المقالات
السياسة
بحبِك يا بلادى أنا..!!
بحبِك يا بلادى أنا..!!
09-30-2015 11:49 PM

وحات الله..
وحات سيدى رب البيت..
بحب وطنى..
بحبِك يا بلادى أنا..
وزيك أصلى ما لاقيت..
رغم الأهة والمحنة..
والشفناهو فى العهد الجديد نحنا..
ولا ارتحنا..
دخلنا حروب.. شُفنا دمار..
عِشنا نزاع ..
بلا استقرار..
لمن ضاع..
جنوبنا عديل..
أبداً هل نسيت توريت..؟
فيكى بغنى يابلدى..
بقول دوبيت..
زى ما غنى قبلى خليل..
قال فى العازة أحلى كلام..
وزيك يا خليل قُلت..
برضى أصيل..
أمى العازة يا سيدى..
أنا المفطوم بموية النيل..
بحِبك يا بلادى أنا..
من منواشى لى أشكيت..
بحب نيلك بحب ليلك..
بحب القاش بحب سيتيت..
بحب ناساً ولا هينين..
برضى سألت يا اسماعين..
زى ما قلت إنت قبيل..
تصور كيف يكون الحال..؟
لو ما كنت سودانى..
لو ما جيتا من زى ديل..
ديل أهلى ..
ساعة المُرة بلقاهم..
لا بتضاروا لا بتواروا..معروفين..
خلو الغير يقول ياريت..
يكون سودانى ديل أهلوا..
بحِبك يا وطن شامخ..
وحات ربى سيد البيت..

بلا أقنعة..
صحيفة الجريدة..
[email protected]

تعليقات 0 | إهداء 0 | زيارات 579

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




زاهر بخيت الفكى
زاهر بخيت الفكى

مساحة اعلانية
تقييم
10.00/10 (3 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة