05-31-2011 01:05 PM

عايزين بامية زي بتاعت امبارح!

ايمان حموري
[email protected]

كلما شاهدتُ هذا الاعلان علي الفضائيه السودانية يدور براسي هذا السؤال (يعني كيف امبارح اكلو بامية واليوم حاياكلو بامية) طبعا هم أحرار(ياكلو اللي ياكلو) لكن علي العكس هناك مثل يقول (كل يوم بامية!) دليل علي الضجر والملل والرغبة في التغير قال الفيلسوف اليوناني هرقليطس ( إن التغير قانون الوجود، وإن الااستقرار موت وعدم) حيث انه شبّه فكرة التغير بجريان الماء في النهر فعندما يجري الماء يكون نقياً وصافياً اما عندما يكون الماء راكداً غير متحرك فانه يتعفن وتفوح رائحته لذلك لابد من التغير في كل مناحي الحياة الاجتماعيه والاقتصاديه والسياسيه واركز علي المنحي السياسي لانه يؤثر تاثيرا مباشرا علي الاقتصاد والمجتمع وكلما كانت الحكومه مثال للاخلاق والامانه وبعيدة عن الفساد والمحسوبيه كلما ارتقت الشعوب وازدهر الاقتصاد ، وانخفض مستوي الجريمه وتراجعت حالات الطلاق قال تعالي قال تعالي (إن الله لايغير ما في قوم حتى يغيروا ما بأنفسهم) أي علينا ان نسعي للتغير ولانخشي منه فلكل تغير سلبياته وايجابياته ولكن طالما هو تغير سعينا له وصنعناه بايدينا فلابد ان نتفاءل خيراً
ويجب علينا ان لا نستمع لتلك النغمات الداعية للركود (جناً تعرفو ولا جناً ما تعرفو ) وابدا لا تقولو (لوطبيخ البامية القاعد ليهو عشرين سنة كان كمل حاناكل من وين )لانه قبل ذلك كان هنالك (حلة ام رقيقه قعد ت ١٦ سنه الشعب ياكل فيها) بعدين الطبخه شاطت ! والحمد لله بدات تهل علينا بوادر التغيرالسلبي !(بدلالو بدلالو صندليه لجمالو) وانشاءالله سوف ياتي التغير الايجابي وسيتغير (اللي في بالي ) ولو دامت لغيرهم لما اتت لهم
اخر الشاي
الكلام من سوداني للغيرسوداني بفلوس
مع مودتي
ايمان حموري

تعليقات 10 | إهداء 0 | زيارات 3855

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#152852 [sudani]
0.00/5 (0 صوت)

06-01-2011 05:46 PM
بامية كلها زيت وصلصة......وشكلها يقرف....................بس أحسن شوية


#152549 [ود العبيد]
0.00/5 (0 صوت)

06-01-2011 10:23 AM
وانابنادي بالتغيير في الحياة الاجتماعية فحسب كلامك ان المرأة روتين في حياة الراجل ذي باميتك بتاعة امبارح دي وكذلك الرجل وبيني وبينك الانعتاق من حتة الكبت دي بطريقة مقننة يؤدي الي صفاء الذهن ثم الفكر ثم الابداع فالفساد المالي والسطو المنظم على مقدرات الشعب ده كلو تفريغ رغبات مكبوته فما بتجد طريق مقنن تتفرغ فيه فبتقوم تنقد بجهة تانية لا مأخذ كبيرعليه0 عندنا عادي جدا بل شاطر جدا ان يكون المسؤل الفلاني بلع المبلغ الفلاني لكن غير عادي بل خسيس وعواليق ان يكون فلان الفلاني شخت فلانة الفلانية0


#152447 [عبد الله ]
0.00/5 (0 صوت)

06-01-2011 07:05 AM
بعض الإعلانات تطمم البطن وتقرف من المنتج .
كأن صاحب المنتج يريد أن يكف عنه العين .
(أمانة ماعجيب يا سوبر ... قرف )


#152431 [saif]
0.00/5 (0 صوت)

06-01-2011 06:18 AM
والله دعايه بااااااااااايخه والست الي فيها ابيخ منها والرجل ال في الدعايه يسد النفس والاطفال يكرهو في الولاده والدعايه السودانيينه تكره التلفزيون والتلفزيون السوداني ما بيشبه السودان تصنع بوبار عدم اقتناع بالواقع المرير ربي يعين من يتفرج علي


ردود على saif
Saudi Arabia [Tilal] 06-01-2011 01:03 PM
ياخي بالغت عدييييييييييييييييل قول العايز تقولو في اي حاجة بس الناس ما تغتابم ياخ!!!!! الشفع ماشاء الله عليهم وما داير اتغزل في البنيه لانو حرام والراجل ما قصر وانا شايف انها دعاية رايعة جدا واشجع كل ماهو سوداني بدءا من لول لول العروس حلاتو صابون فونا مرورا بههاها كلين اتهاءا بهذه الدعاية ولك فايق شكري وتقديري


#152386 [الهادى]
0.00/5 (0 صوت)

06-01-2011 12:40 AM
بس الباميه ماياهو


#152221 [mohamed]
0.00/5 (0 صوت)

05-31-2011 06:19 PM
يوم جيت راجع البيت

لقيت عندنا ملاح باميه مفروكه بالكمونيه

احنا اخر مره ضبحنا خروف كانت الضحيه الفاتت

تفتكرو الكمونيه دى طلعت كيف

اتخيلو

الديب فريزر اتارى باظ



ردود على mohamed
Saudi Arabia [استاذ عربي] 06-01-2011 08:10 AM
ضحكتني وشوقتني للكمونية (المعتقة) بالهناء والشفاء يا بوحميد


#152179 [ بحر مالح]
0.00/5 (0 صوت)

05-31-2011 04:47 PM
انتى ما شفتى دعاية الدفار البطير,,والله دى الهنود ما عملوها,,واحسن واجمل ناس بعملو اعلانات هم ناس ام تى ان,,,وبعدين الاعلان بالغنا ده فى الاذاعة معقولة لكن فى التلفزيون الصورة هى اقوى تعبيرا وتاثيرا ,, على القسم انا كرهت البامية مع انى بحب ها مفروكة......


#152143 [حاتم]
0.00/5 (0 صوت)

05-31-2011 03:57 PM
طبيخ البامية عفن و ريحتو طلعت


#152120 [gar]
0.00/5 (0 صوت)

05-31-2011 03:18 PM
الصحيح..
(( إن الله لا يغير ما بقوم حتى يغيروا ما بأنفسهم وإذا أراد الله بقوم سوءا فلا مرد له وما لهم من دونه من وال ))
مع كل الود والتقدير.


#152051 [نون]
0.00/5 (0 صوت)

05-31-2011 01:21 PM

بس الشئ الوحيد المفروض السودانيين ما يعملوه خالص هو الاعلان .


ايمان حموري
ايمان حموري

مساحة اعلانية
تقييم
8.29/10 (17 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة