الأخبار
أخبار إقليمية
خريجون يتفاجأون بشرط تعجيزي لوظائف "سونا"
خريجون يتفاجأون بشرط تعجيزي لوظائف "سونا"



05-28-2013 08:23 AM


الخرطوم -
تفاجأ عدد من الخريجين المتقدمين للوظائف المعلنة بلجنة الاختيار الاتحادية بوكالة السودان للأنباء (سونا) بوضع شرط تعجيزي واحد يتطلب ألا يتجاوز العمر (25) عاماً علماً بان الخريجين ظلوا لسنوات عديدة في انتظار توظيفهم، وقال الخريج "محمد الحسن السيد" إنه تفاجأ عندما قدم أوراقه للمنافسة في الوظيفة باستبعاده بحجة أن عمره تجاوز السن المحددة بـ(25) عاماً . يذكر أن الشروط التعجيزية اتبعتها لجنة الاختيار ولاية الخرطوم لوظائف وزارة التخطيط العمراني مما أدى لسخط الخريجين.


تعليقات 28 | إهداء 0 | زيارات 12082

التعليقات
#681486 [jazeera Aba]
0.00/5 (0 صوت)

05-29-2013 01:55 PM
الأخ/ باشا : عفواُ لما ورد في السطر الأخير و أرجو منك التسامح والعفو نعم أدركت في قمة الإنفعال دوماُ ما تصدر تفوهات غير لا ئقة. لك من العتبى حتى ترضي ومن ناحيتي مسامحك. ولك الشكر.
وتمنياتنا لوطن مشرق وضاء تسوده قيم العدالة والحرية والتسامح وترسيخ قيم الحكم الراشد لتنعم إجيالنا القادمة بدولة المواطنة ونرجع نقول نحن سودانيون يضمنا الحوش الكبير بكل جمال تنوعه.
المعذرة للبعض الأخطاء الإملائية في السابق. لك شكرى ومودتي


#681152 [jazeera Aba]
0.00/5 (0 صوت)

05-29-2013 10:09 AM
الرد على باشا: Response to Basha

إنت يا باشا ، الرجاء عدم تفسير تعليقي على الموضوع أعلاه من منظور سلبي ، أنا أقصد بالدخلاء ( على الحياة السياسية وتدميرها من قبل النظام الحالي ) وليس عرق محدد. هذا التنظيم الهلامي الذي سطا على السلطة بليل على حكم مدني أختاره الشعب بإرادته الحرة ومارس كافة أشكال العنف والتسلط والأسوأ من ذلك تكريس العنصرية، لم نسمع من قبل تكريس العنصرية في البلد إلا في هذا العهد والعنصرية التي أعنيها بكافة أشكالها (على أساس الإنتماء للتنظيم فكري أو سياسي، ديني، قبلي، رقعة جغرافية بعينها... الخ). ولكن لأن دواخلك مريضة ولذلك قمت بعملية ( الإسقاط في علم النفس) وركزت على الجانب القبلي من العنصرية ونسيت ما عداه.
لماذا أقحمت المهدية والتعياشي والأنصارية في هذا الموضوع؟ ما هي الرسالة التي تريد أن ترسلها لن علماُ بأن المهدية صهرت كل المكون السوداني بتنوعه في بوتقة دون أي تمييز بدليل أن معظم مناطق الأنصار شهدت المعني الحقيقي للتسامح السوداني . الا تتفق معي أن العنصرية تم تكريسها في هذا الزمن يا أخ لو سألت أي زول من طرف الشارع يشير إليك أين تكمن العنصرية. كيف لسوداني يتقدم لوظيفة ويتم السؤال على شاكلة (مكان وتاريخ الميلاد؟ تاريخ وميلاد الأب؟ القبيلة؟ اللون السياسي؟ هل هناك شخصية تمت تيذكيتك؟.... الخ. العالم تجاوز مرحلة القبيلة يا با شا. طالما أنت سوداني فهذا يكفي ولذلك الأسئلة يجب أن تتركز على المؤهلات ، القدرات، اللغات، المعرفة التقنية بالمهنة وليس للأي أعتبارات أخرى.
يجب أن يعيش السودانيون بالتساوى على أساس المواطنة كأساس للحقوق والواجبات وإلا فالصوملة راجيا البلد والكغيلة تعم القرى والمدن (من كيغالي).
الرجاء أن ترد بأدب يا ساقط.


ردود على jazeera Aba
United States [Basha] 05-29-2013 01:07 PM
والله كلامك جميل يا جزيره اتفق معك في كثير مما جاء فيه عدا سقوطك في السطر الأخير وعذرا ان قرات مداخلتك الاولى بفهم خاطئ وحتى لا يتهم احباب الخليفة وغيرهم فان ما يربطني به هو سودانيتي وفخري بانصاريتي وتاخذني الحمية في الاثنين .............


#680747 [iissee]
0.00/5 (0 صوت)

05-29-2013 03:54 AM
"ماادريك" ما الوظايف
اح ح ح ح ح ح ح ح ح ح
خريج حامعة حلم الآلاف وكلية حلم الآلاف بي تقدير ما الطيش
الطيشة اشتعلوا في وين وين ومن " بتيييين" وعملو الماجستير ودرجاتهم والله نقصان درجة وشهادة مافي لكن اولاد منو مدير الهناي ووزير الهناي.. وهناي الهناي..
خشينا معاينات بعدد معلقي الراكوبة واخيرا عشان نكسر البورة بقينا نقدم اي وظيفة حرص طباخ ويتر كناس فور سيزونز برج الفاتح طلب في عفراء ولمن اتبنت طلاخين بتاعين نضافة اي حاجة حرس في روتانا وحوش في جهاز الامن "بنات" استعلامات محل دفعتنا شبعو مرتبات وعيييييك اخيرا جات الوظيفة بعد خراج مرتبها عشر مرتبات الطيشة والفاقد التربوي ويا كافي البلا بين المواصلات والرصيد يا دوبها تخلينا بعيدين من بلاغات الديون لكن حرج الدائنين هلانا نمر بالشارع الفلاني مرة في الشهر ليلا بلاش نتفضح قبل المرتب "المهدود" .. والوظيفة بقيت من آل الكوز تتسيب وتاخد حفك اما نحن نشتغل شغل ال...... عشان ما يزعلو مننا قصدنا نخجل الما بيخجلو تصدقوا هسة عاطلين من الاخر من قبل كم سنة ......
وسير سير يا لبشير سير سير للسعير..

عليكم الله دة عدل والله من الخجل ما ممكن اكتب ايمي ولا كليتي ولا طيش دفعتي ولا وظيفتي الفقدتها ولا عمري .. داير نموت شهداء لكن مافي حروب الكيزان اعوان الشيطان وربنا يبدلنا من بعد عسرنا يسر ولجميع المعسرين آمين قولو معاي آمين


#680652 [mohamed yousif]
0.00/5 (0 صوت)

05-28-2013 10:57 PM
والله لو ماكنت ابن فلان الذى ينتمى الى المؤتمرجية لن تتوظف ولو ساعدك الحظ واتوظفت حيحاربوك ويكرهوك الشغل لمن تسيبوا براك ولا طردوك بحجة ما واعلموا يا اولاد السودان ان البلد حق ناس الموتمر الوثنى فقط وسيورثوه لاحفادهم وانتو يا تشوفوا ليكم بلد تهاجروا ليها ولاركشه تجروا بيها عشان انتم ضعفاء وجبناء وما رجال عينكم فى البقلع فى حقكم وقاعدين تشكو وتبكو فى النت


#680604 [ود التوم]
0.00/5 (0 صوت)

05-28-2013 10:12 PM
انتم عندكم حسن النية ياخريجين وما تبتوا توبة نصوحة حتى الآن الله يهديكم وما دون المؤتمر الوطنى لا وطنى وخارج نطاق الخدمة،ومطرود من رحمة الانقاذ،ويدفع الجزية والضرائب وهو ذليل وصاغر.

ولطالما انتم من الدرجة الدنيا فان للصبر حدود فصابروا ورابطوا فان موعدكم بفجرٍ جديد يملأ الارض عدلاً بعد ان ملئت ظلماً.


#680534 [الكوشى]
0.00/5 (0 صوت)

05-28-2013 08:30 PM
احمدوا الله ما قالوا ليكم

صوره كامله للجسم

و ان لا تكونوا من ذوات البشره الداكنه

و خالين من التشوهات

و ان لا تكون من ابو كرشوله

لكن ساهمت فى تحريرها


#680380 [معاوية]
4.75/5 (3 صوت)

05-28-2013 05:40 PM
ان اقوليكم يا خريجين كل واحد فيكم يشيل بندقيتو ويحارب من اى كل الجبهات الان مفتوحه الوظائف لعلمكم انها مفصلة لعصابة المؤتمر الوطنى فدعوهم يقاتلوا بانفسهم ان اردتو ذلك وعلى كل خريج ان يذهب لحمل السلاح هؤلاء فاقوا مسيلمه فى الكذب لعناء تلعنهم ملائكة السماء والارض .............


#680292 [ناجي]
0.00/5 (0 صوت)

05-28-2013 04:22 PM
هذه وظائف للكيزان فقط لانه يتم توظيفهم عند تخرجهم وبعضهم قبل تخرجهم وبعضهم يتم تعيينهم وهم في صفوف الدراسة بالاخص للوظائف الامنية واغلبهم لا يتعدى عمره 24 عاماً


#680199 [كاكا]
5.00/5 (4 صوت)

05-28-2013 03:13 PM
تخيل طالب دخل المدرسة عمرة6 سنوات خلص الاساس عمرة 14خلص الثانوية عمرة17 دخلد الطب خلصه عمره 23 يتم توزيعة للامتياز عمره24 يخلص الامتياز 25 يخلص الخدمة 26 سنة لجنة الاختيار فكاه علكس الهوي


ردود على كاكا
United States [ود التوم] 05-28-2013 10:17 PM
نسيت حاجه لو قدر الله جمد او عاد حنعود تانى تانى ..


#680013 [wallo]
5.00/5 (4 صوت)

05-28-2013 01:03 PM
مما تلقى الشروط تعجيزية كده والمعاينة اساليبهم غريبة ،اعرف طوالي انه في واحد من الجماعة زاااتهم الوظيفة محجوزة ليهم حجز، وإعلان التوظيف ده اجراء شكلي وروتيني


#679827 [ناجى]
5.00/5 (5 صوت)

05-28-2013 11:16 AM
والله شباب فايقين وابرياء ومصدقين سخافات لجنة الاختيار.هذه الوظائف محجوزة وموضوعها منتهى.والاعلان عنها مجرد رتوش بس.بدلا من مضيعة الوقت اسقطوا النظام لتحصلوا على الحرية والعدالة والتنافس الشريف والوظائف المرموقة.


#679821 [jazeera Aba]
5.00/5 (2 صوت)

05-28-2013 11:13 AM
مهزلة الخدمة المدنية في عهد هؤلاء الدخلاء على البللد، أصبح التعيين بالتذكية من أحد الدقون أنه الإقصاء ليس إلا، ما بهمهم تطويرأداء الخدمة المدنية عشان كدة أصبحت في الحضيض، المعيار ليس المؤهل أو القدارات الذاتية و الخبرة إنما معيار العنصرية وتحديد القبيلة كمعيار والإنتماء للتنظيماتهم العنصرية. الله ينتقم من الطغاة والمفسدين


ردود على jazeera Aba
European Union [jazeera Aba] 05-29-2013 10:08 AM
الرد على باشا: Response to Basha

إنت يا باشا ، الرجاء عدم تفسير تعليقي على الموضوع أعلاه من منظور سلبي ، أنا أقصد بالدخلاء ( على الحياة السياسية وتدميرها من قبل النظام الحالي ) وليس عرق محدد. هذا التنظيم الهلامي الذي سطا على السلطة بليل على حكم مدني أختاره الشعب بإرادته الحرة ومارس كافة أشكال العنف والتسلط والأسوأ من ذلك تكريس العنصرية، لم نسمع من قبل تكريس العنصرية في البلد إلا في هذا العهد والعنصرية التي أعنيها بكافة أشكالها (على أساس الإنتماء للتنظيم فكري أو سياسي، ديني، قبلي، رقعة جغرافية بعينها... الخ). ولكن لأن دواخلك مريضة ولذلك قمت بعملية ( الإسقاط في علم النفس) وركزت على الجانب القبلي من العنصرية ونسيت ما عداه.
لماذا أقحمت المهدية والتعياشي والأنصارية في هذا الموضوع؟ ما هي الرسالة التي تريد أن ترسلها لن علماُ بأن المهدية صهرت كل المكون السوداني بتنوعه في بوتقة دون أي تمييز بدليل أن معظم مناطق الأنصار شهدت المعني الحقيقي للتسامح السوداني . الا تتفق معي أن العنصرية تم تكريسها في هذا الزمن يا أخ لو سألت أي زول من طرف الشارع يشير إليك أين تكمن العنصرية. كيف لسوداني يتقدم لوظيفة ويتم السؤال على شاكلة (مكان وتاريخ الميلاد؟ تاريخ وميلاد الأب؟ القبيلة؟ اللون السياسي؟ هل هناك شخصية تمت تيذكيتك؟.... الخ. العالم تجاوز مرحلة القبيلة يا با شا. طالما أنت سوداني فهذا يكفي ولذلك الأسئلة يجب أن تتركز على المؤهلات ، القدرات، اللغات، المعرفة التقنية بالمهنة وليس للأي أعتبارات أخرى.
يجب أن يعيش السودانيون بالتساوى على أساس المواطنة كأساس للحقوق والواجبات وإلا فالصوملة راجيا البلد والكغيلة تعم القرى والمدن (من كيغالي).
الرجاء أن ترد بأدب يا ساقط.

United States [Basha] 05-28-2013 03:34 PM
يا سيد الإسم طلعته مجلي شمال العالم فات وانت لسه في نقطة قف تامل بتاعت المهديه والعنصريه وبحسب كلامك ان الخليفه كان دخيل على السودان وجاب ليكم كفوه ههههههههه وتاني ههههههههههههه تبا لك فانت وامثالك من البغضاء سبب نكسة هذا الوطن بهذه اه يا عزه اه من زي ديلا

United States [سيد الاسم] 05-28-2013 01:16 PM
انتو يالانصار الدخيل سويتو لينا قائد لمن جاب لينا كفوة خلت الانجليز يحتلونا


#679806 [زول]
5.00/5 (4 صوت)

05-28-2013 11:04 AM
ياخي لو مصر أمشي الشهدا وطلع شهادة تانية بـ 250 جنيه بي العمر الأنت دايرو , و يدوك شهادة أنت ذاتك ما تفرزا, لكن برضو ما بشيلوك.


#679729 [محمد علي المنصوري]
0.00/5 (0 صوت)

05-28-2013 10:21 AM
لله درك ياوطن


#679721 [مواسي]
0.00/5 (0 صوت)

05-28-2013 10:18 AM
يا شباب ما تندموا,و ما تفتكروا القبة تحتها فكي, لم تعد سونا سونا,والسودان سودان, أفهموها, مع أنو ليكم حق تتوظفوا فيها أو في أي مؤسسة أو وزارة.
أنصحكم أبحثوا عن أي عمل خاص وخلوا العك والعجن لناس سونا وغيرهم, وغداً سوف يعلمون.


#679707 [انصاري]
5.00/5 (1 صوت)

05-28-2013 10:12 AM
طيب ما تصرفوا وفطفطوا، اولي اساس، رابعة اساس، سابعة اساس، ثامنة، وكدة بتظبط، فطفطوا تشتغلوا.


#679705 [الشايل المنقة]
0.00/5 (0 صوت)

05-28-2013 10:11 AM
...احمدوا ربكم ما قالوا ليكم شرط عدم العمليات الجراحية..!


#679703 [سايكو]
1.82/5 (6 صوت)

05-28-2013 10:08 AM
هو سؤال واحد بس عن القبيله و لو كان من اولي الحظوه طوالي بتعين لو كان عمره 60 سنه


#679681 [قاسم]
2.50/5 (2 صوت)

05-28-2013 09:53 AM
"تفاجأ عدد من الخريجين". أرجو من الكاتب استخدام كلمة " فوجىء". ان الشخص لا يتفاجأ من ذات نفسو. ولكنه يحتاج الى من يفاجئه. هناك كتاب عرب كبار يفاجئوننا حين " يتفاجؤون" في كتاباتهم. ان دقة التعبير من دقة التفكير. وهذا ما ينتج الرقي والحضارة . واذا ظللنا نتفاجأ فسنبقى أبدا "بين الحفر" كما قال الشاعر التونسي الشابي ، وشكرا.


ردود على قاسم
United States [زول] 05-28-2013 01:16 PM
هي لكن ياغاسم نهنا ماعلب نتب اسحن من كدا كيفنو (أخي قاسم في شئ اسمه اللهجه العامية وخلي الناس براحتها العافية درجات)

[المُتفاجع الفُجعى] 05-28-2013 11:55 AM
اللقة لمن تكون ما لقتك مابتغدر تعبر بيها او تكتبا كويس لانو بيكون زى كانك بتكضب على نفسك,اسحن حاجة تكتب بلقتك ولسانك الحغيغى ودة ابلق واجود , وشكرن جزيلان.


#679617 [ماجدة موسى]
0.00/5 (0 صوت)

05-28-2013 09:27 AM
عشان الشرط دة يتطبق بصورة صحيحة لازم يكون الزول دخل المدرسة(مرحلة الأساس) عمره 6 سنوات وبعد 8 سنوات (أي أصبح عمره 14 سنة) يكون إمتحن شهادة الأساس ودخل الثانوي. ثم أمضى في المرحلة الثانوية 3 سنوات وبذلك يكون عمره 17 سنة عند ما جلس لامتحان الشهادة الثانوية. وبما أنو زول مجتهد فقد دخل الجامعة طوالي من أول مرة، وتم قبوله في كلية نظرية- حسب الكليات التي يمكن لخريجيها العمل في وكالة سونا- وتكون سنوات الدراسة لا تزيد عن 4 سنوات. هذا يعني أنه تخرج وعمره 21 سنة. يعني بعد داك يكون طاير يفتش عن الشغل لمدة 4 سنوات على الأكثر حتى يظفر بفرصة التقديم لوظائف وكالة سونا.
أماالخريج الذي لم يتابع حياته الدراسية كما ذكر أعلاه وقام إتأخر في المدرسة أو الجامعة وتخرج وعمره أكبر من 21 سنة ولم يجد شغل بعد 4 سنوات طيران فلا يلومن إلا نفسه على عدم وجود فرص عمل في وكالة سونا أو غيرها !!!! طيب والجامعات الكتيرة دي وخريجيهافي الكليات النظرية يشتغلو وين ومتين ؟؟؟ !!!


ردود على ماجدة موسى
United States [انصاري] 05-28-2013 11:13 PM
فطفطوا، تتوظفوا!ّ!

United States [karlos] 05-28-2013 01:48 PM
يعنى يتخرج من هنا و ينزل المعاش من هنا برضو فكرة


#679518 [ALFAR]
4.00/5 (3 صوت)

05-28-2013 08:41 AM
طيب خليهم يقدموا لوظائف وزراء واو مستشاريين ولابرضو ماتامين 52 سنة


#679502 [ابو الرشا]
4.88/5 (6 صوت)

05-28-2013 08:36 AM
انتو مابتفهمو يعني الانقوليكم محتاجين ليها لابناء مؤتمر الحراميه انتو مكانكم محرقت الحروب تمشو تدافعواعن الجماعه بس طيب بالله عليكم في احسن من كده ؟ قوم بلا خريج


#679489 [بتاع بتيخ]
4.50/5 (2 صوت)

05-28-2013 08:29 AM
ما اكيد محجوزة لي اولاد الحاج صاطور


#679487 [بتاع بتيخ]
4.00/5 (1 صوت)

05-28-2013 08:28 AM
المسالة معروفة ما اكيد اولاد ناس الحاج ساطور اولى طبعا


ردود على بتاع بتيخ
United States [jazeera Aba] 05-29-2013 01:44 PM
الرد على باشا: Response to Basha
في السطر الأخير و أرجو منك التسامح والعفو نعم أدركت في قمة الإنفعال دوماُ ما تصدر تفوهات غير لا ئقة. لك من العتبى حتى ترضي ومن ناحيتي مسامحك. ولك والشكر.
وتمنياتنا للوطن مشرق وضاء تسوده قيم العدالة والحرية والتسامح وترسيخ قيم الحكم الراشد لتنعم إجيالنا القادمة بدولة المواطنة ونرجع نقول نحن سودانيون يضمنا الحوش الكبير بكل جمال تنوعه.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
2.00/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة