02-23-2016 11:31 AM


(ملحمة السدود)

ما بنتفاوض وما بنَسَاوِمْ
عن أرِضْنا نذود نقاوِمْ
***
أرْض البطولات والحضارة
وناسنا ما بيرضوا الحقارة
جموعنا خرجت بي جسارة
وسيفنا وقت الحارة حاسِمْ
***
ما بنتفاهم وما بنَسَاوِمْ
عن أرِضْنا نموت نقاوِمْ
***
أولاد كِرام ما فينا ذَمْ
ومن عِفَّة ما بناكل الرِمَمْ
رغم الظروف عاليين هِمَمْ
وشافعنا في الحوبات مُصادِم
***
ما بنِتْراجع وما بنَسَاوِمْ
نفديها بدمانا ونقاوِمْ
***
هيّا وحّدوا لي صفوفكم
وأقيفوا متراصات كتوفكم
مسنونة مرفوعات سيوفكم
نحميها أرْضَنا والمحارِمْ
***
ما بنِتْهاون وما بنَسَاوِمْ
نفديها بالأرواح نقاوِمْ
***
مهيرة والكنداكة ثارَنْ
ومن نضال قط ما توارَنْ
بناتنا مِنَّهِنْ اسْتنارَنْ
ورِضْعَنْ العِفَّة ومكارِمْ
***
ما بنَجامِل وما بنَسَاوِمْ
عن أرِضْنا نموت نقاوِمْ
***
جموعنا أعلنت الكفاح
وسنِّينا أطراف الرماح
فجر الخلاص لعيونا لاح
وبنصد عدونا ان جانا هاجِمْ
***
ما بنِتْنازل وما بنَسَاوِمْ
نفديها حتى الموت نقاوِمْ


[email protected]

تعليقات 0 | إهداء 0 | زيارات 966

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




عزالدين حسن محجوب
مساحة اعلانية
تقييم
0.00/10 (0 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة