01-04-2015 06:13 AM


الوطن حبنا المنسرب فى احساسنا رغـــم الجرحات الساكنة فينا عبــــر احلامنـــا لكن مع الانتكاسات انه السودان العشـــق الكامن .. فبقـدر ما تحبطنا الانكسارات لا اتمنى إن نفرغ احساسنا من حبه والاعتزاز به فلا مسافة بين الذات والوطن الا الوطـن فهل نترك اغلى مــا نمــلك لمن لايستحق؟
الاستقلال من اين ومتى وكيف؟ او ليكـون السؤال هكذا هل مازالت ذكـرى الاستقلال قيمة نستنشق عبيرها ام إننا ننبش فى ذاكرة احلامنا عن معنى قتله الاستبداد ودفنــه الاستعباد ام اصبح البحث عن الانسان السودانى يحتـــاج الى مصباح عـــلاء الدين لنحقــق امنياتنا الهاربة فنحــن اصبحنا نستدعى المستحيل من الامنيات لنغير واقعنا المتداعى....
اصبح غير مستغرب إن ترى جنسيات اخــرى تحمل وثيقــة الجنسية الســودانية جنسيات حدودية تجتاز مفازات بلادنا تحت سمعنا وبصرنا...فكيف تتسرب مثل هذه الوثيقة الى يد العابثين لتكون سلعة حسب العرض والطلب ؟ كيف يصبح التشادى سودانى وجذور اصله لم تعبر الحدود الينا ؟ كيف يتسنى لكل من هب ودب ليصبـح سودانى من غير حق شرعى الى متى تظل اوراقنا الثبوتية مجرد حبر على ورق وبعيدة كل البعد عن معيار المصداقية القانونية الذى لايقبل التفريط؟ ماهى الجهة المخـــول لها بالاصدار ؟ والتى يفتــرض إن لا تكون محل مساومة او رشوة وغش .
وحسب قانون الجنسية السودانية لسنة 1994 تعديل سنة 2005م...
1-يجوز للوزير إن يمنـــح الجنسية الســودانية بالتجنس لاى اجنبى اذا قـــدم طلبا بذلك بالشكل المقرر واثبت للوزير انه:-
أ-بلغ سن الرشد
ب- كامل الاهلية
ج - مقيم بالسودان لمدة خمس سنوات او اكثر .
د - حسن الاخلاق ولم يسبق الحكم عليه بعقوبة جنائية فى جريمة مخلة بالشرف والامانة.
2- لاتمنح شهادة الجنسية السودانية بالتجنس لاى اجنبى بموجب احكام البند (1) الا بعد إن يؤدى يمين الولاء بالصيغة الواردة فى الجدول الملحق بهذا القانون .
فان كان وزير الداخلية هو الجهة الوحيدة المخول لها بمنح الجنسية فكيــــف تخــرج هذه الوثيقة الخطيرة لكل مشترى وكيف ولماذا تصدر بهذه السهــولة بدون مسائلة او متابعة من الجهات المعنية وتمنح لاجانب لا تربطهم اى صلة بالسودان ؟
علما بان معظم الذين منحتهم الدولة هذه الوثيقة لا تربطهم بالبلاد غير المنفعة المؤقتة فالجنسية عندهم مجرد وسيلة العبور للضفة الاخرى ...
والسؤال الجوهرى هل كل من منحتهم الدولة الجنسية قد استوفوا كل الشـــروط؟ ونحــن نعلم تماما ونرى اشخاص تم منحهم هذه الوثيقة بطريقة ملتـــوية وعشـــوائية وهناك من يقبض الثمن داخل الاجهزة الامنية لتمرير الجنسية الى من لايستحـــق وليست هذه مجرد تكهنات او استقراء عشوائى ولكن قابلنا اشخاص قاموا بدفع مبلغ 5000 جنيه فقط لقاء منحهم الجنسية لافراد يعملون فى الجهات المعنية...وتم منحهم الجنسية والــذى بموجبها يتم اصدار الجواز السودانى... ولم يتعدى تواجدهم داخل الســـودان اكثر من ثلاثة شهور فقط ...فما هى تبريرات شرطـــة الجــوازات فى مثل هـذا الانفـلات الخطير.. والذى يجعلنا عرضة للتغول الخارجى والاستحــــواذ اجنبى المكثف على حقـــوق المواطنين والوطــــن وضياع هيبة الوثيــقة نفسها وبالتالى تقـــزيم الانسـان السودانى فى الخارج ويترتب على ذلك كل ممارسة تمارسها هذه الفئة المحسوبة مباشرة على الجنسية السودانية .
وللاسف إن من تمنحهم الدولة هذه الجنسية ليس علماء او اساتذة جامعـات او اطبـــاء او حتى اشخاص صالحين اجتماعيا انما هـــــى فئات منفلتة لا يمنحـوا البـــلاد الا الجـريمـــة ليفتحوا لنا ابواب الدعارة والمخــــدرات والمـــزيد مـن الدمار الاجتماعى والتفكك ....
هـل اصبحت الجنسية السودانية رخيصة حتى تبــاع وتشترى حسب العرض والطلب وبين الشارى والبائع يفتح الله..هل بلـــــغ حــــال الفساد حتى طـال اهـــم وثيقــة ثبوتيـة يحملها المواطن فاصبحت هيبة البلاد عارية يغطى عورتها ... الفساد ... فالله المستعان .
[email protected]


تعليقات 5 | إهداء 0 | زيارات 3821

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1181615 [رقم صفر]
5.00/5 (1 صوت)

01-04-2015 01:13 PM
منتصر نابلسى


#1181223 [رانيا]
5.00/5 (1 صوت)

01-04-2015 11:20 AM
احنا طبعا عارفين البحصل لانها بتخصنا لكن الناس الباقيين عرفوا سهولة الجنسية والجواز السوداني من قصة مريم السعودية التي لم ينسبها والدها الحقيقي له المتزوجة من سوداني . إستضافها الاستاذ داوود الشريان في برنامجه الشهير وظهرت حقائق تؤكد بوضوح هملة إستخراج جواز سوداني . برغم ده الاستاذ داوود حاول يداري الامر لانه الغرض في الاصل انساني ولولا الحركة دي لبقيت مريم بلا اوراق ثبوتية ولا رسمية لكن ...!! في حالات تانية كتير سيئة منها الساحرة القبضوا عليها في أطهر بقاع الارض في مكة وهي تمارس الدجل والشعوذة وبرغم انه معظم المتابعين أكدوا انها غير سودانية لكن في الواقع كونها حاملة للجواز السوداني إذن هي سودانية !


#1181486 [منصور]
3.00/5 (4 صوت)

01-04-2015 10:11 AM
ياخي والله دهوشتو راسنا بالجنسية السودانية المعفنة دي ياخي الناس مشو امريكا واتجنسو بعدين في زول بيقعد في السودان بيطلع الجنسية عشان عندو غرض معين بعدين يفرتك يخليها ليكم في المطار زيما عمل الاعب النيجيري وبعدين كون انو تشادى او نجيري او حبشي ما الفرق بينه وبين السوداني لماذا لا ياتى مثلا مصري او سوري او سعودى للجنسية السودانية ان دل هذا يدل على انو بلد زبالة وجنسية زبالة ايضا والشعب كلو جيعان عن بكرة ابيه والله مرة جيت زيارة للسودان ولقيت لك عسكرى من ناس الحركة والله العظيم افتكرتو شحات هو طبعا زول نحيل البنية والملابس العسكرية كبيرة عليهو وضربتو الشمس لما وقع عليك الله دي الواحد يدافع عن جنسيتها الفقر والجوع ضارب في كل اركان الدولة والله لو في احد من المعلقين داير يطلع جواز سفر دبلماسي سوداني انا شخصيا اطلعو ليهو قروشك بس ما في زةل في السودان اصلا عندو وطنية وانا اتحدى اي زول يمشي مثلا الحبشة ويطلع جنسيتها بالطريقة السودانية


ردود على منصور
[ابوخالد] 01-05-2015 12:29 PM
اللقطاء لا يحبون وطنهم لانه بذكرهم باشياء مرة او خطا ارتكبها والدته فلذا بامكان اللقيط ان يشتم وطنه وامه ايضا

[ABOALKALAM] 01-04-2015 05:20 PM
صادق والله يااخ منصور والله قد افحمت صاحب المفال


#1181148 [Hero]
5.00/5 (1 صوت)

01-04-2015 08:48 AM
It is so it cannot be otherwise.


#1181056 [المقدوم مسلم]
5.00/5 (1 صوت)

01-04-2015 06:21 AM
عشان يدوها المتاسلمين والاخونجية والتكفيريين من بقية دول العالم ويستخدموهم ضد ابناء البلد ..


منتصر نابلسى
 منتصر نابلسى

مساحة اعلانية
تقييم
10.00/10 (2 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة