حديث المدينة
عيب.. والله العظيم.!!
عثمان ميرغني
تأكد لي بما لا يدع أي مجال للشك.. أن هناك قرار بمنع انسياب السلع من الشمال للجنوب.. خظر لتجارة الحدود مع جنوب السودان.. قبل أن تعلن دولته.. إذ اتصل بي أمس بعض أصحاب الشاحنات الذين تعودوا على ارسال شحنات من البضائع الى الجنوب. وحكوا لي كيف أن شاحناتهم منعت من عبور الحدود إلى جنوب السودان وظلت لأكثر من عشرة أيام متوقفة في مناطق بعينها في آخر نقطة قبل العبور للجنوب. لا أعرف من اتخذ مثل هذا القرار.. وأي على (استراتيجية ) يستند.. وما المقصود أصلاً من الإجراء.. هل المقصود تجويع شعب جنوب السودان وجعله يدفع ثمن تصويته لصالح الانفصال.. أم هل المقصود معاقبة الحركة الشعبية على مواقفها في انتخابات جنوب كردفان.. بالله عليكم أحسبوها بأي أرقام وبأي حجج .. هل مثل هذه الخطوة في مصلحتنا نحن شعب شمال السودان.. دعك من جنوبه.. جنوب السودان ودولته الجديدة برضانا أو بدونه.. هي الدولة الأقرب رحماً والأقرب جغرافية والأكثر اتصالاً بنا بحدود تقترب من ألفي كيلومتر. وصفها الرئيس البشير بأنها أطول حدود بين بلدين في العالم.. كيف نبني علاقات حسن جوار مع هذه الدولة التي لا تزال جزءاً منا.. بينما نتعامل معها بمثل هذه (التكتيك) قصير النظر.. لن يتضرر أهل الجنوب وحدهم.. التجار الشماليون الذين يعملون في تجارة عبارة للحدود مع الجنوب هم أيضا ضحايا هذا المسلك.. أي عاقل .. ينظر للمستقبل بعين حصيفة يدرك أننا في حاجة لاستثمار القرب الجغرافي وموقع جنوب السودان غير المتصل بالحبر في ترفيع علاقات حسن الجوار و تبادل المصالح مع الجنوب.. حتى يصبح ميناء بورتسودان هو الميناء الرسمي لجنوب السودان بدلاً من البحث عن موانئ أفريقية بديلة في كينيا وغيرها.. ثم مالذي سيحدث عندما نمنع عبور السلع إلى الجنوب.. لن يموت أهل الجنوب جوعاً كل الذي سيفعلونه مزيداً من الاتجاه جنوباً وتوسيع علاقاتهم التجارية مع دول الجوار الأفريقي المتاخمة للجنوب.. وسيحصل الجنوب على نفس السلع وربما أكثر منها.. بعد أن يستغني تماما عن أي عشم في ذوي الرحم والقربى في الشمال.. أتمنى أن نفكر بعقلانية أكثر.. هذا السلوك موجع ومكدر لمستقبلنا .. وقبل ذلك هو سلوك يفتقر للعمق الانساني.. وقيم ديننا الحنيف الاسلامية تجعل للجار حقوقاً أعلى من المعتاد.. وسيكون فهمنا للدين قاصراً إن فهمنا أن الجار (في الدين) مقصود به الأفراد في جوارهم السكني.. هذا فهم (إنتباهي) يسلب الدين شموله .. فكل الآداب التي حض الدين عليها الأفراد هي للمؤسسات أيضاً.. فحقوق الجيرة مقاصد انسانية عامة تعني الجار الدولة أيضاً.. ليت الحكومة ترفع حظر انتقال السلع إلى جنوب السودان.. والله العظيم.. أقل ما يوصف به هذا الأجراء .. (عيب..).. عيب يا جماعة..!
التيار
يا باشمهندس اي دين تتحدث عنه، واكتب لينا عن الجماعة ديل بعيد الدين ،الله لا يسئك
يا عثمان ميرغنى
والله غيبتك 3 أيام بعد ركوبك البص قلت لاسمح الله يمكن الراجل إتلحس لكن الحمد لله إنك خى ترزق
ناسك المصريين عندهم مثل يقول ( العيب على أهل العيب مايبآش عيب )
ودى زى عيبة صاحبك الوالى الذى لايظلم عنده أحد ..الما رجع للراجل الما إنتحر
كشكو…وأولادو الطشو
وهل يوجد فى بلدى غير العيب ياعثمان
منع التجارة بين الشمال والجنوب اكبر دليل علي ان ناس الانقاذ ديل ما عندهم اي علاقة بالحاصل في السودان ،، منذ يناير وذهاب الجنوبيين من العاصمة هل لاحظوا مدي تدهور القوة الشرائية في البلد وارتفاع التظخم نسبة لقلة السيولة وخروج شريحة كبيرة من المستهلكين ومن سوق العمل من البلد ، وبعد ده قفل الحدود هل فكروا ولو لثانية واحد في حجم السوق الجنوبي الذي كانوا سوف يجنوا من ورائه عملة حرة بعد 9 يوليو فقط من تجارة الحدود ناهيك عن انابيب ومصافي البترول ، هم فاكرين انهم المنفذ الوحيد للجنوبيين ولو علي الدراسة اللي بتقول ان احسن ترحيل للبترول لا يتم الا عبر الشمال في امكان اميركا شراء كل البترول الجنوبي منذ الان وتركه في ارضه لحين اتمام الميناء البديل وهي المستفيدة لديها احتياطي وبسعر تفضيلي مقابل ميناء ، لو الناس دي عندها ذرة من الحنكة والدبلوماسية وحتي التفكير كانوا احتضنوا الجنوبيين وشملوهم بكل رعاية وتساهيل لانهم هم المستفيدين في النهاية ، الجنوب دولة في طور البناء تحتاج الي كوادر ( مستوي البطالة في السودان اظنه وصل 22%) محتاجة الي سلع استهلاكية ونحن اكبر مستورد للسلع الاستهلاكية في العالم ، لكن نقول شنو انحنا غير الحماقة والتهور والكلام الما مدروس ما اخدنا منهم اي حاجة .
الاخ عثمان ميرغنى —اعتقد انك تكتب من مكتب صحيفة التيار بالخرطوم —مارايك اذا ذهبت الى جوبا او ملكال مدعيا انك تاجر ؟ سوف ترى بام عينيك المعاملة السيئة التى يتعامل بها الدينكا مع كل من هو شمالى —حتى السلع التى يتم ارسالها لهم يدعون اننا نرسل لهم السلع الغير صالحة!اتمنى ان تكون تقرأ صحفهم الانجليزية ؟! خاصة صحيفة ستيزن –طبعة الجنوب –وليس الطبعة التى توزع هنا—اذا قراءت صحفهم وشاهدت اتلفازهم سوف تخاف انت الشمالى من السير حتى فى شوارع الجنوب وذلك من كثرة الاساآت والشتم الذى تجده فى تلك الصحف موجه لك انت الشمالى وليس لحكومتك –بالعربى كده الناس ديل ماديرننا نهائى –عشان كده مافى داعى نتقل دمنا—واخيرا والله ماعيب وماحرام علينا —
يا انقاذى اسلام شنو اللى انتا جاى تقول على هولاء ليس بمسلمين والاسلام برئ منهم ومن عملائهم اقصد علمائهم صدقنى هولاء اسوا من الصهاينة
انتم يا عثمان جوعتم الشعب السوداني باكمله وافقرتموه بتنظيمكم السادي هذا …تاتي اليوم لتقول لنا ان قلبك على اخوتنا الجنوبين ……
يرسل رئيسكم آلاف الرؤوس من الابقار لشعب دولة تحتل جزءا من اراضيه ….. وتلفزيونات العالم باجمع تعرض علينا هياكل اخوتنا الجنوبين الذين هدهم الجوع ….. ولم نسمع بك يوما تكتب عن ذلك ……
لن يخسر الجنوبين من افعال مؤتمرك الوطني يا عثمان بل الخاسر هو الشمال ……
الدول تبحث عن اسواق لتسويق انتاجها ولتنمي قطاعاتها الانتاجية وشيوخك بسياساتهم الرعناء يغلقون اي بصيص امل في تحقيق ذلك ….. لنصبح اكثر انعزالا ……
سيجد الاخوة الجنوبين الحل بدول الجوار ( كينيا او يوغندا اثيوبيا افريقيا الوسطى) وسيزيد ذلك عدد الدول المتعاطفة معهم …… وسيشد الطوق على علقكم ليزداد حالنا في الشمال بؤسا وتعاسة……
اعان الله من فكر يوما الاستثمار في السودان ورحم الله من بدا …..فمعتوه واحد من شيوخ المؤتمر يمكن ان ينسف كل احلام الاستثمار بقرار يشفي ساديته …
حسبنا الله فيكم
والله يا استاذ جماعتك ديل لا بيعرفوا العيب ولا بيختشوا هذه هي ممارساتهم في تجويع الشعب السوداني قبل الانفصال وما تجربة بنك فيصل الاسلامي في احداث المجاعة في عام 1983م ليست ببعيدة. المثل بيقول من خلى عادته قلت سعادته، والله ديل لو الشعب السوداني كله مات وفضلوا هم سيقومون بنفس الممارسات مع بعضهم البعض.
( ديل الخير منهم جبدة والشر منهم يبدأ ) … ديل العيب لابسين منه جلاليب … ديل العيب ذاتو
( الشيئ من جنسه لايستغرب ) فهؤلاء العيب يحملون فيه شهادات والعيب يجري في دمائهم والعيب مغذي لحومهم والعيب روحهم التي يعيشون عليه
العقل اخد اجازة من يوم ما درت الحرب في الجنوب باسم الدين وستخدم مصطلح الجهاد لتضخيم الفتنة بالكذب والذي يكذب مرة سيكذب مرات ومرات حتى يفجر في الخصومة والعداوة وعداوة الشمال مع الجنوب جابتها نفس الحكومة التي تقوم اليوم باحكام الحصار غير المعلن وربما تعلنه بعد 9 يوليو القادم والجنوب حصاره مستحيل لأنه يفتح على دول افريقيا متعددة سبق وساعدته على الصمود في ايام الحرب ولا شك انها ستساعده على الصمود في ايام السلام وستوفر له كل اسباب الحياة وستساعده على التخلص الكلي من الاعتماد على الشمال وحينها خلي الشمال يشوف له غراباً يجزه
العيب ياهو كلامك دا عليك الله قول ليهم كمان يخسي عليكم ياناس الحكومة !!!!! تناول الموضوع بجدية شوية من اي ناحية شئت سياسية اقتصادية اجتماعية …..لكن ماتقول عيب بالمناسبة ودالخضر العايب عمل للزول الماانتحر شنو في موضوع كشكو واولادو الطشو وبرضو تقول عيب!!!!!
سجل موقف بطولي وادعو لوقفه احتجاجيه ولو مره واحده
يا عتمان الآن تتباكوا علي الجنوبيين ؟؟؟؟؟؟
اخوانكم الفي الشمال كانت قسوتكم عليهم اكثر من قسوة ألد الاعداء
شردتوهم وجوعتوهم وارهبتومهم منهم من قضي نحبه ومنهم من ينتظر
ارجوك اترك التنظير والفيكم معروفه وتكلم عن شي نستوعبه بعقولنا
يا مجدي هداك الله
قرارات حكامنا تمليها اهوائهم وامزجتهم المريضة …….. المطلوب يا مجدي ان يتعامل حكامنا بما تمليه مصلحة ما تبقى من السودان ….فنحن في عالم تحكمه المصالح والعقلانية لا العواطف والتهريج ………
الجنوب يا مجدي سوق واعدة بحساب المصالح ويمثل سكانه اكثر من خمس سكان السودان المقسم والاغنى منا بحساب الموارد النفطية …
اتدري كم مصنع سيتوقف حينما لا يجد مكانا لتسويق منتجاته ……
الا يعيد من فكر في الاستثمار بالسودان النظر بمثل هذه القرارات ……
هل سيوتر مثل هذا القرار سلبا في العلاقة بين الشمال والجنوب ام لا …..
هل سيعجز الجنوب في تدبر امره ……
هل هذه هي المؤسسية التي نرجو ….
انا اول مرة اقيف مع الحكومة دى فى قرار والعملتو الحكومة دا لاعيب ولايحزنون انا كنت فى الجنوب وشوفتا بعينى مافى زول حكى لى انو اغلب الشعب الجنوبى دا حاقد علينا انا مابقول كلهم لكن معظمهم عند فهم فى راسهم انو الزول الشمالى دا ماكل حقهم عشان كدا بيعتبروا الجلابة ديل درجة خامسة(الجلابة ديل ناس الشمال القاعدين فى الجنوب) بعد الجنوبى والاثيوبى والكينيى والاوغندى والخنزير ااااااي الخنزير والله الناس ديل بقدروا الخنزير اكتر من الشمالى.
تقول لى حق الجار برضو ياعثمان؟؟؟؟؟ انشاالله يعماوا معاهم سور زى الفى اسرائيل ولا حائط زى حائط برلين بس نحن مادايرين معاهم اى روابط كفاية الوجع الفينا منهم انتوا الله كفاكم شرهم الموديكم ليهم تانى شنو؟ خلاص ناس الشمال اكتفوا من بضايعكم دى وماشين تصدروا للجنوب ولا ماشين عشان حاجات تانية؟ انا كنت فى الجنوب وعارف الحاجات التانية دى شنو؟
يا سودانية ما دام نحن أكتر دولة بتستورد سلع تموينية لزوم التصدير للجنوب شنو ؟! ده تناقض واضح وفاضح كمان من الأفضل التعامل مع الجنوب بالمثل ( لو أنت أكرمت الكريم ملكته وان أنت أكرمت اللئيم تمردا ) الناس ديل كلما اتساهلنا معاهم بيدوسونا فاكرين الحكاية ضعف ولله نحن عايزين حسن الجوار والسلام المستدام لكن الجنوبيين ما دايرين لأن بلدهم لن تستقر بأي حال من الأحوال وأقصد هنا الخلافات الجنوبية الجنوبية وعليه هم يعملون على عدم استقرار الشمال بأختلاق المشاكل بأي وسيلة ( سهر الدجاج ولا نومو ) الجنوبيين أخوانا لكن يجب أن يكون هذا الشعور متبادلاً لكن هيهات والتجارب كثرة على ما أقول .
حقيقه نحن فهمنا للمصالح التجاريه ضيق جدا والحدود التي تم قفلها اليوم سوف تفتح غدا ولاكن باتفاقيه ويكون المنتج خسر سنين من الكساد الحروب التي نراها اليوم كلها مدفوعه لمصلح فتح اسواق جديده ونحن نقفل سوق هذا جهل لمصلحه الوطن اشبه بمن يفقع عينه ليغيظ الاخريين
والله نحن شعب (طيب أوي) على قول المصريين الجنوبيين لا يحبون الشماليين وانا هنا لا اتكلم عن الحكومة مطلقا والعايز يتأكد يسافر جوبا وحتى نفهم القرار يطلب التعامل بالعملة الصعبة يعني عايزين سلع من الشمال التعامل بالعملة الصعبة جنية تاني مافي لان معظم السلع اصلا الشمال مستوردها من الصين بالعملة الصعبة
Do you think that the only goods for trade are in North ? Oh,please wake up these things are everywhere and International Trade is wide open,South Sudan is boardering Kenya,Uganda,Congo,Centreal Africa and Ethiopia the only looser are Nothern Traders whom sale their goods in South.
لا أعرف من اتخذ مثل هذا القرار..
عيب يا جماعة..!
انا أعلم أنك تعلم من إتخذ القرار لكن ليس لديك الشجاعة الكافية لتذكر الحقائق كما أن ديننا الحنيف أمرنا بعدم الكذب وإن كنت ترى أني أظلمك و أنت فعلاً لا تعلم .. يجب أن تتعلم أن تملك المعلومة كاملة لقرائك..
العيب ياعثمان مرغني انك تكون قاعد في مكتب مكيف وتنظر وتستهبل الناس وعامل فيها انك المثقف الوحيد
العيب انك دائما تضع الحكومة في الموقف الغلط ، وانها لاتفهم وانها قصيرة النظر
العيب ان يكون من يدعي الشرف عميلا ومستلم مبالغ كاش عن العمالة القذره
العيب انك لاتعرف الجنوبيين على حقيقتهم بعد كل هذا العمر الطويل في الصحافة لكنك كأمثالك ما فاضي وربما هناك من يكتب لك التحقيقات باسمك ، او من يعطيك فكرة العمود اليومية وتجلس بعد ان تشاهد القنوات الفضائية وتسطر لنا بقلمك الاسفيري الذي لم يغادر صاحبه الاحياء الراقية في الخرطوم ولا النخبة الحاكمة .
هل ياترى لو واجهت نافعا او اي من الصف الاول من الحكومة ستكون عندك الجرأة لقول ذلك الكلام شفاهة ام انك ستدخل في المجاملات واتفضل ياسعادتو وقوم ياسعادتو وهاك ياسعادتو .
ياخي انتو الصحفيين من النوعية دي بالذات كرهتونا بلدنا نوهاااااااااااااااائي
الجنوبيين ما دايرنك انت داير بيهم شنو ؟ صحي الكلب بريد خانقو
:lool: حقا مع عصابة المؤتمر الوطني يجب مخاطبتهم باسلوب الاطفال انظروا يابلطجية ماذا فعل الشعب المصري مع شعب غزه عندما سقط الطاغية مثلكم خسنى مبارك اكيد لكم يوم كريههه
يابو احمد ياعنصرى .. الجنوبيين اخذوا حقهم بقوة السلاح فى موقعة نيفاشا التى اعلنت فيها جبهة الخنازير استسلامها .. ومن ياخذ ارضه ويحررها بقوة السلاح من دنس تجار الدين القذرين .. اقدر على استجلاب الغذاء من مناطق اخرى .. كلاب الجبهة وخنازيرها الملتحين حاقدون على اهلنا واحبائنا الجنوبيين لانهم سقوهم كأس الموت المر .. وفى كل بيت قتل خنزير يتبع لجبهة البشير فى احراش الجنوب .. المجد للثوار الذين حرروا ارضهم بقوة السلاح وانتصروا ..
سنة يا عثمان …………….
حمد الله على السلامة …………
وأخيراً عرفت ((( العيب)) يا معيوب
ما طول عمرك معاهم ، وهم الربوك ودللوك ، وبسطوك ، ونغنغوك
وتجي تقولينا (( عيب)) والله ما عيب إلا أنت وناسك ناس الجبهة
والحمد لله إنك عرف العيب قبل ما تموت
ونعلم ونؤكد أنك تعلم جيداً من الذي إتخذ هذا القرار إن لم تكن أنت الذي أوحيت لهم بذلك …………
والله عيب بمعناها الذى يعنى حقيقة الامر الواقع
ارجو من الذين كانو سببا فى سرعة المبادره بالاعتذار للشماليين والجنوبيين معا
كما ارجو منكم يالحاكميين فكروا كثيرا قبل اتخاذ القرار فى مثل ذالك
حتى لا تكونوا سببا فى اشياء لانحمل عقباها