الأخبار
أخبار إقليمية
محمد الحسن الأمين : الاتفاقات الموقعة مع دولة الجنوب لم نلغها بعد من جانبنا.. اعلان الرئيس بوقف تدفق البترول يدل علي ان الاتفاق قائم.
محمد الحسن الأمين : الاتفاقات الموقعة مع دولة الجنوب لم نلغها بعد من جانبنا.. اعلان الرئيس بوقف تدفق البترول يدل علي ان الاتفاق قائم.
محمد الحسن الأمين : الاتفاقات الموقعة مع دولة الجنوب لم نلغها بعد من جانبنا.. اعلان الرئيس بوقف تدفق البترول يدل علي ان الاتفاق قائم.


06-11-2013 04:28 AM
الخرطوم (سونا)- اوضح مولانا محمد الحسن الامين رئيس لجنة الشؤون الخارجية والأمن والدفاع بالمجلس الوطني ان الاتفقات الموقعة مع دولة الجنوب لم نلغها بعد من جانبنا بل نطالب بايقاف الخروقات الكبيرة من جانب دولة الجنوب والتي يمكن ان تؤدي الي عدم تنفيذ الاتفاقات وكشف لسونا ان
اعلان الرئيس بوقف تدفق البترول يدل علي ان الاتفاق قائم وان هنالك نص يعطي الحق لكلا الطرفين لايقفا البترول خلال 60 يوما لان الايقاف لايمكن ان يكون فوري لذلك وجه الرئيس وزير النفط بان يبدأ في اخطار الطرف الاخر بايقاف البترول والذي سيتم في خلال 60 يوما من يوم الاخطار، وتمني في هذه الفترة ان تتم معالجة كل هذه الخروقات من دولة الجنوب لكل جوانب الاتفاقيات موضحا انه خلال ال 60 يوما سيستمر ضخ البترول وكذلك الصادرات.
واشار محمد حسن الامين الي ان بترول عداريل وصل لميناء بشائر وان اجراءات تصديره ستتم باعتبار اننا ملتزمون بالاتفاق، مؤكدا ان لم يحدث تطور ايجابي خلال هذه الفترة سيتم ايقاف البترول وهذا حق من حقوقنا بناءا علي الاتفاقية.
وطالب بأن يكون هنالك عمل حقيقي لاظهار حسن النوايا من دولة الجنوب خاصة فيما يلي منطقة الـ zero line وعدم دعم الحركات المتمردة الذي لم يقف بشهادة مؤسسات دولية.


تعليقات 26 | إهداء 0 | زيارات 4204

التعليقات
#694390 [الحرامي]
0.00/5 (0 صوت)

06-12-2013 12:01 AM
شكلهم الجماعه عايزين (يبلعوا) كلام (الريس) بتاعم بعد مافاقوا ، تمهيد (مولانا) واضح لكنو (فاضح) و(الهرجله) ظاهره فيهو ..
طيب انتو يا (مولانا) ما تكّلموا (رئيس) الهنا بتاعكم ده ، يبطّل (الهاشميات) بتاعتو دي ، عشان ما يدخلكم في (حيص بيص)
كل يوم ويخليكم تجوا من وراهو تصّلحوا (جلطاطو) دي ويجهجهكم كدا ويخليكم (تكضبوا) و (تتجرسوا) زي قولك (المعووج) ده

يا مولانا (زولكم) ده بلحقكم (أمات طه) ، ووالله لولا (كِرعينك) الطوال ديل (المرقنك) من (جبخانه) (الحلو) كُت اليوم مدفون في (جــــــوبا) !! !! !!


#694385 [بت حبوبتها]
0.00/5 (0 صوت)

06-11-2013 11:49 PM
قفلهوه واللا فتحوهو..أسة واللا بعد 60 يوم..بنص القانون واللا رباطية ساكت..كلللللو ما بيهمنا.. بيهمنا بس متين نقتص منكم كلللللكم:-الوطني والشعبي وسائحون ومن عام عومكم..متين..متين ؟!


#694347 [علي دينار]
0.00/5 (0 صوت)

06-11-2013 10:36 PM
انا كونته جاكي بس الناس حسبو جري


#694315 [عادل احمد]
0.00/5 (0 صوت)

06-11-2013 09:55 PM
الرجل عندما يقول كلاماً يكون قدر قوله وجماعة الوطني يحاولون إيجاد مخرج للتراجع ( أبقوا رجال واركزوا ولو انتو ماقدر كلامكم اسكتوا واقعدوا ساكت بلا نفخة كذابة ) قال الله تعالي ( قل هل ننبئكم بالاخسرين أعمالاً ** الذين ضل سعيهم في الحياة الدنيا وهم يحسبون انهم يحسبون صنعاً ) ولله الأمر من قبل ومن بعد ,


#694252 [القرفان شديد]
3.00/5 (1 صوت)

06-11-2013 08:19 PM
اح الحسن والله رئيسكم دا تاعبكم تعب كل رقصة معاها قرار يخليكم تفتشو للمخارجة ما تخلو قواميس اللغة العربية وتبقو زي محامي حرامي الحمار اسي عليك الله يا عوض اقفل البلف دي علاقتها شنو بانو الاتفاقات قائمة انتو قايلين فينا قنابير كان دايرين تزوغو وما دايرين تحرجو رئيسكم قولوها عديييييل


#694171 [مريسة ابيض]
5.00/5 (1 صوت)

06-11-2013 05:40 PM
يا جماعة دى محاسن الامين والله يا جماعة رجاء حسن خليفة ارجل من العلق دا . دا راجل شنو البتمسح بالكريمات وبرقد شعرو بالفرشة حقت الحريم ؟ امن ودفاع الاتنين لا حولة ولا قوة


#694168 [مريسة ابيض]
5.00/5 (1 صوت)

06-11-2013 05:36 PM
who the hell is he ? Oh this Um Alhassan


#694107 [كاك]
5.00/5 (1 صوت)

06-11-2013 03:57 PM
رئيس لجنة الشؤون الخارجية والأمن والدفاع ///// شن يلم القمري مع السمبر //// الخارجية دبلماسية وحنكة ورقي في التعامل والامن والدفاع بلطجة وهمجية وعنجهية


#694060 [ashshafo Khallo]
3.50/5 (2 صوت)

06-11-2013 03:09 PM
المشکله انو البشیر اسبت براعه لا یحسد علیها فی توقیع نفسوا فی مطبات ماب یعرف یتخارج منها کیف. اول مره امریکا والصین یتفقوا: الاتنین ادانو قفل البلف.
الجماعه دیل لمان وافقوا یفتحوا البلف کانوا قافلین علی الکانوا بیسرقوه ما بین البیر وبورسودان. ما عارفین انوا الصین حاسبه الکمیه الضخوها من البیر وح تحسبوا لمان یصل بورسودان. یعنی لو سرقوا لتر واحد ح ینکشف. الفار لعب فی عبهم وقالوا اسن نزمزغ. زمزغوا زعلوا امریکا - التی دنا عزابها - والصین الصدیقه.
دا معناه تاااااانی ینبطح ویلحس قراروا ومن انبطاحتوا ینادی عوض الجاز المستعد دایما للقفل وللفتح.


#694026 [العنطـــــــــــج]
5.00/5 (1 صوت)

06-11-2013 02:47 PM
مولانا البيمضغ في اللبانه؟؟؟؟ ده مولاكم براكم
نحن مولانا نعم المولي و نعم النصير و الحمد لله علي ما اراد الله


#694013 [الطريفي]
5.00/5 (1 صوت)

06-11-2013 02:37 PM
فاق من خوفة أب كرشولة و قام يلقلق ... صحيح اللي إختشوا ماتوا ،،،،،


#693997 [ابو الخير]
5.00/5 (3 صوت)

06-11-2013 02:21 PM
كيفن جريتي من ابو كرشولا يا ام الحسن


ردود على ابو الخير
United States [عبد اللـه] 06-11-2013 06:13 PM
أم الحسن: دا سر المهنة!


#693902 [ودابوك]
5.00/5 (1 صوت)

06-11-2013 01:02 PM
اخجل علي لقب مولانا البقوله ليك ده قال...اعلان الرئيس بوقف تدفق البترول يدل علي ان الاتفاق قائم.


#693877 [شوك كتاد]
0.00/5 (0 صوت)

06-11-2013 12:36 PM
ارجو الا يرتجل الرئيس اى خطاب . الخطاب يكتب بواسطة المتخصصين وهو يقراه فقط


#693845 [صديق]
5.00/5 (1 صوت)

06-11-2013 12:03 PM
اوضح مولانا محمد الحسن الامين رئيس لجنة الشؤون الخارجية والأمن والدفاع بالمجلس الوطني ان الاتفقات الموقعة مع دولة الجنوب لم نلغها بعد من جانبنا بل نطالب بايقاف الخروقات الكبيرة من جانب دولة الجنوب

بأى صفة يتحدث هذا الشخص ؟!
الإتفاقيات توقع بين دولة السودان ودولة جنوب السودان × فهل هذاالشخص له صفة تنفيذية فى الحكومة السودانية ( حكومة المؤتمر الوطنى تجاوزنا ) ؟

والله تعبنا مع الناس ديل فى كم متحدث بلا صفة لكنه ينط ويتحدث باسم الحكومة التى يدعون أنها حكومة السودان + حكومة الشعب السودانى . طيب معنى كدا يحق لى أن والذى أنتم لحزب من غير أحزاب الحكومة الواطية ، أ, الذى لا حزب له بل سودانى - من حقى أن أصرح وأتحدث وألغى كلام عمر البشير ؛ أليس كذلك يا بتاعون الراكوبة يتاعتنا ؟
بعدين الزول دا ماعارف إيه الحصل لوشو ! شايفه لحق أمات طه ونافع - بسواد الوجه . إضافة إنه عندما يتحدث فى القنوات يخيل لى أنه ما ياهو .


#693778 [على كرار]
5.00/5 (4 صوت)

06-11-2013 11:19 AM
يا أم الحسن بت اللمين المشاكل بين البلدين يحلوها الرجال فى البلدين سلما أم حربا,كدى ورينا ألإسهال الكسر عليك من جرية أب كرشولا وقف ولا لسه؟


ردود على على كرار
European Union [ali alfred] 06-11-2013 02:03 PM
هههههههههههههههههههه


#693698 [واحد قرفان من المؤتمر الوطني]
0.00/5 (0 صوت)

06-11-2013 10:03 AM
مولانا محمد الحسن ، اعتقد انه بعد حديثك عن وفاة القائد الحلو و دفنه في واو - كما زعمت - افتقدت كل المصداقية التي تجعل لتصاريحك اي قيمة تذكر ، كم تمنيت لو انك لم تصرح ذلك التصريح ، الذي حبله قصيرا ، لانه كا نقول في القانون Rebutable .


ردود على واحد قرفان من المؤتمر الوطني
United States [MOSHKELA] 06-11-2013 12:40 PM
يا بتاع القانون والانجيلزى انت Reputable ما Rebutable


#693662 [osama dai elnaiem]
4.50/5 (4 صوت)

06-11-2013 09:21 AM
مولانا محمد الحسن--- انت فنان في فن البقاء ودعوني اعيش فبالامس تنقلت من الشعبي ( السفينة الغارقة)الي المؤتمر الوطني حيث الطعام الدسم والان تقوم بذات الدور - مطيباتي النظام والباحث عن النقاط القانونية لاخراج البشير من جحر الضب----- اللهم عليك بهم في خلال ستين يوما فهم لايعجزونك فقد دمروا البلاد وشتتوا العباد!


ردود على osama dai elnaiem
[النمر] 06-11-2013 10:56 AM
يا اسامة انتو لسه مصدقين في مؤتمر شعبي ؟ يا جماعة المؤتمر الشعبي هي النسخة المخفية في الهارد دسك من المؤتمر الوطني هم زي صفحة الكتاب لما تقرأ في الصفحة دي تكون الصفحة التانية بقفاء الصفحة التانية هم زي الطريق الجاي من كل طرف يعرف انو في البداية والنهاية في الطرف الاخر هل تعتقدوا ان الترابي يترك الحكومة والكادر الذي اسسه منذ الستينات بهذه الصورة لكنه اتقن المسرحية اتقان تام حتى صدق الناس وصدق نفسه انه معارضة بل على المعارضة ان تتق شر الذين ينافقون وان لا ينخدع الناس ثم يلدغوا من ذات الجحر مرات عديدة .. يا جماعة ما في حاجة اسمها مفاصة دي العاب ومسرحيات ومحمد الحسن الامين كان مع الشعبي ثم اتي مع الوطني وسوف يتسرب الكثير منهم وينتقوا ما بين الحزبين ولقد بدأت فكرة الانشقاق في قطر وكان الترابي في قطر ولضمان استمرار حكومته في حالة حدوث اي طارئ دولي لها كان عليه ان ينسحب الى المعارضة ويراقب الحكومة من على البعد ويتركه وشأنهم وحتى ان سقطت هذه الحكومة تحيا النسخة الاميبية الثانية من الانقاذ ومن حركة الترابي وهذه الحكومة بعد فترة سوف تتشظي الى حركات مثل السائحون والمعتصمون والاصلاحيون وكلها بتكون بتدبير من التنظيم ليضمن موطئ قدم في حالة سقوط الحكومة بسبب الازمات ونفس الناس ديل الذين كانو جزء من المؤتمر الوطني سيكونون ويتفرقون في مجموعات صغيرة ويختفي المؤتمر الوطني من الساحة مثل هذا المكر والخداع لا يستطيع ان يقوم به انسان يؤمن بالله وينصح للمسلمين وعامته وهذا العمل لا يقوم به الا ناس الترابي والمؤتمر الوطني.
يا اخوي اسامةيحضرني حديث جميل جداً مرفوع رواه قيس بن سعد بن عبادة يقول فيه (لولا اني سمعت رسول الله صلى الله عليه وسلم يقول المكر والخديعة في النار) لكنت امكر الناس .. وبالمناسبة المكر والخديعة عملية ساهلة جدا والشيطان سوف يعين الناس عليها لكن ما عملية انسان يؤمن بالله واليوم الاخر والجزاء والحساب ؟ لكن انا بصراحةمحمد الحسن الامين دا برفعي ضغطي لاني بحس انه بتاع لولوة غير واضح ويدخل في نطاق الحديث الذي ذكرته لكن مع ذلك اسأله الله عز وجل ان يهديهم الصواب وسواء السبيل .. اسال الله ان يهديهم ويهدينا لأحسن الافعال والاقوال وان ينصر شعب السودان على القوم المجرمين


#693613 [ام الحسن اخ تقرصو مريم الكضابه]
5.00/5 (3 صوت)

06-11-2013 08:42 AM
بقيت تنضم كلام الرجال يام الحسن؟
اخ تقرصو مريم الكضابة هوى مابدور برا
حكم حكم والله

ام الحسن اخ تقرصو مريم الكضابه


#693577 [مارس وابريل]
5.00/5 (1 صوت)

06-11-2013 08:20 AM
يعني يا محمد الحسن لازم تورينا انك ..... في افعالك وفهمك برضو


#693576 [حليم - براغ]
3.88/5 (4 صوت)

06-11-2013 08:20 AM
تاني ظهرت يامنافق !!! زعيم عصابتك القذر ..قبل كم يوم بيصرخ ويلعلع ..إنو خلاص مع الجنوب وصلنا الحد ووقفنا كل الاتفاقيات البينا !! تجي إنته يا طري ..تقول العكس!! لعنة الله عليكم يا أوغاد..


#693544 [أأه يا بلد]
4.75/5 (3 صوت)

06-11-2013 07:39 AM
قالوا لخوفه زي السكره
عشان كدى نحمد الله على فكة الخوفة بتاعت ابوكرشوله
وكمان ربنا سلمك و بديت الكلام ونقاط النظام


#693542 [Gashrani]
4.50/5 (3 صوت)

06-11-2013 07:37 AM
أجي يا أم الحسن......كلام شنو دا؟


#693516 [المشتهي الكمونية]
4.88/5 (4 صوت)

06-11-2013 06:52 AM
أم الحسن الأمين رئيسة لجنة الشؤون الخارجية والأمن والدفاع!!! ، دي ما لافقة نهائي ، ممكن تكون رئيسة إتحاد نساء السودان ، أو أمينة المرأة في البرلمان


#693502 [ميل]
5.00/5 (2 صوت)

06-11-2013 05:55 AM
موسسات دولية مثل من يا كزاب؟


#693493 [ابو جهينة]
5.00/5 (3 صوت)

06-11-2013 05:14 AM
@@@ يا محمد يا وليد الأمين , نحنا سمعنا بى عضمة اضانا وشوفنا البشير ينطط وقال للجاز اكثر من مرة (( من بكرة تقفل الانبوب )) .

@@@ واحد فى الثلاثة , اما البشير مغفل ماكان يقول كلامه ده , واما انته المغفل ماسمعتة الكلام وجابوهو ليك , وله اما نحنا المغفلين مفروض نقطع اضنينا ونقدد عيونا .


ردود على ابو جهينة
United States [هجام] 06-11-2013 11:48 AM
والله كلهم مغفلين بدون أي استثناء



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة