الأخبار
أخبار إقليمية
توضيح لبنك السودان بشأن تسليم التحويلات الواردة من الخارج بالنقد الأجنبي
توضيح لبنك السودان بشأن تسليم التحويلات الواردة من الخارج بالنقد الأجنبي
توضيح لبنك السودان بشأن تسليم التحويلات الواردة من الخارج بالنقد الأجنبي


06-19-2013 03:30 PM


الخرطوم سونا
اوضح د. ازهري الطيب الناطق الرسمي للبنك المركزي بان البنك إصدر الضوابط التي تلزم المصارف والصرافات القيام بتسليم التحويلات الواردة من الخارج بالنقد الأجنبي للمستفيد داخل السودان ، كما نذكر بأن التحويلات الواردة يمكن استخدامها في كافة المعاملات المصرفية مثل إضافتها لحساب بإسمه بالمصرف أو بمصرف أخر أو تحويلها لحساب مستفيد أخر ، حسبما يحدد الشخص المستفيد من التحويل أو إستلامها نقداً بالعملات الحرة ،
وقال بان ذلك يأتى في إطار سياسة بنك السودان المركزي لتسهيل وتبسيط إجراءات تحويلات السودانيين العاملين بالخارج وتحويلات كافة الجهات التي تقوم بتحويل أموال من الخارج إلي مستفيدين داخل السودان .
كما اوضح بأن ضوابط بنك السودان المركزي تمنع المصارف والصرافات من إلزام صاحب التحويل بصرف تحويله بالعملة المحلية الإ إذا كان صاحب التحويل يرغب في إستلام تحويله بالعملة المحلية وليس العملة الأجنبية ونؤكد أن من حق العميل الحصول علي التحويل بالعملة الأجنبية .
وان بنك السودان المركزي علي إستعداد لتلقي شكاوي الجمهور في هذا الخصوص .


تعليقات 37 | إهداء 0 | زيارات 11475

التعليقات
#702045 [8855]
0.00/5 (0 صوت)

06-20-2013 01:19 PM
ههههههههه تلقوها عند الغافل دي قال تحويلات تصرف بالعمله الاجنبيه دي اخر حاجه فكروا فيها بعد جفت البنوك وتشرد رجال الاعمال والتجار بسبب التضييق والسياسات الفاشله والتي ادت الي هروب الكثير من رؤس الاموال للخارج والدول المجاوره وكمان دايرين تحتالوا علي المغتربين المساكين , كفايه احتيال وكذب ونفاق ولا يلدغ المؤمن من جحر مرتين .


#701792 [الشحمان مغسة]
0.00/5 (0 صوت)

06-20-2013 09:49 AM
غايتو البيقع في يدكم شقي ومجنون... بالله هسي ابو الزهور الناعق الرسمي قرا كلامكم ده؟ وكمان فاتح نفسو لتلقي الشكاوي ... تلاقي ود ام بعلو نايم في سريرك بركة الهي وانت جاهي!


#701785 [الحكيم]
0.00/5 (0 صوت)

06-20-2013 09:42 AM
دا كمين اوعا بالكم


#701774 [ابوايمن الحلاوى]
0.00/5 (0 صوت)

06-20-2013 09:32 AM
يمين الله المغتربين اثروا علتى انفسهم واسرهم عزة بلادهم وساعتها كنا خير المعين القوى الذى لم ينكسر له سؤال حين تطلبون وكنا الرافد لدعم دولتكم التى كانت صوب اعيننا نكيل لها الدعم والسند بكل الطرق والمسميات التى ابتدعتموها ولم نخذلكم فى حرب او سلم !! دعمنا لكم بايصالات ماليه وغير ماليه :::المجهود الحربى ؛كنانه والرهد؛ المصحف الشريف(مصحف الترابى) القناه الفضائيه؛ جامعة كردفان؛ الصندوق القومى لدعم الطلاب؛ دمغة الجريح؛ زاد المجاهد؛شريان الشمال؛صندوق اعمار الشرق؛كفالة اليتيم؛التحويل الالزامى ؛ المساهمه الوطنيه؛ووووووو؛ ورغم حال بعض المغتربين السلبيه والتى عانوا منها مرارة وقسوة الظروف التى تطرأ عليهم كما على غيرهم فتشل حياتهم لفتره محدوده من انقطاع عن العمل او التعرض لحادث او طريح الفراش من داء عاقه عن التقاط قوته واطعام اهله او القبع فى سجن لمشكلة ما والتعرض لعناد كفيل مما يحيل عليه حياته الى جحيم !!! وفوق هذا وذاك وعند الخطو لدرج وعتبات السغاره لمعاملة ما تتلقفك الكلمات الجافه ادفع! رغم انك كنت تدعم مدرارا دون انقطاع وتسهب فى سرد ظرفك املا ان يسمعك احد وتجد اذن صاغيه تعينك الفهم لحلحلة مشكلتك ولكن هذا دابهم وعهدهم... ينصبون علينا 24 سنه من ايام صلاح كرار(دولار) والى يومنا هذا!!! ماذا قدمتم وبماذا احسستم المغترب بوقفته معكم ؟؟ يوم سطوتم على الحكم وخزينة الدوله لاتملك اكثر من 20 مليون جنيه!!! ولكنها اكتنزت بوقفة المغتربين وسندهم السخى الذى تنكرتوا له وتناسيتم هذه الشريحه المتغربه لحمل عبء اهلها واضيفت اليها دعم دولتهم وحقيقة كانوا انبل الرجال واوفوا بالعهد وكالوا الميزان ورجح لصالحكم!! ماذا قدمتم للمغترب؟؟؟ بم استفاد من دعمه ؟بماذا كأفأتموه؟ بهدلتوه واهنتوه ونصبتوا عليه فى ماله وعرقه وبعتوه اراضى الوطن وكله نصب فى نصب!!!واليوم تودون ان تعيدوارباط الود معهم؛ وضاقت بكم الدنيا وسوف تضيق اكثر ان بقى لكم زمن لتنصبوا فيه!! وصدقا لن تجدون منا غير الاستخفاف بكم والضحك والتندر بحالكم وبالله ان وجدنا احد انقاذييكم فى مدخل الحرم يطلب مساعده لاستعصت منا الحسنه وهذا ليس من شيمنا ولكنه الكره فيكم....


#701656 [أأه يا بلد]
0.00/5 (0 صوت)

06-20-2013 05:03 AM
الحقيقة هى ان المحولين صاروا يتلاعبون فى السعر
أنت فى الخارج يأخذون منك فى 100 دولار مثلا نسبة
وناس التحويلات عندهم نسبة
عند صرف الأموال فى السودان السعر 7.5 والتحويل 6.3
هناك فى بلد الإقامة سياسات بنكية
ولكن فى السودان سياسات همجية
أوقف المغتربين التحويل
أما إرتفاع الأسعار غريب جدا ولا يوازى
سعر الصرف بأي حال من الأحوال
ولذا على الحكومة فعل المزيد وإيقاف
حراميتها فى السوق


#701638 [احمد]
0.00/5 (0 صوت)

06-20-2013 03:43 AM
اسي بتدونا سوداني ولا دولار خلونا من الشكاوي وكتر الكلام


#701635 [احمد]
0.00/5 (0 صوت)

06-20-2013 03:20 AM
ده اخر كلام


#701620 [ABO ALKALAM]
0.00/5 (0 صوت)

06-20-2013 02:00 AM
اخبار صحيحة فعلا فقد حولت مبلغ بسيط لواحد من اصحابي الشماسة

ليشتري لي جهاز تلفون ثابت وفعلا استلم المبلغ بالدولار الأمريكي

اخيرا بنك السودان عرف كيف يلعب اللعبة واعتقد انه بطريقته هذه

سيتمكن من ان ياكل السوق من تجار العملة


ردود على ABO ALKALAM
United States [يحيي العدل] 06-20-2013 12:04 PM
واصل في تحويلاتك يا إبن الانقاذ البار وبكرة تشوف !


الجديد شنو عشان يدوك بالدولار ؟؟
السعودية لديها فائض ميزانية ورغم ذلك تسلمك التحويل القادم من الخارج بالريال السعودي رييييييااااااااال ريال يا وطني.


#701596 [انصاري]
5.00/5 (1 صوت)

06-20-2013 12:18 AM
ولو ديك العدة البشير، في عقد مسك المايك وقال: يا محمد خير الزبير محافظ البنك المركزي، قرط علي كدة الناس، تعمل شنو زي ما قال يا ود الجاز أقفل بلف الجاز !!!


#701575 [مصطفى كونج]
4.75/5 (4 صوت)

06-19-2013 11:37 PM
لا لا لا خلاص حولنا القريشات ... حُولوت حُولوت حُولوت ..


#701526 [nagatabuzaid]
5.00/5 (1 صوت)

06-19-2013 09:58 PM
مااااااااااااااااااابصدقكم حكومة اونطة العبوا غيرها


#701511 [أهل العوض]
5.00/5 (2 صوت)

06-19-2013 09:19 PM
انتو عارفين يا كيزان انو 99,9 من المغتربين هم ضد النظام والباقي جواسيس عليهم وانتو عارفين ياكيزان يا أولاد الذين ان كل المغتربين طافشين من البلد اصلا هربا من جحيم نظامكم المأفون وكلهم خرجوا مغاضبين أو مغضوب عليهم فكيف بالله عليكم تنتظرون منهم أن يكونوا شريان حياة لنظامكم الفاسد المتهالك ( لن نذل ولن نهان ولن نطيع الكيزان).


#701510 [الاشعرى]
5.00/5 (1 صوت)

06-19-2013 09:17 PM
طز فيكم شوفوها عند الغافل


#701500 [مقهور]
5.00/5 (1 صوت)

06-19-2013 09:06 PM
كااااااااااااااااااااااااااااااااااااااااك ...كضااااااااااااااااااااااااابين


#701473 [ابجاكوما]
3.75/5 (5 صوت)

06-19-2013 08:23 PM
ولا طرادة..


#701460 [لن نزل ولن نهان ولن نصدق ال................!]
5.00/5 (2 صوت)

06-19-2013 07:54 PM
كــــــــــــــل النــــــــــــاس بقـــــــــــت واعــــــــــيه!!
العبو غيرها لووووووووووووووووووول..
انتو كل يوم بي قرار!!
البصدقكم منو تاني ههههههههههههه
قاعدين كنب!!
قال بنك السودان فيهو كميات مهوله من العمله الصعبه
مهوله في عينكم زاتو ..
ضيعتو البلد منكم لله..
روحو جاتكم داهيه تاخدكم!!


ردود على لن نزل ولن نهان ولن نصدق ال................!
European Union [انصاري] 06-20-2013 12:06 AM
مهولة دي يعني بتساوي كم (دة بنك مركزي) ما سوق الناقة والارقام دائماً مجردة لا تقبل التغبيش يعني ممكن نقول ميزانية المشروع الفلاني تساوي كميات مهولة من الجنيهات نبني علي مهولة دي خطط وبرامج وبنود ،--- مهولة وربع مهولة ونص - مهولة الا ربع.....


#701432 [baker]
5.00/5 (3 صوت)

06-19-2013 07:02 PM
القصة ماقصت رغيف القصة قصة شعب راكع عايز يقيف


ردود على baker
European Union [DR SAMI ALI] 06-20-2013 12:25 AM
صااااااااااااااااااااااااح


#701431 [مغترب]
5.00/5 (1 صوت)

06-19-2013 07:01 PM
ماسووووووووووووورة


#701414 [joi!]
5.00/5 (4 صوت)

06-19-2013 06:27 PM
الناس دي ما نصيحة ، المغتربين بقوا نجااااض و اللعب عليهم كااان زمان
اراضى و سندس و كلام فارغ .. قرارات الرئيس زاااتها ما ليها اعتبار معقول بنك
السودان ينفذ قرار ..


#701402 [abu ahmed]
5.00/5 (2 صوت)

06-19-2013 06:14 PM
بلاى زمان لامن جيتو يادوب قلتو العملةدىي لازم تتقير ولميتو القرش كلها.وقلتو لينا كاش مافى اصبرو شويه.قايلين نحنا نسينا ماياهو انتو زاتكم وياهو نحنى.. ولله تانى يسممممممممكم


#701377 [محمد احمد]
0.00/5 (0 صوت)

06-19-2013 05:25 PM
يا جماعة ما تظلموا ناس الحيكومة ديل .. كل حاجة في زمنهم ده ممكن .. والدليل على كده إنه حبوبتي عندها غنماية قامت ليها سن دهب ........ كاااااك .. بلى يخمكم يا حكومة اللغف


#701374 [دولار ريال شيك سياحي]
5.00/5 (3 صوت)

06-19-2013 05:23 PM
لو حكومة الكيزان عملت سعر الدولار ب 10 ألف جنيه وفي السوق الاسود ب 7آلاف برضو ما بنحول ليهم ولا دولار واحد بالطرق الرسمية ألعبو غيرها الفيكم اتعرفت دولارات المغتربين تشموها قدحة يا اولاد الكلب


#701373 [نعمان عمر]
5.00/5 (3 صوت)

06-19-2013 05:22 PM
اقسم بالله العظيم وكتابه الكريم والله على ما اقول شهيد حولت مبلغ من المال عام 1992 وعام 1993 بما يعادل 6000 دولار وحتى يومنا هذا لم اتسلم من المبلغ دولارا واحد واخر ما توصلت اليه هو ان أشكوهم الى المولى عز وجل وفوضت امري اليه .. نلقاهن قدام ان شاء الله يا بنك السودان!!


#701367 [محمد احمد]
5.00/5 (1 صوت)

06-19-2013 05:15 PM
ياخي في المشمش ... دي هبالة وإستحمار وقوة عين وسذاجة .. ربنا يخلصنا منكم ومن الرقاص اب جاعورة


#701366 [كان زمان]
5.00/5 (1 صوت)

06-19-2013 05:14 PM
ههههههااااااي
دا شرك أم قيردون القبض الفيل ......
تلقوها عند الغافل


#701355 [منصف]
0.00/5 (0 صوت)

06-19-2013 05:01 PM
اعتقد الموضوع واضح وجلى .
الحاصل الآن فى الخليج أن هناك مشترين بافضل الأسعار ولكن العملة المشتراة لا تصل السودان بل إلى بنوك ماليزيا وغيرها من البنوك إياها مما أثر فى حجم المبالغ المحولة للداخل . المنافسه بين الذين ينشطون فى تهريب الأموال من الخارج إلى الخارج وتسليم المقابل بالداخل بمثل هذا الغسيل وبين تجار الداخل . بنك السودان فى صف تجار الداخل لأنهم على الأقل سيستغلون العملة المشتراة من الداخل فى توفير السلع حتى ولو كانت بأسعار عالية .


#701350 [العمدة]
5.00/5 (1 صوت)

06-19-2013 04:56 PM
نجضت نجضت ما تدوها بغاث الطير


#701349 [جركان فاضى]
5.00/5 (3 صوت)

06-19-2013 04:55 PM
بنك السودان فقد المصداقية فقد اتخذ مثل هذا القرار قبل عدة سنوات وسارت الامور بخير وكان المستفيد يأخذ التحويل بالعملة الصعبة ثم فجأة نكص بنك السودان عن قراره دون اخطار ثم عاد حاليا ليكرر نفس السيناريو......قديمة شوف غيرها


ردود على جركان فاضى
[سواق القطر] 06-19-2013 10:57 PM
سياسة ينك السودان يشوبها الغموض على الدوام ففي عهد النميري خدعوا المغتربين افتح حساب بالعملة الاجنبية نضمن لك تحويله لغرض الاستيراد متى شئت وفي النهاية جاء ابوالقاسم وصادر العملة الصعبة وسلم الناس بالعملة المحلية والماعاجبو يضرب راسه بالحيطة وجاءت الانقاذ وقام صلاح كرار بالقتل لمجرد الحيازة ومصادرة شاحنات المغتربين لصالح المجهود الحربي مقابل مبالغ لا تغطي التكلفة ثم فتحوا باب الاستثمار للعملة الاجنبية كانت الارباح مجزية نسبيا 18% واصبح السودان من الدول المصدره للبترول وخرج علينا صابر محمد الحسن ان الدولار سينخفض الى 180 قرش -نحن لدينا رصيد من العملة الصعبة فانخفض الدولار من 240 الى 202 واستقر على ذلك شهورا لكنه سرعان ما انتكس فارتفع الي 270 وجاء عراب الاقتصاد حمدي وتكلم جهرة في التلفاز بان الدولار سيصل 450 وكان معي صديقي نجلس امام التلفاز فقلت له الزول دا عندو بلية جايه الدولار عندي بسبعة ونص وفعلا حدث هذا مع انني لسب اقتصادي ولا حتى سيدة اعمال


#701346 [ابومشعل الزرقاوي]
5.00/5 (4 صوت)

06-19-2013 04:51 PM
الهدف واضح صريح عايزين يقنعوا المغتربين بضخ مدخراتهم بالعملة الصعبةالى داخل البلاد طمعاً في حدوث وفرة للدولار تساعد على عملية كبح جماع السوق الاسود المرتفع كل يوم بعد تصريحات البشير بقفل البلف او بمعني اخر العمل على زيادة المعروض ليقل الطلب وبالتالي يقل السعر لكن ده بعدهم تلقاهو عند الغافل عايزين تشتروا عرق المغتربين بتراب الفلوس يا كيزان ومن ثم تتحكموا في الاسعار بعد شراء كل المعروض من الدولارات !!!


#701337 [الباقر]
5.00/5 (1 صوت)

06-19-2013 04:38 PM
نحن لن نقبل با شمبره فمن يشمبر لنا فسوف نشمبر له كما يشمبر لنا


#701332 [الباقر]
0.00/5 (0 صوت)

06-19-2013 04:31 PM
احول عيونكم


#701326 [الشعب الفضل]
4.00/5 (2 صوت)

06-19-2013 04:22 PM
المشكلة انه يقولوا ليك نعم تحويلك وصل لكن مافي قروش ويوم ويومين وتلاتة ايام وهاك يا مرمطة وبعد شوية يقولوا ليك قرار بنك السودان دا ما وصلنا لحدي الان ولذلك مافي طريقة غير تصرف بالسوداني وكمان معاها استقطاعات وطبعا تخضع لمزاج الصرافات والبنوك
بلد كلها مرض في مرض في مرض


#701325 [كليمنصو]
5.00/5 (3 صوت)

06-19-2013 04:21 PM
يبدو ان الايد العفنة ما بتخلي عاداتها السيئة و المسيئة عاوزين تنشفوا دم المغتربين اكتر مما شردتوهم كمان عاوزين تلهفوا تحويلاتهم لاسرهم ما بتستحوا انتو ؟ ده تشموهو قدحة المغترب اكثر وعيا من ان يقع في مصايدكم الغبية دي قوم لف وشوف ليك حوش مدرسة بيعو لمستثمر يا نصابين الله يقلعكم اليوم قبل بكره


#701322 [العربي]
5.00/5 (1 صوت)

06-19-2013 04:20 PM
لا تفقعوا في الوخ؟


#701312 [تميم عثمان الحاج]
5.00/5 (1 صوت)

06-19-2013 04:12 PM
هوي الجماعه ناقصاهم شوية دولارات دايرين يتموها أعملوا حسابكم مافي دولار مافي ريال


#701297 [أبوعلي]
4.91/5 (7 صوت)

06-19-2013 03:51 PM
التحويلات بالنقد الأجنبي
تشوفوها في الشاشة الغشاشة
نسيتو السويتوهو فينا قبل كدي
خلاص جفّت و بديتو في الغش لتهفّوا
ولا بنس نحولوا إلاّ في الزمن الجاي (الحلو)


ردود على أبوعلي
United States [فيراري] 06-19-2013 04:16 PM
ههههههههههههههه يعني ننتظر الحلو


#701285 [كاك]
4.50/5 (4 صوت)

06-19-2013 03:40 PM
اعملوا حسابكم ده فخ كبير


ردود على كاك
[8855] 06-20-2013 01:25 PM
بكره يكوشوا عليها ناس الامن الاقتصادي ويقول ليك انت شغال شنوا وجبت القروش دي من وين ودخلك كم في السنه ووووووووو واخيرا نحن ما بنديك القروش دي كولها لانو احتمال تمول بيها الحركات المسلحه ولو حصل انو اديناك ليها حانديك ليها بالجنيه السوداني وبالقطاعي رأيك شنوا ؟ عشان اعملوا حسابكم وده اكيد شرك كبير وعملية احتيال مدبره لانوا البلد اليومكين ديل ما فيها عملات صعبه والبترول وقف والحكايه بايظه .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة