الأخبار
منوعات سودانية
مُنحنا الشهرة.. وغناؤنا لن يتوقف
مُنحنا الشهرة.. وغناؤنا لن يتوقف
مُنحنا الشهرة.. وغناؤنا لن يتوقف


05-27-2013 06:06 AM

الخرطوم: علاء الدين موسي:
جدل واسع تشهده الساحة الفنية هذه الأيام حول إبعاد بعض الفنانين واستقطاب فنانين جدد لتجديد الدماء لبرنامج أغاني وأغاني حتى يسهم في إعادة جمهوره الذين تركوه في العام الماضي لتدني مستواه العام.. القائمون على امر البرنامج يراهنون على جماهيريته، بينما يرى البعض أن التغيير واجبٌ، وهذا ما حدث، إذ أُبعدت وجوه وجيئ بأخرى.


من جانبهم، عبر عدد من الفنانين عدم تذمرهم من الإطاحة بهم من المشاركة بالبرنامج في هذا الموسم.. وقال الفنان شريف الفحيل من مقر إقامته هذه الأيام بالعاصمة الفرنسية باريس ان البرنامج أسهم في شهرتهم، وبجانب الفنانين شملت هذه التصفيات عدداً من الفنانات اللائي انحصر نشاطهن الفني في هذا الموسم السنوي. حيث تم إبعاد ريماز ميرغني وأفراح عصام ومنار صديق وصباح عبد الله لتبقى من التشكيلة الأخيرة سميرة دنيا وشموس وفهيمة، بالإضافة الى مشاركة الفنانة نانسي عجاج ضمن طاقمه الجديد هذا الموسم.
نجمات البرنامج اعتدن على الظهور الموسمي حسب قراءة النقاد إضافةً الى ان البرنامج كان بمثابة رصيد كبير يُضاف إلى نجوميتهن، بعد الغياب من البرنامج هل تنحسر نجوميتهن أم سيطرقن أبواباً أخرى حيث أكدت الفنانة الشابة صباح أنها لم تتفاجأ بقرار الإبعاد، وأن البرنامج قدمها للناس بشكل طيب طوال فترة مشاركتها، وأضافت: (البرنامج ما قصّّر معانا واستفدنا منو ولو استمرينا في البرنامج تبقى أنانية مننا، فلابد من إتاحة الفرصة لغيرنا).
وأكدت الفنانة الشابة أفراح عصام أنه لابد من مشاركة وجوه أخرى بالبرنامج، لافتةً الى انها لا ترفض الظهور عبر برنامج آخر في الفضائيات المختلفة.

الراي العام


تعليقات 14 | إهداء 0 | زيارات 7631

التعليقات
#678698 [كمال الدين الشيخ سالم]
5.00/5 (2 صوت)

05-27-2013 06:58 PM
هم على كيفهم ناس البرنامج اعملوا . بس فى شهر فضيل ده خط احمر؟ يجب علينا جميعا ان نسارع باالاكثار من قراءة القران فى شهر رمضان. فيه تصفد الشياطين لكن هنالك شياطين الانس .


#678435 []ديامي]
5.00/5 (2 صوت)

05-27-2013 01:54 PM
والله السودان ده حلو خلاص .. ههههه قال من مقر اقامته بفرنسا ياخي بلا يخمكم .. بلد منتهية فنيا وسياسيا واقتصاديا واجتماعيا ووووووووو . بالجد دايرين اعاده صياغ من اوووووول .


#678367 [سوسو]
0.00/5 (0 صوت)

05-27-2013 01:04 PM
من علامات يوم القيامة كثرة المغنيين والمغنيات اها القيامة بتبدا من السودان . والبرنامج ده عندو جازبيه ما مفهومة فى ناس بتنفض يدها من الاكل وتجرى تشاهده. ياربى بتشاهد ياتو فيهم الغناء فى نفسة ام الفنانات البيجن فى رمضان ملمعات وقاشرات


#678227 [محمد]
5.00/5 (3 صوت)

05-27-2013 11:23 AM
البلد كلها يا كافي البلاء تغني لو توجه الفنانين المتواجدين الان في الساحة الفنية الي مواقع الزراعة لصار السودان سلة غذاء العالم بحق وحقيقة


ردود على محمد
European Union [وليد] 05-27-2013 06:28 PM
ان شاء الله يا محمد انت هسه تكون كاتب الكلام دا بي طرف طوريتك

European Union [كلاشنكن] 05-27-2013 05:02 PM
ابكرشولا ابكرشولا بس ...اكرشم الخلقهم


#678094 [ود النوبة]
5.00/5 (2 صوت)

05-27-2013 10:28 AM
شارلي شابلن دا الليلة تاني ظهر من وين يا جماعة !!!!!!!!!!!!!!!!!!!!!!!!!!!!!!!!!!!


#678033 [ود يعقوب]
5.00/5 (2 صوت)

05-27-2013 09:56 AM
هل من المعقول ان يستمر برنامج واحد ثمان سنوات

بنفس النمط ونفس الوجوه ؟؟؟ لقد اصبح هذا البرنامج

مملا وسمجا وكل الذى ينطوى عليه هو حشد وجوه الشابات

والشباب ليستقطب المراهقين من كلا الجنسين ولا اكثر من

ذلك . ارحمونا منهى يا ناس التلفزيون

جددوا ولا تجتروا.


#677999 [ابوخالد]
5.00/5 (3 صوت)

05-27-2013 09:34 AM
اقسم بالله التلاته مابتعرفو تغنو بالذات انت ياشريف انا ماعارف الناس دي بتستمع ليك كيف ماعندك تطريب في الغنا خالص


#677971 [الشافو خلو]
5.00/5 (2 صوت)

05-27-2013 09:20 AM
ياأخواناالفطام صعب
ياأخواناكدي بيني و بينكم ماتشوفو لي ( رموووزة ) د
ي بالكتاب و السنة
والله البت دي مكسراني عدييييييل كدة
الروووووب


ردود على الشافو خلو
[ابو مصطفى] 05-27-2013 02:05 PM
هههههههههها

United States [ود شاع الدين] 05-27-2013 11:42 AM
اسمع يا عمك ما براك دى مطلعة زيتنا عديل كدا


#677955 [الأحول المصري]
4.75/5 (4 صوت)

05-27-2013 09:07 AM
با اخوانا نانسي عجرم (عجاج) دي ما تصلح فنانة هذه عارضة أزياء وبعدين شهر رمضان ده شهر عبادة وهي بتكتر في أغانيها باللعب بعيونها لإستقطاب المستمعين ونحن في شهر توبة وغفران وإنت يالسر قدور إنت في عقاب عمرك أحسن ليك اعمل ليك عمل بعدين يشفع ليك.


ردود على الأحول المصري
European Union [awad] 05-27-2013 11:58 AM
مالازم تشوف البرنامج... واذا كان لا بد من انك تشوفوا فأنا انصحك تغمض عيونك وانت بتابع الحلقات
علشان ما تتأثر بعيون نانسي عجاج!!!


#677922 [malothaelehamer]
0.00/5 (0 صوت)

05-27-2013 08:38 AM
شنو يعني تجديد دماء حتى في الكورة نسمع ماذدا تجديد دماء في الفريق القومي عقبال تجديد الحكومة و ليس دماء


#677906 [مقيم بالخارج]
3.00/5 (2 صوت)

05-27-2013 08:28 AM
الترفيه عن النفس في رمضان ليست بالاغاني ولا المسلسلات ولا الاناشيد..
شهر رمضان الذي انزل فيه القرآن .. شهر المغفرة .. شهر الرحمة .. شهر التوبة ... شهر حصاد الحسنات ... شهر الليلة فيه بالف شهر ...توبوا الى الله يا عباد الله ... نسال الله ان يبلغنا رمضان ..


ردود على مقيم بالخارج
[NASRELDEEN ALI] 05-27-2013 10:36 AM
أثنى رأيك


#677890 [الكعوك]
5.00/5 (4 صوت)

05-27-2013 08:17 AM
(من مقر إقامته هذه الأيام بالعاصمة الفرنسية باريس)....هههههههه حلوه دي ...تلقاه تلاته كلمات بالفرنساوي ما بعرف مشا يسوي شنو؟؟؟


#677856 [المتجهجه بسبب الانفصال]
5.00/5 (6 صوت)

05-27-2013 07:55 AM
كلمة اطاحة كلمة غير مهنية في هذا الموضوع ،، البرنامج أتاح الفرصة للغير وهذه شفافية كان من ا لمفروض ان تتم سنويا بسبب كمية الفنانين والفنانات الذين يفرخون بكثرة هذه الايام بسبب خصوبة الهروب الى الغناء وعائده الجزيل في ظل التمكين،،،

أما كلمة (إطاحة) فننتظرها منذ 23 سنة في برنامج جماهيري واسع اسمه (شعبك أقوى أقدر مما كان العقل يتصور)) ،،،


ردود على المتجهجه بسبب الانفصال
United States [السنجاوي] 05-27-2013 12:31 PM
Like

أجمل تعليق على الإطلاق


#677806 [سايكو]
5.00/5 (2 صوت)

05-27-2013 06:30 AM
ربنا ريحنا منهم بالذأت الولد الفحيل دا ثقاله الدنيا كلها في وشه
رمضأن شهر عباده و روحانيات مافي داعي للغنا الكتير دا ما كفابه الكيزأن ممغصين علي الناس عيشتهم طول السنه حتي رمضأن مسخو علي الناس ببرنامج فقير زي دا كله انصاف فنانين و كمان الراجل السخيف الاسمو السر قدور


ردود على سايكو
United States [ناجى] 05-27-2013 05:53 PM
و حيكون لينا قصب السبق فى هذا المجال وبعد شوية ح نعمل اذاعة اف ام وبعدها قناة صغنتوتة كدا وبعدها نقعد نتفشخر انا وانت انو مافى واحد زينا فى السودان الكبير دا على طريقة اعضاء المؤتمر الوثنى.وح يكون ضيوفنا دائما ثقال الظل والدم زى امين حسن عمر وربيع المتعاطى ههههه

[سايكو] 05-27-2013 09:54 AM
هههههه اتفقنا يا ناجي لكن لازم نجيب ابو رياله و البشير و اخلاص مره الحاج ساطور و البرنامج حيكسر الدنيا

United States [ناجى] 05-27-2013 09:18 AM
السر قدور دا عندو ضحكة لا طعم لها ولا لون ولا رائحة.يا سايكو تعال نعمل برنامج فى رمضان نسميهو عوارة وعوارة ههههههه

United States [ivan] 05-27-2013 08:18 AM
اتا الجابرررك شنو بس ..اعمل زي اختك وماا تفتح العبث الزرق .دي في يمدان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة