في



المقالات
السياسة
ملافظ الرئيس
ملافظ الرئيس
12-29-2014 11:38 PM

بسم الله الرحمن الرحيم

السلام عليكم ورحمة الله وبركاته وكل عام وانتم بخير.

يمازحني صديقي الخليجي ( انتو الزولات مالو البشير ملافظة شديدة ويلوح بالعصا) في اشارة خبيثه منه وأجبته ( والله حنا قبل البشير كنا أسياد في بلدنا وما كان في ود حرمه بلوح لينا بعصاه) ويرد علي ( طيب وش الصار ) وارد عليه ( الصار يا طويل العمر انه الزول جاب له نسخة مصرية وقال دي الشريعة الاسلامية عاوز يطبقها في السودان) ويواصل صديقي البدوي ( طيب ما انتو مسلمين قبل ما يجي البشير وش لون عاوز يطبق الشريعة) ويجئ ردي عليه ( سوايت البشير فصلت الجنوب لانه قال لاهلنا في الجنوب انتو عبيد وما مسلمين وطبعا طوالي طالبوا باستقلالهم وهجوا) ويرد صديقي البدوي ( والله عجيبه--- يعني عشان تطبيق الشريعة الحين فصل البشير الجنوب وايش يبي يسوي في الباقين) ويجي ردي عليه ( يا طويل العمر السالفة طويلة بعد ما فصل الجنوب قبل علي اهلي انا الاخاطبك الحين وقال عاوز يؤدبهم لانهم تمردوا علي حكمه ) ويجي التعجب من صديقي ( وش يبي يسو في اهلك كمان ) ويجي ردي ( هادول فرسان مثلما عنتر وقبيلته سيحاربونه من جبل الي جبل ومن والد الي مولود الي ان ياخدو حقهم).
يصمت صديقي البدوي ويردد – عجيبة.
والعجيبه هو ما ال اليه حالنا واصبحت قنواتنا الفضائية تنقل احاديث البشير ملوحا بعصاه يرسل التهديد والوعيد الي الداخل والخارج ويا دنيا ما فيكي الا انا البشير.
وكل عام وانتم بخير واتمني ان تكون سواليف 2015 حديثا عن ما كان عليه حكم البشير وعصاه التي رحل بدونها الي رب العز والجلال وقاهر الجبابرة .
كسرة: أعيد في 2015 اقتراح زميل كريم بانشاء صندوق الصحفي تكون امانته عند( الراكوبة )تجمع فيه الصدقات والتبرعات لمعاونة الاخوة الصحفيين وفق ما تتفقون علي اوجه وحالات الصرف وكل عام وانتم بخير.
والسلام عليكم ورحمة الله وبركاته
اسامة ضي النعيم محمد
osama.elnaiem@tcc-sa.com





تعليقات 0 | إهداء 0 | زيارات 1152

خدمات المحتوى


أسامة ضي النعيم محمد
مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة