في



قفة الملاح ..
07-02-2015 01:27 PM

image


قفة ملاح بي كم ..
يا شيخ .. علي عثمان..
هل يوم خطفت قدم ..
وطليت على الدكان ..
أو يوم فقدت فحم ..
والبيت طفى النيران..
في زمن الجراح والهم ..
في دولة ..الإيمان ..
كم طفلِ ما أتعلم ..
لا أتعافى زول عيان..
خلاص طفحنا الدم .
وإنهدت الأركان ..
بقت الكرامة عدم ..
والذل نهار..وعيان ..
ياراجل إتكلم ..
مالك حسير خجلان ..
حققت إيه يا الشم ..
في سكرة السلطان ..
أصلو الكلام ياعم ..
مقصور على الكيزان ..
وباقي الخلوق تنطم ..
في وجعة الأحزان ..
ما ..بلدنا إتقسّم ..
وإتمايزو الكيمان ..
مابين أمير مُتخم ..
ومابين فقير عدمان ..
مشروعك الما ..تم .
وعاديت به البلدان ..
الليلة أضحى عدم ..
والماضي إسمو الكان ..
بقت الحصيلة سقم ..
في جتة السودان ..
لا سبتو لينا فهم ..
نتلم على العربان ..
لاجبتو أي سهم ..
في القارة يعلي الشان..
كاذبين حنثو قسم ..
بالدين تقيمو كيان ..
دغمستو ..شرعو .. ولم ..
تخشو .. العلي الرحمن ..
رسمتو لينا وهم ..
في خارطة الأزمان..
قلتو المعيشة قِسم ..
وحلال علينا كمان ..
وسرقتو من الفم ..
قوت الشقي الصرمان..
غير الفساد العم..
والريحة فايحة بيان ..
ضيعتوا ياما و.. كم ..
من ثروة الأوطان ..
في الإقتتال والخم ..
بالفوضى .. والبهتان..
لا قدرنا عاد نتلم ..
في الدار عظيمين شان..
ولا عدنا نتألم ..
في الغربة يوم ننهان ..
قفة ملاح بي كم ..
يا شيخنا ما ك دريان ..
هل فيها عيش ولحم ..
أم فيها بوش ولسان ..
أم فيها جرعة ســم ..
تريح .. القرفان ..
هل تدري يا مهتم ..
بالمبدأ ..والأخوان..
انو الطعام دا..أهم ..
والأمن .. للإنسان ..
والمولى بيها ختم ..
أيات من الفرقان ..
لكن .. زمانا حكم ..
وما ألطف المنان ..
يوم ..نحن نتظلّم ..
فوق كفة الميزان..
الكوز كما المُعدم ..
يوم النشور سيّان ..

***
2/7/2015
bargawibargawi@yahoo.com





تعليقات 2 | إهداء 0 | زيارات 3469

خدمات المحتوى


التعليقات
#1297865 [TAHER OMER]
0.00/5 (0 صوت)

07-04-2015 10:26 PM
ياسوداني متي تتخلص من روح القطيع؟ انت مازلت زعلان لأني شتمت راجل امك عبد الله علي ابراهيم. ما اتحدث عنه تاريخ فكر اقتصادي ليس له علاقة بالإلحاد. اما فهمك للدين فهم متخلف عشان كدى قلت ليك يا جاهل اتخلص من روح القطيع


ردود على TAHER OMER
[سوداني] 07-05-2015 12:28 AM
رد علي المدعو TAHER OMER
1. دع امي في حالها _ رحمها الله واكرم مثواها
2. اياك عني الذي قال:

وإذا أتتك مذمتي من ناقص ... فهي الشهادة لي بأني كامل



#1296901 [TAHER OMER]
0.00/5 (0 صوت)

07-02-2015 05:08 PM
يقال ان علاقة الفقر علاقة طردية بالفكر الديني. دولة الانقاذ في زمن يتحدث الناس عن اقتصاد الرفاه رجعت الناس لقفة الملاح وكيس الصايم.وهنا تتضح علاقة الفكر الديني والولة الدينية والفقر


ردود على TAHER OMER
[سوداني] 07-04-2015 05:10 PM
1. من يقول هذا يا سيد الجاهلين؟
2. هل السعودية او الكويت او قطر او اسرائيل او الفاتيكان افقر من سائر الدول العلمانية؟
3. "الدين سارق قوت الشعوب"
حجة لن تستطيع بتواضع معطياتك العقلية (والتي تصرخ بها مداخلاتك وفطير كتاباتك) ان تثبتها حتي وان صحت
so go back to your
pathetic name dropping

4. القصيدة (الرائعة حقا!) عن الاسلام السياسي واستغلاله من قبل تجار الدين لتكبيل واشقاء وافقار الناس، وليست زريعة للتبشير بالالحاد.
5. نعمت في الشقاوة يا اخو الحهالة92


محمد عبد الله برقاوي..
محمد عبد الله برقاوي..

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة