03-20-2011 10:57 AM

جرد حساب

نجم الدين جميل الله
[email protected]

دخلوا جميعا من الباب الخلفي , اشهروا اسلحتهم في وجه الشعب المسكين و حاكمه المنتخب

إستسلم الجميع و سلموهم مفاتيح البلد , دخلوا السوق من اوسع ابوابها ( الخصخصة) و طلبوا من الشعب ان يدخل الجامع و قراء احدهم الاية \" ما خلقت الجن و الانس إلا ليعبدون \"

حرموا الحلال و احلوا الحرام ..... ثم جاءوا بشريعة ما انزل الله بها من سلطان

و غداة تقسيم الادوار هللوا و كبروا و قالوها هي لله هي لله ... فظن البعض ان إصلاحاً قد يحدث !!!

و بعد عشرون سنة منها تعالوا نجرد الحساب :

الجنيه السوداني = نصف دولار ( يا حليل زمان الجنيه = 3 دولار)

من بين افضل خمسمائة جامعة في العالم لا توجد جامعة سودانية ( زمان جامعاتنا تنافس في المئة )

الصحة و التعليم كانتا مدعومتان من الدولة ( بقى الصحة و التعليم يدعمان الدولة ) رسوم دراسية و جبايات في باب كل مستشفى

يومها لا توجد حرب في البلاد إلا حرب الجنوب و اليوم ( جبال النوبه , الشرق , كردفان , دارفور , ابيي) و الجايه ديك الله يستر

يومها كانت البترول تحت الارض و الناس بخير ( اليوم البترول تحت الكرش و الناس كالطير )

يومها كانت كل اجهزة الدولة قومية ( اليوم تعرف بعض الاجهزة من لونهم )

يومها كانت حلايب و الفشقه اراضي سودانية ( اليوم .... بصراحة ما عارف ) سودانية قال !!!

يومها كانت المواسير رمزاً لمحاربة العطش ( اليوم المواسير رمزا ً من رموز المعاناة

يومها كانت القاهرة تكتب و بيروت تطبع و خرطوم تقرا ( اليوم الخرطوم تطرد و القاهرة تثور )

يومها كنا صبى نغني منقو قل لا عاش من يفصلنا ( اليوم منقو ذاتو بقى مافي )

يومها إسم السودان في قائمة الدول النامية ( اليوم اسم السودان على قائمة الدول الراعية للارهاب )

يومها رئيسنا يسافر زي ما عاوز ( اليوم رئيسنا ما قادر يسافر لحد يوغندا )

يومها كنا نشوف الخواجات في الافلام بس ( اليوم حتى جيرانا خواجات )

يومها كنا نستقبل اللاجئين من كل دول الجوار ( اليوم نحن لاجئون في كل دول الجوار )



نكتفي بهذه الامثلة عسى ان لا تفقع البقية مرارة القارئى

و نعاود مقولة حاج منصور يوم سمع البيان الاول \" الله يستر \" البلد دي ماشة غلط

يا ريت صدقناك يا حاج منصور و عرفناها ماشة غلط من يومها .... لك التحية

نداء اخير :

دولة الظلم البغيضة ,,,, نهدمها يوما في دقيقة

و يبقى كل الشعب حر مافي عبدا مافي سيدا

كفاية حكما كلو عربي كفاية حكما كلو نوبه

خلونا نحكم بالتساوي كل حزب و كل قبيلة

نبني سودان متعدد فيهو رملة و فيهو طينة

تعليقات 0 | إهداء 0 | زيارات 1057

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




نجم الدين جميل الله
مساحة اعلانية
تقييم
4.73/10 (21 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة