الأخبار
أخبار إقليمية
تشريعى الخرطوم يرفع جلسته اليوم لتغيب الوزراء
تشريعى الخرطوم يرفع جلسته اليوم لتغيب الوزراء
تشريعى الخرطوم يرفع جلسته اليوم لتغيب الوزراء


مخصصة لمناقشة اداء الحكومة
06-17-2013 01:35 PM


الخرطوم 17 _6_2013م (سونا) طالب الاستاذ محمد الشيخ مدنى رئيس المجلس التشريعى لولاية الخرطوم احاطة المجلس باسباب تغيب وزراء حكومة ولاية الخرطوم عن جلسات المجلس المخصصة لمناقشة اداء الحكومة .
واوضح مدنى- فى الجلسة التى كان من المقرر ان يتم فيها تداول خطاب والى الخرطوم بحضور وزراء الحكومة- ان مناقشة خطاب الوالى يجب ان تكون بمشاركة كل الوزراء والغاءالنظام السابق المتمثل فى حضور الوزراء لجلسات المجلس التشريعى بالتناوب مشيرا الى انه يجب احاطة المجلس باسباب تغيب الوزراء عن الجلسات .
وقد رفع محمد الشيخ مدنى جلسة اليوم على ان تواصل مداولات خطاب الوالى فى الجلسات المقبلة .


تعليقات 13 | إهداء 0 | زيارات 2689

التعليقات
#699642 [Ivory]
0.00/5 (0 صوت)

06-18-2013 12:19 AM
غيابهم اكبر دليل علي انه لا يوجد اصلا اداء ليتم تقييمه. كيف يتم تقييم اداء زول غائب عن البرلمان وما معروف بجي الوزارة كل يوم ام لا يعني ما عارف الحاصل


#699591 [هيثم الشاعر]
0.00/5 (0 صوت)

06-17-2013 10:32 PM
مشوا يفتشوا تذاكر طيور الجنه.ههههههههههه


#699562 [mohamed]
0.00/5 (0 صوت)

06-17-2013 09:14 PM
محمد الشيخ مدني يمكن ما عندو شقة مفروش اشان كدا يحضر الجلسة والله غلبان


#699495 [مواطن حر]
0.00/5 (0 صوت)

06-17-2013 07:06 PM
مشوا الدهب


#699433 [abusafarouq]
4.00/5 (1 صوت)

06-17-2013 05:27 PM
ملو الوزراء من الخطاب المكرر كل مرة من إنشاء المجلس حتى الان لماذا الحضور والخطاب نفس الخطاب .نوم لنوم أحسن فى البيت
المجلس ليس له عمل غير مناقشة خطاب الرثيس ونائبه ونافع ووالى الخرطوم .أتحدى هذا المجلس ناقش يوما هموم المواطن المعيشية والحياتية ومعناته اليومية .


#699420 [الحقيقة مرة]
0.00/5 (0 صوت)

06-17-2013 05:05 PM
كل مرة نقول ليكم ليكم الوزرا ديل ما حيتنازلو واجو امثلو قدام حتت برطمانيين زيكم عشان تحققو معاهم في فسادم وفشلم وتعصروهم بطلو العبط حقكم دا وامشو شوفو ليكم سرقات ولا رشاوي ولا تسهيلات تنفعكم بلا برطمان بلا شمشمة معاكم انتو مصدقين انكم برلمان ولا شنو ؟ انتو مجرد مجسمات كرتونية رديئة الصنع لديمقراطية صورية وهمية ما اكتر اعرفو قدركم وارحمو نفسكم يا وهم


#699396 [سودانى منفرج الأسارير]
0.00/5 (0 صوت)

06-17-2013 04:36 PM
طالب محمد الشيخ مدنى احاطة المجلسب اسباب رفض وزراء ولاية الخرطوم(مساعدى المحافظ ) حضور جلسة المجلس التشريعى .. هناك ثمة اسئله تدور فى ا1هان الناس عن غياب الوزرا كووولهم بسلامتهم .. دا اضراااب!!!
(1) ود الشيخ طالب "منو" احاطة المجلس .. هل وجه مطالبتو دى للوزراء مباشرة شفاهة ولآ تحريرا؟ وهل عندو سلطه لذلك؟ (2) هل طالبهم عن طريق الوالى (بس ما يكون(وهو طبعن ابو الرياضه ومشتقاتها قوانين او رياصيات او رياض اطفال) تشابه عليه ألأسم والمنصب وطالب الوزرا عبر والى المريخ ووزير ألأستثمار)
(3) هل مساعدو المحافظ (الوزرا مجازا) كوووولهم كدا مع بعض وفى توقيت واحد نسوا انو كل واحد عندو التزام بحضور جلسات المجلس اللى بتكون وزارتو طرف فى مناقشات ألأعضاء خاصة عن ألأداء والمنجوات
(4 ) الا يشكل غياب الوزرا "نسيانا وبس" عن حضور تلك الجلسه "بزات" ظاهره تستحق الدراسه طبيا ناهيك عن الجوانب ألأخرى (5) اذا كان الوزرا بيتغيبو عن الحضور بدون ابداء اسباب و بدون ما يكون عندهم اذونات بالغياب (والسؤال لمساعد المحافظ للتعليم) باى منطلق نظار المدارس يحاسبو الطلاب الداكين الحصص.. اوالرافضين اداءالواجبات المدرسيه..(6 ) هل حضور الجلسات دى "صلاة جنازه" اذا قام بها البعض سقطت عن الباقين (7) انا والله ما بعرف من الوزرا اللى غابوا كووولهم فى وقت واحد الآ اتنين ( لكنى لا اذكر انى سعدت بلقائهما قبل او بعد استوزارهما) واحد فيهم صاحب الحافز المليونى ابو 165..دا لازم غاب بيوزع الملاييين على الفقراء والمحتاجين ..التانى بتاع الصحه ودا اكيد اما كان عندو تسجيل فى التلفزيون او كان بيتاكد ينفسو من نقل معدات مستشفى جعفر بن عوف الى المراكز الصحيه فى الأطراف ..الباقين ما عرفناهم ولا سمعنا عنهم او عن آبائهم (8) يا ود الخدر ويا ود الشيخ الخرتوم واجهة البلاد مفروض وزراها يكون احترامهم للعمل الحكومى .." تشريعا او تنفيذا" هو النموذح اليحتذى به .. ما شايف ليكم "حلل" يخفف عليكم حرج "اضراب" وزراكم وشويه يبيض وجوهيكما ألأ اقالتهم كووولهم او تبادرا انتما بألأستقاله( على ألأقل احتجاجا) او ألأثنين معا (اقالة و استقالتكم كووولكم )
بلد ما فيها نظام.. دى فضيحه ....


#699393 [lwlawa]
5.00/5 (1 صوت)

06-17-2013 04:34 PM
كدى نديكم من الآخر ..اذا طلع اداء الحكومة صفر كبير ..؟؟..ماذا انتم فاعلون ..؟؟


#699366 [مغيوظ]
0.00/5 (0 صوت)

06-17-2013 03:59 PM
تلقاهم مشو يجمعو الجبايات.... مجلس شنو البضيعو فيهم زمنهمز والله الكراسي الفاضية تحل المشاكل اكتر منهم ديل بجو مرغمين وعشان ينومو في الجلسابعد دا عندهم حافز عن كل نومة اقصد جلسة يحضرها


#699349 [ابو جهينة]
0.00/5 (0 صوت)

06-17-2013 03:39 PM
@@@@ تعليق على الكاراكاتير : ( تعليق الرجل ):
(((( دا بيكون والى حُراس حوش كافورى )))


#699333 [سوداني]
0.00/5 (0 صوت)

06-17-2013 03:18 PM
اعمل ليهم انزار اول وخصم مرتب 3 ايام -حسب قانون العمل- كدا تاني اي واحد حيجي من بدري , اي حاجه بتهبش قروشهم بعملوا ليها الف حساب .... ارزقيه


#699293 [الكد]
0.00/5 (0 صوت)

06-17-2013 02:30 PM
ها ها ها ها ها..طظ


#699290 [زول]
0.00/5 (0 صوت)

06-17-2013 02:27 PM
اصلاً الأيام دي أيام الرفع



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة