06-13-2011 06:52 PM



أها حتعملوا شنو؟
عمر الفاروق عبد الله
[email protected]

بعد يوم 9 يوليو وبعد ما دخل البترول يخرج من حسابات الحكومة في الشمال .. ياتري ما هو الحل في تغطية هذا الفاقد من الثروة بعد انفصال الجنوب؟ أها يا ناس الإنقاذ حتعملوا شنو؟ رئيس الجمهورية قال في حزمة من الإجراءات ستعلن لتعويض جزء من دخل النفط المفقود!! وقال بعظمة لسانه ما حتكون في ضرائب جديدة يعني أنتو حواة! يعني ما حتزيدوا أسعار المحروقات ولا حترفعوا الدعم من السكر وغيره من السلع التي يحتاجها إنسان السودان ولا حتزيدوا الجمارك علي ما تسمونه بالسلع غير الضرورية وحتي الضرورية ألن يصيبها فيضان الأسعار القادم؟ يعني ما حتزيدوا الضرائب علي فئات معينة وتدخلوا فئات جديدة لمظلتها؟ وللمغتربين المساكين مش ممكن نزيدوا حجم الأتاوات من ضرائب وخدمات وغيرها .. كده بالعربي الفصيح والدارجي البنعرفه ورونا حتعملوا شنو ولا ننتظر الي مابعد التاسع من يوليو حكومة ستة سنين ومعتمدة علي دخل النفط لرفع سقف ميزان مدخولاتها أين ذهبت هذه المليارات ولماذا لم توظف في مشاريع إستباقية لما بعد يوليو ولماذا لم يعاد تأهيل المشاريع الزراعية والسكك الحديدية ولماذا لم يملك الشباب الآلاف من الأفدنة ناهيك عن الملايين التي قد تذهب لجنسيات أخري!! الكلام ده بس للستة سنين من 2005 وما سألناكم عن الشي الحصل من 30/6/1989 وده موضوع يطول شرحه وتفسيره وتبيانه وتوضيحه!!! والله الراجيكم من جنس ده حار وده ما بنكوي بي نار. وبعد ما ضيعتوا الجنوب ولعتوها في ج كردفان وأبيي ومزيداً من النيران هنا وهناك علها تخفي ما تحت وميضها بس نيران الشعب السوداني حتمشوا منها وين لو ولعت الشرارة!!

تعليقات 2 | إهداء 0 | زيارات 1826

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook




التعليقات
#159669 [سمارة]
0.00/5 (0 صوت)

06-14-2011 08:10 AM
نقول لوزير الما لية لو مافتحتو تصدير الهايلوكسات القديمة سوف ندخلوها عن طريق الجنوب وبي جمرك رمزي وترخص في مكاتب الحركة الخرطوم لانكم دولة رشاوي


#159546 [علي]
0.00/5 (0 صوت)

06-13-2011 10:38 PM
حيعملوا مش شايفين!!!
لغاية مالشرارة تبين!!
ويقولوا يافكيك من الهايجين!!
ويخلوها سلطة سلطة خل وطحين!!
والشعب المأمل يلكز النايمين!!
والكانو راجين السراب من الهاربين!!
الفكروا الشغلانه لعبة ! بس سياسة ودين!!
والاقتصاد سرقة بيوت وعرسا مالقاهو الزين!!
وبنايات جرفها هاري مبنية من الطين!!
وحوقلة عيون ودقون طوييييييلة للكرعين !!
ووطن ضيعوها لايوم الدين!!
وخلوها فتة!!ياريت بس اتنين!!
اصحه يابرش وصحي الكمان داقسين!!
صجي النايم والكز النايمين!!
الترابة في خشمكم اكان لي زي ديله بس راجين!!
;( ;( ;( ;( ;( ;( ;( ;( ;( ;(
نبكي مابفيد في الضياع بلادو ذي جماعتك من الرافدين!!
اوذي البيكوسو اسه في وطن يسمهوه اسراطين!!
اوحتي فلس مش معاها طين!!
ولوحتي قطعه يمردغو فيها الراس ويموتوا فيه متقالدين!!
وات العندنك نايم مخليه يضيع يا.....ياود السمحه الشلوخ متعارضين!!
ياود اس عزاز مايرضو الشين!!
ياودبتي وود ام حقين!!
ات حقك كلامك رايك وين!!!
زمان في الرجالة مابتقبل الا من عارفين!!
وبتشمر سواعدك وترفع الواقعين!!!
اسه البلد دحين متوجع ولاحق امات طه !!! وعاد الحاره بيرجوها لامتبن!!


عمر الفاروق عبد الله
مساحة اعلانية
تقييم
2.53/10 (25 صوت)





الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة