الأخبار
أخبار إقليمية
الفساد الاداري بالحصاحيصا (يغنج) علي تصديق ارض يخص احد المعاقين حركيا ( شاهدوا المستندات )
الفساد الاداري بالحصاحيصا (يغنج) علي تصديق ارض يخص احد المعاقين حركيا ( شاهدوا المستندات )



05-27-2013 04:08 PM
حسن وراق


الفساد الاداري بالحصاحيصا (يغنج) علي تصديق ارض يخص احد المعاقين حركيا ( شاهدوا المستندات )
ابن الحصاحيصا الموسيقي السمؤال علي محمد احمد (السِمِع) معاق حركيا وعضو اللجنة التنفيذية للاتحاد السوداني القومي للمعوقين حركيا تقدم الي السلطات المحلية بالحصاحيصا (المدير التنفيذي لمحلية الحصاحيصا ) للتصديق له بمشتل زهور يتلاءم مع اعاقته الحركية واتبع كل الوسائل القانونية المطلوبة منه ودفع الرسوم المقررة .

image
image

المدير التنفيذي خاطب الجهات الفنية المتمثلة في مدير الشئون الهندسية وتم اقتراح الموقع وتمت زيارته ودفع الرسوم المقررة بالاضافة الي مهندس المباني بالمحلية الذي (دخل عودو ) في الجباية علي الرغم من أنه غير مختص بأي رسم بالنسبة للمشاتل ودفع المواطن ايصال مالي بمبلغ 132 جنية عبارة رسوم زيارة 50 جنيه و رسم كروكي 80 جنيه وقام المواطن باجار عربة للزيارة بمبلغ 20 جنيه والايصال الآخر بمبلغ 150 جنيه غير مستحقة من قبل مهندس مباني المحلية و إيصال التخطيط بمبلغ 202 عبارة عن رسوم مقترح مشتل أي ماجملته 486 جنيه في انتظار دفع رسوم الوحدة الادارية لاستخراج التصديق النهائي وتسليم الموقع ةوالذي تبلغ مساحته 69 متر مربع فقط . الجهات الفنية والمتمثلة في المساحة خاطبت مدير التخطيط العمراني بخصوص المشتل مرفق معه كروكي يوضح الموقع.
لجنة التخطيط وعبر رئيس و مقررالمجلس الاستشاري بالمحلية اصدروا قرار رقم 2013 /4/20 مخاطبا الوحدة الادارية للاجراء كتصديق موقت وفق الاجراءات الخاصة بالمحلية .
قام المواطن السمؤال علي محمد احمد بالذهاب لمقابلة مدير الوحدة الادارية والذي لم يك موجودا وقتها وقام بتسليم قرار المجلس الاستشاري لنائب رئيس الوحدة الادارية المدعو عبدالباقي الحسين والذي بدأ علي حد قول السموال بالمماطلة مدعيا بان القطعة المصدقة للمشتل متحفظ عليها من قبل السيد معتمد الحصاحيصا وأنه أي المعتمد يريد تلك الارض المقترحة (لشغل ) ما وكان ذلك بوجود المعتمد والذي قام المواطن السمؤال بعرض الامر عليه وافاد علي الفور بان هذا الخطاب موجه للوحدة الادارية ولا شأن له به و (ما عندي شغل في هذه الارض ) واضاف ان هذا اللامر يخص عبدالباقي وعصام كحيل مدير الشئون الهندسية بالمحلية الذان تشاورا في ما بينهما وقام المدعو عبدالباقي بتحويل القرار الي المجلس الاستشاري مرة اخري وكما اوضح المدعو عبدالباقي بان ذلك بناء علي توجيه المعتمد و اكد المواطن السمؤال بان السيد المعتمد لم يصدر توجيها بذلك.
مديرة التخطيط بالمحلية استنكرت الاجراء الذي اتخذه المدعو عبدالباقي بحجة ان المجلس الاستشاري اصدر قرارا بهذا الشأن وعلي الوحدة الادارية تنفيذ القرار علي حسب توجيه المجلس الاستشاري.
من المحرر:

هكذا هي محلية الحصاحيصا التي لها مجلس شوري للفساد وما أن تقع اعين المفسدين في المدينة والمحلية علي موقع استراتيجي مناسب بعد ان نضبت المواقع و (كملت ) الارض حتي يسيل لعابهم ولا يمتثلون للقانون ويسرقون السنة المسئولين ويدعون زورا و بهتانا بان الارض مصدقة من قبل او ان السيد المعتمد له فيها رأي او شغل مثل ما حدث في قضية المواطن السمؤال وهي قضية واضحة تنعدم فيها الاخلاق وتعلن وفاة الخدمة المدنية بالمماطلة والتعقيدات لمواطن معاق حركيا امام المعتمد راعي المحلية. قضية المواطن السمؤال تفضح المسئولين بمحلية الحصاحيصا وتقدم آخر تقليعات الفساد بالمدينة والوحدة الادارية وذلك بحضور كافة المسئولين بالمحلية .

image
image
imageimageimage
imageimage
الفساد الاداري يرفض تنفيذ قرار المجلس الاستشاري ويعيده مرة اخري


تعليقات 12 | إهداء 0 | زيارات 5299

التعليقات
#680095 [Moiz]
0.00/5 (0 صوت)

05-28-2013 02:00 PM
ما دايرين تعويض اراضي الحصاحيصا بل السودان كلو .. دا لو ما
مستحيل


#679666 [الشاعر]
0.00/5 (0 صوت)

05-28-2013 09:47 AM
يا سلام على السموئل واخوه أحمد فهم عائله معروفه وناس كريمين واخوان اخوان عائله بتحب الفن وكلهم موسيقيين واصحاب مهارات فنيه عليه وذوق عالى لمن عرفهم كيف تتعاملون معهم بهذه الطريقه...صحيح المثل بقول المابعرفك ما بعزك.


#679627 [YASIR IBRAHIM]
0.00/5 (0 صوت)

05-28-2013 09:34 AM
والله الفساد في كل مكان وفي الحصاحيصا واحد شغال (احتمال دكتور)في المستشفى اسمو سلّام وليس المدير لكن عامل مع الموظفين والطبيبات بالأخص شغل بطال جدا بيذكرني ايام المدارس الأولي .. لا احترام ولا مكانة ادبية .. ويا ريت كان شجاع وسياسته الخرقاء على الجميع .. يا خي دا في دكتورة على درجة وظيفية عالية لكن تعال شوف متسيبة ومتحدياه وهو ما بيقدر يوق ليا تلت الثلاثة كم .. وأسألوا غيري وشوفو المستشفى وناسو واتحروا من المعلومة .. والله يسامحنى ويهدين لو غلطان او بهتو


#679357 [ود الحصاحيصا]
0.00/5 (0 صوت)

05-28-2013 06:45 AM
الله عليك يا ورقة (حسن وراق ) والتحية ليك وانت بدافع عن المظلومين فى الحصاحيصا وضد الفساد والادارى الذى يمارس يوميا من قبل زمرة معدودة .
التحيى للاخ السمؤل وانشا الله حقك يعود لليك .
المشكلة فى ناس الحصاحيصا ناس البلد البخلو جدادة الخلا تسكن فى بتهم وتستمتع بخيرهم ، الاخ السمؤل من ناس الحصاحيصا واسره معروفة جدا فى كل المنطقة ووضعه يستحق مش مشتل بل افضل من ذلك ، لكن لو كان المعتمد دا محمد بشير تفتكر كان سمؤل حيتجهجه كدا
انا خايف ياسمؤل بعد مايدوك الارض وتعمل المشتل وتخسر دم قلبك يجوك بكرة بقرار اذالة لانو الارض اتباعت بقرار من المحافظة لصالح مستثمر (( زى ما حصل لاخ الصحفى عبد اللطيف عبد الله مساعد )) وكل شقى عمروا راح مع قرار الازالة . يانس الحصاحيصا يانس المدينة اتحركوا وشوف ليك محافظ منكم واقدروا حافظوا عليوا مش تخلوه لشلة ود الف.... تغزلوا عشان مصالحها الخاص .... يلا يا وراق طلع كل مستندات الفساد


#679229 [سليمان محمد سليمان أرباب]
0.00/5 (0 صوت)

05-28-2013 12:08 AM
العيب ما منهم العيب من المواطنين أولا


#678930 [بشكير (بشبش + كير = بشكير)]
0.00/5 (0 صوت)

05-27-2013 09:01 PM
لماذا لا تحمل كلاشنكوف وتاخد حقك بإيدك وتستشهد لأنو من مات دون ماله فهو شهيدً ومن مات دون عرضه فهو شهيد ومن مات دون أرضه فهو شهيد خصوصا بلد ما فيها قانون والبيحمل سلاح بيحترموه وبيكرموه بمنصب او قطعة ارض او يلتحقوه بسفارة توكل على الله ونحن معاك وعاشت القاعدة والزرقاوي والسلام المسلح افضل طريقة امريكا لا تستطيع ظلم الصين ولا الأخيرة ظلم الأولى لأن السلام بينهم مسلح


#678912 [محمدالنقر]
0.00/5 (0 صوت)

05-27-2013 08:53 PM
عصام كحيل وشلته ديل حراميه من زمن السوق الشعبى شغالين نهب فى الناس المساكين زمن الاكشاك ومادراك مالاكشاك الله ياختكم فى ستين داهيه يا حراميه حتى المعوقين ما خليتوهم الله يدمركم يا حراميه التحيه للاخ السمؤال متعك الله بالصحه والعافيه ربنا ينصرك على الحراميه انشاء الله


#678697 [ايماس]
0.00/5 (0 صوت)

05-27-2013 06:57 PM
مما لا شك فيه ان الخدمة المدنية في السودان عامة تعاني من تغول الأفيال وسوء الحال وكثرة السؤال واضاعة المال وتحضرني مخالفة مالية وانها لكبيرة .. تم تسليم قطع سكنية باربجي لأصحابها حسب الخطة الإسكانية المعمول بها في السابق ويبدو انها الخطة شبه الأخيرة لأن المساحات كملت .. المهم دفعنا كل الرسوم المقررة ومنتظرين عقد القطعة اياها وطال انتظارناوحصلت لخبطة شديدة جدا في هذا الأمر واخيرا قالوا لينا اي واحد داير احفظ حقوا في الأرض لازم يستخرج شهادة بحث لم يكن معمول بها في القرى .ز قلنا طيب مافي مشكلة الرسوم كم قالوا تدفعوا الرسوم من جديد ..طيب وين الآلاف التي دفعناها من قبل قالوا والله ضاعت بين اللجنة الشعبية والمعتمد أظنه السابق ... قلنا يعني آلافنا اتأكلت .. رئيس اللجنة الشعبية الجديد وقتها قال طبعا نحن لجنة جديدة واللجنة الفاتت ما سلمتنا حاجة لكن اتعوضو الله في قروشكم واحسن تحفظوا حقكم في القطع .. طبعا في ناس دفعوا من جديد وعملوا شهادة البحث .. اما انا فرفضت رفضا قاطعا وحذرت من الإقتراب من القطعة الخاصة بي ... وان شاء الله نحاسبهم يوم الحساب


#678638 [Gardan]
0.00/5 (0 صوت)

05-27-2013 05:58 PM
يا اخوانا يغنج دى معناها شنو بالواضح . عليكم اللة اكتبو لينا عربى مفهوم للكل عشان نفهم الحاصل بالظبط.


ردود على Gardan
[بشكير (بشبش + كير = بشكير)] 05-27-2013 09:04 PM
انت لو بتعرف عربي ما بتنقط اسم الجلالة شوف كيف كاتبه (اللة) الله يهديك

[ممتاز] 05-27-2013 07:41 PM
يعني مسك السمينة ولبد بيها وعمل نائم .


#678624 [ابو حوه]
5.00/5 (1 صوت)

05-27-2013 05:42 PM
تستهالوا اكتر من كدة شايفين الظلم والسرقة وتتفرجوا حتتطلعوا الشارع متين يعني وبتشتكي لي منو عشان يعمل ليك شنو وافرض صدقوا ليك انته حتعرف تشتغل حيجوا يضايقوك رسوم نفايات وعتب ورسوم محلية وضرائب
ورسوم جريح ورسوم تاثيث وبالوي زرقة كما قال عادل امام الحل في احراق المحلية بالفيها وطلوع الشارع لكي يسقط النظام ومليون شهيد لعهد جديد يسقط يسقط تجار الدين


#678572 [محمد حسن العمدة]
5.00/5 (1 صوت)

05-27-2013 04:34 PM
عشان كدا الناس بتتريق عليهم وقت تضرب إسرائيل وتتمني ليهم الجبهة الثورية


#678564 [ود الجزيرة الخضراء]
5.00/5 (3 صوت)

05-27-2013 04:21 PM
اداريي الحصيحيصا أصلهم حرامية اكلوا تويضاتنا في سوق شعبي الحصيحيصا وشكيناهم لي الله بعد ماتعبنا من مشاوير بلدهم الله في .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة