الأخبار
منوعات سودانية
الحلنقي : منع البلابل من ترديد أعمالي نهائي..وسيشرع مستشاري القانوني بإنفاذ القرار
الحلنقي : منع البلابل من ترديد أعمالي نهائي..وسيشرع مستشاري القانوني بإنفاذ القرار
 الحلنقي : منع البلابل من ترديد أعمالي نهائي..وسيشرع مستشاري القانوني بإنفاذ القرار


وردي بكل قيمته الفنية كان يمنحني حقوقي المادية والادبية في حينها
06-03-2013 05:48 AM

الخرطوم:حسام ميرغني:
كشف الاستاذ الشاعر اسحق الحلنقي عن ابلاغ مستشاره القانوني باتخاذ اجراءات تحول دون ترديد البلابل لاعماله مجددا،وهو قرار وصفه بالنهائي ولا رجعة فيه،وبرر الحلنقي موقفه بعدم ايفاء البلابل لحقوقه المادية غير عدم التذكير بانه شاعر الاغنيات التي قدمتهن للجمهور وظللن يرددنها لاربعين عاما جعلت منهن اسماء معروفة في عالم الفن.


الحلنقي في حديث للرأي العام قال ان التجاهل الذي وجده من البلابل جعله يتخذ قراره النهائي وسيشرع عبر مستشاره القانوني لانفاذ القرار الذي قال انه مجبر عليه لعدم ايفائهن بحقوقه المادية،وقال الحلنقي ان اغنيات (نور بيتنا ،ولون المنقة) وغيرها هي التي منحت البلابل دفعة كبيرة في عالم الفن ، غير انه لم يعلن عن منح اغنياته المعروفة لدى البلابل لفنان آخر في المرحلة المقبلة.
الحلنقي قال ان الراحل وردي بكل قيمته الفنية كان يقوم بمنحه حقوقه المادية والادبية في حينها حتى انه كان يستأذن منه ان يردد اعماله في الحلقات التلفزيونية والحفلات العامة ويمنحه مقابلها ، و هذا ايضا ما كان يفعله مع الشعراء الآخرين الذين تعاملوا معه وهذا ما لم اجده عند البلابل.

الراي العام






تعليقات 32 | إهداء 0 | زيارات 5874

التعليقات
#687134 [عجائب]
0.00/5 (0 صوت)

06-04-2013 05:01 AM
يا الحلنقي اب شنبا طويل انت ما تستحي على وجهك تشاكي ليك نسوان انت ما سوداني؟ و كمان تقول انك شاعر ؟ اين المشاعر ؟ انت مستشعر من اجل القروش و بجد كدة حا تخلي الناس تنظر ليك و تقيمك على اساس شنبك الطويل دا


#687096 [عيسى]
0.00/5 (0 صوت)

06-04-2013 12:52 AM
بالله يا حلنقي أسي نوع "لون المنفة يا الشايل المنقة" دا كلام تطلب عليه قروش و لا تطلب الصفح و العفو يا خي قوم بلاش عوارة معاك


ردود على عيسى
United States [ام الحسن] 06-04-2013 07:16 AM
اغنية تنفع تكون دعاية لعصير منقا 000انصحك تقلعها من البلابل وتبيعا لاحدى شركات الاعلانات ح تكسبك دهب


#687090 [ابوالرسالة]
0.00/5 (0 صوت)

06-04-2013 12:40 AM
الزول دا فلس عدييييييييييييييييييل كدة قال الرووووووووب قبل فترة كان عاوز يشتكي الاذاعه


#686972 [نوبي]
0.00/5 (0 صوت)

06-03-2013 09:09 PM
ماممكن بقي داير كلامو رجعن علي طول من غير تلحين و تعالن غنن شمندورا


#686944 [علي احمد جارالنبي الحامي والمستشار القانوني]
0.00/5 (0 صوت)

06-03-2013 08:18 PM
من حقك ....
.
بس بعد ايه حيت تطالبني ..........!!!؟


#686859 [Kambalawi]
0.00/5 (0 صوت)

06-03-2013 05:58 PM
شكلو صلاح إدريس قطت معاهو....


#686849 [مرزوق]
0.00/5 (0 صوت)

06-03-2013 05:47 PM
الحلنقي انسان محترم قبل ان يكون شاعر ومن حقه ان يطلب حقو


#686846 [حمد صالح]
0.00/5 (0 صوت)

06-03-2013 05:42 PM
الظاهر عليك البصات وقفت ومعاها وقف الحال ..عشان كده قبلت على البلابل !!!!!!من اربعين سنه كنت وين ليه ماطالبت بحقوقك ..يلا يابلابل الدوح ارجعن امريكا ..


#686757 [الخرطومي]
1.00/5 (1 صوت)

06-03-2013 03:43 PM
الخوجة لو فلس بفتيش الدفاتير القديمة يمكن يحصل شي


#686754 [اغانى]
0.00/5 (0 صوت)

06-03-2013 03:36 PM
هوى يا ناس انتو البلابل ديل بغنوا بلاش ما بشيلوا عدادهم كامل
وبعدين الزول ما غلط دا قانون الملكية الفكرية اداهو الحق


#686711 [ali]
0.00/5 (0 صوت)

06-03-2013 02:49 PM
من لمع من ؟ هنالك شعراء اشتهر شعرهم دون الحوجة لفنان مثل اميرة شعراء العرب روضة الحاج وفي نفس الوقت هنالك من الشعراء من تمت شهرته عبر اداء شعره بواسطة فنانون مبدعون هذا في الشعر الغنائي مثل المراء من الامام تعكس صورتك ومن خلفها لاشي .وفي نفس الوقت هنالك فنانون يتغنون بكلمات لاترتقي الاذن لسماعها . اذن الشاعر المبدع وكذلك الفنان كل واحد مكمل للاخر , فمن الافضل حفظ الحقوق بينهم ولا داعي لنكران الفضل بينهم .


#686660 [مغبون]
5.00/5 (1 صوت)

06-03-2013 02:10 PM
اي فنان او شاعر يقول حقي وما حقي واكلوا قروشي واشتكيهم .. بحس انو زيو وزي اي سمسار في سوق الله اكبر .. الفن رسالة واحاسيس راقية تسمو بروح الانسان .. وإنت حالتك مسمنك ملك الرومانسية ؟؟!!
ياخي في اساليب احسن من كده تاخد بيها حقوقك وتليق بيك انت كشاعر لك مكانه في قلوب الناس .. ودون شك ان هذه الاسلوب خصماً عليك يا استاذ حلنقي ..,,,


#686611 []ديامي]
1.00/5 (1 صوت)

06-03-2013 01:08 PM
بصراحة في رأيي الشخصي ان الحلنقي بدأ في السقوط لاسفل وبقوة ليس من اليوم ولكن منذ فترة ليست بالقريبة .. وانا ما بفسر


#686609 [محمدالنقر]
5.00/5 (1 صوت)

06-03-2013 01:05 PM
منتظر اربعين سنه ليه ولا الفلس حصل


#686560 [ابو ايمن الحلاوى]
0.00/5 (0 صوت)

06-03-2013 12:17 PM
هوى يالبلابل ادن الراجل حقو !! والزول بطالب بحقو شرعا ليس الا...وانتن حاولن اتفقن والتراضى جميل وبحلحل مشاكل؛ وحاجه بسيطه منكن وترجع الامور احسن....


ردود على ابو ايمن الحلاوى
[واحد] 06-03-2013 04:04 PM
الجميع مفلس يدوهو من وين ؟!!!! غايتو بيع ل ندي القلعه


#686539 [شفقان]
0.00/5 (0 صوت)

06-03-2013 12:04 PM
سؤل أحد الأجانب مرة ماهو أعجب ما رآه في السودان فأجاب : بفسحوا خراهم. وإختاروا لذلك ساعات الغروب أجمل ساعات اليوم


#686511 [mohd malik]
0.00/5 (0 صوت)

06-03-2013 11:38 AM
امل ان تتدخل الاجاويد مرة اخرى بدل المحاكم
كما حصل سابقا بين البلابل وبشير عباس
والصلح خير


#686488 [mada1966]
1.00/5 (1 صوت)

06-03-2013 11:14 AM
البقول راسي موجعني يربطولو كوراعو
والقال حقي قلب .والشاعر مطالب بحقو
وهاذا حق شرعي .والمفروض البﻻبل يدفعن ومع الشكر
للشاعر القامه.وبدون فضايح وكفايه عليكن اربعين سنه


#686458 [Saeed]
5.00/5 (2 صوت)

06-03-2013 10:40 AM
إسحاق الحلنقي شعرك جميل وفيه نداوة مثل طلاوة حديث أهل الشرق المحبب,ولا تكون مغروراً و تذكر أن هؤلاء الفنانين هم الذين بثوا شعرك حتى عرفك الغير, هناك شعراء لديهم أشعار أجود وأروع من قصائدك ولكنهم منسيين, أحمد الله وأشكره علي أنهم جعلوك نجم مجتمع ومشهور.
أذكرك أنك في يوم قلت لطلاب جامعيين في نيالا بأنك تقرأ لهم شعراَ عندما انصرفوا عن الاستماع لقصائدك. هل سئلت نفسك لماذا انصرفوا؟ ببساطة لأن شعرك الجميل إذا لم يتغنى به فنان ويضيف إليه من الجمال شيء لما أكتمل.
أنت يا الأبيض ضميرك, عود للبلابل وغيرهم لأنهم هم الذين سخرهم الله لجعلك نجم مجتمع. عرفناك برهافة الحس أكيد بتفهم مثل هذه الأمور أكثر من غيرك. وكلمة للفنانين, لماذا لا تحفظوا علي حقوق شعرائكم وذلك من خلال اتحادكم مثلاُ
ملحوظة: أعجبني تعليق شتات الغربة


#686428 [sul.dafa]
5.00/5 (1 صوت)

06-03-2013 10:07 AM
كما قال العبادى عليه الرحمة هو الفن بقروش


#686412 [دودو]
0.00/5 (0 صوت)

06-03-2013 09:48 AM
تحيه احترام للبلابل الصداحه وللاستاذ الحلنقي ونتمني المياه ترجع لي مجاريها


#686387 [ابوهاني]
5.00/5 (1 صوت)

06-03-2013 09:28 AM
ممكن تكون المطالبةبحقوقك ياحلنقي بصورة أجمل وأفضل من هذه الطريقة التي اتبعتها


#686383 [mohmd]
4.50/5 (4 صوت)

06-03-2013 09:22 AM
مادمت تتكلم عن الحقوق أخي الحلنقي فأغنية (نور بيتنا) للشاعر الجميل صلاح حاج سعيد وأنت شاعر أجمل لاتحتاج للبلابل ولاغيرهم ليعترفوا بشعرك الغنائي الجميل. ويكفيك شهادة الكاتب العالمي الطيب صالح رحمة الله عليه حين قال هناك شاعر قال (ورجعت خليت الدموع يرتاحوا مني وينزلوا)! لو أنه قالها وسكت لكفته). لك حبي وتقديري.


#686381 [ابوالهول]
4.50/5 (2 صوت)

06-03-2013 09:21 AM
ما هذا الكلام وما هذه الترهات والتعليقات التي تكتب في حق الشاعر الذي يطالب بحقوقه ؟؟؟انه حق من حقوقه الماديه التي يكفلها القانون ؟هل تغني البلابل مجانا في اي حفل تقيمها ؟ اليس من حق الشاعر ان يمنح حقه ؟؟والله اني اراكم ظالمون ..لم تهاجمون الذي يطالب بحقوقه ؟؟؟؟؟؟؟؟؟؟؟؟؟؟؟؟
غريبة ....


#686308 [الشعب الفضل]
5.00/5 (1 صوت)

06-03-2013 08:39 AM
اسحق الحلنقي دا ظهرت عليهو الشيخوخة ولا شنو؟
يا راجل عاوز تتردى وتحرمنا من الفن الراقي والاصوات الجميلة التي برعت في تقديم اغنياتك وتؤكد التردي باغنياتك الجديدة مثل ما مشكلة التي لن تضيف لك شيئ ان تخصم لانها ولادة لابناء لا يقوون على الحياة بصورة جيدة


#686269 [ود ادم]
5.00/5 (1 صوت)

06-03-2013 07:55 AM
ناس كبار ما تخجلوا ....الله يهدينا ويهديكم ...شاب يستمع للاغاني ليس بادمان عشان ما تقولوا انصار سنة ولا غيرو


#686268 [210]
0.00/5 (0 صوت)

06-03-2013 07:54 AM
اصلو القصة يا عمنا حلنقى مما تدخل فيها النسوان بتخرب ...ما هن متل ندى القلعة


#686267 [KALAS.]
5.00/5 (1 صوت)

06-03-2013 07:53 AM
الشاعر الحلنقى الدنيا قلبت معاه و الظروف المعيشية او يمكن تقدم العمر ، الله يمنحه الصحة و العافية و لكن برضو للسن حكمهول شنو يا جماعة ؟


#686216 [السودانية]
5.00/5 (3 صوت)

06-03-2013 06:20 AM
اجى ياالبلابل كمان بقيتن تاكلن قروش الناس !!!!!!!والله من مابقيتن تتلصقن فى الكيزان وتغنن فى حفلاتم وشفت نافع بجبجب معاكن عرفتكن اصابتك عدوة انفلونزا الوطاويط بتاعة الكيزان ومن اعراضها اكل اموال المساكين والافتراء والتكبر


ردود على السودانية
United States [الناصــــــــــــــــــــــح] 06-03-2013 03:03 PM
هووووي يا بنات طلسم أدن الزول قروشو ، الزول كبر ومحتاج لمصاريف المعيشة والأدوية وخلافه. بعدين إنتن دايرات القروش الكتيرة دي علشان تبنن الفلل الفارهة علشان شنو؟ما خلاص بقيتن حبوبات والحمد لله وفي السن دي الواحد يسعي لحسن الخاتمة و الأعمال ولا لبناء الفلل والقصور؟نصيحتي لكن أن تجلسن مع الشاعر وتتفقن معه علي كل التفاصيل ليأخذ كل ذي حق حقه وإنطلقن بعد ذلك ما تبقي من عمر مع كلمات الأدروب الرائعة والعميقة وبالتوفيق!!!!!!!!

European Union [شفقان] 06-03-2013 11:55 AM
لا باللاي ما تجي

United States [الغاضبة] 06-03-2013 10:17 AM
سجمي يا السودانية، هن البلابل كمان بقن يتلصقن في الكيزان.... عاد دا طرفي منهن، تاني كان اسمعهن اطرش.....


#686210 [شتات الغربه]
3.25/5 (3 صوت)

06-03-2013 06:04 AM
تقديري ان هذه الطريقه للحصول علي الحق الادبي من الفنانين لايليق بشاعر كقامة اسحق الحلنقي فهذه الطريقه مذله ولافرق بينها (والشحاده) ولماذا لايحصل الشاعر عن حقوقه عن طريق الدوله .. او ان تتكفل اي جهه تتبع لاتحاد الفنانين بجمع هذه الحقوق وتوزيعها بطريقه لائقه .. دائما نحن نفتقد التنظيم .. وماذا عن شاعر بحجم اسحق الحلنقي عندما يمد يده يمنة ويسري لكل فنان مطالبا بحقوقه الادبيه .. اللهم احسن امورنا فنحن قوم قوم لايحسن التدبير


#686208 [المتغرب الأبدي]
0.00/5 (0 صوت)

06-03-2013 06:01 AM
ولماذا الجحود ونكران الحقوق يا بلابل ؟؟



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة