آه .. يا عبد الرحمن ..
05-01-2015 10:05 AM

دمعة دون المقام .. سكبها قلمي المكلوم في رحيل شاعر الإنسانية والإنسان المطحون في كل مكان أستاذنا / عبد الرحمن الأبنودي .. طيب الله ثراه وتولاه برحمته وغفرانه.. واسكنه أعالي جنانه ..وعوض الأمة فيه خيراً .
***
آه .. يا عبد الرحمن

****
بدموع / محمد عبد الله برقاوي..


***
آه ..أه.. يا عبد الرحمن..
خلاص مليت .. طول المشوار..
قررت تسيب الدار وتروح لدار ..
هدّاك همك في ليل الأشعار..
مشيت ومعاك كتلة أسرار..
أه.. يا عبد الرحمن ..
ما طول عمرك شاعر إنسان..
بتداوي الناس وإنت العيان ..
بتفرّح غيرك وتكون قرفان..
واليوم حاتسيب كل الأوطان ..
لقيت لآمنة هناك عنوان..
أه.. يا عبد الرحمن ..
عبيرك كان أنفاس الطين ..
دمك من كل الشرايين ..
ودمعك من عرق الفلاحين..
أه .. يا عبد الرحمن..
إسمك من نفس الرحمن ..
وحرفك من لغة القرآن ..
ولحنك أنين الغلبان ..
غيابك ..عاصفة أحزان ..
وصمتك غضبة حرمان ..
آه .. أه .. ياعبد الرحمن ..
حاتسيب البنت أمُ ضفائر..
لكاس المر.. في الغيط داير..
والحزنِ في عينيها دوائر ..
والواد عوضين لايص حاير..
فاكر يا عبد الرحمن..
طرحة نعمات بنت الجيران ..
والبسمة الغنيتها زمان ..
ملاية اللف .. فوق الفستان..
ورنة خلخالها .. ويا الكردان ..
ولهّ نسيت ياولدي كمان ..
خبطة مركوب شيخك حسان ..
لما نشخبط في الليحان ..
لسعة كرباجو على الأبدان ..
وشقاوة عيال تلك الأزمان ..
وكنا نشاغل داك النعسان..
غفير سراية البيه رسلان..
ونخبي طاقية عم عتمان
أو نسرق لاسة برعي السرحان ..
وكيف يا عبد الرحمن..
شعورك لما مشيت أسوان ..
ودوغري عبرت على السودان..
ولقيت مواويل اشكال .. ألوان..
من شعر حردلو البطانة..
ومن فصيح الفن والرطانة..
وياما صوتك أشجانا ..
ورغم غيابك .. لسه معانا..
وآه .. آه.. يا عبد الرحمن
لو كان الموت لينا يشاور..
كنا فديناك بكام ظالم جاير..
كيف يا عبد الرحمن ..
وإنت العمدة .. اللابس بلدي..
فيكا بشوف أهلي وناس بلدي..
وصورة ناس اشراف .. ياولدي..
وله أحسن أقولك يا خال..
مش فارقة كتير على كل حال..
عايز أشكيلك سوء الأحوال..
من بعد رحيلك .. يا ما سال..
دمع الحلوات ..وحتى الأطفال..
غير الجدعان شبان .. ورجال..
أه.. يا عبد الحمن ..
في ناس بتموت زي الأنعام ..
ينساها الكل في أقل من عام ..
والزيك يعيش مدى الأيام ..
في قلوب الناس رغم الالام ..
ويا عبد الرحمن خد مني كلام ..
آه .. يا عبد الرحمن ..
عوافي عليك .. وما بيّنا ملام ..
سيبك من همنا .. إرتاح نام ..
آه .. يا عبد الرحمن .. وعليكا سلام ..
***

bargawibargawi@yahoo.com

تعليقات 3 | إهداء 0 | زيارات 1827

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1258083 [nubian]
0.00/5 (0 صوت)

05-02-2015 03:25 AM
ياسلام عليك ىااستاذ برقاوى مبدع في موضوع


#1257934 [الصادق]
0.00/5 (0 صوت)

05-01-2015 06:20 PM
روعه أستاذنا برقاوى


#1257810 [سمير الصعيدى]
0.00/5 (0 صوت)

05-01-2015 11:52 AM
حقيقة والله فقدناوعى بلاغى او بلاغة وعى لايتكرر كثيرا,مع التزام بقضاياالعدل وانتماء للأنسان المكافح


محمد عبد الله برقاوي
 محمد عبد الله برقاوي

مساحة اعلانية
تقييم
10.00/10 (2 صوت)





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة