في



المقالات
السياسة
نسيت صحابك وشُلتك..!!
نسيت صحابك وشُلتك..!!
10-29-2015 04:21 PM

نسيت صحابك وشُلتك..!!


حلفت قِدامنا اليمين..
لما الرِئاسة اختارتك..
ختيت يديك..
فوق الكتاب ..
تحمينا تحمى وزارتك..
شاهدين عليك..
هللت بالفرحِ الكبير..
كبّرت حمداً للقدير..
صليت وزِدت على نبيك..
أقسمت بالحقِ المبين..
تخشى الإله فى مهنتك..
ترعى الوطن..
ليهوا تبذِل خبرتك..
نسيت وصايا أبوكا ليك..
والوالدة أيضاً وصتك..
خليك أمين..
لا تتبع ابليس اللعين..
تصون أمانتك يا الخزين..
سووك وزير ..
أو كان مدير..
لا تُتهم فى ذِمتك..
مبسوطة ليك أنا يا جناى..
دايراك تحقق لى مناى..
يا ولدى شان تكسب رضاى..
تعيش سعيد..
مما دخلت بقيت بعيد..
نسيت صحابك وشُلتك..
خليت كلامنا القلنا ليك فى مِحِلتك..
هاتفك دوام مشغول كتير..
البيت مِحرِسوا لى غفير..
لا زول يجيك لا اتصال..
والحال تغير يا جنا..
غيرت شكلك ومشيتك..
همك بقيت تجمع فلوس..
كُل حين تغّير فى عروس..
رميتا بت عمك هنا..
كانت غُتاكا وسُترتك..
قاتليكا ما تأكل الحرام..
أوعاكا تغضِب ربنا تخسر صلاتك وحجتك..
سكنت فى عالى القصور..
أصابك التيه والغرور..
لا خُفت من ربِ العباد..
أو فجاءة تخفيك القبور..
خسرت دينك ودُنيتك..

بلا أقنعة..
صحيفة الجريدة ..
Zahir95@live.com





تعليقات 0 | إهداء 0 | زيارات 918

خدمات المحتوى


زاهر بخيت الفكى
زاهر بخيت الفكى

مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة