الأخبار
منوعات سودانية
تم رفضي من (نجوم الغد) لأغرب سبب!
 تم رفضي من (نجوم الغد) لأغرب سبب!


06-21-2013 08:17 AM

الخرطوم: ماجدة حسن :

كغيره من الشباب الذين يسلكون طرقات الفن الشائكة، يواجه الفنان الشاب الشريف محجوب أو شريف (بحري)، بصعوبة البدايات. فعلى الرغم من شهرته الواسعة على نطاق بحري، إلا أنه ما زال يرى أن الظهور الإعلامي للفنانين الشباب على طريقة صاحبي وصاحبك أو بـ (الخيار والفقوس).. ففنانو العلاقات العامة تسيّدوا الساحة.



جراب شريف ملئ بالقصص والمرارات، حكى انه في بداية طريقه اتجه الى برنامج (نجوم الغد)، إلا أنهم قالوا له وقتها (انت نجم كبير). قال ساخراً: لو كنت نجماً كبيراً ما كنت جيتكم!

خلافاً لذلك سجّل لتلفزيون السودان وقناة الخرطوم وقام بتسليم أسطوانات من اجل بثها للفضائيات، ولكن حسب قوله (لأني ما جايي من طرف زول لم أجد اهتماماً).

خرج شريف من جلباب الفنان الراحل محمود عبد العزيز اخيراً بعد ان بدأ بتقليده وترديد أغانيه وكون أعماله الخاصة به ولونيته، يقول شريف عرفت الغناء عند محمود وأحببته عنده وقلدته في مدني وفي بحري و90% من حبي للغناء يرجع لمحمود، وحكى انه كان يخرج معه في حفلاته وتربطه علاقات طيبة بعازفيه حتى انه في احدى الحفلات في منطقة 24 القرشي اعتذر محمود عن احدى الحفلات وغنيت بدلاً عنه أغنياته.. ويصل حديثه (جواي صوت محمود لكني قاومته الى ان عملت لونيتي الخاصة).

بدأ الشريف الغناء في فرقة اللاماب، ثم انتقل الى الغناء في مدني ثم مركز شباب بحري، ومنه الى نادي الخرطوم جنوب وأجيز صوته 2001م.. ونال رخصة مجلس المهن الموسيقية والمسرحية أخيراً، والده كان مدخله الى عالم الغناء باكراً، حيث عمل والده مع فرقة المدرعات العسكرية يكتب ويغني الجلالات، بالإضافة لمشاركاته المدرسيـة.

يقول شريف إنّ أساتذته في المدرسة الإبتدائية قد شجعوه على تنمية قدراته فكان عضواً في فرقة (تبري) للإنشاد التي شاركت في الكثير من المناسبات الدينية آنذاك والتي يواصل بعض أعضائها حالياً في فرقة السحر.

لم يواصل شريف في مجال الإنشاد والمديح واتجه للغناء لأنه وحسب قوله إنّ الإنشاد كان تحت رعاية منظمة الرعاية الأفريقية التي توقفت، إضافةً إلى أنّ المجموعة تحتاج إلى إسناد ورعاية وتنسيق وبروفات مشتركة بعكس الغناء.

على الرغم من أنه أنتج كاسيتاً في العام 2005 قال شريف انّ مسيرته تفتقد السند الإعلامي على الرغم من جهود وصول أغنياته للناس عبر وسيط «الفيسبوك» أو موقع «مزازيك» أو حتى حفلاته، عدا ذلك فالأمر من وجهة نظره يخضع للخيار والفقوس.. الظهور الإعلامي بالعلاقات، ويريد أن يقول من خلال تجربته إن هناك شباباً يتحركون ببطءٍ لكنهم يحافظون على رصانة الأغنية منذ الحقيبة وحتى الآن وهناك من جيله من شكل إضافة للأغنية مثل طه سليمان وحسين الصادق وعمر جعفر وأصبحت لهم بصمتهم الخاصة، على الرغم من ان مكيال (الهبوط) لا يفرق بين الجادين وغيرهم من الشباب.

الراي العام


تعليقات 6 | إهداء 0 | زيارات 6139

التعليقات
#703343 [بيكانتو]
0.00/5 (0 صوت)

06-22-2013 09:56 AM
أجيز صوتك 2001 و زمان الفنانين بيتخرجوا من مراكز الشباب زيك كده يعنى بعد شوف ليك شاعر و ملحن ولا عدادك عطلان


#703238 [ابوسحر]
0.00/5 (0 صوت)

06-22-2013 07:13 AM
سلام يا اخي الشايقي سنترجم اغانينا ليكم في الشريط ودي ما مشكلة مع العلم المتطور كل يوم وشكرا--- اركونا فهمتني


#702812 [كركاب]
0.00/5 (0 صوت)

06-21-2013 02:40 PM
والله من يوم ما شفت صورتك دى وخاتى يدك كدة على خدك
عرفتك زول قديم
بس انت اطع من جلايبة محمود وما عندك مشكلة بتظهر وتبقى مشهور
وهى الشهرة صعبة فى السودان ؟ بس روق المنفة


#702687 [مدحت الهادي]
0.00/5 (0 صوت)

06-21-2013 11:36 AM
سؤال ..... إلى متى سيخرِّج برنامج أغاني وأغاني "" فنانين "" ؟؟؟ وهل فعلاً السودان سيصبح بلد المليون فنان ... أم وصل إلى ملايين الفنانين ؟؟؟؟ وإلى أين وإلى متى هذا التخريج ومتى سيتوقف ؟؟؟ يا هؤلاء !!!!!!!!!!!!!!!!!!!!!!


#702654 [ابوسحر]
0.00/5 (0 صوت)

06-21-2013 10:38 AM
نحن ذاتانا الدناقلة والمحس مظلومين مفروض انشاء تلفزيون للدناقلة لنشر اللغة النوبية والثقافة النوبية والاغاني النوبية لانه قنوات السودان جميعها محتكرة للمطربين والثقافة العربية
وكذلك باقي اهلنا نوبة الجبال والانقسانا مفروض تكون لينا قنوات بلغاتنا وكفاية احتكار العرب للقنوات في السودن


ردود على ابوسحر
United States [كود 123] 06-21-2013 06:26 PM
انا والله معاك يا ابن السودان الاصيل اولاد بعانخي وحتبشبسوت لكن انا في الشايقي القطيم دا البقول الهيحمكم منو لكن يا الشايقي صعبتها عدييييييييل

[مدحت الهادي] 06-21-2013 03:36 PM
نعم نعم نعم أبو سحر والله أنت من أصبت الكلام الصاح .....بس يا أخوي ما تستعجل كلها جاية وبالفعل العرب محتكرين كل شيء ولكن يا أبو سحر المصيبة إنه (((( نحن العرب ماهم معترفين بينا والأفارقة ماهم معترفين بينا وبعدين ؟؟؟؟ ))) بس الناس دي متشدقة ومتعلقة في العرب دون أي فائدة قل لي بالله عليك يا أبو سحر ((( إستفدنا شنوا من العرب اللي نحن ندّعي بأننا عرب عشان نكون معاهم بالله عليك إستفدنا شنوا ... غير ما آذونا وفصلوا عننا الجنوب وينهشوا في أطراف الدولة السودانية ويعملوا الفتن في داخل السودان وأكثر الدول كانت تعترض إنتاج البترول ومازالوا هم العرب والعرب الحقيقيين مش عرب السودان الغير معترف بهم ... وبس أصبر شوية يا أخوي كل حاجة حتجي تمام وبس خليك متمسك في نوبيتك بيديك ورجليك ... والتوفيق من عند الله ...

[شايقى] 06-21-2013 01:08 PM
الحيفهم غناكم منو....الاتعملوا قناة تشوفوهاانتو ؟؟؟؟


#702607 [سايكو]
5.00/5 (1 صوت)

06-21-2013 09:12 AM
هسا دا شكل واحد شأب ؟
البلد دي فيها كم فنان يا جماعه ؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة