً وعقولاً ..
حتى كبارهم - إلا من قلة قليلة - فيهم كبرياء وأنفة وغرور زائف يمنعهم من الاعتراف بالفضل والجميل للآخر خاصة إذا كان هذا الآخر سوداني ..
لكن كما قلت السوداني الحقيقي يفرض نفسه بكبريائه وأمانته وعزته وخلقه كما فعل الراعي الطيب الذي أعطاهم درساً مجانياً في الأخلاق والترفع عن السفاسف ومخافة الله.


ردود على شوكة
Yemen [عادل الامين] 12-24-2014 01:41 PM
والله يا شوكة الناس ديل في الخليج بعد بنوه السودانيين الليبراليين الاحرار فيالستينات والسبعينات ..جو مخلفات الحقبة الناصرية والاخوانجية المصريين سيطروا على كل الميديا الخليجية وعلومهم المسخرة كمان...وكمان تمت الناقصة الرايش وسقط المتاع من نظام الانقاذ الفاشل بعد ما دمر السودان وبقى كركعوبة..جروا الخليج يضايقو السودانيين "الاصل " ويمارسو الكوزنة المشينة والفضائح..الشيء جعل الجيل الجديد الخليجي يرى هذا النوع المضروب من المحسوبين على السودان بالجواز والجنسية وليس بالسلوك..عشان كده مرة.. مرة تلقى سعودى او امارتي او كويتي بترحم على ماثر السودانيين في الخليج في الصحف بس لكن تلفزيون او اذاعة دي ماسكنه المصريين وعندهم 100 فضائية وبعد داك ام بي سي مصرية وروتانا وجلها "هشك بشك" ..الاعلام المصري اصلا من صوت العرب الى الجزيرة "كالمومس..تضاجع رجلا واذنها على الباب"...اكل عيش ساكت لا رؤية ولا اتجاه-برستيج - لا يوقظ فكرة ولا يهذب شعور..دور السودانيين الاصل في الخليج فرض وتعريف انجازات السودانيين في الخليج الموثقة في كافة المجالات حتى تمساح مشجع المريخ الشجع منتخب الامارات في كاس العالم 1990 ما يخلوه
كتاب بعنوان"دور السودانيين في نهضة دول الخليج واليمن " ومتروك للاكاديميين السودانيين الوطنيين ومراكز الدراسات الحقيقية السودانية
انتهى زمن الولولة ودقت ساعة العمل


#1175060 [عادل الامين]
0.00/5 (0 صوت)

12-23-2014 09:41 PM
الشيوعيين والناصريين الاواسيج الخديوييين -الانتلجنسيا المضروبة-رجعوا لينا
الشعار والعلم والتعليم بتاع السودان "الاصل" وردوا الاعتبار للهادي المهدي والازهري
واما ثالثة الاثافي الاخوان المسلمين "الكيزان" يرجعو لينا الجنوب والجنوبيين بالحريات الاربعة والجنسية المزدوجة ..المسوح بالكريمات الصينية المسطرنة ما بقاكم عرب "شكلا" ولا انتوا سودانيين "سلوكا"...جيتو من وين؟؟
وبعد داك سعيكم مشكور
البرنامج السودانية موجودة ومعروفةوموثقة
1- اسس دستور السودان 1955-الحزب الجمهوري
2- اتفاقية اديس ابابا 1972 ودستور 1973
3- اتفاقيةنيفاشا ودستور 2005
وديل الثلاثة ماعندهم علاقة بالشيوعيين او القوميين او الاخوان المسلمين او تحديدا بالفاشلين الفي الساحة ديل من "عوانس السودان القديم"


عادل الامين
مساحة اعلانية
تقييم
0.00/10 (0 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة