المقالات
السياسة
ما هذا الذي لا يكاد يبين
ما هذا الذي لا يكاد يبين
12-28-2014 04:39 AM

ومن نعمره ننكسه في لخلق

في القصص عبر قال لي صديق عزيز ان والده كان تاجر كبير في مدينة مشهورة بالمحاصيل وكان يظن الدنيا (الهاكم التكاثر حتى زرتم المقابر )..يجمع المال ويستخدمه في إذلال الآخرين وإضاعة الحقوق وكان يحسب علينا نحن أبناءه كل ملينة صرفا فينا ودار الزمن وأصبحت معلم معار خارج السودان وأول حزمة نقود قبضتها من الدولار نزلت السودان بعد انقطاع أعوام ومشيت القرية بتاعتنا في الشمال ..لقيت ناس امي والبنات في البيت سألتهم من أبوي قالوا لي" ابوك انت من زمنو خلى كل التجارة بعد ما جو الجماعة ديل ..ودخلونا المساجد ودخلوا هم السوق صفًا أعماله التجارية ومشى الحج ورجع جابنا البلد هنا وهو هسه عامل ليه راكوبة جمب البحر هناك امشي ليه.". مشيت ليه ناديتو..جاني جاري بي عراقي ورابطو في نصو وقال لي" خلعتني يا ولدي!!..والله الهدوم ذاتا بقت تزهجني.. كان ما ناديتني كان لقيتني عريان ام فكو.. مالك داير شنو؟؟.. قلت ليه "يا أبوي شوف جبت ليك دولارات بالهبل" عاين لي وضحك " دولارات شنو يا ولدي؟؟.. شايف جنبي هنا صرافة؟!.. امشي ودي القروش لي ناس امك هناك وأنا عافي منك دنيا وآخرة وسامحني على الماضي..يا ولدي الدنيا شن فيها..ذي ما قال الشيخ التوم ود بانقا عن الرسول رضي الله عنه" ما أكلت وأفنيت وما لبست وأبليت !!" .... بعد داك شلت القروش وودعتو وقلت" سبحان الله الزمن الغيير ابوي ..بتين .يغير اهل الغفلة ديل؟!"
والسؤال لا زال قائم...
*****

لمن تصيح يا فصيح :_
المخزي في الأمر أن الكل يضحك على الكل والزمن ماشي والمعاناة مستمرة ومع-نفس الناس-
ا)الناس اللسة عايزة تحاور:-
قبل إي حوار ..إذا أردنا الانعتاق من دولة الراعي والرعية والريع والرعاع إلى دولة المؤسسات
يجب تفعيل المحكمة الدستورية العليا برفدها بي تسعة قضاة"مستقلين" محترمين عشان تنظف الدستور من القوانين المعيبة....
وباختفاء القوانين المعيبة وغير الدستورية ستختفي كل الممارسات المشينة التي تخولها هذه القوانين لعديمي الأخلاق والضمير في ارتكاب جرائم مستمرة في حق الشعب والمال العام والمعارضين السياسيين.....
ويتم بموجب ذلك:
1- إطلاق سراح كافة المعتقلين لأسباب "سياسية" ...
2- تسجيل الحزب الجمهوري دون قيد أو شرط...
3- تفعيل كافة الاتفاقيات بما في ذلك اتفاقية نيفاشا ودارفور والشرق وغيرها والقرار 2046 أيضا والحوار المثمر مع الحركة الشعبية شمال عبر أرضية اتفاقية نافع /عقار يونيو 2011 لمعالجة مشاكل جنوب كردفان والنيل الأزرق
....
2)الناس الما عايزة تحاور:-
تضع برنامج موازي ومختصر وواضح وقائم أيضا على مرجعية نيفاشا والدستور بعد أن تقوم بنظافته تماما من القوانين المعيبة وتذهب للشعب مباشرتا عبر الندوات – الإذاعات والفضائيات الموجهة من الخارج للتعريف بالمشروع بتاعم الموحد الذي يجب أن يلتزم به الجميع قبل ابريل 2015
وللأسف لازال الوضع ملتبس بين المعارضة "الديمقراطية" وبين المعارضة "الغوغائية" وبين المعارضة "المزيفة" والمعارضة "المسلحة"...وكل ذلك يصب في مصلحة "ماكينات" الحزب الحاكم مباشرتا لأنهم يتعيشون على الفهلوة وتدني الوعي السياسي للسياسيين أنفسهم منذ 25 سنة ..


عادل الامين
[email protected]

تعليقات 2 | إهداء 0 | زيارات 767

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1177836 [عادل الامين]
0.00/5 (0 صوت)

12-28-2014 03:58 PM
ونرجع قائمة البرنامج السودانية للدولة "المدنية الفدراليةالديموقراطية" حسب التسلسل التاريخي
1- اسس دستور السودان 1955 الحزب لجمهوري- غيرالمسجل -الاستاذة اسماء محود محمد طه الان
2- اتفاقيةاديس ابابا 1972 ودستور 1973-تحالف قوى الشعب لعاملة الدكتورةفاطمة عبدالمحمود
3- نيفاشا 2005 ودستورها-الحركة الشعبية "الاصل"
4- مشروع الامل 2010-الحركةالشعبية شمال- مبادرة نافع/عقار 2011
5- حزب المؤتمر السوداني - ابراهيم الشيخ
6- الحزب الفدرالي السوداني ابراهيم دريج
7- جبهة الشرق "الاصل"...


#1177823 [سكران لط]
0.00/5 (0 صوت)

12-28-2014 02:34 PM
يا عادل كلامك دا بتسمعه لى منو كان ناس الانقاذ تبقى بترسم في مويه ساقطة كان للشعب اهو ما قادر يقول بغم كان للمعارضة مكتمين نفسا وما لاقيا حته تكلم فيها زول كلامك دا يتقال بعد سقوط الكيزان


ردود على سكران لط
Yemen [عادل الامين] 12-29-2014 03:17 AM
- دا يتقال بعد سقوط الكيزان-

كلامك صاح...كلامي ده بعد سقوط الكيزان حتى لا نعيد تدوير السودان القديم ابدا
وسبحان من قسم الحظوظ فلا عتاب ولا ملامة
اعمى واعشى ثم ذو بصر وزرقاء اليمامة
اركان الثورة الحقيقية
1- الرمز النظيف
2- البرنامج العلمي
3- الاجهزة القادرة على توصيل البرنامج
4- الجماهير الواعية بي البرنامج

انا شغال بي البرنامج العلمي البند ( -رقم2)
1-استعادة العلم والشعار والتعليم
2- المحكمة الدستورية العليا
3- قومية المفوضية العليا للانتخابات
4- استعادة الاقاليم والغاء المستوى الولائي جملة وتفصيلا حتى من الدستور
5- مرجعية نيفاشا ودستور 2005
6- تفعيل الحريات الاربعة والجنسية المزدوجة مع دولة الجنوب


عادل الامين
مساحة اعلانية
تقييم
0.00/10 (0 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة