المقالات
السياسة
كوكو عرِف !!!
كوكو عرِف !!!
07-27-2016 06:22 PM


والنَّاس تطلع مظاهرات في سبتمبر في كل حتة في الخرطوم.
والحكومة تقتل ناس امبدة فقط!!!
وتقتل ناس مايو!!!
و الطلاب يطلعوا مظاهرات في الجامعات . في جامعة الخرطوم وغيرها ...
والحكومة تقتل الطالب محمد الصادق ويو في بيتوا!!!
و الناس يسرقوا كل حاجة في كل حتة في
عطبرة و شندي و مروي و دنقلا و
في الخرطوم وفي كسلا .. و ..
و الحكومة تقطع يد حرامي سرق خلاطة عشان يبيعوا في سوق ستة عشان يأكل بيهوا طلب امبلكسات ( اكلة كرعين جداد مع فضلات الكمونية مع الكثير من الدهون و الشطة)
فقط لان اسمه كوكو!!!!
وبالأمس قاد صلاح قوش رئيس جهاز أمن عمر انقلاب فاشل وتم القبض عليه و كل من معه و لاحقاً اطلق سراحهم جمعياً ..!!!
بل تم تعين احدهم وزيراً في وزارة أمنية مهمة و احدهم مستشاراً ..... لأنه من المتمة
وتم زبح كل من انتهي اسمه بكالو ، درمان ، كوة او آدم يعقوب !!!
إلا احدهم لان زوجته من عطبرة!!!!
وعندما ادرك اهلكنا في الكراكير في بواكير النضال خصوصية قضية الجبال
ادركوا حينها انها لن تحل الا بطريقة خاصة
وأدركوا ايضا ان تحقيق تلك الغاية هنا في حدود جبال النوبة تحتاج الي وسائل خاصة جداً...
فأوجدوا تلك الوسائل الخاصة من العدم ...
فكؤنوا عندها فصائل الكمالو المقاتلة لتصبح لاحقاً الجيش الشعبي...
وتسلح جيشنا الشعبي بكل انواع الأسلحة
من مليشيات البشير الاجرامية
من اجل إنسان جبال النوبة في الحدود الجغرافية
لجبال النوبة وهكذا فعل اخواننا في النيل الازرق

والنَّاس في كل حتة في السودان يريدون فنائنا من الوجود و يشتموننا و يقولون علينا وثنيين و كفرة و عبيد و . عنصريين و .. و ..!!!
وفي نفس الوقت يريدون ان نوصلهم الي سدة الحكم علي ظهر دبابتنا و اخرون يريدون ان نوصلهم الي نفس الهدف عبر انتفاضة شعبية نقوم به نحن كما فعلنا من قبل في ابريل...
عندما أغرقنا الميادين بالبشر في ميدان عقرب و التحرير و الحلة الجديدة ... فنهبوا هم القصور.....و..
و نفس الديناصورات يجلسون الان في الجنبات مع الحبشيات و اخرون يستجمون في فنادق دبي و لندن و كوالالمبور و القاهرة و بعضهم في أديس و البعض الاخر في النادي الكاثوليكي و قاعة الصداقة...
يريدون ان نحدث أكتوبر اخرى...
و اغلبهم يعتقدون ان الجيش الشعبي وجد لتحرير السودان !!!!
نعم الحركة الشعبية وجد لتحرير السودان
اما الجيش الشعبي...فلا...
إذن يا من ملأتم الدنيا ضجيجاً بالامس..
قوموا الي ثورتكم .....
فإن ملأتم الميادين بالبشر
مددناكم نحن حينها بالملايين من البشر.

كلام ناس الحلة
اليوم 27يوليو2016

[email protected]







تعليقات 4 | إهداء 0 | زيارات 2438

خدمات المحتوى


التعليقات
#1494551 [أحمد برستو]
0.00/5 (0 صوت)

07-28-2016 08:36 AM
في السنين الاخيره وضح جليا ان البشر اللذين يعيشون في البلد المسمي السودان لم ولن يقبلوا بالتعايش السلمي ولن يستفيدوا من التنوع الاثني حتي لو ذهبت الانقاذ..
وأفضل لهم القبول بالانفصال المخطط له سلفا ... وكل قرد يطلع جبله.


#1494383 [mohy]
0.00/5 (0 صوت)

07-27-2016 10:21 PM
أها شد حيلك مع ناس المثلث


ردود على mohy
[mohy] 07-29-2016 10:05 AM
هههههه يا السماك شكلك ما فهمت تعليقي عشان كدا ردك جا عكس التعليق والموضوع

[السماك] 07-28-2016 07:31 AM
ووينهم ناس المثلث ؟؟
جماعة حميدتي .. ولا جماعة مالي والنيجر .. ولا جماعة موسى هلال؟؟
الجيش كان عمادو النوبة .. وعمر البشير والنميري وكل ظباط المثلث تدربوا على أيدي التعلمجية النوبة ..
النشيد الوطني وضع موسيقاه ولحنو نوباوي ومعروف عند كل عسكري وظابط من المثلث ..
ودم النوبة جاري في عروق أمثالك من أبناء مثلث حمدي ذوي العقد النفسية .. ولو كان فيك شوية وفاء وشهامة كنت إعترفت بهذا في الأول قبل أن تكتب تعليقك المضروب هذا عن النوبة ..

ناس مثلث حمدي قال!!


#1494333 [ودالمناقل]
0.00/5 (0 صوت)

07-27-2016 07:37 PM
النصيحة المشكلة كلها منكم انتو
المشكلة في الناس وفي فهم الناس
الناس ساكتة على قادة المعارضة المخرمجين ديل وساكتة على اى مسخرة يعملوها وكأنه مافي غيرهم في السودان ولافي ناس مستعدين يشيلوا الشيلة !

إذا الناس ماعايزين يغيروا وداورد في كلام ربنا ، يبقى يستاهلوا خليهم يستعدوا لآثار اى كارثة تجيهم


#1494318 [ود الغرب]
0.00/5 (0 صوت)

07-27-2016 06:56 PM
يا هذا الجيش السوداني كان على مشارف كاودا قبل أن يعلن الرئيس البشير وقف إطلاق النار.


ردود على ود الغرب
[سيزر] 07-29-2016 07:09 AM
ورئيسك ولا بشيرك ده اعلن وقف إطلاق النار ليه ؟؟؟ ما كان يوصل كاوده!!! ولا صيفو الساخن برد ؟؟؟؟؟؟

European Union [أبو السمح] 07-28-2016 10:45 AM
حلم تقيل
صح النوم


امير(نالينقي )تركي جلدة أسيد
مساحة اعلانية






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة