08-14-2015 01:23 AM

لم أر نظاما أكثر غباءا من هذا النظام، بعد أن يقوم بالفعل القبيح ويتنكر لفعلته تلك لفترة من الزمن كما حدث فى انتفاضة سبتمبر 2013، حيث روج الى أن القتلى جميعهم أولاد شوارع و(بلطجية) أعتدوا على مراكز الشرطة وعلى محطات الوقود، ومعلوم أن مثل ذلك السلوك عادة تقوم به أجهزة الأمن لكى تجهض أنتفاضة أو ثورة ولكى تقنع العالم الخارجى بالعنف الذى مورس ضد الذين شاركوا فيها.

مثل إعترافه (المفاجئ) السابق بما فعل بشهداء دارفور وبعد مرور عامين وقبيل ايام قلائل من ذكرى (إنتفاضة) سبتمبر التى قال عنها (سفيرهم) فى جنوب (مطرف صديق) بأنها كادت أن تسقط (النظام) خرج (كبيرهم) هذه المرة دون أن يقدم أعتذار واضح ما فيهو (دغمسة) متعهدا بسداد تعويضات لأهل الضحايا، فالنظام كعادته ظن كل شئ فى السودان بإارهاقهم للناس، قابل للشراء وأن كل الناس فى السودان قابلين للبيع كما صرح نائب رئيس (النظام) السابق بأنهم عرفوا (ثمن) كل سودانى كم، وهو يقصد أحزاب (الفكه) والأرزقيه والمأجورين الذين لا أتوقع أن يكون من بينهم ذوى شهيد فى أى درجة كانت.
(تعويضات مرفوضة)
تحاسب مين تعوض مين
حاول مرة ياخ أخجل
تعوض مين تحاسب مين
وإنت القاتل الأول
منو العميان عشان يقبل
عشان دم الشهيد ينباع
رخيص فى السوق
حاول مرة بس أرجل
ومهما تسوى أو تفعل
مصيرك بكرة تترجل
شباب سبتمبر الأعزل
هتافو السلمى كان أرحل
شباب زى الورد فتح
صبح مذبوح
دمو يكب روى المشتل
شباب من العلم ينهل
كان بقرأ وكان بعمل
وكان بحلم بى وطن أجمل
وغيمتو تقيف وما ترحل
عشان تروى الحقول وترش
تساعد ماسك المنجل
متين تخجل
منو القال ليك فى دم للبيع
منو البقدر
وكيف أم الشهيد تقبل
منو البمسح ديمعاتا
من البحسب نيجماتا
يساهر الليل معاها شهود
راجية جناها حقو يعود
لا ضائع ولا منقوص
عارفه شهيده فى الفردوس
كلو مناها كان تحلم
تشوفو عريس وجنبو عروس
وكان قبلت قصادو فلوس
محال فى يوم تكون أمو
متين سودانى باع دمو
مهما صعبت أحوالو
وكتر همو
متين تمشو
وتفارقو بلدنا تتلمو
متين سودانى با ع دمو
تحاسب مين تعوض مين
حاول مرة ياخ أخجل
تحاسب مين تعوض مين
وإنت القاتل الأول.


تاج السر حسين
12/ أغسطس/ 2015
[email protected]

تعليقات 3 | إهداء 0 | زيارات 2251

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1320840 [زول]
0.00/5 (0 صوت)

08-14-2015 11:14 AM
تنازل سيادته وتكرم بالتعويض لاسر الضحايا مع اصراره على انهم مخربون بدليل انه ربط التعويض بمحاسبة من تسبب بتخريب المرافق العامة وهو بهذا يعتبر هبة سبتمبر محاولة تخريبيه


#1320756 [حاج علي]
0.00/5 (0 صوت)

08-14-2015 06:49 AM
الكرنكي المنحط كان قد كتب وبالخط العريض تبت يد المخربين
اقول منحط لاني اعرف عائلته في مدني


#1320751 [أنا السودان]
0.00/5 (0 صوت)

08-14-2015 05:12 AM
طيب ليه السيسي لما طلع قرار بتعويض أسر القتلي والضحايا في المظاهرات ما طلعت كتبت قصيدة زي دي؟؟؟
ولا ليهو حلال ولي غيرو حرام؟؟
الكيل بمكيالين


ردود على أنا السودان
European Union [أنا السودان] 08-15-2015 01:20 AM
يا حاج علي يا دحش القاليك منو السيسي أنقذ مصر ،، والله انك دحش عليك كتيرة،، وأتحداك سوف تري ماذا سيفعل المصريين بالسيسي عما قريب ،،،
ات شن بفهمك في السياسة يا إمعه
بعدين الكويتب البتقول علي سوداني مصري اكتر من المصريين لو متابع لي كتاباته ومن مؤيدي ومعجبي السيسي وما ناكرها عديييل ،،تطلع ات يا دحش تقول الكاتب سوداني ما مصري؟؟
اظنك اول مرة تقرا ليهو مقال وداخل بي موبايل

[زول] 08-14-2015 11:17 AM
السيسي ما مفووض يعوض الكيزان لانهم سبب البلاوي وقاموا قتل المئات من المصريين مدنيين وعسكريين وكانوا يحملون الاسلحة والقنابل

[حاج علي] 08-14-2015 09:46 AM
الكاتب سوداني وليس مصزي
السيسي عسكري والبشير عسكري
الفرق السيسي انقذ مصر من حكم الظلام والاخوان المخربيين
البشير اتي بهم لتخريب البلد ونشر الفساد والتدمير
مافي ميكيالين ولا تلاتة يا حمار


تاج السر حسين
تاج السر حسين

مساحة اعلانية
تقييم
10.00/10 (1 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة