الأخبار
أخبار إقليمية
المراجع العام يطالب الزراعة بإيقاف مرتب خضر جبريل



05-30-2013 06:48 AM
الخرطوم: أصدر ديوان المراجع العام، قرارا بإيقاف مرتب مدير الإدارة العامة لوقاية النباتات بوزارة الزراعة الاتحادية، خضر جبريل موسى، اعتبارا من شهر مايو 2013،
ووجه باسترداد كل المستحقات التي تم صرفها في الفترة من 11 يناير 2012 وحتي ابريل 2013 والتي وصلت جملتها الي مبلغ 26.853 جنيها .
ووجهت مديرة ادارة الحكم القومي الاقتصادي بديوان المراجع العام، احسان محمد احمد الشبلي، خطابا الي وكيل وزارة الزراعة بتاريخ 21 مايو الجاري لإيقاف مرتب خضر جبريل واسترداد كل المستحقات استنادا الى قرار رئيس الجمهورية والذي قضي بإعفاء خضر جبريل وإلغاء قرار وزير الزراعة .
وطالبت مديرة ادارة الحكم القومي الاقتصادي بديوان المراجع العام بإكمال كافة اجراءات الإيقاف واسترداد المستحقات التي صرفت دون وجه حق، وإفادة المراجع العام أواتخاذ الإجراءات القانونية .
وكان الرئيس عمر البشير، قد اصدر قرارا بإلغاء قرار وزير الزراعة الخاص باستبقاء خضر جبريل موسي المدير العام السابق لوقاية النباتات والذي انتهت خدمته غير المعاشية بموجب قرار سابق من مجلس الوزراء .

الصحافة


تعليقات 9 | إهداء 0 | زيارات 4607

التعليقات
#683541 [whatsapp]
0.00/5 (0 صوت)

05-31-2013 09:19 AM
الحقيقه ياجماعه انتو عارفين لماذا اصر افة الزراعه ال بيسمى عبدالحليم بعدم اقالة جبريل للمعاش لان الاكل بالجمله والفضايح ياما ستبان بعد الاقاله والمستور ينكشف


#683388 [زول]
0.00/5 (0 صوت)

05-31-2013 12:56 AM
14 شهر وكل مستحقاته 26 مليون وشوية
يعنى اقل من 2 مليون فى الشهر ؟
يعنى اقل من 4000 دولار فى 14 شهر ؟
اقطع دراعى لو ما كانت مستحقات سكرتيرة الست احسان المراجعة العامة فى ال14 شهر دى اكتر من مستحقات جبريل دا
الزول دا تحفة الزول دا ليهو حق تتم اقالته بقرار جمهورى
الزول دا ماعارف انو دى حكومة الهبرو ملو ؟
اقطع دراعى تانى لو ما كان دا حفر كيزان لبعض
بلا مراجع عام بلا دلوكة ياااخ قرفتونا
26 مليون يا وهم دا كل القدرتو عليهو ؟
مبارين لينا جبريل والصرافين والمحاسبين ؟
عينكم فى الفيل تطعنوا فى ضله ؟
ما تقبضوا لينا الناس الهبرت عشرات المليارات
غايتو يا جبريل حليلك بتسرق سفنجة ..حليلك بتسرق ملاية


#683346 [سودانى منفرج الأسارير]
0.00/5 (0 صوت)

05-30-2013 11:37 PM
*ألأسئله المطروحه: المتعافى وين دالحين .. فى البيت حردان ولآ فى الوزاره!! ان كانت ألأولى التحانيس وصلت وين عشان خاطرنا يرجع ودوسه اكيد بنلقا لود حبرين مخرج قانونى علبال يطلع قرار رئاسى لتولى المتعافى المتعافى كرسى سفارة واشنطن الفاضيه ليها زمن وبدون كلام تليق به ويليق بها.. ونكاية فى البرّا والجوّا وحفاظا على وحدة الصفين المتعافى والزراعى يوافق المتعافى على السفر الى واشنطن شريطة ان يخلفه ابن جلرين على سدة وزارة الزراعه (وزيرا كامل الدسم) لأستكمال انفاذ المهام وانزال المشروعات الزراعيه الفاضله الى ارض الواقع .. اها بعد دا رايكم شنو الا استحق انا اتعين مستشار فى اى مجال يوجد فيهو سبب للأعتقاد انه يحتاج الى حلال عقد من المنشار !! والله السودان حقو راح ان ما تم التعيين دا!!
* ان كان المتعافى ما حردهذه المرّه ولزم بيتو ويواصل عملو فى الوزاره نسأل : وين ابن جبريل..الراتب وقف؟ وكييييف حصل التلاقى (بين ألأتنين) . هل وافق المتعافى على تنفيذ قرار المراجع العام والتزم بيهو!!! وليه وافق عليهوان فعلا وافق ,, وليه ما التزم قبل كدا بقرار مجلس الوزراء وقرار الرئيس ؟ هل حصل الغاء للقرارين من الجهات اللى اصدرتهما وهى بطبيعة الحال فوق للمتعافى!!!
ياجماعة الخير قصور فهمنا وصل منتهاه .. .. رغم السنين اللى راحت وانطوت وقدراتنا الجسمانيه اللى زوت لسسسا التفاؤل معانا ونتطلع الى دراسة طب ألأسنان (عسى) او الطب الحيوانى (لعل) او ألأثنين معا .. (عسى بل لعل)...
شاركونا التفاؤل . الله بدّى الجنّه.. قوموا لنفرتكم الزراعيه وبذوركم المحسنه وتقاويكم الما تشوف شر
وكمان لا تنسو تحضروا تكريم ود الوالى المشرف عليهو وزير ألأستثمار.. تهليلكم وتكبيركم لازم يكون فوق .فوق ويصل اضنين ابن بمبه "الحضرى"! وفى ذات الوقت تحفّزو الهلالاب لتكريم رئيسم الضرب ليهم الحكم المغربى ونكر ويكرمو معاه المشجع اللى شال الشيله وادّرع الشينه المنكوره..وما ينسو اللى طلع البرج وحلف ما ينزل الا البرنس يرجع الهلال .. المرحزم الو العايله ما اظنو رجع ..كوووولها فارغه ومقدوده وما حدش واخد منها حاجه..موس كدى!!!


#682753 [ابو ايمن ودالضو]
0.00/5 (0 صوت)

05-30-2013 11:52 AM
الله اكبر ولانامت عيون الطفيليين؛ والحكايه بقت تدر اللبن للشعب ؛؛ انتوا ناس وهم شديد !الزول دا بلهط ذات اليمين والشمال وحق غيروا زاتوا لقفوا وبلعوا!شنو يعنى لما يرجع المبلغ التافه دا؟؟ والمصيبه الكبرى اللهاطين الكبار ديل عايزين مراجعين من نادى باريس وصندوق النقد الدولى وابليس اكون المراقب !!!


ردود على ابو ايمن ودالضو
European Union [حسين حسن الحسين] 05-31-2013 02:03 AM
اتقي الله ماذا تعرف عن خضر جبريل ما تبقي زول طيره


#682695 [جبهجي ثوري]
0.00/5 (0 صوت)

05-30-2013 11:15 AM
البشير: لن نتفاوض مع "متمردي ومرتزقة الجبهة الثورية"
الرئيس السوداني في احتفال باستعادة مدينة أبوكرشولا: "لن نعترف بقطاع الشمال أو العدل والمساواة"


أكد الرئيس السوداني عمر البشير، اليوم، أن بلاده لن تتفاوض مع المتمردين المنضوين في تحالف الجبهة الثورية، وذلك بعد تمكن الجيش السوداني من استعادة مدينة مهمة من هؤلاء في شرق ولاية جنوب كردفان.

وقال البشير في احتفال باستعادة مدينة أبوكرشولا في مقر قيادة أركان الجيش السوداني في الخرطوم "لن نتفاوض مع عميل ولن نتفاوض مع مرتزقة وأرهابيين سموا أنفسهم الجبهة الثورية". وأضاف "لن نعترف بقطاع الشمال أو العدل والمساواة ولن نتفاوض معهم".

تعليق: رئيس ما عندو لسان .. والراجل يمسكوه من لسانو.. يعني بالواضح الرئيس ما راجل!! وأسألوا وداد وفاطمة خالد ... وخضر جبريل والمتعافي!!! وبكرة في أديس أبابا شوفوه وحلاة المفاوضات!!


ردود على جبهجي ثوري
United States [كرار] 05-31-2013 08:54 AM
يا IZZ القصة واااضحة.. يعني المتعافي وخضر جبريل ( البكسروا قرارات الرئيس) أكيد ( كاسرين ليهو عينو ) ولا شنو؟

United States [IZZ] 05-30-2013 03:00 PM
بنسأل وداد وفاطمة خالد طيب خضر جبريل والمتعافي ديل بتاء المربوطة!!


#682620 [زوول (1)]
0.00/5 (0 صوت)

05-30-2013 10:43 AM
هذا الفساد لا ولن تستطيع جهة لوضع حد لها مع هذه الحصانات من الصقور.
نبكيك يا سودانا !


#682541 [أبوالكجص]
0.00/5 (0 صوت)

05-30-2013 10:13 AM
يا ناس المراجع العام أنتم بلا ذاكرة؟ إذا كنتم بلا ذاكرة فنحن ذاكرتنا ما زالت بخير.

قرار إيقاف هذا الجبريل كان بقرار رئاسي منذ يناير 2012م لوصوله سن التقاعد وقام وزير الزراعة لأسباب تخصه، وفي تحدي واضح للقرار الرئاسي، بإبقاء هذا الجبريل وعندما حاصره الإعلام وكثرت عليه الضغوط بتنفيذ القرار قام وزير الزاعة بترك الوزارة والذهاب إلى بيته كأن الوزارة ضمن أملاكه الخاصة وهاك يا تحانيس من السلطة والحزب عشان سعادة الوزير يرجع للبقالة أقصد الوزارة تاني ورجع الوزير وبالتالي انتصر على القرار الرئاسي. وجايين بعد كووووووووووووووولي دا تصدروا توجيهاتكم بتنفيذ القرار الآن؟ ياتُرى ماذا جدّ لتنفيذ قرار مرّت عليه سنة؟ يا ناس المراجع العام أنتم تعملون في ظل سلطة غوغائية بلا مؤسسات ولا يُحترم فيها قرار من جهة عليا فاشتغلوا شغلكم الذي يفصله لكم هؤلاء الكبار وما تتدخلوا في لعبهم هذا إلى أن يقضي الله أمراً كان مفعولا.


#682287 [الدماء الحارة]
5.00/5 (1 صوت)

05-30-2013 07:16 AM
فليطير المعاشي لمزبلة التاريخ وهو أكبر حرامي وضيع حقوق عمال وموظفي وقاية النباتات وما دايرنو في الادارة دي بعد القرار دة مليتنا من وشك ومن سوء ادارتك يا كريه يا ثقيل زول تم 60 سنة داير شنو تاني في دكاترة وخبرات احسن منك بملييييييييييييون مرة

4



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة