الأخبار
منوعات سودانية
شاهد صور الاستقبال ،، سعوديون يبحثون عن (أنسابهم) في الولاية الشمالية.!!
شاهد صور الاستقبال ،، سعوديون يبحثون عن (أنسابهم) في الولاية الشمالية.!!
شاهد صور الاستقبال ،، سعوديون يبحثون عن (أنسابهم) في الولاية الشمالية.!!


تم إستقبالهم بـ(النحاس) وإيقاعات (الكدنقا)...
06-17-2013 07:37 AM


مروي: يوسف دوكة

وسط التكبيرات المدوية وايقاع النحاس الذي لم يضرب منذ معركة كورتي -والذى تم إستخراجه لدى زيارتهم- استقبلت مدينة مروي بالولاية الشمالية الوفد الذي جاء من الاراضي المقدسة للتعرف على الاشراف في السودان، ولزيارة مقبرة الملوك الأشراف العباسيين الهاشميين في دويم ود حاج ومواصلة لارحامهم في السودان ، وضم الوفد السعودي كلا من الشيخ حسني أحمد عباس رئيس نقابة الاشراف العباسين بالسعودية وفيصل بن فهد وخالد محسن المكادي والشريفة مها محسن المكادي.

مقبرة شايق:
كانت بداية الوفد السعودي في ديم حامد حيث استقبلهم رجال المنطقة بأعيرة نارية ورحبت بهم النساء بالزغاريد التي شقت عنان السماء وبعد هذا الترحيب الحار بالوفد توجه لزيارة مقبرة الملوك الاشراف العباسيين الهاشميين في ديم ود حاج (الملك شايق ابن الملك حميدان والملك الحاج محمد (كدنقا) ابن الملك شايق والأمير نافع بن الملك (شايق)، وقرأ الوفد الفاتحة على روح الموتى وبعدها اخذ الوفد في التقاط الصور التذكارية في المقابر.

سادة العرب:

بعدها تحدث الشيخ حسني أحمد رئيس نقابة الاشراف العباسيين بالسعودية قائلا : (نحن جئنا من السعودية لزيارة هذه المنطقة الجميلة التي تحمل داخل ارضها اجدادنا ونحن الآن نخطو على خطي اجدانا لنصرة هذا الدين)، ومن جهته قال الشيخ فيصل نائب الامين العام: (من حقكم أن تتفاخروا بأنفسكم لانكم سادة العرب وانتم من حكمتم العالم اكثر من 100 سنة وهذا يعني انكم سادة العرب) واضاف : (بعض ضعاف النفوس يحاولون تشويه سمعتنا ويتهموننا باننا سفاكو دماء وبالطبع نحن غير ذلك)، وفي ختام حديثه تمنى أن تتكررهذه الزيارة مرة اخرى.

ود كدنقا:

وبعد منطقة ديم ود حاج توجه الوفد إلى منطقة حزيمة تلك المنطقة التي تعد من المناطق الاثرية والتاريخية في السودان والتي كانت عاصمة للملكة التي حكمها الملك صبير، وفي منطقة حزيمة استقبل الوفد في المنطقة بـ(ايقاع) الكدنقا والنحاس والذى لم يستخرج منذ معركة كورتي كما قال لنا عبدالرازق أحمد سعد -وهو وريث للنحاس- ولقد جعل هذا الاستقبال الوفد يرفع حاجبي الدهشة لروعته، قبل أن يتوجه لزيارة مقبرتي الملك صالح حنك بن الملك الحاج محمد ود كدنقا بن الملك شايق و الملك يوسف ود الأرباب بن الملك صالح.

السوداني

image

image

image

image


تعليقات 106 | إهداء 2 | زيارات 32189

صفحة 1 من 212>
التعليقات
#720666 [bat]
3.00/5 (4 صوت)

07-13-2013 06:11 PM
هسع لو العرب ديل ما عندهم بترول وريالات كان دقو ليهم نحاس ؟؟؟؟؟؟


#712827 [أبولهب]
1.00/5 (1 صوت)

07-03-2013 09:08 PM
والله الدنيا بنت كلب خلاص
أنا من أشرق أشراف قريش.. ومولود قبل العباس وقبل الرسول... ومع انو خلفت ذرية مسلمة من الابناء والبات الا انو مافي واحد ادعي الانتساب لي اولادي المسلمين القرشيين الاشراف أبناء أجمل آل هاشم وجها والا لماذا تظنون ان لقب ابو لهب كان..؟؟؟؟

هناك من انتسبوا الى الزبير ابن العوام وغيره ولكن ابناء ابو لهب الذين لم يكتب التاريخ اساءتهم للاسلام والمسلمين بعد ما اسلموا ابدا ومعروف ان ابن ابي بكر مثلا جر لحية عثمان بن عقان وعلى قاتلته عائشه وصحابة كثيرون تقاتلو على السلطة الا ابناء ابو لهب انا اولادي اسلموا وحسن اسلامهم فقط ولم يحتجوا على سورة المسد..

كسرة: جنس الكلام دة ما يخلي زول زيي يتنحنح في ثبرو ويرسل الرسالة دي ؟؟؟؟؟


#706383 [فؤاد شباكا النوبى]
3.00/5 (2 صوت)

06-25-2013 06:45 PM
المنكودين من اهل الحجاز ونجد دايرين يضحكون على السودانيين، والسودانيين صدقوا الكذبة الصفراء على انهم ينتسبون الى العرق البدوى، الذين يرتدون الغترة والشماغ والعقال والدشداشه .. هبالة ما بعدها هبالة! لو بحثنا من خلال بعض من الكلمات القليله لوجدنا ان كلمة السودان تعنى بلاد السود اى السكان السود أو الزنوج ، وطبعا التسمية جاءت مع الغزاة العرب على ارض النوبة التاريخية (السودان) بلاد اجدادى . اذن من اين جاءت الفشرخة والجعجعة الكدابة لهؤلاء المدعين الانساب واللغة والدم والعروبة المفرشخة؟ وهم فى الحقيقة من اصول زنجية، على سبيل المثال وليس الحصر النائب الأول للبشير الذى يفتخر بانه من اصول عربية، وكلنا نعرف انه يحمل جينات وراثية زنجية، لا عيب ان يحمل تلك الصفات، ولا ضرر ولا ضرار ان تحمل هذه الرسالة المقدسة . ارجو من أدعياء قومية الاعراب المراجعة والتحرى . فؤاد شباكا النوبى / النوبة السفلى


#705784 [شكبزور]
3.00/5 (2 صوت)

06-25-2013 08:47 AM
قرية اللدية في الخط الشرقي لجبل اولياء يسمون انفسهم بالفيلاب
بناتها فيهن تشابه عجيب مع الجنسيات الشرق اسيوية
اندونيسيا والفلبين مع اسمرار بشرتهن والبعض كوبي بست
قطع شك جدهم جابو الدرب بي هناك رمى بزره وشتت


#700592 [امدرماني اصيل]
3.00/5 (2 صوت)

06-18-2013 08:25 PM
الحمد لله نحنا في مدينه امدرمان.ما عندنا الكلام دا. ملقطين ولكن نفتخر بمدينتنا التي ستكون باذن الله منارة للسودان للتخلص من زارعي القبليه اولاد ال.... الكيزان ال تيييت تييت . وسننشر ثقافة امدرمان رغم انف الكيزان الذين يعملون كل جهدهم من اول استلامهم للسلطه لتدمير هذا النسيج الجميل القابل للتمدد ليشمل جميع اهل السودان . انا امدرمان انا السودان


#700327 [جعلي فشنك]
5.00/5 (1 صوت)

06-18-2013 03:15 PM
اصول بعض القبائل فى السودان

Saturday, 05 November 2011 00:09
استضاف مركز طيبة خلال شهر مايو باحثين من معهد الامراض المتوطنة والأكاديمية الوطنية السودانية للعلوم قدموا دراسة بعنوان (مدي أتساق التنوع الوراثي الوطني مع جغرافيا وتاريخ السودان) وهي دراسة تطبيقية علي المجموعات والهجرات البشرية في السودان باستخدام العلامات الوراثية وذلك بتحليل الحمض النووي (dna) علي مستوي الكرومسوم الذكري و (الميتوكوندريا) لدراسة التركيبة الوراثية للمجموعات وعلاقتها ببعضها البعض وأصولها وهجراتها .


وأوضحت الدراسة أن المجموعات النيلية (دينكا ، شلك ، نوير) كانت سائدة منذ العصر الحجري الحديث ، واشارت الدراسة أن الفترة المروية شهدت هجرات كبيرة من شرق وشمال أفريقيا ، أما في الفترة المسيحية فكانت بداية ظهور العناصر الأسيوأوربية.
وقال بروفيسر محمد أحمد الشيخ مدير جامعة الخرطوم والذي أدار الحلقة الدراسية انه يثق تماماً في نتائج تلك الدراسة ووصفها بالعلمية والدقيقة .


وفي سياق متصل أشار بروفيسر منتصر الطيب إبراهيم استناداً إلي آلان ويسلون أن كل البشرية ترجع لأم أفريقية أصطلح علي تسميتها بـ (حواء الميتوكوندريا).
وفي ذات السياق أكد مقدم الدراسة الدكتور هاشم يوسف حسن انه وبحسب ما نتج عن تحليل الـ Dna أن هنالك قربي جينية بين مجموعات قبلية كثيرة مما يشير إلي أصلها الواحد ، وقالت الدراسة أن الهوسا والفلاتة من هي قبائل أسيوية وأوربية ، وأن للبجا صلات قربى جينية بالطوارق في الصحراء الأفريقية ، وأن هنالك تشابه بين جينات المسيرية والدينكا .


إلي ذلك كشفت الدراسة عن صلة قربى جينية بين النوبيين والفور والبرقو والزغاوة أما الجعليون حسب الدراسة فإن بعضهم يحمل جينات مثل جينات الهوسا والفولاني ، فيما يحمل بعضهم الآخر جينات كجينات النيليين، وأشارت الدراسة إلي تشابه بين جينات النوير والعركيين ، وأن هنالك مجموعات كبيرة من السودانيين في الوسط والشمال تتماثل جيناتهم مع جينات سكان شرق افريقيا خاصة الأثيوبيين.


وفي السياق نفسه قال دكتور عبد الله حمدنا الله معضداً ما توصل إليه الباحثون إن قبائل اليوروبا في نيجريا يدعون أنهم شايقية وأوضح انه لاحظ تشابهاً كبيراً بين اليوروبا والشايقية ، إبان تواجده في نيجريا خاصة تلك الشلوخ الأفقية المشتركة بين المجموعتين .


إلي ذلك أكدت الدراسة إنتفاء النقاء العرقي تماماً في السودان، وقالت أن هنالك روابط وأمشاج بين الكثير من الأثنيات التي تظن أنها بعيدة جينياً عن بعضها البعض.
كما نفت الدراسة وجود وعناصر وسلالات ذات جينات تشابه الجينات العربية، وعللت هذه النتيجة بسبب شح الدراسات الجينية لسكان شبه الجزيرة العربية مما يجعل المقاربة عسيرة

بينما لا يزال يعترك أهل ساس يسوس من اليمين إلى أقصى اليسار في خضم السياسة مما أدى إلى تشرذم أهل السودان.. كل حزب بما لديهم فرحين.. مما خلق نفوراً بين السودانيين فيما بينهم فظهر الاستعلاء النوعي بين أهل السودان. وفي ظل تلك العتمة المظلمة يخرج علماء السودان ببحث علمي جديد يؤكد مدى اتساق التنوع الوراثي الوطني مع جغرافية السودان بمشاركة فاعلة وأساسية بين ثلاثة أضلاع.. معهد الأمراض المستوطنة بجامعة الخرطوم، والأكاديمية الوطنية للعلوم بالتنسيق مع مركز طيبة برس للتدريب الإعلامي معتمدين على دراسات علمية بأخذ عينات من الحمض النووي.

وهو بحث هو الأول من نوعه بشهادة أساتذة جامعة الخرطوم وكل العلماء الذين حضروا حلقة النقاش التي تمت إدارتها من مركز طيبة برس للتدريب الإعلامي بواسطة مدير جامعة الخرطوم محمد أحمد الشيخ الذي أشار إلى أن البحث فتح جديد لدراسة السلالات البشرية، فيما أوضح البروفيسور منتصر الطيب إبراهيم أستاذ الوراثة والأسرة بجامعة الخرطوم أن العالم يتكوّن من أربع قارات (أفريقيا، آسيا، أوروبا واستراليا)، منوهاً إلى أن هناك تقارباً بين أوروبا وأفريقيا أكثر من أي قارة مما يدل على أنهما شيء واحد بالقياس على دراسة تعتمد على الـ(dna)، مشيراً الى ان التفاعلات الثقافية تستمر مع الإنسان أكثر من الجينات.

وفي ذات الاتجاه أشار الدكتور هشام يوسف إلى أن الدراسة هي محاولة لربط المعلومات التاريخية بالمعلومات الأثرية واللغوية، منوهاً إلى أن الدراسات أشارت إلى أن (النوبة والبرقو والمساليت والزغاوة) من أصل واحد وكذلك الحال للقبائل النيلية الصحراوية، وتابع (هناك علاقة قوية بين النوبيين وقبائل البرقو والفور والمساليت) فضلاً عن العلاقة بين المسيرية والدينكا الى جانب العلاقة القوية بين قبائل الهوسا والمجموعة الأوروبية الآسيوية والعلاقة بين العركيين وقبائل النوير في جنوب السودان.

فيما وصف البروفيسور عبد الملك محمد من كلية الهندسة جامعة الخرطوم الدراسة بأنها مهمة وخطيرة، مطالباً بعمل تحليل إحصائي دقيق لمعرفة درجة الثقة، فيما أشار دكتور هشام يوسف من العلماء الذين أشرفوا على البحث أنهم قاموا بعمل تحليلات إحصائية وتم جمع (78) عينة تم استخلاص (33) عينة للحامض النووي، مما يؤكد مدى التزام البحث بالتقصي العلمي الدقيق.

وقال الأستاذ عبد الله آدم خاطر الكاتب الصحافي المهتم بقضايا دارفور إن هناك باحثاً في نيالا يدعى ركزيا سيف الدين أثبت أن أول ما وجد الإنسان في جبل مرة بولاية جنوب دارفور، وبعده كان انتشار الإنسان في شتى بقاع العالم، منوهاً إلى أن هناك تنوعاً في السودان له ارتباط قوي بالجذور التحتية، وتابع "دراسة الباحث تشير إلى أن الحياة بدأت بجل مرة".

وأشار دكتور عبد الله حمدنا الله إلى أن عناصر الحجراي في تشاد يربطون أنفسهم بالنوبة في الشمال، منوهاً إلى أن الذي يتأمل في اللغة والمفردات يلمس الترابط والعلاقة بين أهل (الحجراي) بتشاد والنوبة في الشمال فضلاً عن الترابط بين الترجم في جنوب دارفور وأهل شندي لا سيما علاقة محطة التراجمة بشندي والترجم في جنوب دارفور.

وطالب عدد من الحاضرين، أهل السياسة الإستفادة من دراسة مدى اتساق التنوع الوراثي الوطني مع جغرافية وتاريخ السودان، وتشير (السوداني) إلى أن الدراسة أوضحت أن المجموعات السائدة في فترة العصر الحجري الحديث كانت هي المجموعة النيلية، أما فترة مروي وما قبلها تميّزت بوجود هجرات من شرق وشمال أفريقيا فضلاً عن جمع (445) عينة حمض نووي من (15) مجموعة إثنية على مستوى السودان تتباين من حيث اللغة، والموقع الجغرافي وأسولب الحياة.

وبلا شك، الدراسة هي وثيقة تراضي وطني علمي أصله ثابت وفرعه يعانق سماء الوحدة والتنوع من أجل سودان واحد بلا تفضيل عرق على آخر.. ويا هو ده.. وثيقة التراضي العلمي


ردود على جعلي فشنك
European Union [ahmed] 06-18-2013 04:43 PM
ده كلام علمي وكبير وده الممكن ان نعتمد عليه في تاكيد صحة ادعاءاتنا وده الكنا عارفينو وللاسف كل مدعيي العروبه اختام ما عندهم كان من العباس ولا من غيرو فعشان يتاكدوا هم من انسابهم عليهم الاعتماد علي التقرير ده مع انوا بالنسبه لي انا ما فارقه عندي كانوا تبع العباس ولا كدباس ... واصلا انا ما عارف هم لو كانوا احفاد العباس ده يعني شنو ؟ ربنا الخلق العباس ده خلق مثلوا جون ومافي فرق بينهم عندو الا بالتقوي .اتركوا الكلام الفارغ الما بودي ولا بيجيب ده


#700319 [موسى محمد]
0.00/5 (0 صوت)

06-18-2013 03:09 PM
العارف عزه مستريح


#699903 [العمــده]
5.00/5 (1 صوت)

06-18-2013 09:13 AM
والله مصيبة والله مصيبة...نقطة ضعفنا هي العروبة والجماعة ديل إلتمسوا موضع الداء ولذلك دقت الطبول...وعنوان المقال خطأ والصاح سعوديين يبحثون عن(عبيدهم)بالولاية الشمالية...وبعدين حكاية جدنا العباس وجدنا الحسين وجدنا سيدنا علي خلوها بيناتنا يعني دكاكيني..لأنوا كان قلتوها للعرب بتبقي مضحكة ونحن ما ناقصين مضحكة يا أولاد العباس..يكفي إننا سودانيين ومسلمين الحمدلله


#699701 [yousef]
0.00/5 (0 صوت)

06-18-2013 05:11 AM
السلام عليكم ورحمة الله
كثير من بعض الاخوان وغيرهم يستخدمون اية الله بغير محلها وخاصة اية ( الاعراب اشد كفرا ونفاقا ) كئن البعض يستخدم الاية على هواه وشهوتة دون اي دليل ودون معرفتة في الدين

يا اخوان الدين واضح وصريخ والقرآن يجب مانلعب في اي اية من اياتة ولانستخدمها ضد الغير دون ان نعرف معناة الاية

اية ( الاعراب اشد كفرا ونفاقا ) موجودة في صورة التوبة لكن البعض يأخذ الاية من اولها وينسا تكملة الاية او تفسيرها!!!!

الله سبحانة وتعالى ينزل الايات في مواضع كثيرة وكل اية لها موضوع وهذه الاية نزلت للمنافقين في حدث معين

لكن الخلاف وين مانقرا الاية كاملة؟؟ الله سبحانة وتعالى يقول ( ولاتقربوا الصلاة ) نوقف او نكمل الاية؟؟؟؟ نكمل الاية قول الله سبحانة وتعالى ( ولاتقربوا الصلاة وانتم سكارى ) نكمل بقية الايات او خلاص نسكر بس وقت الصلاة؟؟؟؟ مانسكر اكيد لازم نكمل قول الله عز وجل !!!!

مثل ماهو في صورة الاعراب اشد كفرا ونفاقا صدق الله العظيم لازم نكمل ونعرف شنو المقصود في الاية ومتى نزلت وليش نزلت

نكمل الاية بقول الله عز وجل ( الاعراب اشد كفرا ونفاقا ) نوقف ولا نكمل شوف تفسير الاية

قال أبو السعود: وهذا من باب وصف الجنس بوصف بعض أفراده، كما في قوله تعالى: >وَكَانَ الْإِنْسَانُ كَفُورًا ولأن الأعراب ليسوا كلهم كذلك، فقد بين قوله: وَمِنَ الْأَعْرَابِ مَنْ يُؤْمِنُ بِاللَّهِ وَالْيَوْمِ الْآَخِرِ وَيَتَّخِذُ مَا يُنْفِقُ قُرُبَاتٍ عِنْدَ اللَّهِ وَصَلَوَاتِ الرَّسُولِ أَلَا إِنَّهَا قُرْبَةٌ لَهُمْ {التوبة: 99}
فبين سبحانه في تلك الآية أن المراد بالجنس البعض لا الكل.<
والله أعلم.

يعني نقدر ناخذ اية قول الله تعالى ( وكان الانسان كفورا ) هل نقول كل الناس كفار ام نعرف تفسير الاية ونعرف موضعها ؟..؟؟

رجاء خاص لااحد ياخذ الاية الاعراب اشد كفرا ونفاقا ضد العرب او البدو او يحاول يستهزء بهم دون معرفة قول الله عز وجل ويجب عدم اللعب بالايات والقران ومعرفة الاية وموضعها وشكرا


#699667 [more]
5.00/5 (1 صوت)

06-18-2013 01:47 AM
طيب بإجماع أجدادهم العباسين ديل جو للسودان وقت كان السودان ممالك وحضارات وبلاد خير وعاشوا وتزوج الخ....في السودان.....طيب هسي الحال تبدل السودان بقاء خرابه...طيب عليكم الله سوق اولادكم ديل ناس الطيب مصطفي ونافع وعلي وعبودي ةغيرهم خلي يرطبو معاكم هناك وخربتناء الاسم السودان دي خلوه لي اسياده ...المن كل جنس بس ماعباسين.... .......( رحمة الله الاستاذ....قال ان العرب يريدودن ان يقيسو تحديات عصرهم نسبة لي عنصرهم ممايجعلهم اقزام في عالم اليوم....لان التحديات تقاس في هذا العصر نبسبة الي انسانية الانسان... )


#699666 [حمدي البارو]
5.00/5 (2 صوت)

06-18-2013 01:44 AM
يا الراكوبه الشكروك في الخريـــف
يا المدينه الحاكمها من قلبالريـف
يا العبد سيد الشريـــــــــــف
يا العزمته الجماعه انت احرف حريف
اصلك عارف الشوايقه متعلقين بحبل عروبه ضعيف
ودايرين توثيق ولو بزيف او حكاية تخريــــف
وقصص وحكاوي وتاليف جبت جماعه بدو من طريف لبستهم بتقيف
وعملت ليهم رئيس ووصيف اصلو البدو ما عندهم دين وقلبهم قدام المال ضعيف


#699648 [النضام]
3.88/5 (4 صوت)

06-18-2013 12:31 AM
اليافطة فوق في الصورة دي بها اخطاء لغوية واضحة
شبكة العباسيين الاخطبوطية المنتشرة بالعالم والتي تبحث عن موالي العباسيين بالسودان ما لاحظت الاخطاء دي؟
يا عيب الشوم!


#699636 [النعمان]
4.00/5 (2 صوت)

06-17-2013 11:58 PM
ضرب النحاس في معركة كورتي_ كورتي شنو الدقوا فيها نحاس _ديل اول ناس هربوا وبعمالتهم للاتراك والانجكيز زوروا التاريخ_ معركة كورتي مناصير ورباطاب تجمعوا هناك مع قليل من الشايقية بعد انسحاب تلتين منهم _ وقال شاعرهم ود حيسونة :اماني يا نعمان ماك ولد _هد كبد القيقر رقد_ الكبير في العامراب شرد وود كنيش جدع المفضض وادا سوطين لابو قرد___المفضض سيف من الفضة عند العمد _ابوقر حصان ود كنيش _ نعمان عمدة المناصير _ ديل معركة كورتي ماعملوا فيها حاحة بس عبارة عن مزوراتية وخونة واخرتها فصل علي عثمان للجنوب ولسع يسعي لمزيد من التقسيم


ردود على النعمان
[سليم أبوشارب] 07-14-2013 12:51 AM
من العامراب استشهد في هذة المعركة جدهم خورشيد ولد سليمان ودعامر وشعر حسونة ليس بمقياس لتاريخ السودان .. وكم دفع له ودقمر حتى يمدحه تكلم بشجاعة ولاتكيل التهم للشايقية ونحنا لانقول عرب فقط نحن سودانيون .. وقلت هربوا هل هؤلاء الهاربون هم من كتبوا التاريخ والشايقية إذا كان لديهم الموهبة لتزوير التاريخ كان بامكانهم الاغداق بالهدايا من ذهب وفضة واموال للشاعر حسونه كما فعل جدك ودقمر

[abudiganan] 06-18-2013 09:00 AM
خلى الحسد ياالنعمان...رأيك شنو فى الوفد الزائر ؟؟؟

معركة كورتى موجودة فى كتب التاريخ ارجع اقرا كويس ياحاسد


#699615 [ود عرب صاعقة]
0.00/5 (0 صوت)

06-17-2013 11:08 PM
والله يا جماعة.. الشايقية اهلهم جاوؤا من الجزيرة العربية ورحبوا بيهم.. انتو اللي عندو اهلو في بوركينا فاسوا ولا كونجو مورو برضو دقوا ليهو نحاس واحتلفوا بيهو.. ليه انت عندكم عقدة من الأضانة البيضاء ولا شنو. يا ناس السوداء..

كل التعليقات فيها شيء من العنصرية.. يعني هم عرب السودان منتظرين انت تدوهم صك العروبة نعم اهلهم في الجزيرة العربية وفي موريتانيا وفي اي محل فيها عرب... وانتو برضو فتشوا عقابكم في افريقيا وفي امريكا الجنوبية وبرضو دقوا ليهو نحاس ودق ليهو جرس انشاء الله.. ما قالوا برضو الاضان للاضان بتحن.. ويا محنني ومتحنن يا صغير يا صغييييييييييييييييييييييييير يا


ردود على ود عرب صاعقة
United States [الحقيقة مرة] 06-18-2013 12:37 AM
كل التعليقات فيها شيء من العنصرية
____

تقول شنو ما لاننا كلنا افارقة مساكين ساي ودخلاء ما (اولاد بلد) وعرب (اصلاء) وفاهمين زي حضرتك كدا

United States [بارد] 06-18-2013 12:16 AM
ياخي انت ضعيف ومهزوز ثقافيا ومغيب عن واقع الحياه بطريقة مبالغة بلدنا ياها السودان ما محتاجين عقاب عقابنا في بلدنا انت المحتاج بالواضح
صك العروبة ده الدخلو شنو؟ نتكلم عن العباسيين شايفنو فوق في مناظر ما جميلة ومخزية
شبكة العباسيين واهدافها في العالم دي شنو بالضبط؟
ياخ اتفاخر بعيد بس ما تتكلم باسم السودان وتجرنا معاك في الدرب الجاري فوقو ده
ومنو الاداك الحق تتحدث باسم الشايقية والاضانة البيضاء ؟ اضان بيضا دي لو الشايقية ديل مسكناهم واحد واحد وما طلع منهم اضان داكنة بعيد اتحدث باسم الجنس الاري
ولا نجيب ليك امثلة
صاقعتك دي كهربتا شحنت دواخلك واضح اثرت عليك وعملت ليك تفريغ ارضي دام للحظات صغيرة


#699595 [امة المتجهجهين]
5.00/5 (1 صوت)

06-17-2013 10:37 PM
ههههههههههههههههههههههههههههههه
هههههههههههههههههههههه
دي نكتة الموسم
من دخلت اشوف الموضوع وجاتني صدمة خلتني اخش في حالة من الضحك الهيستيري


ده كلام ده... دي شنو الصور الشاذه دي

دي شنو الصور المقلوبة دي؟

بلاش فضايح ومهازل

مجموعة من العربان جالسين على الكراسي تضحك من داخل قلوبها على الهبل السوداني

اختشو
اختشو

يا ايها المتجهجه الاممي


#699574 [زول سوداني]
0.00/5 (0 صوت)

06-17-2013 09:45 PM
ياناس شوفو انحنا وصلنا لحدت وين من الجهل المجتمعي


#699547 [ALIIIIIIIIIIIIIIIIIIIIIIIIIIII]
0.00/5 (0 صوت)

06-17-2013 08:39 PM
ههههههههههههههه ياسبحان الله


#699540 [الكلس]
0.00/5 (0 صوت)

06-17-2013 08:31 PM
الجماعة قاعدين بوراء عشان الكاميرا ما يجيب الخرابات ههههههههههههه فاقد الشيء لايعطي


#699526 [مواطن حر]
4.50/5 (3 صوت)

06-17-2013 08:00 PM
ياجماعه بس شوفوا ألخبر ألعبيط ده وألدعايتين ألفوقه وألتحته ... واحده تخلبك تفتش فنادق لموسم ألعمره في رمضان وألثانيه تعرف بيها برامج ألمسلسلات وبرضه لرمضان .. وافهموهاأنه نوع ألأخبار دي بيجذب أكبر كميه من ألمتصفحين ...... يامعلمين ياشفوت يامفتحين يا صانعي ألثورات وألأمبدات ياخانعين يانايمين يامركوبين وماسائلين.

أتمني واحد بس ينعش ذاكرتنا ويدلنا علي أنجاز واحد قدمه ألشعب ألسوداني للعالم يمكن أن نحاجج به ألأمم ... أنجاز علمي ... فكري ... أقتصادي أو أي نموذج أحتذي به الأخرين.


أتمني واحد بس .. يقول لينا أنه زرع ليه قصريتين طماطم يواجه بيهم ألغلاء في رمضان في بلد كيلو ألطماطم ألمعفصه بحصل 7 دولار في بلد مفروض يكون سلة غذاء ألعالم

ياعالم فكونا من ألعنصريه ألبلد أتحرقت.


#699499 [بعاتي]
5.00/5 (1 صوت)

06-17-2013 07:12 PM
العباسيين ديل موش شيعة؟


#699498 [النصيحة]
5.00/5 (1 صوت)

06-17-2013 07:11 PM
(من حقكم أن تتفاخروا بأنفسكم لانكم سادة العرب وانتم من حكمتم العالم اكثر من 100 سنة وهذا يعني انكم سادة العرب)

ايقصد الدولة العباسية حكمت مئة سنة؟
لماذا لا يربا العباسيون من جزيرة العرب عن ذلك
عماذا يبحثون؟
بماذا يدعون؟
عن العز والشرف؟
عن الفخر والسؤدد؟
اليس السيد من يعطي ام هو الذي ياخذ من الناس قدرهم
يمكن تكون مقبولة لو جات من الغير
توقفوا عن تصنيف الناس هذا سيد وهذا كذا والرب يعلم منازل الناس ومصير كل واحد
ورب قوم غير اسياد يصيروا فوقكم
قوم لو ابتغوا في غير الاسلام عزا اذلهم الخالق
ادعاوي الجاهلية؟
ام آمنتم ببعض الكتاب وكفرتم ببعضه

عموما

مرحبا بكم لمواساة الجالية العربية بالسودان

طالت بهم الغربة في ارض السودان

وشكرا لارض السودان الكريم المفضال

الرجاء ارسال الخطوط السعودية فقد حان الرجوع لاهلكم وانتم السادة

ان الاسرة المالكة تهني رجوع السادة الى حضن الوطن الام

فلتقم الزيجات الجماعية القحطانية لفحول السودان السادة

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!


ردود على النصيحة
United States [Wahid] 06-17-2013 11:01 PM
دا المفروض يحصل!!! اوفق الرأي ان الافضل يمشوا ويريحون من كل مرة باحثيين لاثبات الهوية العربية.


#699483 [صقر الجزيرة]
5.00/5 (4 صوت)

06-17-2013 06:37 PM
ايقاع الكدنقا ده الدخلو شنو
تعرف ان السودانيين بطبعهم يكرهون الفشخرة ويفخرون بالحاجة البتشبهم وعلى ارضهم وثقافتهم المسالمة ويكرهون التمسح بالاسياد والمؤخرات بحثا عن (عز في داخل السراويل) وان طال السفر
لماذا دائما وبصراحة كدة الشوايقة والجعليين ثقافتهم ثقافة الحرب في الاغاني؟
الكدنقا دي اهلا خلوها وناس مسالمين وعلاقتا بالعرب شنو؟
ليه دايما تغذية مفهوم العدو وخلق الاعداء؟ لماذا انت دون العالمين بالسودان غير مسالم ولا يسلم الناس من ممارستك باستعلائك اليومي الغير منطقي ولا علمي ولا فلسفي الذي تعتبره فريضة حكرا عليك ولا يرضى اليهود في دينهم الا يهوديا
يعني بتخلي الواحد يفهم انو انت فعلا من بيئة معادية قاحلة جافة لا تستطيع العيش الا بالعداوات
وبعدين ياخي ليه بقية العرب الاخرين بالسودان والذين نحترمهم جدا لانهم ناس نعتبرهم على ثقافة ووعي عالي بخلاف الشايقية والجعلية ليه فقط تمومة جرتق العرب وانتم فقط من تتراسون العرب؟
ولعل احد الاسباب استعلاء الجعليين والشوايقة على غيرهم من الاعراب هو الادعاء بالنسب العباسي على الرغم من انتماءالبقية له او لغيره
فأي نموذج طبقي انت بتمارسو على بني جلدتك في العصب
ولذلك اعتبر الشوايقة والجعليين عنصريين مع بقية بني جلدتهم حتى ولو ادعوا انهم في النهاية كلهم صابون
كيف يكون النسب العباسي في هذه المنظومة هو الجامع للجميع؟
دي ممكن تنفهم بس الما مكن ينفهم هو كيفية حوارك مع الآخر لانك بمنظومة النسب هذه لا يمكن الا ان تحاول بنفس المفهوم اضافة دائرة اخرى بعيدة عن المركز الشايقي الجعلي وهي دائرة بعيدة عن مركزك تضم بقية السودانيين باعتبارهم اجانب في نظرك

انت لم تشارك العرب معهم في بلدهم الحقيقي الاف السنين لتدعي كل سلسلة حضارة العرب وتحاول الصاقها بك وتقنع الاخرين بك بينما نحنا ما شايفين نموذج حي تمثله انت يقنعنا بأمجادك المزعومة تجعلنا نفرح معك ونهلل لهؤلاء العباسييين المزعومين جميعا من اقصى الشمال الى الجنوب ومن الغرب للشرق!

ارجو ان تحاولوا الارتقاء بهذه المفاهيم الضيقة والا ستكونون مثار للسخرية والشفقة من الجميع للأسف كلما تكررت هذه الزيارات التي هي عادية لو كانت افريقية افريقية
والتي يمكن ان تكون عادية بل وحتى افتخار للجميع لو كنت انت على قدر من الحضارة والرقي التي تجعلك على مستوى من الوعي تذكرك بأنك في بلد اسمه السودان في قلب المنارة الافريقية
تذكروا انكم بالسودان شاء ذلك القدر
وانكم لستم بأهله اذا واصلتم على نفس النهج
ويكفي احتقار الجميع لمفاهيمكم والتي تجعلكم غير مؤهليين بسودانيتكم مهما قدمتم من امثلة لانك تقاتلون لنفسكم في سبيل غاياتكم الضعيفة والتي تنهار مع مرور الايام بهذه المفاهيم التي تغوط عليها الزمن وتقيأ

وعشان ما نتحيز كمان في ناس شايفة نفسها احسن من الخواجات والعرب وكل الاجناس في الكواكب الاخرى

ديل منو؟

ديل السودانيين ولا فخر قبله الا فخر الدين والدين للناس اجمعين


ردود على صقر الجزيرة
United States [الكجور] 06-17-2013 08:12 PM
والله يااخي العزيز كلامك هذا يوزن بالذهب ولكن لمن يفهمه ويعي ابعاده.


#699477 [ابو نصر الشمالي]
0.00/5 (0 صوت)

06-17-2013 06:25 PM
اها اصولكم ظهر يالا شدو الرحال معهم ... بالجد البلد دايرة غربلة .. نحن في انتظار الوفد المغربي والموريتاني عشان يلموا جاليتهم الطال انتظاره


ردود على ابو نصر الشمالي
European Union [ahmed] 06-18-2013 03:18 AM
ههههههههههههه ياخي دي قويه


#699475 [محتار من عرب السودان]
5.00/5 (2 صوت)

06-17-2013 06:22 PM
سبحان الله من الصور دي الشبه وااااضح ه ه ه ه ه ه هههههههههههههههه .


ردود على محتار من عرب السودان
United States [اضانك وينا] 06-17-2013 10:44 PM
محتار ولا عندك عقدك من عرب السودان


#699465 [واقف براى]
4.63/5 (4 صوت)

06-17-2013 06:06 PM
ثلاث علل عملت على تأخر نهضة السودان :
1//الأهتمام الزائد بالتاريخ
2//عدم قبول الاخر
3//جلد اللذات
فالاهتمام الزائد بالتاريح عمل على عد م التخطيط للمستقبل .اما رفضض الاخر ساعد على خلق امه تمتهن صناعة الموت ..ناس تتقاتل منذ الازل حت الان..واخير جلد الذات ..الذى بدوره يكمل الناقصه..فيعمل على الأحساس بالدونيه والأعتداد بالغير..
فيا اخوتى لنترك القبلية ولنعمل لبناء وطن شامخ اسمه السودان


#699454 [اساطير الأولين]
5.00/5 (2 صوت)

06-17-2013 05:54 PM
انت لست منا لأنك ترقص على ايقاع مختلف
اجتمعنا في كل شء ولكنك تصر على استغرابك
نجعلك قريبا فتختار الغربة داخل بلدك
طائر غريب من طيور الخلق مختلف
بغل منقطع
اذهب فأنت لا خير فيك ولا يرتجى منك أمل
احببت الغرباء وأنت منهم مختلف
فأصبحت قنبوراً من أهل القنابير العرب
نشفق عليك من سخرية الناس وانت في غيك سادر منحرف


#699443 [حامد]
3.00/5 (1 صوت)

06-17-2013 05:36 PM
والله انتو لو عارفين تحمدوا الله على انكم سودانيين .الجماعة العرب ديل احفاد الاعراب اشد الناس كفرا ونفاقا.لكن للاسف النظام عب عقول الناس بالقبلية النتنة وافرغنا من سودانيتناوجعلنا منطقة هبوط ثقافى قابلة للتماهى والانبطاح مع العرب.وتانى الحمدلله على انى سودانى .


#699417 [abo arab]
5.00/5 (1 صوت)

06-17-2013 05:01 PM
قال رسول الله(ص):-(دعوها فانها منتنة)

يامعشر المسلمين ارجعوا لصوابكم وافقهوا دينكم.


#699405 [ابوسروال]
0.00/5 (0 صوت)

06-17-2013 04:43 PM
يا سوداني يا اصيل !
لماذا اصمت؟
الحديث الذي إستشهد به هل يدل علي لون الرسول؟
انت داير تقول شنو يعني _ رسولنا الكريم كان ابيض يا اخي انا لا ادعو للعنصرية ولم اقل الرجل الاسود اوالاسمر افضل من الابيض او الاسمر
هذا هو فهم الدين بالغلط والرسول صلي الله عليه وسلم في كل احاديثه لم يتفخر بي نسبه او لونه بل لايفرق بين الناس الا بالتقوى
يااخي اقول ثم اقول إن رسولنا محمد صلى الله وعليه وسلم كان اسمر ثم اسمر والسلام..


ردود على ابوسروال
[أبو رتاج] 06-17-2013 08:35 PM
إليك هذا يا أبو سروال

http://islam.ahram.org.eg/NewsQ/1865.aspx

[بوكو] 06-17-2013 07:23 PM
ابو سروال امشي طلع سروالك ده انت مابتفهم ولا شنو??? سيدنا محمد صلى الله عليه وسلم لونه ابيض مشرأب بحمرة وامشي اقرا كتب السيرة بلا تخلف معاك


#699400 [ديجانقو]
4.94/5 (5 صوت)

06-17-2013 04:38 PM
والله انحنا الشعب الوحيد فى العالم العامل زى علبه الالوان تشوف فى السودان كل الوان البشره الاسود زى لستق التيمس والابيض زى الجوافه والاصفر لون المنقه والاخضر الليمونى بكره يجينا ناس من التيبت يقولوا جدنا مولود فى ابو جبيهه عشان لون المنقه


#699394 [الحقيقة مرة]
5.00/5 (3 صوت)

06-17-2013 04:34 PM
دا هو جنس الاستلاب وتسول الهوية والالتصاق بمؤخرة العروبة المدمرنا ومخلينا عبيد في ارضنا البخلي زنجي مستعرب او عربي متزنج زي نافع والطيب مصطفى وملايين غيرم يعتقدو انهم هم (الاصلاء) وعقار والحلو وقرنق الافارقة الاقحاح وافدين ودخلاء !!! قلة من الناس بتشوف عوجة رقبتا لانو كما كررنا مرارا وشنظل نكرر معظمنا في الشمال مازومي هوية ومفصومين وجدانيا ما بين زنوجة منكورة وعروبة مبتورة ودا هو سبب كل مشاكلنا زول ما عاجباهو سحنتو ولونو وشكلو وعايش بهوية عرقثقافية مصطنعة مزيفة مستحيل يكون انسان كامل الانسانية وعندو الاعتداد والثقة الكافية بالذات او الاحاس الحقيقي بالانتماء التخليهو يقدر ابني دولة قومية او ينفع في شي اساسا وحالنا قدامنا شايفنو يعيونا وعايشنو بكل تفاصيلو العجيبة !


#699371 [omer.osman]
5.00/5 (2 صوت)

06-17-2013 04:08 PM
ياكاتب المقال اتق الله


#699361 [الدماكي]
0.00/5 (0 صوت)

06-17-2013 03:52 PM
والله يا جماعة دا كلام عجيب جداً . انا حفيد البلولة وراق محمد عبدالرحمن ود حاج والكلام دا ما بخش دماغ عاقل ، سعوديين شنو نحن سودانيين ما في كلام ونفتخر بسودانيتنا و ما في داعي اهلي اتصلقو على الناس ساكت ، اسع بالله الناس ديل بشبهونا في شنو ، لا لون ولا تقاطيع ، بس كيف كلموني . والله انا اهلي تقاطيعم سودانية لا تخطئها العين . وعشت يا سودان


#699356 [Mohamed]
5.00/5 (3 صوت)

06-17-2013 03:46 PM
لا أدري الغرض من كل هذه كل هذه الهرجلة، الذي لا يتعدي زيارة وفد "أهلي" يبحث عن رهط من أهله تقطعت بهم السبل في "أدغال أفريقيا" منذ زمن بعيد حتي نسوا أصولهم، وتغيرت بشرتهم الس السواد من كثرة الإختلاط بالسود(يا عيب الشوم) فأصبحوا سود الإهاب، وكمان أخذوا من أهل البلاد "النوبة" عادات أفريقيا البالية المتخلفة مثل استخدام الشلوخ للزينة، والتمباك للكيف، والدلوكة والنحاس للغناء والهجيج!!! الآن عادت الأمور الي نصابها ونرجو أن تستمر الصحوة وتتمخض الزيارة عن زيارات، وعن جوازات وريالات واستثناءات من الكشة!! ويعم الخير الوفير، ما دام البترول حق "الجنوبيين" انقطع وراح!! وعقبال العنقالة "العرب" الشاتين في "الغرب"! الله لينا وليهم!


ردود على Mohamed
United States [koko] 06-17-2013 07:23 PM
قل ما شئت بس عجبنى كلامك (أهل البلاد النوبة)
لماذا استثناءات وجوازات؟
اليس التائه له حق الرجوع لوطنه الاصل؟ ام ايمانا قاطعا في دواخلك بانه لن ترضى العرب عنكم ولو اتبعتم ملتهم
اخي الكريم مافي زول ضربك على ايدك
يعني حتى فهمك بالماديات والريالات
وده السبب الحقيقي الجاب المستعربة للسودان
لقمة العيش
والان الناس قد مالو الى من عنده المال
بس ايام تصحر العرب في ارضهم كنت سوداني وكده والبدو ديل ما بتعرفهم
ههههه
فعلا عادت الامور الى نصابها ونتمنى مزيد من الزيارات للجالية المقدسة لاتها مفيدة جدا


#699351 [yashafi]
5.00/5 (3 صوت)

06-17-2013 03:40 PM
الناس ديل زي ما قال اخونا (سيد التبش ) جايين رحلة صيد في اجازة الصيف ولمن وصلوا لقو استقبال عجيب ما صدقو وقالوا احسن نعملا واضحة واحنا السودانيين فينا عادة غريبة وعجيبة من ناحية الاجانب نديهم قيمة اكثر من المواطن


#699342 [سامي]
4.50/5 (3 صوت)

06-17-2013 03:30 PM
ياجماعة مالو في سعوديين من الرشايدة ومن قبائل كثيرة فى السودان ولهم الحق فى البحث عن اصولهم والموضوع جميل . نحن شعب عريق وممتاز مهما كان ورغم الذي يحدث سواء اكنا من الشرق او الغرب او الشمال او الجنوب وكمان لو ماعجبكم اوباما سوداني وكوندوليزا رايس سودانية اسمهاقونقليزا بنت الريس ونحن الاصل .


#699338 [jomo]
3.00/5 (7 صوت)

06-17-2013 03:22 PM
ههههههههههه شر البليه ما يضحك !!

تتلصقوا ذى القراد فى العرب , هم هسى بضحكى فيكم

الناس ديل جايين يحصلوا المولد فى بيع السودان, بعد ما سمعوا

بما حصل من مقاومة فى ام ضبان ومناطق اخرى , قالوا احسن نخش بحنك

النسب والقبيلة عشان نغشوا الوهم المتلصقيين فينا.

الله يلعن الاسلاميين يا اخى .


#699321 [الكجور]
5.00/5 (3 صوت)

06-17-2013 03:03 PM
شايفين الزول الواقف جنب المرة ام نظارات ده اسع لو قلتوا ليه انت واقف هنا عشان شنوا حيرد عليكم بسرعة وقبل ما يعاين لي نفسه ويقول ليكم دي؟ ...دي ما بت عمي انتوا ما عارفين ولا شنو!


ردود على الكجور
United States [ما مرتاح ..... وما مرتاح] 06-17-2013 06:08 PM
الله يلعن ابليسك...
لي اسبوع ما ضحكت من القهر...
فكيتها ضحكة لغاية ماصحيت العيالوامهم...
كتر خيرك بس وريني يا الكجور من وين تجيب صنفك؟


#699284 [ود البقعه]
5.00/5 (1 صوت)

06-17-2013 02:23 PM
هل هي الكاميرا الخفيه او طاش ما طاش لشهر رمضان والا كيف يدفن الاشراف وسط الفراعنه مجرد اسءله


#699278 [عبادى]
3.75/5 (3 صوت)

06-17-2013 02:20 PM
زولى ما بنقاس ...بحر القاش...جده العباس....اها وبعدين خير يا طير....


#699272 [AHMED]
5.00/5 (2 صوت)

06-17-2013 02:15 PM
يا شايقية يامطرتشين اعطيكم الكلام المفيد وبالدليل المادى اتحدى جميع مايسمون الشايقية بالسودان ان يقوم احدهم بفحص ال DNA مع اى هندى من ابناء سنج والتى حورت الى سنجك وهو احد جنود الحملة التى غزت السودان.


ردود على AHMED
United States [abdo] 06-17-2013 06:20 PM
طيب الهنود بشر وبيفهمو وين المشكلة ؟ خليك موضوعى وبطل جهل سنجك دى انت اصلا ماعارف معناها وماتتخيل كل الناس بسزاجتك دى . والله انتو فعلا ماتستاهلو غير الكيزان يحكموكم حقد وحسد ومابتكلم عن السعودين لانهم اصلا مابشرفونا نكون اهلهم بتكلم عن القبليه البقت شغلتكم . ياخ نحن شوايقه وماعندنا مشكله مع جنس عارف ليه ..لانو ماعندنا نظره دونيه

United States [نعمان عمر] 06-17-2013 06:15 PM
نجنا ابناء من ذكرت أنت إبن من ابن السرية !!

United States [ahmed2] 06-17-2013 04:45 PM
LoooooooooooooooooooooooooooooLs


#699266 [موجاف]
5.00/5 (1 صوت)

06-17-2013 02:12 PM
يا جماعة
ياتو في الناس ديل الشريف "كدنقا"


ردود على موجاف
United States [الجارعودو] 06-18-2013 04:23 AM
ههههههههههه... شريف و كدنقا!!!!!


#699229 [Naser]
4.88/5 (4 صوت)

06-17-2013 01:24 PM
ابكيك اسها السودان الهمله ليس هنلك وطن في العالم احتقره ابناءه مثل احتقار السودانيين للسودان وسودانيتهم!!!!
الكل يبحث له عن عرق يمتد خارج حدود السودان!!!!!!
هنيئاً لهؤلاء فقد امتدلكم العرق من الخارج الى الداخل فجهزوا عقالاتكم والتأشيرات وعقود العمل؟؟؟؟
والسودان غني عنكم ونعلم انكم في غنى عنه قطر عجيب اليودي في ستين داهيه


ردود على Naser
United States [abdo] 06-17-2013 06:25 PM
وانا اولهم ابكى على راحتك ..لكن انا ابحث عن وطن اخر ..قول حاجه واحده فوقو تعجب والله مافى بلد بيطفش اهلو زى السودان ..ياخ بلا قرف سودان شنو ياخ انت زاتك مسمينك على جمال عبدالناصر ماسموك ابكر ليه ؟


#699227 [المسيرى]
4.94/5 (8 صوت)

06-17-2013 01:23 PM
ابوجلابية ده سافى والسفةبدات تفعل مفعولها مايقوم يفضحنا وينط في المراة


#699223 [راكب]
4.00/5 (12 صوت)

06-17-2013 01:18 PM
الظاهر ان الذين اتوا من السعودية عرب افغان والمعروف ان العباس لم يلد ابدا وهؤلاء لم يقروا التاريخ جيدا وهؤلاء انتسبو انتساب فقط ويعني شنو جدكم العباس هل هذا يغني عنكم من الله شيئا


ردود على راكب
United States [ابن السودان] 06-18-2013 12:39 AM
ينصر دينك ، جبت النجيضة .


#699208 [mohamed]
5.00/5 (2 صوت)

06-17-2013 01:00 PM
ابو القدح بيعرف يعضى اخوه من وين
كلهم عالم دايشة


#699206 [alnileabdalla]
5.00/5 (3 صوت)

06-17-2013 12:59 PM
ياخي والله الشعب السوداني حيرنا ولا الحكومة حيرتنا ماعارف واحد بشبة الكولا والتاني بشبة الميرندا يعني فرق السماء الي الارض وبرضو اقولو ليك يبقو لينا ..............


#699196 [جعلي فشنك]
3.00/5 (7 صوت)

06-17-2013 12:43 PM
الناس مأمونون على أنسابهم ، غير أن مجيئ كل هذه الهيصة في هذا الوقت بالذات في زمن تعالت فيه العصبية وصار عدد من أبناء الشمالية المتنفذين في المؤتمرالوطني يحركون نتن العصبية والقبيلية ويديرونها بين الناس حتى عم نتنها السودان ، وصرت تستمع إلى قيادات سياسية تتحدت عن مواطنين أصلاء وآخرين غير ذلك ... عجبي !!! ثم ماذا يقول هؤلاء عن الدارسة التي أجرتها جامعة الخرطوم عن هوية ناس الشمالية عن طريق الدي أن أي ، وقد وصُفت الدراسة بأنها ذات مصداقية ، ونتج عنها أنه ليس هناك تطابق بين جينات أهل الشمالية مع الجينات العربية ، وأنما أغلبهم نوبة ودينكا ، وهوسا وفلاته وغير ذلك....


ردود على جعلي فشنك
United States [اوكامبو] 06-17-2013 03:03 PM
إن شاء الله الدراسة عملتها إنت ؟؟!!

فعلا فشنك.


#699187 [abc]
4.75/5 (6 صوت)

06-17-2013 12:33 PM
دي جديده اول مره اعرف انو الشوايقه ديل عباسسين هاهاها


ردود على abc
European Union [ahmed] 06-18-2013 05:14 PM
هههههههههههه يا اخوانا بالله ريحوا اهلنا الشوايقه ديل

[كيييية للمابينا] 06-18-2013 02:20 PM
والله اول مره تعرف الشوايقه ديييل ؟ ياخي قوووم لف ياحقود انته وضحكتك البايخه زيك


#699167 [USAMA]
3.50/5 (9 صوت)

06-17-2013 12:20 PM
موسم الاجازة الصيفية بدأ في السعودية و الناس كلها اتجهت لكل بلاد الدنيا ، كل حسب مقدرته ، جماعتنا شالو نحاسم و دلاليكم قالوا جونا قرايبنا الاشراف اولاد العباس.
يا جماعة اكيد المتنبي لمن قال قصيدة : يا امة ضحكت من جهلها الامم ، ما كان في الشمالية؟!!!


#699157 [سيد التبش]
3.94/5 (7 صوت)

06-17-2013 12:07 PM
الناس ديل جاييين رحلة صيد ؟؟؟ وقالو بالمرة ناخدها مجانية ؟ ههههههههههههههههههههههههههههههه


#699154 [ابوسروال]
1.50/5 (4 صوت)

06-17-2013 12:04 PM
انتو دايرين الجد والجدود نحنا جدنا الرسول الكريم صلى الله عليه وسلم ولون الرسول ذي لون السودانين اسمر أو اسود ونحنا نحب رسولنا اكثر من منافقين ال سعودي و الاردنين و الكذابين الشام والخليج .. أما الفراعنة ديل مع بشر _
انا سوداني وسوداني انا_ وصلي علي ولد سيد ادم افضل الصلاة واتم التسليم_


ردود على ابوسروال
United States [عبادى] 06-17-2013 02:29 PM
مين اللى قالك الرسول عليه الصلاة والسلام...اسمر او اسود...وين دليلك من الاحاديث النبوية ...يا راجل قل خيرا او اصمت...ما يكب الناس على مناخيرهم الا حصائد السنتهم...قالت السيدة عائشة رضى الله عنها

كنت في حجرتي أخيط ثوباً لي فانطفأ

المصباح وأظلمت الحجرة وسقط المخيط أي الإبرة

فبينما كنت في حجرتي أتحسس مخيطي إذ

أطل علي رسول الله صلى الله عليه وآله وسلم بوجهه من باب الحجرة.. وأطل بوجهه

قالت:فوالله الذي لاإله إلاهو لقد أضاءت أرجاء الحجرة من نور وجهه حتى لقد التقطت المخيط من نور طلعته

ثم التفتُ إليه فقلت:بأبي أنت يا رسول الله ما أضوأ وجهك!

فقال: ياعائشة الويل لمن لا يراني يوم القيامة"

قالت: من ذا الذي لا يراك يوم القيامة يا رسول الله؟ قال:
من ذكرت عنده فلم يصل عليّ
اللهم صلى وسلم عليه


#699134 [سوداني اصيل]
5.00/5 (2 صوت)

06-17-2013 11:48 AM
ياجاعة الخير الاستغراب في شنو في عهد الكيذان كلو شي مامستغرب وبكرة ياما حنشوب عجائب


#699132 [Kamal]
5.00/5 (5 صوت)

06-17-2013 11:42 AM
وان كانت الزيارة من اخوتنا النيجريين أو التشاديين,
ماذا كانت ردة الفعل؟ كمان دق نحاس؟


ردود على Kamal
European Union [كبسو كبس شديد] 06-17-2013 03:21 PM
لا لا بندقهم و نضربم رصاص


#699129 [هبهانة]
5.00/5 (4 صوت)

06-17-2013 11:41 AM
هههههههاااااى قمه الهبل والعبط ولعب على المكشوف ركزوا فى المقال شوية وحاتفهموا ما بين السطور
1.(نحن جئنا من السعودية لزيارة هذه المنطقة الجميلة التي تحمل داخل ارضها اجدادنا ونحن الآن نخطو على خطي اجدانا لنصرة هذا الدين) المنطقة الجميلة خت تحتا 100 خط بالاحمر يعنى عايزين يستشمرا فى الأراضى الزراعية،الآن نخطو على خطى أجدادنا لنصرة هذا الدين : الدين بينصروا بالطريقه دى؟!

2.(من حقكم أن تتفاخروا بأنفسكم لانكم سادة العرب وانتم من حكمتم العالم اكثر من 100 سنة وهذا يعني انكم سادة العرب) والما عربى ما من حقوا يفتخر بى نسبوا ولاشنو؟!!! فهمونا.
3.(إستقبلت مدينة مروي بالولاية الشمالية الوفد الذي جاء من الاراضي المقدسة للتعرف على الاشراف في السودان) المنطق بيقول انوا اهالى مدينة مروى او الشوايقة يمشوا يزوروا الاراضى المقدسة بما انهم فرع من أصل (شجرة العباسين)عشان يتعرفوا على جدودهم وبعد داك ديل يجوا معاهم الحفيد بيمشى يزور جدوا وليس العكس.
وياريت عمد ومشايخ الشايقيه يمشوا الأراضى المقدسة ويشوفوا قرايبهم ديل حيقابلوهم بالنحاس دا لو إعترفوا بيهم اصلا.
وبعدين العلم إتطور والسودانيين لسه فى جهلهم وضلالهم القديم وعشان ما تتغشوا من عرب طير زى ديل فى حاجه إسمها فحص DNA .


ردود على هبهانة
European Union [نعمان عمر] 06-17-2013 07:10 PM
لعلمك أخت هبانية فقط للتوضيح لا غير الشايقيه لا يوجد لديهم عمد ومشايخ ونظار كما هو حال القبائل السودانية واخر ناظر عرفه الشايقة توفي في عام 1964 وهو عبد الله ادريس ابو الحسن اما العموديات في الشايقية الغيت عام 1974 في أيام مايو اما المشايخ تم الغاءها مع الانقاذ سنة 1990 لذلك لا ينصاع الشايقية وراء هذا التخلف القبلي فهم احرار كما ولدتهم امهاتهم .. من اراد ان يكون انقاذيا كان ومن اراد ان يكون شيوعيا كان ومن اراد ان يكون بعثيا كان ومن اراد ان يكون ختميا كان ومن اراد ايكون انصاريا كان وهكذا هم دائما ولنا عظيم الشرف ان ننتمي الى العروبة لاننا لا ننطق بسواها ولا نكتب بسواها اما سحنتنا ان كانت سوداء فاهل السودان عموما يميلون الى السواد فما هو السوء في ذلك .. وان اتى بعض القوم للبحث عن من يعتقدون ان هناك روابط تجمعهم بهم فما الضير من ذلك فالناس يعودون من امريكا للبحث عن جزورهم وزويهم في افريقيا وقبل هذا أتي دكتور يدعى الياهو يهودي يبحث عن ارض اجداده بمنطقة نوري فما قامت الدنيا ولا قعدت كما تفعلون الان ولا ننكر أن الاحساب والانساب في السودان قد امتزجت بالعنصر الزنجي واختلط الحابل بالنابل ولكن هذا لا يعني اننا لا ندرك من اين جاء الاجداد الى ارض السودان وبما انك هبانية اختي الكريمة ارجو ان تسألي كبار الهبانية من اين جاءوا الى السودان وكذالك سلي الرزيقان عن علاقتهم بالشايقية وكذلك الفور وعلاقتهم بالشايقية .. هل تدرين ان السوراب أكبر فروع الشايقية هم من أم فوراوية والكدنقاب المعنين في هذا الموضوع هم من أم محسية ولا أدري لم كل هذه الضوضاء .. الا تركنا كل هذه الاسفاف وخرجنا لاسقاط هذا النظام الغاشم والجاسم على صدورنا منذ 24عام الا توافقينى على ان هذا النظام سعى الى هذا الشتات بكل قوة وها نحن نحقق احلامه نتصارع من اجل لاشئ فالنظام ونحن نتحدث بلغة القبيلة والبلاد تنقص من اطرافها .. ارجو المعزرة على الاطاله(دعو الفتنة انها نائمة لعن الله من ايقظها )


#699121 [Saeed]
3.50/5 (4 صوت)

06-17-2013 11:35 AM
نقول لكم هللتم أهلا ونزلتم سهلا, مرحباً بكم في دياركم وديار المسلمين السودان, فديارنا ترحب بكل القادمين إليها, و وجود مجموعات كبيرة فيه إلا دليل تنوع وعافية يدعو له الإسلام. فقط علينا أن نحسن النوايا والمقاصد ونعيش برضاء وطيب نفس.


#699113 [سوداني]
3.00/5 (4 صوت)

06-17-2013 11:30 AM
لا حزل ولا قوة الا بالله. هل وصل الامر بالسودانيين الي الاحتفال بهذه الطريقة من اجل اثبات الصلة بالعرب؟ فعلا هنالك ازمة هويةحقيقية في السودان و لا اري انها ستعالج في القريب العاجل. كل قبيلة تدعي انتسابها الي الدوحة النبوية الشريفة و تنكر اصلها الافريقي. و يعتقدون ان الانتساب الي الدوحة النبوية الشريفة يعطيهم الحق في الاستعلاء علي خلق الله؟ و الرسول صلي الله عليه و سلم يقول: يَا أَيُّهَا النَّاسُ أَلَا إِنَّ رَبَّكُمْ وَاحِدٌ وَإِنَّ أَبَاكُمْ وَاحِدٌ أَلَا لَا فَضْلَ لِعَرَبِيٍّ عَلَى أَعْجَمِيٍّ وَلَا لِعَجَمِيٍّ عَلَى عَرَبِيٍّ وَلَا لِأَحْمَرَ عَلَى أَسْوَدَ وَلَا أَسْوَدَ عَلَى أَحْمَرَ إِلَّا بِالتَّقْوَى . او كما قال.
اذا كان الوفد السعودي من جد سوداني فالامر واضح, الا ان عنوان المقال يوحي بان العرب اصلهم السودان الشمالي وليس الجزيرة العربية.
الموضوع ببساطة , اذا صح, واحد سوداني هاجر الي السعودية قبل عدد طويل من السنين و تزوج هناك و اجنب بنين و حفدة , ثم عاد بعض احفاده للبحث عن جذورهم السودانية. يعني لو نظرت للامر من وجهة نظر السعودييين ستجد انهم يرونهم مجموعة من السودانيين يحملون الجنسية السعودية .. الا ان وجهة نظر المقال تبينهم كسعوديين يبحثون عن جذورهم السودانية.
لا نشكك في نسب احد و لكن ارحمونا من مثل هذه العنصرية رجاءا.
و استغفر الله العظيم لي و لكم


#699102 [اللهم اصلح حال السودان]
3.00/5 (4 صوت)

06-17-2013 11:19 AM
وبعديييين في الكلام الفارغ ده يعني الاشراف ديل عملوا ليهم شنو اعطوهم مال + زواج + فيزا اي واحد مشى السعودية عارف راي السعوديين فينا شنو .... مهما كنت بما انك من السودان فانت .... هذه العنصرية في كل العالم موجودة لكنها بنسب متفاوتة لكن في امريكا تجاوزوا عنها ..(اوباما) ونظروا للمصلحة العامة فقط ...


#699097 [Wahid]
5.00/5 (3 صوت)

06-17-2013 11:16 AM
ياناس حرام.. نرجع ثاني الى القبلية!!!!! نحن الان نسعى لدولة المواطنة وبس


#699096 [ناجي علي]
5.00/5 (2 صوت)

06-17-2013 11:15 AM
قال المصطفي (ص) لبس تاج كسري جلف من اجلاف العرب. نحن مسلمون اولا سودانيون ثانيا افارقة ثم عرب!!!بلاش فشر فارغ ! من يفتخر بهؤلاء الاعراب؟؟ انهم اشد كفرا و نفاقا!!!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية
تقييم
7.38/10 (4 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة