المقالات
السياسة
توجه اسلامي كيف يعني ؟
توجه اسلامي كيف يعني ؟
02-07-2015 01:47 PM


* اعلن حزب المؤتمر الوطني عن تمسكه بالتوجه الاسﻻمي في حكم البﻻد ، وقال انهم ماضون في مسيرة التاصيل وتطبيق الشريعة الاسﻻمية ، وقال انهم جاهزون لخوض الانتخابات على كافة المستويات ، (ياااااخ تخ) .. طيب بالدارجي نقول للمؤتمر الوطني انو جماعة داعش برضو متمسكين بالتوجه الاسﻻمي في حكم بﻻد العراق والشام ، وبرضو ماضون في مسيرة التاصيل وما مقصرين في تطبيق شرع الله ( بالحرق والذبح والاغتصاب والنكاح تحت هتافات التهليل والتكبير مع التاكيدات اليومية انهم يشتمون رياح الجنة ومسكها واكثرهم ياخذون التعليمات من الرسول (ص) عن طريق الرؤيا ) ونؤكد للمؤتمر الوطني انو داعش جاهزة لخوض اي انتخابات في بﻻد العراق والشام وهي على ثقة انها ستكتسح الاصوات ، يعني مافي توجه اسﻻمي وشريعة حد احسن من توجه اسﻻمي وشريعة حد .. !!

* يعني يا ناس المؤتمر الوطني قولوا كﻻمكم ده لي شعب ما مسلم وما بعرف يصلي وما عندو ( حديدة ) على قول شبابنا ، الحمد لله الناس بتعرف الاسﻻم كويس وبتعرف الشريعة وبتعرف يعني شنو حرية الانسان ويعني شنو عدل وامانة وصدق ويعني شنو أمان ويعني شنو انتخابات حرة ونزيهه وبعرف تعاليم الاسﻻم البتقول من غشنا ليس منا ، فمافي داعي تعيدوا وتكرروا في كﻻم وتصريحات ما عندها معنى زي كﻻم متمسكون بالشريعة وانتوا مطبقين قانون التحلل وفقه السترة ، يعني مابعيد تجوا ترفعوا شعار ناكل مما نزرع ونلبس مما نصنع تاااااااني طالما بديتوا تقولوا متمسكين وماضين في التاصيل .. الخ ، الشعب السوداني شبع هتافات وشعارات وشبع شريعة ومشروع حضاري ، بالله عليكم امشوا اعملوا انتخاباتكم وفوزوا واحتفلوا وغنوا وارقصوا بس براكم براكم وخلوا (حليمة) دي في حالها لانها ما فاضية الفيها مكفيها من أزمة غاز لي أزمة خبز لي أزمة ادوية لي أزمة غسيل كلى لي أزمة مواصﻻت لي أزمة بنزين لي أزمة لحوم الحمير ولي أزمة دقيق يعني كل يوم من ازمة لي ازمة ومبروووووووووك الفوز مقدماً في الانتخابات بس نرجوكم ما تفقعوا مرارتنا اكتر من كده .. !!

مع كل الود

صحيفة الجريدة

[email protected]

تعليقات 1 | إهداء 0 | زيارات 1143

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1203468 [المندهش]
0.00/5 (0 صوت)

02-07-2015 07:24 PM
عارفين انهم يحكمون شعبا جاهلا ويخوفونه بنار الله الذى هم لا يؤمنون به اصلا ....انا شخصيا ما عايز الشريعه ولا اى نوع او ادعاء للشريعه وليس هناك شئ اصلا اسمه الشريعه بل هنالك استغلال للدين للتحكم فى الشعوب المتخلفه. اكيد ح ينط لى واحد متخلف اقول لى اتق الله الاخوان المسلمون لعبو بالشريعه ولكن الشريعه السمحه هى التى بطرف الوهابيه او التى بطرف حزب التحرير او داعش اواو اواو اى عصابه اخرى.... وانا اقول له اتق الله او لا تتق الله هذا شى يخصك ولكن الوطن ليس ملكا لكم لتحرقوه بهوسك وغبائكم سوف ندافع عن حق ابنائنا فى العيش الكريم ولو بالسلاح فى وجه هذه الوحوش وسوف نتحالف مع الشيطان ضدهم يا كلاب


ردود على المندهش
[Osama] 02-08-2015 06:23 PM
يسلم قلمك يا مستنير (يحكمون شعبا جاهلا ويخوفونه بنار الله الذى هم لا يؤمنون به اصلا )


نورالدين عثمان ‎
نورالدين عثمان ‎

مساحة اعلانية
تقييم
0.00/10 (0 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة