11-07-2015 06:11 AM


كنا نقول في شرق اوربا ، ان النظام الشيوعي المطبق غير صالح لحكم البشر ، لانه يقتل روح الانتاج والابداع . العالم الشيكي الذي اخترع العدسات اللاصقة في الخمسينات لم يجد عائدا . وكسبت الشركات الامريكية الملياردات . ويقضي النطام علي الطبقة الوسطي التي لا يستطيع المجتمع ان يتطور بدونها . وان الطبقة الوسطي لا تحارب بل تراقب فقط . وصارت الحياة في المعسكر الشيوعي بالرقم من توفيرها لفرص العمل ، التعليم والعلاج المجاني والمسكن ،بلا طعم . وعمت السرقة والدعارة المستترة , وتبختر الشيوعيون في ملابس غربية لا تتوفر للجميع وسكن بعضهم القصور وركب السيارات الفارهة واحاطوا انفسهم بالخدم والحشم والحسان من النساء . حتي كاسترو وتشي جيفارا سكنوا في افخر هوتيلات هافانا . وابنة غني امريكي اعجبت بكاستروا الذي اعتلي يخت والدها في عرض البحر وسحرها وهي فتاة في العشرين. سكنت معه في بذخ في هافانا وحملت منه بطفل . ثم انتقلت لمقاتل شيوعي آخر في بلد مختلف بعد ان ابعدها فيدل كاسترو ، ورزقت منه بطفل . وقبل فترة ظهرت هذه السيدة في برنامج تلفزيوني واظهرت كل شئ . وصدمنا لان كاستررو وجيفارا كانا مثالا للثزرة والنضال ونكران الذات والتضحية .
الشيوعيون بشر لهم غلطاتهم ونقاط ضعفهم . ولهذا تدعو الماركسية للنقد والنقد الذاتي . وعندما يوجه اقل انتقاد للزعماء الشيوعيين ينتفض من يدري ومن لا يدري للهجوم والشتم .
قلنا ان التجربة الاسكندنافية الانسانية هي نظام اشتراكي مناسب ومعقول . وان الماركسية لا غبار عليها لانها تتطور وتتقدم وهي علم متجدد ولكن الليلينية غيرت الحال . واليوم تحكم الاحزاب الاشتراكية اغلب دول اوربا الغربية . وتطور الاشتراكية الاجتماعية الدول وتوفر نطاما جيد جدا يتمتع بالشفافية والحرية. وتنهار الانظمة الرأسمالية الخالصة مثل اليونان واسبانيا . ولم يقبل الرفاق الشيوعيون النقد . ووصفنا بالعمالة للامريكان والثورة المضادة . واخطأ من هم اعلم وافهم منا بعشرات المرات ، ويفوقونا وطنية ودراية . السبب كان التعصب وغشاوة الايمان الاعمي . حتي عندما دعونا لتكوين حزب شيوعي جنوبي منفصل عن الحزب الشيوعي السوداني. والجنوبيون ادري بإمورهم وجدنا الاستخفاف . فالجنوبيون التقدميون كانوا ينظرون للشهيد جوزيف قرنق وآ خرين كعملاء للشمال .
اقتباس من الراكوبة
كمال الجزولي: (حزب الترابي) يعد مسرحية مشابهة لحل الحزب الشيوعي
11-06-2015 12:28 PM
الخرطوم: ماجد محمد علي
قال القيادي الشيوعي كمال الجزولي، إن قيادة حزبه تأخرت كثيراً في إدراك عدم جدوى وعدم فائدة التحالف مع (حزب الترابي)، وأضاف: (قيادة الشيوعي لم تكن بحاجة لهذا الوقت الطويل حتى تدرك ذلك، بل وكي تدرك أن هذا التحالف خطأ من الأساس لأسباب مختلفة).
وتابع: (حسن الترابي يكاد يكون الوحيد من قادة الأحزاب القديمة الذي لم ينتقد نفسه، ولم يعتذر عن دوره القبيح في مسرحية حل الحزب الشيوعي وطرد نوابه من البرلمان في 1965م، ما يعني أنه يخبئ نفس موقفه القديم لمسرحية قادمة)، وأردف: (كما أن حزبه لم يقدم أية انتقادات لدوره في انقلاب الإنقاذ 1989م، وما تلا ذلك من أدوار ظل يلعبها طوال السنوات العشر الأولى من الإنقاذ).
وزاد الجزولي: (قيادة الشيوعي تأخرت كثيراً في إدراك مسألة بسيطة كهذه، وبالتالي فتحت الباب لشخص مثل كمال عمر كي يهين الحزب في الصحف، ويهين مناضلاً كيوسف حسين ناطقه الرسمي).

الجريدة
اقتباس من موضوع قديم

كمال الجزولي كان نايم
01-22-2014 08:13 AM


كتبنا عن المحن السودانية ،ومن المحن المؤلمة ذهاب البروفسر وابن البلد الرجل العظيم فاروق كدودة رحمه الله عليه لزيارة الترابي وكان مصحوبا بكمال الجزولي . هذه الحادثة اصابت الكثيرين بدوار البحر . وانا منهم . وليس هنالك اي قوة بشرية يمكن ان تقنعني بسلامة تلك الخطوة .
بعد كل الجرم الذي ارتكبه الترابي بداية من اعدام الاستاذ محمود محمد طه طيب الله ثراه ،الي نكبة الانقاذ والتآمر علي الوطن وتسليمه الي تنظيم الاخوان المسلمين العالمي ، كيف استطاع كمال الجلوس مع الترابي وقرطعة الشربات او شفط القهوة والشاي ؟؟؟
في بعض الاحيان اقول ان الكوز بيكون فيه بقايا من كوزنة حتي بعد ان يصير شيوعيا مثل كمال الجزولي . والدكتور خالد الكد نظم انقلابه لصالح الكيزان لانه وشقيقه طه كانوا كيزان . ونشرت الميثاق ان خالد شيوعي . وعندما اخذ طه الجريدة للاستاذ صادق عبد الله عبد الماجد والكيزان وهم يعرفون ان خالد رحمة الله علي الجميع منهم . قالوا لطه العمل السياسي بيطلب كدة . لان خالد قريب عبد الخالق . هل صار العمل الشيوعي يتطلب التهنئة والمؤانسة واعطاء شهادة خلو طرف ثم الهجوم ؟؟
ولكن الغريب ان فاروق كدودة كان دائما ضد الكيزان وبصلابة . وهو الذي قال بروحه المرحة عند اعتقاله ,, انتو بس ورونا جيتوا تنقذوا منو من شنو ؟؟ وقال بعد فترة قال للكيزان انتو بس رجعونا محل ما لقيتونا . ولهذا المني ذهاب فاروق للترابي . واذا كان هذا قرار حزبي ، فهذه محنة . لأن الاحزاب الثورية لاتساوم جلاديها . ولا تقدم التهاني والتمنيات الطيبة . لماذا البصق علي الشهداء وضحايا بيوت الاشباح واغتصاب الرجال والنساء . واين هي محاسبة جرائم الحرب المقدسة وساحات الفداء و ملايين الشهداء من اهل الجنوب .
انا افتكر ان كمال كان نايم وصحي دلوكت وعرف انو الترابي كعب وسجمان ورمدان . بس ما قادر افهم كيف تمشي بيت زول وتاكل وتشرب وتجي تشتمو ؟؟
ولا افهم كيف ذهب المناضل نقد رحمة الله عليه ووضع يده في يد الترابي وفي بيت الترابي وامام عدسات التلفزيون ؟؟ وليحاول الجميع باقناعي انها الحرية لنا وللجميع . وسنقول لهم . هذا منطق عاجز وضعيف .
وما دام كمال قد صحصح كمان بالمرة يشرح لينا تصريح الحزب بانهم لن يرحبوا بالمعارضة اذااتت مساكة بالبندقية . هذا الوضع اسوأ من موقف الترابي. وفيه من الخنوع والانكسار والانبطاح مالم يكن ليقبله المناضل صلاح الذي كان يغني له الشيوعيون في اجتماعاتهم وقعداتهم مؤتمراتهم . وفضل الموت علي الانكسار ,, يا صلاح آه يا صلاح آه ياصلاح . حسبوه سيساوم ووجدوه حرا يناضل وهو في الرمق الاخير ,,. ان المناضل صلاح يتسائل ما الذي حدث لحزب قاسم امين الجزولي سعيد الوسيلة وسلام وابراهيم زكريا والشفيع وجوزيف قرنق .
التحية
ع . س . شوقي
[email protected]

تعليقات 11 | إهداء 0 | زيارات 6132

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1366738 [سودانية]
0.00/5 (0 صوت)

11-08-2015 05:37 PM
كمال الجزولي مرة هدد الترابي قال ماشي يألف فوقو كتاب
اخبار الكتاب شنو الفو وللا لسة ونشرو وللا لسة في الدرج


#1366724 [على ادريس]
0.00/5 (0 صوت)

11-08-2015 04:56 PM
قاسم امين الله يرحمه ما قلت فيه ما قلتوه فى الترابى ؟


#1366544 [شاهد اثبات]
0.00/5 (0 صوت)

11-08-2015 10:50 AM
لا تتعامو عن الحل والطريق الى السودان الاصل وديموقراطية وست منستر

الحاجات الماتت في السودان هي التنظيمات الجاتنا من مصر وتطلق عليها احزاب التي تصنع دولة الراعي والرعية والريع والرعاع عبر العصور وفشلت حتى في بلد المنشا
الناصريين والشيوعيين والاخوان المسلمين
احزاب وست منستر قاعدة وسبق ان سجلت 18 مليون ناخب لانتخابات نيفاشا 2010 والارقام لا تكذب
وهذه التي تطلق عليها احزاب وكمانيقال عليهم مثقفين هؤلاء متعلمين فقط ويعانون من نرجسية شديدة مع وعي متدني لا يتجاوز جمهورية العاصمة المثلثة وايام لها ايقاع
ماذا انجز الاخوان المسلمين- 1946-2015
ماذا انجز الناصريين1969-1971
ماذا انجز الشيوعيين 1934-2015
وخيارات الشعب الذكي مفتوحة الان....بس هؤلاء الفاشلين بشهادة عليهم استعادة ديموقراطية وست منستر التي افسدها الراقص مع الجنوبيين الصاغ سالم وفرض غ=علينا الانقلابات والحثالة السياسية ودمر السودان وفصل الجنوب
وشفت لوقعد شيوعيين وناصريين وبعثيين اخوان مسلمين السودان ديل الف سنة ضوئية ما بجو بي صناديق الاقتراع ابدا
المستقبل للحركة الشعبية الاصل والحزب الجمهوري والاحزاب الوطنية التي شكلت وجدان الشعب السوداني الانصار والختمية
تحت شعار لالوب بلدنا ولا تمر الناس
ودائما الشخص المؤدلج يعتقد انه وصي على الشعب ويمثل الشعب ويحدد مين يودي على فين...
وهسة من قبل الاستقلال وبعده كان كسب الحزب الشيوعي عبر حستو والجبهة المعادية للاستعمار والحزب الشيوعي السوداني 10 مقاعد في 1964 3 مقاعد في1986...شفت راي الشعب كيف كانهم كلهم قروا رواية انيمال فارم الشهيرة...وعرفو الناس ديل مختسكين وشفتهم مرقو بالطن للحركة اللشعبية الاصل 2005 وسجلو 18 مليون للانتخابات
السودان داير فقط فضائية حرة وبرنامج وطني مختصر
1- تفعيل المحكمة الدستورية العليا
2- الغاء والايات واستعادة الاقاليم
3- اجراء انتخابات اقليمية ومركزية وراسية
4- تفعيل الاتفاقيات في المنطقتين ودولة الجنوب
5- الحريات الاربعة والجنسية المزدوجة
وتنتهي 90% من مشاكل السودان
يعني تغيير يعتمد على
1-قرارت جمهورية شجاعة من راسة الجمهورية لاستعادة هيكلة السودان
2-تفعيل المحكمة الدستورية تنظف الدستور وتضبط العمل السياسي
3-شعب ذكي حر ينتخب من يريد عبرانتخابات اقليمية ثم مركزية ثم راسية
ويقدم البشير استقالته للبرلمان ويخرج بطريقة دستورية من السلطة
ويرجع سودان وست منستر دولة مدنية فدرالية ديموقراطية من ستة اقاليم فقط
***
حتى لا تسقط الانقاذ في فراغ
احزاب وست منسترقبل الاستقلال اجتمعت القوى الوطنية حول وثيقة الاستقلال التي قدمها حزب الامة...وما تبقى من تلك القوى الان
1- حزب الامة
2- الحزب الجمهوري
3- الحزب الاتحادي الديموقراطي
وانتهى الحزب الجمهوري الاشتراكي مع الراحل الاسطورة ابراهيم بدري الذى اسس اول حزب للجنوبيين ولكنه عاد اليوم عبر
4- الحركة الشعبية شمال....بعد انفصل الجنوب بسبب ا الدولة المركزية للاخوان المسلمين والقوميين العرب المستمرة حتى الان

وكان مفروض من حزب الامة بدل اهدار الزمن في الطوفان في الخارج والجلوس غير المجدي في مصر وغيرها من بلا د العرب والعجم ..ينطلق في حملة استعدة حزب الامة وكيان الانصار في دارفور وكردفان والاقاليم الاوسط واقامة المصالحات بين كل قبائل السودان المتنازعة المنضوية تحت طائفة الانصار


#1366538 [الحازمي]
5.00/5 (1 صوت)

11-08-2015 10:42 AM
استاذنا العزيز
سلط عليهم الاضواء الكاشفة و افضحهم كلهم و عريهم بدءا بالامام أبوكلام و الترابي و ابو الهول
سلمت و عوفيت لكشف الجبن و اللؤم و النفاق


#1366438 [منتصر سورتود]
0.00/5 (0 صوت)

11-08-2015 08:36 AM
( بالرقم من توفيرها ) بالرغم بالرغم بي غا غزال ... يا غزال


ردود على منتصر سورتود
[الولايات المتحدة السودانية] 11-08-2015 10:21 AM
غا غزال ولا غا غرغرينا ؟؟


#1366268 [السيد الامام]
5.00/5 (1 صوت)

11-07-2015 09:59 PM
(في بعض الاحيان اقول ان الكوز بيكون فيه بقايا من كوزنة حتي بعد ان يصير شيوعيا مثل كمال الجزولي .)

هو كمال الجزولي كان كوز عشان كدا بقول الاستعلاء دا جايبو من وين


#1366212 [MAN]
5.00/5 (2 صوت)

11-07-2015 05:16 PM
كل مشاكل السودان بسبب كشكوش لو ما كان عمل العملة اياها مع الترابي ما كان حقد علي السودان وحصل الحصل. الله يسامحك يا كشكوش


#1366178 [Hulk]
5.00/5 (1 صوت)

11-07-2015 03:52 PM
عمنا شوقي متعك الله بالصحه والعافيه ،،، بالرغم من كل مايحدث حاليا ولكنني أرى في اخر النفق المظلم بصيص امل ،،، حاليا كل المؤشرات تدل على ان البشير وجميع الفاسدين من حكومته في الرمق الاخير ،، ولكن المشكله الحقيقيه ان الشعب السوداني في الوقت الحالي ليس لديه حتى ادنى تصور لمرحلة مابعد هؤلاء المجرمين ،، فما هو الحل ؟؟؟؟؟


#1366066 [لوز القصب]
0.00/5 (0 صوت)

11-07-2015 10:36 AM
اه يا شوقي كم نحن موجوعون ومفجوعون ومنبطحون

من يتولون قيادة الاحزاب حتي التقدمية ظاهريا ياتون بالتامر والتكتل فتفقد هذه الاحزاب مشاريع قادة ومفكرين كنت يساريا في الثانوي وجبهة ديمقراطية وناصريا وكفرت بالتنظيم الحزبي المائل للمصالح ومن اول ثالثة عالي قررت الابتعاد عن التنظيمات لانها مختلة وانتبهت لدراستي الاهم
المعارضة زارت التراي وتعاونت معه لانها تعرف ما يعانية من عبن ممن سلمهم الامار فخانوه حسب ظنه لان السودان اصبح لهم التحالف كان مختل الترابي يريد ان يري النظام قدرتهىعلى الحركة والعكننة واحزاب المعارضة ضعيفة فقيرة ماليا وفكريا وتنظيميا والانقاذ اغرت من فيهم رقشة من الكوادر المعارضة واحزاب المعارضة مخترفة للنخاع

الحكاية دافوري وقلع وحركات ولا خير فيهم جميعا

ولكن حواء السودان ولود
لناذا لايتقاعد رؤساء الاحزاب السودانية وهم مخلدون الا يخطفهم الموت
لابد من وضع اسس جديدة كما في بريطانيا ان فشل الحزب في الانتخابات تغير الانتخابات وبكل بساطة

اما نحن فهييييصة

وكم امقت السياسة والسياسيين لانهم البلاء والداء والكارثة واخرتها اصبحوا بالثمن
لا حولة ولا قوة الا بالله وحسبي الله ونعم الوكيل


#1366049 [nadus]
5.00/5 (2 صوت)

11-07-2015 09:48 AM
حبيبنا بدرى ... يا يد البدرى قومى بدرى ازرعى بدرى احصدى بدرى شوفى كان تنقدرى .. او كما قال الشيخ فرح ...خالنا الحبيب فى كوبا يوزع الحليب للاطفال فى البيوت صباح ومساء ...فليعشق كاسترو ... كنت فى مشفى ومعى ممرض كوبى تمنيته سودانيا خالصا .... مشكلتنا (نحن) فليذهب من يذهب للآخر كما اسلفت ان ام درمان (ام الكل ) مسيحى ومسلم ويهودى ولا دينى ... دعنا نختلف ...لا فى افكارنا لكن فى سحناتنا واشكالنا لكن هويتنا هى الوطن كما كنت دائما تردد لا تنغض ما تقول لموقف ولا تتنازل عن فكرة لاجل شخص ...فليذهب من يذهب .
انت لا تذهب ..... فل ستوب
انت تدعو للمدينة الفاضلة ....
تحترم حتى الحرامية .....
فما بالك بمن ذكرتهم ؟؟؟؟؟؟
ارجوك كن محايدا ....
لا تبنى مواقفك على الشخوص
شكرا


ردود على nadus
[ياسر] 11-09-2015 09:42 AM
الحراميّة لم يخونوا شهداءهم .. لم يبيعوا قضاياهم و لن يصالحوا جلاديهم !


#1366042 [الحقاني]
5.00/5 (1 صوت)

11-07-2015 09:34 AM
يا اخي شيوعية شنو واشتراكية شنو عيش الواقع ﻻنو كلامك دا ما مكن يحدث في السودان للابد .السودان خلاص فارق العلمانية الي غير رجعة باذن الله .


ردود على الحقاني
[محمداحمد] 11-08-2015 09:36 AM
يا ربل ليه اساليب التهديد و الوعيد و الازدراء،اين الرأي و الرأي الاخر،و هل من لا يعرف الشيوعية المبجلة التي تخلى عنها حابكوها يلم بقجو و يتخارج ولا هناك طرق اخرى توصل رسالتك بصورة مهذبة قابلة للاخذ و الرد..........

[مدحت عروة] 11-08-2015 08:44 AM
السودان فارق العلمانية حسب كلامك وبقى يمارس العهر والدعارة باسم الدين الحنيف فلا حافظ على طهر ونقاء الدين ولا على وطن موحد يتمتع بالحرية والديمقراطية وسيادة حكم القانون وفصل السلطات!!
الحركة الاسلاموية السودانية هى القذارة والوساخة والعهر والدعارة السياسية والله على ما اقول شهيد بل هذه الالفاظ اشرف واطهر منها ومن الاسسوها وكذلك العلمانيين الذين يريدون ابعاد الدين الحنيف عن الصراع السياسى ويحترمونه ولا يحاربونه بل يدعمونه لاصلاح المجتمع دون فائدة مادية او سياسية من ذلك هم اطهر واشرف من اى اسلاموى ابتداءا بحسن البنا الى اصغر عضو فى الحركة الاسلاموية!!!!!!!

[Rebel] 11-07-2015 10:59 PM
* يا وليد,"علمانيه و شيوعيه" كلمات إنت ما بتعرف معناها!..و ما قدرها.."قالوها" ليك ساكت شان "إجيبوك!" بيها!!..
*و زى الكلام الباطل, زى سياده ده, بتنكرو يا وليد!..و كان مشيت فيه, بتندم عليه ندم شديد!!
* و سيادك الكبااار, مش انت المهرج بتاع السمع و الطاعه!, لا..لا..لا, سيادك الأصليين الكانوا غاشينك و غاشين الناس بالدين!!..هم اول من يقر انهم سبب ضياع الدين و الوطن, الإثنين مع بعض!
* و هم اول من يعرف انهم, انفسهم, سبب التاسيس للعلمانيه و الشيوعيه و اللادينيه فى ما يتبقى من سودان المستقبل!!
* طبعا انت وليد صغير, على الأقل فى عقلك و مخك مش عمرك!..تابع و متواضع قدر حالك يعنى, ما حا تعرف ليه سيادك بقولوا كده!؟
* و يا وليد..عمامك "التجار".."التجار" ذاتم كايسين إتخارجوا من "البضاعه ذاتها" و "سماسرتها" ما لاقين مشترى!!..و انت لسه يا وليد فى "جهلك و غباك", و هضربتك بالشريعه و العلمانيين و الشيوعيين الرفضوا "البضاعه" المجانيه!!
* ها يا وليد..أنقرع!..و ما تتلفظ ساكت!!..عشان تاكل بااارده ما تضوق حاره, ما بتقدر!!

[زول سودانى] 11-07-2015 10:51 PM
وغير العلمانية ما حتقوم ليهو قايمة تانى, أكثر من ربع قرن وهو حاتل في الحضيض مع تجار الدين وما فيش غير العلمانية لاستئصال هؤلاء المجرمين.

[gogo] 11-07-2015 02:39 PM
السعودية والسودان والعالم هو عماني العلمانيه هي قوانين وضعها الانسان لتنظيم حياتهم مثل قانون تنظيم المرور

[كوكاب] 11-07-2015 12:34 PM
انت واقع من وين؟ الدخل العلمانية هنا شنو؟

[Lila Farah] 11-07-2015 12:20 PM
والله لم ينصلح حال السودان ابدا الا بكنس الدجل والشعوذه
والخرافات والاوهام وتجار الدين الي الابد..!!!!!!!!!!!


شوقى بدرى
شوقى بدرى

مساحة اعلانية
تقييم
9.68/10 (58 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة