أم روابة وما ادراك ما ام روابة..




"جبت ناسي ناس الدعم السريع سكوهم سكة واحدة دخلوهم الجنوب"

اعلاه بالحرف كلام رئيس الجمهورية والقائد العام للجيش..

الطبيعي اي رئيس دولة يفتخر بجيشه ويباهي به ليردع الاصدقاء قبل الاعداء..

البشير يفخر بالمليشيات والجنجويد برغم انه ضابط وخرج من رحم المؤسسة العسكرية..

لم يكن حزني علي البشير بقدر حزني علي ضباط وقادة القوات المسلحة..

هذا إعلان صريح بأنه لم يعد لكم وجود او بالأحرى لدينا من يقوم بخدماتكم بل افضل..

آسف للفظ انتم امام الشعب السوداني "متيسيين" لو صح اللفظ.. من تيس.

استقيلوا او إنتفضوا لكرامتكم امام هذا المعتوه المريض الذي بسبب هبله اصبح السودان احقر دولة علي وجه الارض.. وجيشها مليشيات وجنجويد ومرتزقة..

كنت في نقاش مع احد الإخوة الضباط وتحدثنا عن حال الوهن الذي اصاب القوات المسلحة وقادتها..

قال لي : "بصراحة نحن الضباط ما بنعارض النظام إلا نلاقي نفسنا في المعاش بالجلابية حايمين في السوق العربي"

نعم حاجة مؤسفة عندما يجدوا الإخوة الضباط انفسهم "بالجلابية حايمين في السوق العربي" يا داب بيعرفو وبيحسو انو البلد دي ماشة غلط..

وبعد داك يبدو في اللعن والشتم و اللطم.. والمعارضة التي لا تجدي نفعاً.. لأن الحياة بالجلابية في السوق العربي جحيم لا يطاق..

نصيحة الإنتو فيه دا ما إسمو إنضباط دا إسمو هوان و ذُل لما قايدكم يفتخر بالجنجويد والمليشيات ويقول ديل ناسي.. و سكو الجماعة لحدي الجنوب.. وهو في قمة الإنبساط..

البشير اكد إنه الجيش ما ناسو.. عليكم الله ابقو ناس الشعب السوداني الغلبان الجيعان الإتمرمط وإنتو قادة جيشو وناسو.. البشير مصيرو ح يتكل علي الله بس تبقي المواقف كالجبال..

السؤال الزمن داك إنتو وين لما الجنجويد سكو الجماعة ودخلوهم الجنوب..؟

الإخوة الضباط ما تقولوا انا عصرت عليكم.. بشة هو العصر عليكم والله..

الله غالب..


خليل محمد سليمان | 03-10-2018 06:53 AM



Powered by Dimofinf cms Version 3.0.0
Copyright© Dimensions Of Information Inc.