قفا نضحك
05-05-2016 11:00 AM


قفا نضحك
عبدالمنعم محمداحمد العوض
نقول الكلام البضحك ويبكي
ام نقول الكلام الببكي
ونشكي
على أقدارنا نضحك
وبمأساتنا نحكي
فلن نستكين
ولن نستهين
رفعنا اليمين
سنحمي العرين
مدارسنا ترجع
جوامعنا ترجع
خلاوينا ترجع
كنايسنا ترجع
وترجع معاها الاستبالية الزمان
ويرجع معاها اللي راح واللي كان
وكل الغناوي الحزينة
الرصينة
السلام والحنان
ونقعد نحجي الولاد الصغار
بفعل التتار
الخراب الدمار
حصاد البوار
ونحكي ونحكي
نصنقع دموعنا بتقطر دموم
وتلفح وجوهنا السموم
والهموم
ونسف السموم
نموت كل يوم
ونضحك ونبكي
ونحكي الحكاية
الغريبة
العجيبة
الظروف العصيبة
كيف بعنا حتى الكتاب والقلم
وعز الالم
فقدنا العلم
وطنا انقسم
مع انه جوه القلوب اترسم
فيا ازهرينا حصدنا الندم
وتبعنا الوهم
لا حس لا فهم
كفانا السراب
الفساد الخراب
الحروب اليباب
وريحة البلد
بارود ودم
تعال يا اصيل
ورد العلم
ولو من عدم
فلن نبكي ابدا وطنا اللي مات
ونقول تارنا فات
نلطم الخدود
ونشق الجيوب
ماب نمشي نحن نفوت الحبيبة
الرهيبة الرحيبة
الديار العجيبة وجمال الربوع
ونقعد نصنقع
ترقرق عيونا
نصنقر ندنقرنرمي الدموع
نغني ونبكي
نلخبط غنانا
بلحن الخنوع
مابنبكي نشكي
بنضحك ونحكي
لذيذ الكلام
حكاوي السلام
نطرد الظلام
ونضوى الشموع
عبدالمنعم العوض
الرياض- السبت ٢٣ ابريل ٢٠١٦م

[email protected]

تعليقات 2 | إهداء 0 | زيارات 1501

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1455987 [د. محمحد عوض الكريم]
5.00/5 (1 صوت)

05-05-2016 01:22 PM
حياك الله شعر جميل وقوى ومعبر وثورى وفيك روح الشاعر محجوب شريف وفقك الله


#1455930 [محمد حجازى عبد اللطيف]
0.00/5 (0 صوت)

05-05-2016 11:40 AM
الباشمهندس ودالعوض -- ابكينا لو كان كل ما تقول وتحكى بهذه الرصانه والحصافه والتركيز العالى العالى العالى --ابكينا اكثر فنحن اكشد حوجه لمثل هذا الكلام .
وطنا انقسم
مع انه جوه القلوب اترسم
فيا ازهرينا حصدنا الندم
انا بكيت --- وبس


عبدالمنعم العوض
مساحة اعلانية
تقييم
10.00/10 (1 صوت)





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة