10-02-2015 10:45 PM


بسم الله الرحمن الرحيم



إذا كان لزوجة السفير جواز دبلوماسي ألا يحق لنا أن نسأل هل لسائق الوزير جواز دبلوماسي أم لا؟ وهل لشغالة الوزير جواز دبلوماسي أم لا؟ وخالاته وعماته وأعمامه واخوانه من الرضاعة أليس لهم جوازات دبلوماسية؟
وإذا كان لزوجة الوزير جواز دبلوماسي هل له ضوابط كاستخدامه عند مرافقة الزوج فقط وعندما يكون في مهمة رسمية؟ وإذا كان للوزير أكثر من زوجة مثلاً أربع زوجات هل ستعطى كل زوجة جواز دبلوماسي وكل سائق وكل خادمة وكل دادة والخالات والعمات والأعمام والأخوال؟
طيب عندنا كم وزير؟ وكم سفي؟ وكم والي؟ وكم مستشار؟ وكم معتمد؟ ومعتمد رئاسة؟ لو كل واحد من هؤلاء أعطوه جواز دبلوماسي تفتكروا عايزين كم برميل حبر أحمر لتلوين الجواز الدبلوماسي؟
طيب ما نقعد نحسب حملة الجوازات الدبلوماسية وأتباعهم هل هم أكثر أم ما بقي من الشعب ونلحق ملحقية أو مفوضية الجوازات الدبلوماسية بوزارة الخارجية؟ لا لا دي فكرة ما كويسة لأن وزارة الخارجية على شارع الجامعة ومحلها ضيق والشارع مزدحم ومهم نقوم نعمل وحدة جوازات دبلوماسية استخدام سفرية واحدة متل ملاعق البلاستيك وكاسات الشاي والحقن (ون يوز). تجي زوجة الوزير أو الزول المهم المو ولد تسعة وتقيف بي شنطتها ورافعة نخرتها وإن شاء الله شنطتها فيها هيروين أو سبائك ذهب خالص هو في وزير أو اتباعه بعمل حاجة غلط؟!
انتو مجانين أما قرأتم الاعلان يوم تعينه وكيف تمت تهنئته على ثقة رئيس الجمهورية بتعيينه في زول رئيس الجمهورية وثق فيهو بعمل حاجة غلط هو أو أحد اقربائه ثقة الرئيس فيه قريبة من جعله ملكاً لا يأكل ولا يسف ولا يلهط ولا يعمل حاجة غلط.
بعدين الضباط العايزين يفتشوا شنط الملائكة ديل بجيبوهم من وين الضابط الملازم او العقيد ما أخدوا دورات في كيفية التعامل مع ملائكة. ديل مش يوقفوهم من العمل ديل يجردوا من الرتب ويرجعوا يدرسوا في الكلية تاني وخصوصا كورس اسمه مستجدات المجتمع السوداني. وخصوصا باب التعامل مع زوجات الوزراء ووزراء الدولة.
بالله ضابط خريج كلية الشرطة وعلى كتفه عدة نجوم وآخر على كتفه صقر ونجمتين ما عارفين يفتشوا منو ويخلو منو أنتم مهمتكم فقط تفيش شنط معينة بها سروال وعراقي وبالكتير جلابية جلابيتين وعمه. النوع دا تكرهوا اليوم الجابو المطار وخلاه يقطع تذكرة بالدين علشان يخرج ويفضي البلد لزوجات والوزراء ووزراء الدولة يستمتعوا بالمناظر الجميلة والشوارع المظللة بالنيم واللبخ.
ما رائيكم في كسرة ثابتة مثل حقت جبرة الجابت بعض من حقها أخيراً.
كسرة:
أها الوزير ومرتو ست الجواز الدبلوماسي سويتو ليهم شنوووو


[email protected]


تعليقات 10 | إهداء 1 | زيارات 2428

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1349043 [وحيد]
0.00/5 (0 صوت)

10-04-2015 04:15 PM
يا عزيزي الفاضل البلد كلها فقدت هيبتها و كرامتها حين تسلق الى السلطة عديمي القيمة ... عشرات الاف الدستوريين الفاشلين و المسئولين غير المسئولين و اصبحت المناصب دليل على الفساد و الفشل بعد ان كانت دليل على الكفاءة ... الجواز الدبلوماسي يعطى لمن يستحق ... بحكم المهنة و الاعباء فاصبح يحمله كل من هب و دب فاصبح مهزلة مثل مهزلة رئيسنا الهارب من كل محفل دولي ..


#1348904 [د.هاشم حسين بابكر]
0.00/5 (0 صوت)

10-04-2015 10:42 AM
الدبلوماسية أخي محمد هي وسيلة فض النراعات لا ادخال الناس السجون,ولكن في السودان في دبلوماسيه من نوع آخر ,فهي للاستعلاء علي الآخرين والعنطزة كم من زوجة رئيس في أوروبا احتجزت في المطار وتمت مسائلتها قانونيا,وكم من رئيس ووزير وجهت اليه اتهامات كانت السبب في استقالته؟رئيس وزراء بريطانيا سافر الي مدينته في اجازه وق
اشتري تذكرة في الدرجة السياحية وجلس بين الركاب العنقاله لأنو احوالو المالية لا تسمح له بشراء تدكرة الدرجة الأولي,تخيل أي فنطوط من وزرائنا او معتمدينا عاوز يسافر تقوم الوزاره ولا تقعد حتي عودته وكثيرآما تم تعطيل الطائرة لأن سيادتو لسه ما شرف.الدستوريين في السودان فاق عددهم الثلاثة آلآف والجوازات الدبلوماسية فعددها علمه عند الله.وليست قاصرة علي الوزراء والدبلوماسيين فقط فكبار ضباط الجبس والشرطة والأمن يحملون حوازات دبلوماسية الكل يحمل جوازآ احمر ما عدا انا وانت أنا الجواز العادي عانيت معاناة عشان اطلعوفال ايه الأصبع السيايه فس اليد الشمال ما مطابق قي البصمه مع اليمين قلت للعقيد يا جنابو هو اصلوا الاصبع ده ما فبهو بصمه لانو مقطوع من وين جابولو بصمه عشان تطابقوه بيها ومددت الأصبع كدليل مادي علي ما أقول وهنا كتب لناس البصمة تجاوزوا البصمة.رأيك شنو بعد ده كلو تتكلم عن الجوازات الحمراء انت ما عازف انو ده خط أحمر.


#1348890 [أبو محمد الأصلي]
0.00/5 (0 صوت)

10-04-2015 10:17 AM
انتو بتبكوا مالكم على الجواز الدبلوماسي مش عندنا راس دبلوماس الراس ده مش لازم يكون عنده كرعين ، وجسد خوار ، والجسد ده مش لازم يكون عنده مخارج مشتهية السخية الحارة ولا كلام بس هي الدبلوماسية دي لازم تكون في السفارات والشمارات ، صدقوني برضه في حفرة دخان دبلوماسية وصندل ودلكة وكبريت لزوم اللقاءات الدبلوماسية هههههههههههههه وتيب .


#1348851 [nagisidahmad]
0.00/5 (0 صوت)

10-04-2015 09:16 AM
لقد ثبت بالدليل القاطع أن هذا الوزير مهو إلا مجرد " تيس " ومرتو " غنماية "...قايم جاي المطار ... طيب لو طلقتها حتعمل إعلان في الصحف السيارة وصفحات الشبكة العنكبوتية أن " النعجة " " دوللي " لمن تعد حرمكم المصون ,,, وعلي السادة ضباط المطار تفتييشها وتفييشها !!!؟؟؟

تيس دولة بالمالية.

عرفنا سبب تدهور اقتصادنا.


#1348554 [كاســترو عـبدالحـمـيـد]
0.00/5 (0 صوت)

10-03-2015 02:28 PM
طبعا السودان فى عهد هذا النظام ممكن يدخل موسوعة جينز فى كثير من المناسبات . وسوف اذكر بعضا منها والقراء سوف يتابعون : وبما ان المقال اليوم عن النسوان فسوف تكون موسوعة جينز عن النسوان :
دخلت موسوعة جينز زوجة شقيق البشير ونالت اول رتبة فى العالم الغربى والشرقى والعربى والأسلامى وهى رتبة : فريق شرطة .


#1348500 [م. نور]
0.00/5 (0 صوت)

10-03-2015 11:47 AM
زوجة السفير ما خرجت انها ست بيت ولا يحق لها حمل جواز سفر دبلوماسي. هذا من افات الانقاز


#1348471 [الطريفى ود كاب الجداد]
2.00/5 (2 صوت)

10-03-2015 10:50 AM
"ما رائيكم في كسرة ثابتة مثل حقت جبرة الجابت بعض من حقها أخيراً.
كسرة:
أها الوزير ومرتو ست الجواز الدبلوماسي سويتو ليهم شنوووو"
يعنى عامل فيها بتظارف وبتخفف فى دمك ياسمج؟
دهية تخمك وتخم الفاتح جبرا معاك لانو انتو الاتنين زى المشطاطات تلوكوا وتعجعنوا فى الفارغة
قوم شوف ليك حجار ولا حصى تقطع بيهم الجمار فى خلاء اللعوتة


#1348445 [بنت الناظر]
5.00/5 (1 صوت)

10-03-2015 10:06 AM
خليكم من الجواز الدبلوماسى الأدوهوا لكل من هب ودب فى زمن التتار العجيب..

واحدة من محن التتار ..فى معرض بإحدى الدول قابلتنا زوجة قنصل سودانى أعطتنا كرتها عليه شعار سفارة السودان وفيه تلفوناتها ومكتوب عليه زوجة قنصل السودان مع العلم إنها ربة منزل!!!
يكون ياربى بتصل عليها الرئيس ولا وزير الخارجية ليعرف منها سير العمل فى السفارة ولا شنو ؟؟؟إنها محن الكيزان ...


ردود على بنت الناظر
Russian Federation [حكم] 10-03-2015 05:26 PM
اختنا بت الناظر سلام
انتى قايلة السفارات الممشيها منو؟ زوجة السفير
مرات تتلغي اشياء مهمة في السفارة عشان الشوبنق بتاع المدام
ماسمعتي مشكلة الموظف الادارى مع زوجة السفير وبسببها طلب اللجوء في دولة اوروبية؟ المشكلة كانت في التسعينات في سفارة السودان بماليزيا
اما مشاكل نساوين الدبلوماسيين البتنعكس على شغل السفارة، دي حاجة عادية


#1348307 [حكم]
5.00/5 (2 صوت)

10-03-2015 12:22 AM
جواز دبلوماسى مين؟
جوازك الدبلوماسى اخدوه حتى الموظفين المحليين فى السفارات السودانية
بلد هاااااملة ، مولد وسيده غايب


#1348302 [انقاذي سادر في فساده]
5.00/5 (2 صوت)

10-03-2015 12:00 AM
سكان مدينة مانشستر يباركون لابن منطقتهم البار الشيخ الورع صائم الاثنين والخميس بثقة رئيس الوزراء واختياره وزيرا للصناعة وسيقوم المواطنون بتكريم ابن المنطقة البار وستنصب السرادق في الساحة البنفسجية احتفالا بهذه المناسبة الكريمة ،وصرح الفريق معاش المعتمد بان يوم غد سيكون اجازة لكل العاملين بمرافق الدولة ليعبروا عن فرحتهم وكذلك طلبة المدارس والجامعات والله اكبر والموت للخونة والعملاء


احمد المصطفى ابراهيم
احمد المصطفى ابراهيم

مساحة اعلانية
تقييم
10.00/10 (1 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة