في



كجبار..النقاش أولاً..!!
02-17-2016 09:58 PM


:: ليس بالإجماع، ولكن - للأمانة - الكثافة المناهضة لبناء سدي دال وكجبار بأرض المحس هي الأكثر عدداً ثم الأعلى صوتاً..ولأن سياسات الحكومة في كل قضايا رعيتها دائما ما تغلف الخدمة بالظلم، وبذلك تقتل الثقة في نفوس الناس، وتجعلهم لا يستبشرون خيرا حتى بالمشاريع التنموية..ولذلك، رغم إختلاف المواقف بمناطق المحس، فالمؤيد لدال وكجبار يجد العذر لمن يرفضهما..!!

:: فالأهل في ذاكرتهم تجربة السد العالي..تلك التجربة التي ذاق مرارتها أهل حلفا، وذاق حلاوتها غير بني جلدتنا الذين نكثوا العهود والمواثيق، فلم تضئ قرية سودانية بكهرباء ذاك السد - كما قال العهد والميثاق - وكذلك تشرد أهل الديار الي ديار غريب مناخها وترابها وثقافتها، وصار فيه النوبي - الي يومنا هذا - غريب الفؤاد والثقافة واللسان.. وأهل دال وكجبار يتوجسون من هذا الحال والمآل..!!

:: ثم تجربة سد مروى التي آثارها لاتزال سارية في نفوس المناصير.. فالأهل بالمناصير قابعون في صخورهم بلا خدمات، فقط لانهم تقدموا للدولة ببعض المطالب المشروعة، ثم جاهروا ببعض التظلمات الواضحة لذوي الالباب والابصار والبصائر.. لم يرفضوا السد، ولم يطالبوا بتوطينهم في أحياء الخرطوم الراقية، فقط طالب المناصير بتوطينهم حول بحيرة السد، ولكن الدولة بخلت عليهم بهذا الجوار، ثم عاقبتهم بالحرمان من حقوق الحياة ..!!

:: تلك تجربتان، وأحلاهما مر، ويتوجس منها أهل دال وكجبار، ولهم حق التوجس ..هم لايرفضون تنمية وتطوير ديارهم، بل يحلمون بديار ذات نماء ورخاء يعود إليها النازحون والمهاجرون..ولايرفضون استبدال شقاء الحال الى احسن حال..وكذلك يأملون في غد تتحول فيه قراهم المبعثرة ومدنهم اليابسة الي مدن عريقة وقرى سامقة تحمى حضارة عمرها سبعة آلاف سنة من الاندثار والترحال.. وكل هذه الطموحات الخضراء حملها الاجداد في نفوسهم حتى ماتوا، ثم يحملها اليوم الآباء والابناء هنا وفي المنافي..!!

:: ومشروعا تنمويا كالسدود كان يجب أن يكون لهم بشارة خير لتحقيق بعض تلك الاحلام العريضة، ولكن - للأسف - حتى مشاريع الدولة التنموية لم تعد في بلادنا ( فاتحة خير)، لانها لا تخلوا من لوث التسلط وغبارالسلاطين وسياط أجندتهم السياسية ..فالتنمية حين تكون للإنسان تمشي لهذا الإنسان - بسيقان الخير - بسلاسة، ولكن حين تكون للسلطة والسياسة تكون النتائج قهراً وتعذيباً..وليست من الحكمة أن تفرض الحكومة مشاريعها على الناس بمنطق القوة و ليس قوة المنطق..!!

:: فلندع الذين عبروا عن رفضهم لسدي كجبار ودال بمشكيله عبر مسيرة السبت الفائت، وكانت مسيرة (واعية)، بحيث لم تشتم زيداً من الناس أو تُكسر مرفقاً، بل عبرت عن موقفها الرافض للسدين بكل شجاعة ومسؤولية ..فلندعهم، ونسأل حكومتهم أسئلة ذات الصلة بالسدين ..أين دراسة جدوى السدين؟، وكم هي السعة التخزينية لخزانيهما؟، وما هي القرى المتأثرة بالسدين؟، وما مصير أهلها؟.. للأسف، لا إجابة إلا في دهاليز السُلطة وكأن المراد إنشاء محطات نووية وليست مجرد محطات كهربائية.. وعليه، بغض النظر عن أسباب الرفض الأخرى، فأن غياب الشفافية - ونقاشها الحر بين السلطات والمتأثرين - يعلو على كل الأسباب .!!

[email protected]





تعليقات 7 | إهداء 0 | زيارات 6034

خدمات المحتوى


التعليقات
#1417568 [ظلال النخيل]
0.00/5 (0 صوت)

02-20-2016 07:44 PM
حمار ومنافق ولاحس جزم.... والله لو فتشنا اصلك ما حتكون من بدين انا متأكد ايها الدخيل


#1417076 [محمود على]
0.00/5 (0 صوت)

02-19-2016 11:11 AM
تحياتى للجميع
انا و كثيرين غيرى من ابناء السودان العريض و لا ننتمى للشمال النوبى العزيز
الا فى معنى انتمائنا للوطن الكبير ، اقول يعنى مواطن نيالا و مواطن كسلا
غير ملمين بالموضوع ، لماذا تريد الحكومة اقامة السدود و لماذا يرفض اهل النوبة اقامة السدود ، و حيث ان الموضوع يهم كل السودانين ، انا ادعو ابناء النوبة للدعوة لمؤتمر جامع تشارك فيه الحكومة و كل يدلى بدلوه ، ما هى اهمية قيام السدود و لماذا يرفضها البعض ، ثم بعدها يعلن الشعب رأيه فى مساندة الحكومة او مساندة اهلنا فى النوبة .


ردود على محمود على
[كوشن تود] 02-20-2016 02:06 PM
امرك عجيب يا اخي مجمود !!!!.

بعد كل هذه الفترة الطويلة وبعد كل هذا الظلم والقتل والحكم الظالم وفصل الجنوب واشعال الحرب في دارفوى والجبال والانقسنا وماوصلت اليه حال اغلب اهل السودان من بؤس وضنك في العيش والرغم المهول في عدد اطفال المايقوما في عهدهم وانتشار االفساد والمحسوبية والقبلية في عهد الانقاذ.

بعد ان اصبحنا الطيش في كل شىء.

بعد كل هذا وذاك تريد ان تعرف راى الحكومة !!!!!!!!!!!!!!!.


#1416612 [samir]
0.00/5 (0 صوت)

02-18-2016 10:21 AM
الاستاذ الطاهر للأسف أنت تلعب دور لايشبه ابناء المنطقة النوبية . قبل سنوات أدليت بدلوك في هذا الخصوص ووصفت الرافضين بالجهل وقلة المنطق لرفضنا التنمية وخيرات السدود . واليوم خرجت لنا بهذا المقال الهزيل نأخذ منه التالي : ( فلندعهم، ونسأل حكومتهم أسئلة ذات الصلة بالسدين ..أين دراسة جدوى السدين؟، وكم هي السعة التخزينية لخزانيهما؟، وما هي القرى المتأثرة بالسدين؟، وما مصير أهلها؟.. للأسف، لا إجابة ). هل يوجد أي عاقل يترك أرضه واملاكه وبلده هكذا دون اجابة لتلك التساؤلات . بمنطق بسيط وواضح هل يستقيم مع المنطق والعقل اقامة 3 سدود اخرى في تلك الرقعة الجغرافية واغراق كل تلك المساحات وتدعى التنميه . لن نذكر مآسي حلفا ولا فشل سد مروي وماصاحب ذلك من نفايات وخراب .
أخي الطاهر حلل الموقف بمنطق واستنتج الغرض الحقيقي من إنشاء هذه السدود للتاريخ ولحفظ ماء وجهك . واسأل نائب دنقلا المدعو برطم الذي ناصرته في الانتخابات لماذا صوت مع اقامة السدد بالبرلمان طالما لايوجد دراسة جدوى واضحة يحدد مشاريع التمنية ولا مصائر المتأثرين من الاهالي اذا وافقوا على اقامة السدود ..


#1416487 [الكنزي]
0.00/5 (0 صوت)

02-18-2016 06:49 AM
لابد كل مواطن سوداني يثور في وجه الظلم و التسلط و ان تكون الوطنية و مفهومها لدينا كالجسد الواحد اذا اشتكت دنقلا من ظلم و جبروت جكومي تتداعي لها باقي المدن واذا حست الجنينة بظلم تتداعي لها دنقلا و اخواتها من المدن و تشتكي معها و تحس بغبنها و هكذا .... صدقوني قوة النظام تنبثق و تقوي شوكته بتفرقنا و تولد الرغبة في عدم الاحساس بالآخر الذي ياتي من اقليم او مدينة اخري غير مدينتي


ردود على الكنزي
[ابومحمد] 02-18-2016 04:40 PM
ما قلت الا الحقيقه اخي الكنزي وياليت يلتئم شملنا ونقف وقفة رجل واحد امام هذه الفئه الباغيه الظالمه ولن يتمكنوا منا ان اجتمعنا فهم يتبعون سياسة فرق تسد وللاسف نحن ننفذها لهم بجهل غريب


#1416456 [المحسي]
0.00/5 (0 صوت)

02-18-2016 01:36 AM
هي برامج يهودية يقوم بها عملاء الصهاينة في حكومة المؤتمر الوطني لزعزعة الاستقرار في الشمال الامن حيث لامجال للفتن التي اشعلوها في دار فور نسبة لتجانس المجتمع الشمالي لدا لجاوا لهده الاساليب بدواعي التنمية وهي في حقيقتها برامج مفروضة عليهم من اسيادهم الصهاينة لتنفيد برنامجهم في ارض السودان وللاسف الشديد معظم افراد المؤتمر الوطني لا يعلمون وهم يساقون كالقطيع وتخريب البلاد باديهم يحسبون انهم يحسنون صنعا


#1416422 [حكم]
0.00/5 (0 صوت)

02-17-2016 11:45 PM
اوع تكون السدود دى للكهرباء؟؟
وين كهرباء سد مروى فى الاول ؟؟


#1416419 [جلال عثمان]
5.00/5 (1 صوت)

02-17-2016 11:33 PM
أهذا ما جادت به قريحتك يا الطاهر ساتي؟
ياخي كونو السد العالي كان ضرر علي الشمال فماهو ذنب الحكومة الحالية؟ بالعكس الحكومة الحالية هي التي أوصلت الكهرباء للشمالية والان كل مدن الشمالية بها كهرباء ومعظم قري وجزر الشمالية بها كهرباء فلماذا لا نثق في الحكومة ياخي؟ هي الحكومة دايرة تعمل سدود عشان تغرقنا؟ ده الهدف في نظرك يعني؟ وبعدين منو القال ليك قصة المناصير وسد مروي دي؟ المناصير ضيعوا حقهم براهم لأنهم سمعوا كلام السياسيين المعارضين للسد لكن حقهم موجود الان وممكن يأخدوه.. وأخوانهم التانين رحلوهم لقري خمسة نجوم في بربر والدامر وعايشين مية المية بشوارعهم ومدارسهم ومستشفياتهم.. ما تقول لي مناصير وما مناصير.. المناصير ديل مثال علي الخيبة وينطبق عليهم المثل خيبة الامل راكبة جبل.. حقوق المناصير قااااااعدة ومفروض يمشوا يأخذوها ويعيشو حياتهم لكن كونهم يقولوا دايرين بيوت حول منطقة السد فده خطر علي حياتهم ومافي حكومة حتديهم أراضي تغرق كل 3 شهور ويعملوا ليها جوطة وصداع موسمي.

شخصياً ما بعرف في الدنيا دي كلها شعب يخرج في المظاهرات والمسيرات لرفض إقامة مشاريع تنموية عملاقة مثل السدود إلأ نحن السودانيين المتخلفين.. الحاملين السلاح في دارفور عطلوا التنمية سنوات وهم يحاربوا في مشروع تنمية جبل مرة ويقتلوا عمال طريق الانقاذ الغربي ووووو.. ونحن الشماليين المسالمين كمان برضو بنحارب في التنمية لكن بسلاح الجهل والتخلف والمظاهرات البليدة ذي أهل العصور الحجرية.

بصراحة الحكومة دي تعبت معاكم يا شعب.. أيوة تعبت.. تساكك فيكم بجاي بجاي ذي الأطفال.. بتقول ليكم دايرين نطوركم ونحدثكم ونعمل منكم بني آدمين.. ويجي الطاهر ساتي يقول هناك مشكلة ثقة وغالبية الناس تعارض السدود وهناك مشكلة منطق قوة بدلا من قوة منطق!!!!!!!! ياخي أخجل.. ياخي الحكومة مفروض تفرض التنمية بمنطق القوة شاء من شاء وأبي من أبي.. أما قوة المنطق فدي دوركم أنتو يا صحفيين ويا مجتمع ويا منظمات مدنية ويا نوادي وجرائد وتلفزيونات وقنوات وأنترنت.. لكن للأسف كلكم سلبييين ودايرين الحكومة تعمل ليكم كل حاجة حتي مسألة إقناع الناس البسطاء بأهمية السدود.. أنا شخصياً لما أسمع واحد يقول (مجزرة كجبار) دمي بيفور وبكون داير أموت من الغيظ.. متين سمعتو في التاريخ عن مجذرة ماتو فيها 4 أشخاص؟؟ ديل ناس بسطاء مساكين ما فاهمين فائدة السد شنو والكبار هم الضيعوهم وختوهم قدام البندقية كبش فداء لأطماعهم هم.. الناس البيتكلمو عن المجذرة ديل مفروض يدخلوا السجون لأنهم سلبيين وقاتلين للهمة وسماسرة قضايا.

أنا شخصياً شمالي ونوبي ومحسي ومن جزيرة بدين كمان وهي أكبر جزيرة من جزر الشمالية وعمرها ما شافت كهرباء ولا تلفون ولا أنترنت ولا خدمات إلأ في ظل الحكومة دي.. يعني أنا فاهم البئر وغطاها وأنا صاحب حق مش منظراتي ساي. الناس البتقول ما دايرة سدود دي مفروض المجتمع والمثقفاتية والمتعلمين يقوموا بدورهم معاهم ويفهموهم.. لكن الحكومة ما بتقنع زول ولا بتحنس زول.. الحكومة عندها دور وطني لازم تقوم بيهو من أجل الشعب كله وما فاضية تقعد تقنع في زيد وعبيد.. الحكومة بتفرض الامر الواقع لانها حكومة ومن حقها تديك 10 جنيه وتقول ليك يلا أرحل من المنطقة دي عشان السد حنعملو هنا.. أهلنا ديل عاملين جوطة لأنهم دايرين تعويضات بالمليارات وكأنو حواشتو دي جنب الهيلتون أو كأنها قصر في قاردن سيتي.. ما بيهمهم غير نفسهم وبس.. ما بينظروا للمصلحة العامة ولا فائدة السد للأجيال القادمة.. كل واحد ونفسو وحواشتو وبس.. وده هو مجتمع الأنانية العايشين فيهو في السودان.

أقول ليكم كلام؟؟ خلاص الحكومة مفروض ما تعمل سد كجبار ودال ومفروض الناس هناك تعيش في ظلام بدون كهرباء طول حياتهم.. كده كويس معاكم؟؟؟


ردود على جلال عثمان
[saleh kheiri] 02-18-2016 03:23 PM
الاخ المسي من ابناء بدين نتمني من الله ان يفتح عقلك السدود الثلاثة قايمين بيها اسيادهم المصريين ودراسة الجدوي وكل الدراسات المتعلقة بالسدود تلقاها في ام الدنيا انت من وين في بدين اصلا بدين خشم بيوت

[جلال عثمان] 02-18-2016 02:38 PM
أيوة يا شباب أنا من بدين ومحسي أباً عن جد وداير الحكومة تعمل لينا سدود لأنو السدود خير ونعمة لينا وليكم أنتو لو كنتو في الشرق أو الغرب أو الجنوب أو حتي في العاصمة.. وأهلنا في مناطق مروي ضحوا بأراضيهم عشان يعملوا ليهم سد مروي ويفيض خيره كهرباء ليهم ولكثير من مناطق السودان.. ونحن في جزيرة بدين كمان لازم نضحي حتي لو الجزيرة كلها غرقت وهي أصلاً تلاتة أرباع أهلها سابوها ومشو الخرطوم أو السعودية.. سد مروي لم يكفي البلد ومحتاجين سدود تانية عشان البلد دي كلها تنور بما فيها مناطقنا في الشمال.. جزيرة بدين هسع دخلتها الكهرباء والحمدلله لكن أنا شخصياً زول وطني وداير الكهرباء تعم كل القري والجزر.. وفي حاجة تانية كمان.. نحن حقوقنا في مياه النيل مهدرة من الخمسينات وموية النيل عمرنا ما إستفدنا بيها وبالتالي من حقنا نبني سدود ونزرع ونستهلك مويتنا دي بدل هي ماشة للمصريين وهي أصلاً ما حقتهم حسب إتفاقية مياه النيل.. الاخ البيقول وينها دراسة الجدوي مفروض يخجل شوية ويكبر عقلو شويتين.. يعني أنت فاهم أنو الحكومة دي درويشة ودايرة تعمل سدود بدون دراسات يعني ولا فهمك شنو؟ دراسة الجدوي موجودة لكن ليس كل من هب ودب بيتطلع عليها ولو داير شفافية أمشي شوف شفافية دراسة الجدوي بتاعة السد العالي أو سد النهضة الاثويبي القاعدين يبنو فيهو ده.. كل دولنا الافريقية المتخلفة بتبني سدود وما بتعلن عن دراسات لانها بتعتبرها أسرار دولة عديل كده.. السد علي النيل بيكون عامل ذي المصنع الحربي وما بيقولوا ليك أسراره.. لكن المهم بالنسبة لي وليك أنو الحكومة تبني السدود وترحل البشر من المناطق الخطرة وتوفر ليهم مناطق وقري جديدة وتصرف ليهم تعويضات مناسبة.. ده هو الحصل في سد مروي وده هو الحيحصل في سد الشريك وكجبار والدال.. أي كلام تاني صدقوني ده كلام ناس سلبيين وعندهم قصر نظر وكارهين الحكومة والكراهية مالية قلوبهم.. يعني قصتكم ذي قصة واحد أنت بتكرهه وجاب ليك خير وأنت بكل هبل وعبط ترفض الخير ده.. الأخ ودالبلد البيقول لي أنو داير حضارة 7 ألف سنة تكون مظلمة ده ما ودبلد وإنما مغفل ساي والحكومة ما بتشتغل بالمغفلين لأنهم ما عندهم رأئي سديد.. السدود حتتعمل والخير حيعم وأي زول يقيف في طريق الخير مصيره حيكون السجون والحسم بقوة القانون.

وجزيرة بدين لو غرقت ما حننساها وحنعمل ليها جناح كامل في المتحف القومي عشان الناس تعرف أنو نحن أهل بدين ضحينا بيها وبأرضنا من أجل مصلحة البلد دي كلها وعشان الاجيال القادمة تتولد وتتعلم وتعيش في النور بدلاً من الظلام.

جهالة ما دايرين.. الرئيس عبود من أجل مصلحة المصريين وسدهم العالي رحل الحلفاويين كلهم لحلفا الجديدة وما دفع ليهم تعويض قرش واحد لكن حكومة الانقاذ دي بترحل الناس وتدفع ليهم تعويضات عن كل نخلة وكل شجرة ليمون أو برتقال أو تبلدي.. لكن الطمع كعب.. أنا عندي عمي قال ما برحل من أرضي إلأ يدفعو لي تعويض كم مليار وشغال يحلم أحلام زلوط.. قلت ليهو واصل أحلامك يا عم لغاية تلقي نفسك مع المناصير لا ظل ولا أرض لأنو مافي زول بيقدر يلوي يد الحكومة.. قال لي طيب الحل شنو؟ قلت ليهو البيدوك ليهو تمسكو وتقول الحمدلله وتستعوض ربك في أراضي الاجداد وذكريات الطفولة عشان ربنا يبارك ليك.. قال لي أنا ما ببيع أرضي ولا بطلع منها، قلت ليهو خلاص خليك عنيد كده لغاية يشيلوك بالبلدوزر.. أنت فاهم أنهم حيلغوا سد كجبار عشان سيادتك زعلان؟!!!

[محلل تعليقاات] 02-18-2016 09:23 AM
لن اجادلك ولن اكثر الكلام لكن لو كنت انسانا مستنيرا أسالك شيئا واحدا. اي مشروع تنموي لابد ان تستصحبه دراسة جدوى والحكومة عزمت ووقعت على التمويل دون ان تكشف للناس عن دراسة الجودى. لو انت وحكومتك تورونا بس دراسة جدوي نحن موافقين. وكمان ورينى انت في بدين لو يغروقوك حتمشي وين انت واهلك وللا تكون باني ليك بيت في الحاج يوسف.

ما بتشوف غير تحت رجولك. أسأل الله ان ينور عقلك وقلبك مشانك ومشان اولادك ومشاناهلك ... يا بتاع جزيرة بدين اللي لو غرقت ما حتلقى ليك حتى جبل تمش تقعد فوقو مع اولادك. اوع الخمسين الف فدان فوق السليم في الخلاء اللي غشوكم بيهو ناس المؤتمر خلاك تبيع باقي اهلك في المحس ودنقلا.

[ود البلد] 02-18-2016 09:11 AM
بالله عليك انت من بدين وتتكلم الكلام دا وهل تعلم اذا تم بناء السدين في المحس بانك غارق غارق وانظر في فيضان 88 ماذا فعلت في بدين
وماذا عملت لك الحكومة يا ابن بدين اذا مدارسك ومستشفياتك واي حاجة في بدين من قوت ناسك الغلابة يعني بالعون الذاتي ،
وانت ما حتورينا نعيش في ظلام لانو نحن من 7 الاف سنة عاشين في ظلام
انت يا بوق الحكومة انت لست من بدين وانما انت دخيل في بدين لانو ناس بدين ناس اصليين
وبعدين تعال فائدة السد دة شنو هل هو الكهرباء ، طيب عندك كم سد في السودان يولد الكهرباء وعندك كم محطة حرارية يولد الكهرباء ولماذا كهربة السودان يمشي تشاد وما يجي لناس المحس من سدهم الا وهو سد مروي المقيم في الولاية الشمالية
وماهو التنمية في نظرك هل هو غرق الاف الافدنة الموجودة في الأراضي النوبية للزراعة وخاصة الحوض النوبي ومشروع كوكا ودفوفة وبرقيق
جماعتك الكيزان الله يخرب بيتهم جايين لطمس اعرق حضارة في التاريخ الا وهو النوبة وهل تعرف معنا النوبة وهو النب ( الذهب ) يعني ارضنا ذهب وما نبدلوا بالقصر الجمهوري حقك

[maidawad] 02-18-2016 08:35 AM
عمر البشير ده بكتب بإسم جلال عثمان وللاشنو!!!!!!!!!!


الطاهر ساتي
الطاهر ساتي

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة