في


المقالات
السياسة
ما بنحاورك
ما بنحاورك
10-11-2015 07:32 AM

قصيدة جديدة: ما بنحاورك

قبل الدخول إلى القصيدة أرجو التنبيه إلى أنني لست د. معز حسن بخيت الناطق الرسمي باسم وزارة الصحة، وشكراً
__________________________________________

ما بنحاورك
_________
شعر: معز عمر بخيت
_________

ما بنحاورك
وما بنقيف قدامك لحظة
وشعبنا ناكرك
وما بنغطي عيوبك ونطلع
من أعصابنا
ونبقى حوارك
نغض أبصارنا
وننسى ديارنا
واهل الحوبة العاشوا جوارك
فقرانين بالذل عايشن
يا تاجر الدين النهب شعارك
وظلمك وجورك غطى حضورك
ما ناسين والله مجازرك
يونيو الاسود كتل احلامنا
وروح اسلامنا
وجاب من آخرك
ولسة تحاول
لا في ايدك فاس لا معاول
لا بتفزعنا ولا بتنفعنا
ولا في الدنيا ح نمشي مسارك
وشعبك ضايع وجايع وخاضع
لكن ساترك
لا طيبت مواجع الأمة
لا شبّعت بطون بأوامرك
لا فكيت من حاير غمة
لا داويت مجروح بمشاعرك
تقتل وتنفي
وتسرق وتخفي
وذنبك عاصرك
وربنا عالم انت الظالم
وانت ضميرك ميت وهاجرك
بالوسواس ومهانة الناس
والخناس في شرّك باهرك
ما تتصور انك خالد
وحكمك والد
وما تتخيل ليلك سامرك
ما بتدوم والله الدنيا
ولاك الواحد وسيّد خاطرك
ما مسامحنك
وما راضين
عن سختك وجنك
ولا التاريخ يا غادر عاذرك
ما بنحاورك
وما بنحرك ساكن حولك
لو تعفصنا بحدوة حافرك
وما بتلاقي سلاطين غيرنا
وما ح يجيك في المشهد خيرنا
فسادك غامرك
والعصيان راجيك يا جاير
والشيطان مستحلي مظاهرك
كل العالم منك نافر
وشعبي الطيب ما هو مآذرك
كيفن ترحل عن دنيانا
ما عايزنك تاني معانا
بئس اليوم الجاب اقدارك
ملعون الحس الميت وغايب
ملعون الخوف الولع نارك
ابعد و ارحل
اضحك وازعل
ودوّر ظارك
اطلع مارق زمنك فارق
صوت كشكوشك ورنة طارك
ما بنحاورك
ونبني محاورك
وما بنعيش أبداً في مدارك
ما بنحاورك
ونبني محاورك
ما بنعيش أبداً في مدارك
.....
معز عمر بخيت
moizbakhiet@yahoo.com


تعليقات 17 | إهداء 1 | زيارات 3145

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1352695 [عبدالباقي حسن]
5.00/5 (2 صوت)

10-11-2015 11:22 PM
تسلم يا دكتور من معز حسن بخيت..و البلخبط بينكم الا يكون قاصد


#1352493 [عمدة]
4.00/5 (3 صوت)

10-11-2015 03:42 PM
حاشاك ان تكون معز حسن بخيت شقيق كمال حسن بخيت. فذاك سليل اسرة تمرغت فى حضن الدكتاتوريات فاجادت لعق البوت ولحس الكوع بجدارة


ردود على عمدة
[منكر] 10-11-2015 09:41 PM
المعز عمر بخيت بروفسير فى علم الطب و تخصص فى السويد و يعمل فى البحرين..و هو ابن اخ جعفر محمد على بخيت مهندس الحكم المحلى فى فترة نميرى اما كمال حسن بخيت فهو قريب عمر البشير و مستشار صحفى للبشير فى احدى الفترات و اخيه يعمل ناطق رسمى لوزارة الصحة ولاية الخرطوم و بروفسير معز عمر بخيت لا يشبه الاخرين فى اى شئ


#1352477 [QUICKLY]
5.00/5 (2 صوت)

10-11-2015 03:23 PM
ياسلام عليك يابروف ابدعت وابدعت
البشير الدلاهة واديتو حقو تمام


#1352424 [كوكاب]
5.00/5 (3 صوت)

10-11-2015 02:08 PM
اطمئن تب يا خوي نحن نعرف ان نميز الخبيث من الطيب .


#1352420 [محمدالمكي تبراهيم]
5.00/5 (3 صوت)

10-11-2015 02:01 PM
شعر الثورة الحقيقي بلغة الناس معبرا عن مواقف الناس.ارجو من الاخوة في المؤتمر السوداني ان يقوموا بالقاء هذه القصيدة وامثالها في المخاطبات الشجاعة التي يعقدونها في الاسواق والميادين فهي كلام من القلب من شأنه ان يصل دون عناء الى قلوب الجماهير


#1352391 [مدحت عروة]
5.00/5 (3 صوت)

10-11-2015 01:19 PM
انت أ.د. معز عمر بخيت وداك د.معز حسن بخيت والفرق واضح بين الاسمين الا على الذى على قلبه وعقله غشاوة والله يديك العافية وكفيت ووفيت!!!


#1352384 [يا خبر بفلوس]
5.00/5 (3 صوت)

10-11-2015 01:14 PM
ما مسامحنك
وما راضين
عن سختك وجنك
ولا التاريخ يا غادر عاذرك
ما بنحاورك
وما بنحرك ساكن حولك
لو تعفصنا بحدوة حافرك
وما بتلاقي سلاطين غيرنا
وما ح يجيك في المشهد خيرنا
فسادك غامرك
والعصيان راجيك يا جاير

خطيييييييييييييييييييييييييييييييرة يا معز .. الله يديك العافية صنقع ودنقر وانجر ليك واحدة ثانية


#1352374 [حامد عوض]
5.00/5 (2 صوت)

10-11-2015 01:04 PM
ده الكلام .. لانك راجل أبن راجل ووالدتك زاتها راجل.


#1352353 [النيل ابونا والجنس سوداني]
5.00/5 (1 صوت)

10-11-2015 12:32 PM
الفرق شاسع يادكتور معز يااصيل و شتان مابين الثرى والثريا.


#1352286 [ابو محمد]
0.00/5 (0 صوت)

10-11-2015 10:50 AM
هذا ليس بشعر فهو كلام الطير فى الباقير اى انسان ممكن يكتب هذا الكلام فقط يكون فاضى ليس له عمل


ردود على ابو محمد
[محمد العربي] 10-11-2015 04:40 PM
حرقك يا عرة ....دا البروف المعز عمر بخيت يا وهم ...ابحاثوا مالية الدنيا تقول علية فاضي ...

United States [عمدة] 10-11-2015 03:44 PM
مسكين محمد الماعندو ابو.

European Union [بادي ابو شلوخ] 10-11-2015 03:16 PM
هههههههههههههههههههههههه
كلام الطير في الباقير دي ... حسب تزوقك للشعر
ممكن نعتبرها دراسة نقدية ووجهة نظرانت حر فيها ...
لكن (فاضي وليس له عمل) دي كتيرة شوية
عليك الله يا ابو محمد اقرا السيرة الذاتية بتاعت البروف معز
وشوف عملوا شنو ؟؟؟
سبحان الله

[مدحت عروة] 10-11-2015 02:26 PM
لكن يا ابو محمد شعر او ما شعر لكنه كلام فى التنك وبعدين معز عمر بخيت ما زول قاعد فاضى بدون عمل ولا يكون الكلام بتاعه حرقك؟؟؟؟


#1352283 [طلال]
5.00/5 (2 صوت)

10-11-2015 10:45 AM
د.معز عمر بخيت المتلك ما بحتاج يقول هو منو......نحن بنعرف نقرا الديباجة وبنعرف الفرق بين الدكتو.......والتور


#1352269 [سارى الليل]
5.00/5 (2 صوت)

10-11-2015 10:18 AM
جميل جداً.


#1352253 [بادي ابو شلوخ]
4.75/5 (3 صوت)

10-11-2015 09:59 AM
لله درك ابن السودان البار أ.د. معز عمر بخيت
دائماً حاضر بجانب شعبك

(قبل الدخول إلى القصيدة أرجو التنبيه إلى أنني لست د. معز حسن بخيت الناطق الرسمي باسم وزارة الصحة، وشكراً)
شن جاب لي جاب ...
اينطبق الثرى والثريا...


#1352229 [damar]
5.00/5 (3 صوت)

10-11-2015 09:33 AM
روعة واقول تعم مابنخاورك ولا بناورك يا نيس الخلاء


#1352207 [عبدالله احمد]
5.00/5 (2 صوت)

10-11-2015 09:02 AM
تسلم يا دكتور على القصيدة المعبرة وارجو ان تكون كلمة ( ما بنحاورك) شعارنا الذي نواجه به البشير وعصابته من المخبولين والواهمين . لان حوارنا يجب ان يكون مع كائن شجاع ذي عقل و حكمة وليس مع رعديد خائن .


#1352182 [ابو عبد الله]
5.00/5 (3 صوت)

10-11-2015 08:26 AM
لا مجال للمقارنة مطلقاً بين الدكتور العالم الشاعر معز عمر بخيت
وبين بوق من أبواق الانقاذ


#1352170 [sasa]
5.00/5 (3 صوت)

10-11-2015 08:05 AM
مبدع صنديد والله ،، تفتقدك المنابر يازول يا مبدئي،، كسرة: التنويه حلو ،،،


أ.د. معز عمر بخيت
 أ.د. معز عمر بخيت

مساحة اعلانية
تقييم
10.00/10 (7 صوت)





الرئيسة |المقالات |الأخبار |الصور |الفيديو |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة