02-02-2016 05:38 PM



ساخر سبيل
استخرج الكلمة الشاذة مما يأتي:
1 - مطار الخرطوم – كبري المك نمر- ميناء بورتسودان – ميناء سواكن.
2- النشل – التزوير – الهجرة غير الشرعية – الخلوة غير الشرعية.
3- خروف السماية – المدينة الرياضية – قماش البنطلون – المنديل.
4- الأساس – الثانوي- المعهد – الجامعة.
5- جواز السفر – الجنسية – البطاقة الشخصية – رخصة القيادة.
6- التمباك – البنقو – الهيروين – الدواء.
7- مقابر باصات الوالي – مقابر أحمد شرفي – مقابر فاروق – مقابر البكري.
8- الحج – الزكاة – العُمرة– الصلاة.
9- الموظف – لاعب الكرة – المسؤول – المطرب.
10- الصحيفة – الكاتب – لاعب الكرة – الزمن.
11- الطيب ود ضحوية – طه الضرير – بتاع الضرائب – الطيب صالح.
12- السوق المركزي – سوق المواسير – سوق سعد قشرة – سوق عفراء.
13- الحرير – التترون – السكروتة – الصوف.
14- تلاجة العامل – تلاجة الموظف- تلاجة المزارع – تلاجة المسؤول.
15- الكوع – الركبة - عضم الشيطان – الإبهام.
16- الحرب العالمية الأولى – حرب أكتوبر – شارع مدني – حرب البسوس.
17- الصلصة – الطحنية – الشيبس – الوزير.
18- السُلطة التشريعية – السُلطة التنفيذية – السُلطة القضائية – المواطن.
19- اللخمة – الزحمة – الهجمة – اللحمة.
20- المواتر – اللاندكروزر- البرادو – الدراجة الهوائية.
21- الملاريا – الطلقة – تصريحات المسؤولين – اللغم.
22- الذبابة – الأميباء – كريات الدم – الرغيفة.
23- بيت العرس – بيت الشعر – بيت الأدب - بيت البكا.
24- قاعة المحكمة – قاعة البرلمان – قاعة السينما – قاعة الدراسة.
25- الفيل – وحيد القرن – الخروف – المسؤول.
الإجابات:
1- ميناء سواكن لأنو المكان الوحيد فيهم الذي لم تقبض فيه مخدرات.
2- الخلوة غير الشرعية فهي الوحيدة فيهم التي لم يجرمها القانون (ذي ما قالو) !
3- المنديل لأنه الوحيد الذي لا يمكن تقسيمه وتجزئته فيهم.
4- الأساس لأنه لا يوجد فيه تعاطي للمخدرات.
5- رخصة القيادة: فهي الوحيدة عليها غرامة إذا لم تكن سارية المفعول.
6- الدواء فهو الوحيد فيهم البكتل طوالي (إنعدام صلاحية وكده).
7- مقابر باصات الوالي – أحمد شرفي – فاروق – الجمرية.
8- الصلاة فهي الشعيرة الوحيدة التي لم يطالها الفساد.
9- الموظف: كووولهم. بيسافروا إلا هو (يا عيني !).
10- الزمن فهو لا يمكن إيقافه.
11- كوولهم همباته إلا الطيب صالح.
12- سوق عفراء لأنو الوحيد بيناتهم الما فيهو ريحة مقرفة !
13- الصوف: فهو الوحيد الذي لا يرتديه مشائخ الصوفية.
14- تلاجة المسؤول: عشان بيكون عندها (أخت) غالباً ديب فريزر وكده !.
15- ج الأبهام (الباقين ما ممكن تلحسهم).
16- حرب البسوس (أقلاهم قتلى) .. ولسه !
17- الوزير: كووولهم عندهم إنتهاء صلاحية إلا هو (الموت بس) !
18- المواطن: (عشان التلاته الباقين ديل هم حاجة واحدة وكده).
19- اللحمة: لأنو الزول ممكن يكون مزحوم وملخوم أو مهجوم لكن ما ممكن يكون ملحوم.
20- الدراجة الهوائية: لأنها الوحيدة التي لا تظهر في مواكب المسؤولين.
21- الملاريا: عشان الزول ممكن يطلع منها وكده !
22- الذبابة: لأنها الوحيدة بينهم التي يمكن رؤيتها بالعين المجردة.
23- بيت البكاء: لأنو الوحيد الذي تتم فيه مناقشة الكورة والسياسة والوضع الراهن.
24- قاعة البرلمان: عشان الوحيدة التي يحلو فيها النوم.
25- الخروف: لأنو جلدو ما تخين كما البقية.
كسرة :
السؤال: استخرج الكلمة الشاذة من هذه الكلمات :
مصر – ليبيا – السودان – تونس.
الإجابة: السودان عشان هو البلد الوحيد في البلدان دي المطبق الشريعة.. (عارفكم إخترتو ياتو إجابة يا وحشين).
كسرة ثابتة (قديمة):
أخبار ملف خط هيثرو العند النائب العام شنو (وووووووووووو)+(وووووووووووو)+ (وووووووووووو)+(وووو)+(و+و+و+و)+و+(و)+و+و.
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو وووو)+(ووووووووو) +(وووو)+(و+و+و+و)+و+(و)+و+و.

صحيفة أول النهار



تعليقات 9 | إهداء 0 | زيارات 7261

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#1409713 [awadalkareem ahmed]
0.00/5 (0 صوت)

02-03-2016 01:06 PM
واله يا استاذ مافهمت حاجه لانهمافى حاجه بقت تتفهم فى البلد دى


#1409565 [Ali Sankal]
0.00/5 (0 صوت)

02-03-2016 09:32 AM
حمدا لله على السلامه يا استاذ الفاتح.
طولت مننا بالحيل ، ليش تتوقف من الكتابه مع توقف التيار و تخلينا خرمانين؟


#1409547 [مدحت عروة]
5.00/5 (1 صوت)

02-03-2016 09:10 AM
مطبق الشريعة وخاتيها فى الدولاب مع القمصان ولا كيف؟؟؟؟؟


#1409515 [صالة المغادرة]
5.00/5 (1 صوت)

02-03-2016 08:24 AM
الله يجازى محنك يا جبرة انت قاصد تقول باللفة انو مصر وليبيا وتونس زارهم الربيع العربى الا السودان عشان كده قلت لينا يا وحشين ونحن والله ما وحشين لكن مغلوبين على امرنا بس ونحمد الله ونصلى على الرسول عندنا معارضتين داخلية وخارجية ما عايزين يفكونا من عصابة الرقاص البقت لينا زى جنا الحرام كان كتلتو الله بيسالك وكان خليتو ياها البشتنة وامرنا لله يا جبرة .


#1409505 [عبدالرحمن أحمد المهيدي]
0.00/5 (0 صوت)

02-03-2016 08:11 AM
وحشتنا كثير في غيابك - حمدالله على السلامة - يعني من هنا وجاي حنشوفك مع ناس اول النهار . أقترح بدل الواوات الكثيرة دي تعملها كالاتي :
شنو (و)12 + (و)12 + (و)12 + (و)4 ..... وهكذا


#1409499 [سوداني حتى النخاع]
0.00/5 (0 صوت)

02-03-2016 07:55 AM
حمداً لله على السلامة أستاذنا الكبير جبرا. لك وحشة كبيرة. وغيابك طال لعل في الأمر خير.
أما بخصوص الكلمات الشاذة، فإن البلد كلها أصبحت شاذة!!!


#1409393 [samer]
0.00/5 (0 صوت)

02-02-2016 11:48 PM
1-الشرطه - الجيش- الجنجويد
2-الاتحاد الاشتراكى - المؤتمر الوطنى- جمعية اللواء الابيض
3-الرشوة- الهديه- الاختلاس - التحلل
4-الازهرى- المحجوب - على عبداللطيف- البشير
5-مشروع الجزيره- السكك الحديديه- الخطوط الجويه السودانيه- مصنع البان بابنوسه
6-جنوب افريقيا -اثيوبيا - السودان
7-جنوب السودان- دارفور- جبال النوبه- النيل الازرق
8-خزان الروصيرص- خزان سنار- سد مروى - سد كجبار
9- الفشقه -ابيى -حلايب- الدمازين
10- على عثمان- نافع- الترابى - الزبير محمد صالح
11- القرموط- الشرموط- المكرونه
12- العبيد ودبدر- المكاشفى- شيخ الامين الحيرانو جكسى و محايتو ببسى


ردود على samer
[محمدوردي محمدالامين] 02-03-2016 12:31 PM
ابدعتم (كما يقول دائمااستاذنا السر قدور)
انت وشيخك المبدع دائما جبره؛ابدعتم


#1409349 [جنكر]
0.00/5 (0 صوت)

02-02-2016 09:26 PM
جبره وصل حرمنا حرمنا الف الف حمدالله على السلامه ياكبير


#1409294 [عودة ديجانقو]
5.00/5 (1 صوت)

02-02-2016 06:46 PM
السؤال: استخرج الكلمة الشاذة
الصادق..الترابى..الميرغنى..البشير

الأجابه..البشير
ديل كوولهم عايشين بأسم العائله لركوبنا إلا البشير فهو مقطوع من شجره.


ردود على عودة ديجانقو
[ابو معاذ] 02-03-2016 12:34 PM
بل الشجرة الملعونة

[الـــســــيـــف الــبـــتــــــــار] 02-03-2016 10:58 AM
ومن الشجر شجرة مسكيت !!!!!!


الفاتح يوسف جبرا
الفاتح يوسف جبرا

مساحة اعلانية
تقييم
3.30/10 (15 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة