كلامات

د.كمال عبد القادر



كلامات

د.كمال عبد القادر


لاعب كورة معروف بأنه جراي وشوات ولكن معظم هجماته كانت تنتهي بالتسلل أو التهديف في الأوت. في إحدى المرات طالبه أحد اللعيبة المستجدين بأن يعكس له الكرة فقال له )يا ولد بطل قلة الأدب أنا قدر عمرك دا عديتو \"أوف سايد(\" ..
يبدو أن المؤتمر الوطني سمع بقصة المسطول الذي أخذ زوجته إلى ناظرة مدرسة البنات وقال لها \"ممكن ألقى عندكم فكة؟\" ولهذا قرر الوطني يأخد ليهو وزيرين تلاتة ويجيب بدلهم فكة..
على الوزراء والوزيرات من صغار السن التزام الحذر حتى لا يطلع لهم أحد الكباتن قائلا (نحن قدر عمركم دا عديناهو في حالة \"تسلل\").

السوداني

د.كمال عبد القادر | 12-22-2011 11:56 AM


التعليقات
#261686 Saudi Arabia [واحد]
0.00]/5 (0 صوت)

12-24-2011 10:01 AM
يا ود الخضر __ السعودية

أول مرة اسمع بكلمة ( تكفل خشمك ) !!!!!!!


#261659 Saudi Arabia [ودالخضر]
0.00]/5 (0 صوت)

12-24-2011 08:59 AM
يادكتور بقيت جرئ اكثر من اللازم
القصة وما فيها كالاتى
الدكتور ضخ كمية من المعدات الطبية المستعملة الى المستشفيات وطبعا دا كلوا بثمنو واليوم الجماعة قفلوا عليكه كل مصادر الرزق الغير مشروعة مش ايمانا منهم بالنزاهة ولكن عشان الدور اعطوه واحد اخر
اقول ليك يادكتور والله انت حتمشى الحصاحيصا بركشة الجماعة ديل حينتفورا ريشك ريشه ريشة ويخلوك تفرش امام المستشفيات تبيع الفول والتسالى
اختشى بقت عليك اثنين حرامى ونكار للجميل الجماعة ديل فضلهم عليك كثير على الاقل تسكت وتكفل خشمك دا (خلاص يادكتور ورقك انحرق عند الانقاذ)


#261188 Sudan [ابوياسر]
0.00]/5 (0 صوت)

12-23-2011 03:31 AM
من المخجل ان تكون كتابة وفكر وكيل وزارة صحه بمثل هذه العبثية والسطحية وتلوث الفهم وعقم المصطاحات اللغوية ضحالة وركاكة وسوقية وفكاهة مبتذله تثير الرثاء وتزكم الانوف

من ينصح هذا المتسلق بان يحفظ ماء وجهه ويريح العباد من هذه الغوغاء والطراش الفكري

يعنى خلاص بقيت مع الغلابة وبتنتقد عشان يسكتوك بى وزارة

انتا زاتك مابشتريك بي فكة والمسطول مابيفهم كتاباتك


#261109 United States [د.وليد ]
0.00]/5 (0 صوت)

12-22-2011 11:12 PM
يا ليت هذا الكمال يقرأ هذه التعليقات حتى يحترم عقله قبل عقولنا ويحترم نفسه قبل نفوسنا
عليييييييييييييييييك الله اعفينا منك
هذه الراكوبة هى متنفس لنا فارجوك اخرج منها
تركنا لك السودان ولامثالك ونسالك يا دكتور كمال ان تترك لنا الراكوبة


#261098 Saudi Arabia [أبو محمديحيى]
0.00]/5 (0 صوت)

12-22-2011 10:51 PM
صحيفة هايفة اللي يكون فيها عمود بهذا المستوى


#261096 Sudan [الجعلى]
0.00]/5 (0 صوت)

12-22-2011 10:43 PM
والله انا ماعارف الكاتب بيقرأ التعليقات ولا لا- الارجح انه ما بيقرأها


#261068 Sudan [Nagi]
0.00]/5 (0 صوت)

12-22-2011 09:05 PM
والله الاختشو ا ماتو ا ماتو زمان

ياهو تبقى امثال هؤلاء المشوهين

بالمناسبه الطبيب الماهر عمرو ما يترك طبو



#261020 Sudan [. borring]
0.00]/5 (0 صوت)

12-22-2011 07:09 PM
ياخى اخجل شوية واحترم عقولنا
بالمناسبة مافى عفا الله عمً سلف ( واذكروا عود القذافى كويس) والكلام ليك ىغابو كلامات


#261001 Saudi Arabia [بدرية]
0.00]/5 (0 صوت)

12-22-2011 06:07 PM
والله ما فى أى علاقة بين النكتة السمجة وبين الفقرتين التاليتين. هو ده شنو ده؟ كتابة بالقوة؟ جريدة السودانى كده حتتدهور مبيعاتها و تفلس تلحق وزارة الصحة ذاتها.


#260963 Sudan [عبدالله]
0.00]/5 (0 صوت)

12-22-2011 04:55 PM
يا دكتور النظام البتسخر منو ده هو من جعل منك رجلا شهيرا. نصيحتى لك الا تنسى نفسك فى غمرة السخط على الانقاذ فملفات فسادك فى وزارة الصحه جاهزه للعرض والمحاسبه.
رمى النظام الطعم فالتقطته واومأ لك بالمال فسال لعابك فعرف نقطة ضعفك وانتهز الفرصه قبل ان تفيق من حلمك الجميل.
حاذر لنفسك وسر بمحاذاة الحائط حتى يقضى الله امرا كان مفعولا قبل ان تخلق منها بطلا.


#260958 Sudan [ودالشيخ]
0.00]/5 (0 صوت)

12-22-2011 04:48 PM
كلماتك يادكتور اصبحت لا تطرب

فانت اصبحت ابن الانقاذ البار

ولن ينسى لك التاريخ وقوفك ضد حقوق الاطباء المشروعة

ولن ينسى لك الاطباء هضم حقوقهم وفصلهم من الخدمة

ولن ينسى لك ايضا تحريض قوات الامن والاحتياطى المركزى لضرب واذلال الاطباء ...

فنرجو ان تحترم عقولنا وبدلا من اسدا النصح للوزراء والحكومه فانصح نفسك اولا ً


#260918 Saudi Arabia [هيثم مشرف]
0.00]/5 (0 صوت)

12-22-2011 03:24 PM
و إنت لسان حالك يقول \"يا فيها..يا أفسّيها\" فُرِضت علينا فى زمنٍ ما ..فهجرنا البلد.. ونلقاك فى \"الراكوبة\" لا نقراُ لك إلا لنرُدّ عليك..ياخى إلزم بيتك علنا نستريح من رؤياك حيناً أو شوف ليك عيادة \"إن كان فيك من ألطب بقية :D


#260833 Saudi Arabia [abodeena]
0.00]/5 (0 صوت)

12-22-2011 12:38 PM
والله نكاتك بقت ما مبلوعة ..

كأنك قعد تكلكنا بمفك نجمة ...



ببساطة لأنك جزء من النظام البتسخر منه حاليا ..


كونهم اعفوك من الخدمة ليس كفاية بإعفاك من الانتماء

لو كان قدمت استقالتك لحظة قمتك في السلطة وجودك كان قبلناها منك



Powered by Dimofinf cms Version 3.0.0
Copyright© Dimensions Of Information Inc.