ود البشير لحس كوعو !ا
03-11-2011 08:27 AM

بسم الله الرحمن الرحيم

دى مصيبة ..ود البشير لحس كوعو
صديق ابوعمار
[email protected]


السودان البلد الواسع صاحب الخير الوفير والوجوه الطيبة يتعرض لنهب مبرمج من أبالسة إختصهم الله بالسرقة والنهب فى وضح النهار ،،، الخطوط الجوية السودانية (سودانير) رغم تعثرها وعدم إنضباطها (فى المشية والجية) إلا أنها صاحبت اصول ثابتة ومنقولة تقدر بملايين الدولارات ، فجأة وبدون إعلان وبدون لجان وبدون ضمير سمعنا أن حرامية المؤتمر الوطنى قد باعوا الشركة للاخوة الكوايتة لزوم التطوير والربح البنشاف بالعين ولم نكن ندرى أن لنا قبيلة باسم الكوايتة، وايضا فجأة وبدون خجل أعلن بنو النضير رجوع المنهوبة لحظيرة الوطن بعد لحس الاصول.. طيب أنا مواطن سودانى وعندى عطية مزين فى سودانير عاوز أسأل البشير قبل أن يسأله الله فى يوم لاوجود فيه لمحمد عطا ولا مدير البوليس ولا الكارثة البلع جامعة الرباط ...والسؤال من إشترى سودانير بتراب الفلوس من جهابزة حزبك؟ وبكم باعوها لنا حرامية حزبك؟ ولو بتخاف المولى يا سعادة الريس شكل لجنة تحقيق من خارج حزبك لملف سودانير وسنمد اللجنة بالغالى والنفيس من الشغل التحت تحت ...
الرئيس البشير أمام شباب وطلاب حزبه وأمام المصلين بجامع والده أقر بالفساد وسط ربعة وإلتزم بإنشاء مفوضية تحت إشرافة لكشف ومكافحة الفساد الذى ضرب حتى آلا بيته ــــ المصيبة أننا إكتشفنا أن أضعف حلاقات الحكم هو البشير نفسه لأن الجماعة الكبار قالوا ليهو مافى مفوضية حتى تلحس كوعك ، والرئيس سحب الوفد المفاوض من الدوحة بعد تأكيدة بأن وساطة الخارج دغمسة فى دغمسة ـــــ المصيبة تأكد لنا أن البشير ليست له ولاية حتى على الملف الجاب خبرو لأن الجماعة الكبار شربوهو من البحر المالح وعادوا للدوحة لزوم الكندشة والكنكشة وصفقات بيع مؤسسات البلد ، الرئيس البشير أسر للامام الصادق نيتة فى إحداث تغيير حقيقى على كل هياكل الدولة لكن العين بصيرة والإيد قصيرة ..
ندوة مبارك الفاضل بمدنى أكدت أن الرجل ما زال يحمل شئ من حتى فقد قال قولا نتمنى أن يثبت الصادق علية لان لا عهد لهؤلاء الابالسة فنحن نريد التغيير الذى يفتح كل الملفات التى يحاول النافعاب والطاهباب والقوشاب إخفائها فالتغيير المنشود لا نريدة حق نقابات ولا أحزاب وإنما المطلوب نزولنا للساحات والميادين لنؤكد أن الشعب يريد إسقاط النظام ..

تعليقات 2 | إهداء 0 | زيارات 3014

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#109852 [بكرى جنى ]
0.00/5 (0 صوت)

03-11-2011 07:22 PM
والله بى مناسبة سودانير دى الاخوة المصريين كان بقولو فى ما بينهم فى مطار القاهرة هناك العروس جات ولا ما جات قصدهم الطياره السودانية وكان شى مخجل البجيك من ناس ما تسوا شى فى العالم بس الحكومة جابت لينا المسخره وكلامك جميل بس زح منو مبارك الفاضل والصادق المهدى ديل


#109675 [محمد السوداني]
0.00/5 (0 صوت)

03-11-2011 09:01 AM
حكومة مرض، وبصراحة أيها الشعب، إنتو راجين من عسكري وهم زي دا يعمل ليكم شنو، مافي عسكري بتفاوض لغتو الوحيدة طاخ تراخ، ومن ثم إنو أنا متأكد تماماً إنو مافي حكومة سودانية، كلهم مجرد عصابة جات بياناً جهاراً، سرقة وفساد، والسنة دي جونا بحركة جديدة في بداية السنة يجو يقولو في عجز في الميزانية، طيب شهر 9 حيكون فيهو الشنو، والله يا شعب شكلكم الأكل حتشحدو، يا عثمان مصطفى إسماعيل ي شحــــــــــــــــــــــــــــــــــــــــــــــــــــــــــاد


صديق ابوعمار
صديق ابوعمار

مساحة اعلانية
تقييم
9.14/10 (18 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة