الأخبار
أخبار إقليمية
ارتفاع العقارات بالخرطوم وانخفاضها بالمخططات الجديدة
ارتفاع العقارات بالخرطوم وانخفاضها بالمخططات الجديدة
 ارتفاع العقارات بالخرطوم وانخفاضها بالمخططات الجديدة


05-30-2013 07:21 AM

الخرطوم: الطيب علي
أكدت الجولة الاستطلاعية التي نفذتها السوداني على أسواق العقارات تباين أسعارها مابين الارتفاع والانخفاض، حيث واصلت ارتفاعها بمناطق جنوب وشرق الخرطوم فيما انخفضت أسعارها بالمخططات الجديدة بالخوجلاب والوادي الأخضر وأشار عدد من تجار العقارات الذين تحدثوا لـ(السوداني) للركود الكبير الذى ظل يعاني منه سوق العقارات منبهين الى انتقال مناطق جنوب الخرطوم وشرقها من التقييم بالقطع الى التقييم بالمتر نسبة لتفضيلها من قبل المشترين متوقعين مزيدا من الارتفاع فى أسعارها فى مقبل الأيام.
وأبان تاجر العقارات محمد نقد ارتفاع أسعار العقارات وإيجارها حيث يبلغ سعر المتر بمناطق جنوب الخرطوم وشرقها أكثر من 1,5 ألف جنيه بينما يصل سعر الإيجار بالنسبة للشقة الواحدة (1600) جنيها وتتراوح أسعار الإيجارات فى مناطق وسط الخرطوم بحسب الميزات من( 1,5) الف جنيه فما فوق وتصل حتى (15) ألف جنيها بحسب قوله، مضيفا بالقول إن سعر المنزل المشطب بمنطقة جبرة لا يقل عن (1،5) مليون جنيه بينما تتراوح أسعار المنازل العادية مابين 750 -1000 جنيها فيما يبغ سعر المنزل المشطب ثلاثة طوابق(00 3,6) مليون جنيه.
وأوضح تاجر العقارات ببحري ابراهيم عوض الكريم الانخفاض النسبي فى أسعار العقارات بالمخططات الجديدة مقابل ارتفاعها فى مناطق الحاج يوسف والدروشاب حيث انخفض سعر القطعة درجة أولى فى مساحة 500 متر بمنطقة الوادي الأخضر من 50-40 ألف جنيه ودرجة ثانيه فى مساحة 400 متر من 35 -30 جنيها ودرجة ثالثة مساحة 300 متر من 35-27 مشيرا الى أن سعر المنزل مساحة 400 متر فى مناطق الحاج يوسف والدروشاب يتراوح مابين 400-500 ألف جنيه، أما منطقة الخوجلاب فقد انخفض سعر القطعة مساحة (500) متر درجة أولى من (40)ـ (35) ألف جنيه ، ودرجة ثانية (400) متر من (30) ـ (25) ألف جنيه، درجة ثالثة (300) متر من (25) ـ (19) ألف جنيه.

السوداني


تعليقات 9 | إهداء 0 | زيارات 17126

التعليقات
#684083 [يوسف خير]
0.00/5 (0 صوت)

05-31-2013 09:47 PM
ليس هنالك اى سبب يجعل سعر الارض فى الخرطوم اغلى من الرياض فى السعودية وما ادراك ما الرياض خدمات ونظافة وجمال؟هل تصدق انه يمكنك ان تسكن فى فيلا فى الرياض وتدخل بى عربيتك رموت كنترول باقل من سعر الارض فى الخرطوم؟صدقونى هنالك غسيل اموال فى السودان هذا الثراء الفاحش لبعض السودانيين من اين؟ وبلدنا ما فيها غير ان التراب اغلى من الانسان؟الله يعين المغتربين الذين ضيعوا شبابهم عشان قطعة ارض واحتمال كبير جدا يموتوا قبل ما يشوفوها.


#683736 [ابولمش]
0.00/5 (0 صوت)

05-31-2013 01:05 PM
لعن الله السماسرة اين ماكانوا هم اس البلاوى فى البلد جاتهم داهية تاخدهم كلهم ومن خلفهم


#683009 [hazim]
4.63/5 (4 صوت)

05-30-2013 03:28 PM
سوف تسقط امبراطورية محتكري و اباطرة العقار فى السودان قريبا و قريبا جدا,لانه لم يعد مجديا ان اشتري شقة او منزل فى الخرطوم باكثر 200 الف دولار!!!ما دخل مثل هذا الشخص الذي يشتري عقار للسكن بهذا الميلغ...سؤال لكل مغترب,كم من الاغتراب (وقت) يكفيك لشراء سكن فى الخرطوم؟؟ هل يعقل ان اغترب اكثر من عشر سنوات من اجل يناء سكن فى ارياف الخرطوم؟؟


#682970 [عصمتووف]
5.00/5 (2 صوت)

05-30-2013 02:56 PM
لا توجد علاقة اصلا من دخل المواطن الشهري وبين العقارات (عمارات** منازل عادية) والاسواق والمطاعم الفاخرة والبلدية والسيارات ** من اين يأتي الثراء لهؤلاء وليلة القدر لم ولن تنزل لواحد فيهم بلد ام فكو


#682852 [osman]
5.00/5 (4 صوت)

05-30-2013 01:17 PM
خرطوم السجم البخلي اسعار العقار فيها اغلي من لندن ومن دبي شنو؟؟؟ لابنيه تحتيه لاتخطيط ومافيها اي ميزه تخلي اسعاااارها ناااااااار والله بلد عجيييه


ردود على osman
[الفاتح عبد الرحيم] 05-30-2013 02:15 PM
ياسيد في السودان مافي أي منطق لإرتفاع الأسعار ،، زي أسعار السيارات ،،،موديل 78 تلقاهو أغلى من موديل 2000 ، ولو سألت عن سبب يقولو ليك أصلو الموديل دة غالي ، كدة بس ،


#682666 [ابوميمونة]
5.00/5 (2 صوت)

05-30-2013 11:01 AM
والله يا جماعة نحن بقينا ما عارفين الحاصل شنو داير تشتري قطعة ارض فى المدينة مستحيل لانو فيها خدمات وسعرها مبالغ فيهو ، تمشي برة ما فى خدمات والاسعار برضو بتغلي زي الهوا ، وفى النهاية يجوك يقولوا ليك هدم ازالة وشنو ما عارف يعني نعمل شنو ؟؟ وما نسكن ؟؟؟ وما نتزوج ؟؟ ولا نطلع نخليها ؟؟؟


#682486 [ابو ايمن ودالضو]
4.50/5 (3 صوت)

05-30-2013 09:47 AM
كدى ياجماعة الخير قدر الباقى من مساحة السودان خلوه لاولادنا واجيالنا الجايه !! وكل الخوف بهذه السذاجه والتفريط فى تراب الوطن من هبات للخليجيين والشاميين والهنود والاتراك وحتى البرازلييين وماتنسى جماعة التين الوتنى !! اكيد اولادنا حيشتروا قطع فى جبل عوينات لو هو باقى حقنا !! لان الحكومه ماجايبه ليهو خبر وحتى لو عارفاه احتمال اكون لهطوا جربوع وطنى اذا فيهو دهب !!وماتنسوا مساحه للمقابر.....


#682457 [بخاري محمد احمد]
5.00/5 (2 صوت)

05-30-2013 09:28 AM
الازهري مربع 13 +15 +16 خبرها شنو ياناس دايرين نشتري لينا فيها قطعة ؟؟؟العندو معلومة يفيدنا مشكور جدا جدا


ردود على بخاري محمد احمد
European Union [من الآخر] 06-01-2013 12:17 AM
اقع ( المحوريه) اخير ليك


#682450 [موسى محمد]
5.00/5 (5 صوت)

05-30-2013 09:23 AM
إرتفاع أسعار العقارات بالعاصمة سببه ضعف التخطيط ومركزية الخدمات، فالعاصمة الآن أصبحت جاذبة للناس من الأقاليم لا لشيئ إلا لتمركز الخدمات بها وغيابها التام عن الأقاليم، فالتعليم والصحة والأمن أصبحت من الكماليات والترف بالأقاليم حتى القريبة منها للمركز ناهيك عن البعيدة، كما أن ظهور المليارديرات الجدد من المنقبين عن الذهب وتجار المخدرات المندسين وسط المنقبين، والحرامية من المنسوبين للحكومة والمؤتمر الوطني كلها عوامل ساعدت في إرتفاع أسعار العقارات بالعاصمة.


ردود على موسى محمد
United States [شندي العزيزة] 05-31-2013 07:57 AM
لا لا لا عوامل كثيرة مثيرة ادت الي ذلك : العدل والمساواة والهجوم علي هجليج والنهب المسلح والهجوم علي امروابة وابوكرشولة والهجوم علي امدرمان (جهرة) في وضح النهار والتجول السياحي القتالي للملعون (خليل ابراهيم الله لاترحمة وهلمجر من المزابل )والتحركات الصهيونية العفنة ___ و تقول البلد غالية قولي عامل واحد يساعد علي التنمية والرخاء ... جاتك نيلة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
9.50/10 (2 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة