الأخبار
منوعات سودانية
فنان شاب يخطط للاشتراك في (اراب ايدل)
فنان شاب يخطط للاشتراك في (اراب ايدل)


06-24-2013 06:43 AM

الخرطوم: نصر الدين الجيلاني:

أبدى الفنان الشاب محمد عيسى رغبته في المشاركة في البرنامج الشهير بقناة (أم. بي. سى) العريبة (أراب ايدل) الذي أوشكت نسخته الثانية على الختام بوصول الثلاثي أحمد جمال (مصر) ومحمد عساف (فلسطين) وفرح يوسف (سوريا) لمنافسته النهائية، وقال الفنان الشاب إن هذا البرنامج يساعد الى حد كبير في نشر الأغنية السودانية وسط الشباب العربي، وذلك بعد نجاح الشاب خالد من قبل في الفوز بأحد الألقاب العريبة، مشيراً إلى وجود لجنة تحكيم من المختصين

وترك التصويت للجمهور يعزز من فرص النجاح في البرنامج الذي أثبت مصداقيته في حسن الاختيار، فبرغم أنه يقام بلبنان، إلا أن المشتركين اللبنانيين فشلوا في النسختين السابقة والحالية مما يؤكد حيادية (اراب ايدل)، وأكد عيسى انه جاد في رغبته بالمشاركة في النسخة المقبلة للبرنامج معتمداً على موهبته وعلى مساندة أبناء شعبه له مثل ما حدث من قبل للشاب خالد والشاعرة روضة الحاج التي نجحت في الفوز بلقب (أميرة الشعر العربي) نتيجةً لتصويت الشعب السوداني. وزاد: إنه لن يعتمد فقط على التصويت ولكنه سيسعى لتجويد أدائه وإقناع المتابع العربي للبرنامج بإمكانياته.

الراي العام


تعليقات 30 | إهداء 0 | زيارات 4733

التعليقات
#705693 [East]
0.00/5 (0 صوت)

06-25-2013 04:41 AM
هههههههه العرب حايقولو العب اللو......ي ده عندو شنو جاينا ده إذا ما انتحروا اللبنانيين ألفي لجنة التحكيم عند رؤيتك مشاركاً.


ردود على East
[قرف] 06-25-2013 09:21 AM
الله يقرفك قرف ويزيدك في القرف يا قرف


#705643 [كركاب]
0.00/5 (0 صوت)

06-25-2013 12:00 AM
خالد الذى استشهد بية اين هو الان
واين الذين فازوا معة فى ذلك البرنامج منى امرشا وابو تفة المغربى راح لى اسمة
الوهم ابتفة ضارب الجو فى mbc من برنامج الى انتاج البوم غنائى
والتانية ايضا كاسحة وشغالة قرف كل يوم انتاج جديد
لان ادارة القناة تريد برعاية هولاء وفى نظرها العائد المادى من الاعلانات والتسويق
والسوق الذى المراد استهدافه والخرطوم ليست واحدة منهم
عليك بنجوم الغد احسن ليك واحسن لينا


ردود على كركاب
[ود عجبنا] 06-25-2013 02:15 AM
تحليل و كلام منطقي جدا


#705467 [مواطن حر]
0.00/5 (0 صوت)

06-24-2013 07:24 PM
منقول من مقال ...تيسيرحسن أدريس

يجب على الجميع الحذر والبعد عن لغة الخطاب المستفز المشحون بالاستقطاب القبلي والعنصري، وتفويت الفرصة على هذا النظام الذي لن يتوانى في سلك أي مسلك مشين من أجل بقائه في السلطة، وأن تعي قوى التغيير هذه الحقيقة وتضعها في الاعتبار عند حوار الآخر وترتقي باللغة ومضمون النقاش؛ ليصب في مجرى الحراك الثوري ويقتصر على كيفية انجاز الهدف المنشود وتحقيق برنامج التغيير المتفق عليه في أقرب وقت وبأقل خسارة بشرية ومادية ممكنة،


ردود على مواطن حر
United States [منى] 06-26-2013 12:03 AM
سمح


#705429 [ولا يهمك يا وجيه]
0.00/5 (0 صوت)

06-24-2013 06:18 PM
بالتوفيق ولا يهمك من التعليقات السالبة والمريضة دي شارك في عرب ايدول وفي افريقيا ايدول وفي كل شيء احسن نقدم السودان في هذه المحافل ولا نقدمه بحركات وقذارة وعدل ومساواة وقرف ومسخ.

ولا يهمك انت سوداني لا يهم ما هي جنسيتك فيكفيك انك سوداني اصيل ود اصل.. رغم انني لاول مرة اعرف اسمك وارى صورتك لانك التجربة والاحتكاك مهم التحية لكل ولخالد وللشاعرة روضة الحاج وانت في الدرب انشاء الله بالتوفيق،،،


#705385 [شكوكو]
5.00/5 (1 صوت)

06-24-2013 05:32 PM
المشاركة في هذا البرنامج اعتبره واحد عاوز يهين السودان أكتر من الاهانات الاصلا هو فيها،لانو اصلا ماعندنا علاقة مع الناس ديل ؟؟؟
بس دا التلصق بتاع الطيب مصطفى والحكحكة ،
اها قول ادوك الاول؟؟ هل ياترى انت بتكون مقتنع انك الاول ؟؟؟؟؟
وبعدين ياولدنا اغانيهم دي كلام فارغ ساي امسك في غنى بلدك دا اجمل منو مافي وسمعنا ليهو انحن لانو دا غناء بسمعوهو البستاهلوه الي هو نحن السودانيين ديل لانو اتعمل لينا نحن وبس.
والله لو كان قلت لي البرنامج دا في زائير ولا بتسوانا كان احترمتك جدا جدا.


#705343 [زول أغبش]
5.00/5 (1 صوت)

06-24-2013 04:14 PM
لا لا لا...عليك الله ما تمش....النبي فوقك كان تمش.......نحنا ما ناقصين..عليك الله هسة كان شلت ليك طورية وقبلت (اي مشيت) على الحواشات دي وزرعتها ما احسن ليك........عليك الله ما تفضحنا مع بت عجرم دي وتخليها تضحك علينا كلنا كسودانيين...كدي اسمع كلامي وامشي غني في بورتسودان بنجيك ونصفق ليك...بس اختى لينا العرب ديل...سمح ؟


#705270 [ibrahim]
3.00/5 (2 صوت)

06-24-2013 02:20 PM
يااحي انا بشوف اذا جلستا في بيتكم وحفظت ليك ايه ايتين احسن وافضل لك


#705227 [عنتر ابن شداد العبسى]
5.00/5 (1 صوت)

06-24-2013 01:24 PM
يا محمد عيسى بالله خلينا من العرب ديل وشوف ليك برامج سودانيه وبلاش هباله معاك كفايه المتسابقات السودانيات القبلك ضحكتوفينا احلام وراغب علامه وحسن الشافعى قال عرب قال يالله شوف ليك برنامج غير دا وسلام


#705218 [سودانيه]
1.00/5 (1 صوت)

06-24-2013 01:16 PM
أرحمونا من الفضايح وتريقه راغب علامه اتنا مابتوب من الحصل للمدعوه سلمى المره الفاتت ياخي انا ماعارفه الغشا السودانين وقال ليهم انتو عرب منو اصله ماعمل فينا خير


#705172 [النتغطرس البهمي]
0.00/5 (0 صوت)

06-24-2013 12:23 PM
ياراجل مد لحافك على قدر رجولك.... النطيط ده مابنفعك ولا بقدمك.... ونصيحتي لك ان تتقدم لبرنامج نجوم الغد احتمال تفوز.. امابرنامج عرب ايدول يستحيل ان تنجح فيه لانو برنامج مسخرة واستهزاء خاصة من قبل الشمطاء المغرورو والمصري الرقاصة والدلوعة علامة....


#705166 [شلنكو]
0.00/5 (0 صوت)

06-24-2013 12:17 PM
هذا يعنى المزيد من الاساءات والتريقة
يا ولد احترم نفسك واقعد فى علبك


#705153 [موسى محمد]
3.50/5 (3 صوت)

06-24-2013 12:04 PM
أصبر شوية يا ولدي حنعمل ليك برنامج حبش آيدول لأنو شكلك أقرب للحبش.
أمشي بلا عرب معاك.


ردود على موسى محمد
[ابوالديس] 06-24-2013 01:37 PM
حللللللللللللوه وجديده وقويه وملعوبه
هعهعهعهعهعهعاااااااع


#705126 [ابن السودان]
4.75/5 (3 صوت)

06-24-2013 11:35 AM
مساهمة مجانية لادخال الفرح لقلوب العرب الاصليين عندما يشوفو عديم الاصل يحاول يتحكحك بيهم وكل الي حيحصل زيادة الفيديوهات الي بتمسخر السودانيين يا جماعة فكونا من وهم العروبة


#705101 [هيثم]
0.00/5 (0 صوت)

06-24-2013 11:06 AM
بطل مجاملات يانصرالدين الجيلاني علشان جارك في إمتداد القوز تفضحنا بيهو محمد عيسى ولا فايزه عيسى في نجوم الغد ما حينجحوا


#705084 [ابومنة]
0.00/5 (0 صوت)

06-24-2013 10:54 AM
اللهم لاتبلينا محمد عيسي شنو واراب ايدول شنو الود ده صدق انو فنان جنس عوارة علينا


#705079 [زلنطح - كرمنو]
4.75/5 (3 صوت)

06-24-2013 10:48 AM
يا أخ محمد عيسى - ما تقليل من شأنك بس بالله عليك بلاش فضايح وتخلينا مسخرة بين خلق الله - ديل لو غنيت ليهم بكل لغات الأرض ما بعجبهم لعدم إعترافهم بشئ اسمه سوداني وكمان يتفوق عليهم - احسن خلينا في مريستنا الفايرة دي نشربها برااانا ولا نعزم لينا زول ....صورة مع التحية للجنة النصوص --قال ورا ورا قال ههههه ياناس الراكوبة بالله انشروا


#705043 [mohmd]
0.00/5 (0 صوت)

06-24-2013 10:15 AM
اؤيدك أذهب وغني (ضوق الضقتو منك) بس المشكلة مافي حاجة اسمها (موت بالسر براكا) الملايين حيشوفوا المهزلة بتاعتك.


#705039 [محمد ابو عمرو]
5.00/5 (1 صوت)

06-24-2013 10:13 AM
اسمع دي مسخرة وقلة ادب برا عرب ايدول بلا كلام فارغ نحن سودانين ودي ماعاداتنا شوف ليك قرأن اقراهو واستفيد منو احسن ليك ولي اخرتك ماتكتر زنوبك ساي؟


#705026 [SESE]
2.00/5 (2 صوت)

06-24-2013 10:03 AM
يا ابني قدر لرجلك قبل الخطو موضعها فلا تنزلق وتكسر مستقبلك اراب ايدول ليس للسودانيين ولا يتعامل مع السلم الخماسي واذا حاولت تغني بالسلم السباعي على الطريقة العربية فلن تعجبنا ولن تطربنا وستفقد ناسك كما انك ايضا لن تعجبهم لن تطربهم لأنك لا تجيده مثلهم ولم يفلح اي سوادني من قبل تغنى بالسلم الخماسي وكانت كلها محاولات بائسة ندم عليها اصحابها طيلة حياتهم......

خليك مع ناس الربة تكسب كثير......


#705024 [كاره الكيزان]
4.00/5 (3 صوت)

06-24-2013 10:02 AM
يا زول اخير ليك ولينا ان تقيم حفلات في اثيوبيا و ارتريا و نجيريا
وتكتسب محبه الافارقة دون أي استهتار لشخصك
ارحمونا يا شباب


#705023 [حاج موسي]
0.00/5 (0 صوت)

06-24-2013 10:02 AM
ردي علي ابو سروال
معايرك شنو للعروبه هل في نظرك شعر ولون ام ماذا لوحجتك احتجاج اللبنانيون علي انضمامنا لجامعة من هم اليس هم احفاد الاقاريق والاتراك ابا عيون خضر ثبت جينيا ان السودان ثالث دولة عربيه من حيث النسمه ثم ان السودان عربي من حيث اللغة حيثما انك كتبت وهي اللغه السايده وهنا المعيار نرجوك احمد الله علي انك راضي علي تصنيفك العرقي ولكن لا يكون كرها للعرب حتي نبعد من العنصريه التي لا تقدم بل تأخر واكرمنا عند ربنا اتقانى وهو الحكم


ردود على حاج موسي
European Union [مواطن حر] 06-24-2013 03:44 PM
واكرمنا عند ربنا اتقانى

ده عربي ده يامرسي


#705022 [أب دفسه]
5.00/5 (1 صوت)

06-24-2013 10:02 AM
شروق أبو الناس جربت قبلك ,, وطردوها شر طرده ,, لى أسه خجلانه ,, نصيحتى لملم كرامتك ,, لاننا لسنا بعرب ,, ماتسمع الكلام بتاع الكيزان ده أتجه لافريقيا وستجد القبول إن شاء الله


#704929 [سوداني والسلام]
1.50/5 (2 صوت)

06-24-2013 08:50 AM
مين محمد عيسى دا ـ ما تقليل منو لكن والله ما سمعتا بيهو يا راجل ارحم نفسك وخليك مع ناس ( نجوم الغد ) احسن ليك ولينا ، بعدين منو القال ليك روضه الحاج فازت بامير شعراء العرب ..


#704926 [نايل]
5.00/5 (3 صوت)

06-24-2013 08:48 AM
أبوس ايدك اقعد وروق في عليك ما تفضحنا اكتر من كده كدي اول حاجة خلينا نسمع بيك في بلدك انا والله اول مره اسمع بيك كفاية


#704914 [ابوسروال]
3.00/5 (2 صوت)

06-24-2013 08:40 AM
انها عقد النقص !!!
الحمد لله اني واشهد الله اني لست عربيا"...
يا للمصيبة!!! يقال السودانيون الذي صوتوا في هذا البرنامج اكثر من 40الف..
انها عقد النقص!!!
لبنان هذا بلد المجرم المنحط راغب علامة وما ادراك ما راغب علامة الذي وصفا شعبنا بانه اقبح شعب في ارض
انها عقد النقص في فئة قليلة من الشعب السوداني
واني لست عربيا والحمدلله!!
لبنان وفي التاريخ عندما قام نفرا من ابناء جلدتنا... الله لا سامحهم بطلب الإنضمام الي جامعة العنصرية العربية وقف لبنان ضد إنضمامنا لها ...
كان أولى لنا ان نكون في مقدمة الشعوب الافريقية والعربية اذا لم نطلب الي الانضمام الي ذلك الجامعة العنصريه لكن اه من لكن انها عقد النقص !!! التي نعاني منها حتي يومنا هذا...
الحمدلله لست عربيا!!!!


#704904 [WADALTOM]
5.00/5 (1 صوت)

06-24-2013 08:26 AM
ههههههههههه يلا خلينا نضحك فيك ونشوف الود راغب والبنت نانسي ح يعملو فيك شنو علي الطلاق امسحو بيك الصاج وبما انو الاخوة الزلمات ديل جنهم وجن السودانيين وبزعلو جدا لما يقولو السودان دولة عربية وبقولو (اذا كان هدول عرب شو بنكون نحنا ملايكي) سنة يا الاسبكتي هاك اللهط دة!!!!!!!


#704883 [مجودي]
0.00/5 (0 صوت)

06-24-2013 08:03 AM
كنت اتمنى أن اسمع انتاجا للفنان محمد عيسى حتى لا يكون حكمي انطباعيا وعموميا

لكن نقول : والله دي شجاعة كبيرة تحسد عليها في كونك تدخل "عش الدبابير" بعدما اللي

حصل لأختك في المسابقة الأولى . اذهب وجرب بالرغم من قناعتنا بان مشوارك خاطئ من البداية

وكما قال لك المعلق قبلي الأذن العربية متخلفة و لا تقبل إلا ما يشابهها من الحان. والألحان

الخماسية هي النقيض اللحني ( إن جاز لنا التعبير ) للسلالم العربية . فهم معذورون لدرجة.

حتى أننا هنا في السودان اذا اقمنا مسابقة سوف صعبا على العربي الذي يغني بالمقامات العربية

السليمة ان يتاهل مقارنة مع الأفارقة أو الهنود أو الكوريين أو حتى الأمريكيين والايرلنديين لأنهم

أقرب الينا سمعيا من العرب.

وعندما تستشهد بأعمال سابقة فارجو أن تكون دقيقا حتى لا تخدع نفسك : فهل حصل أن صعد للدور الثالث

مثلا ( ناهيك عن النهائي أو ما قبل النهائي) هل صعد اليها أي فنان تغنى بالحان خماسية ؟ لا اظن ..

و لا أظن انه يمكن حدوثه . أما استشهادك بروضة الحاج و... من الشعراء فهؤلاء ينازلونهم بنفس

آلياتهم .. فليس هنالك شعر عربي خماسي وآخر سباعي ... فهؤلاء ينافسونهم في نفس المضمار.

ثانيا اللهجة السودانية غير مفهومة لهؤلاء .. وحتى طريقة نطق العربية ( في الأغاني ) تختلف .

البنت التي اشتركت من قبل تغنت بقصيدة عربية فصيحة لكنها لم تفهم من الحكام ( الذين تستشهد

بعدلهم ) .

لكن نقول (إذا ركبت راسك) فأمامك مشوار صعب وأنا اقترح عليك الآتي :

إذا كنت بصدد تقديم الأعمال السودانية العادية المعروفة فتأكد بأنك ساقط لا محالة ولكن

حاول بلأول تجويد عمل عربي سهل لعبد الحليم او محمد منير أو الليل الهادي لشرحبيل ... هذه

يمكن أن تنجيك من سخرية الأراجوز المصري الذي يتكسب من السخرية على المتقدمين .. واذا الله ساعدك

فبلغت المرحلة التانية أنت محتاج لمساعدة فنان مش فقط محلي (كأغلب الفنانين السودانين) وانا

انصحك بملازمة الجزار أما اذا تقدمت للأمام نقول : الله يكون في عونك


#704881 [kaboo]
0.00/5 (0 صوت)

06-24-2013 08:03 AM
i think he will fall and not pass the first step of this program, I think you are not from Arab,so if you will participate that means you are idiot


#704880 [مغترب]
5.00/5 (3 صوت)

06-24-2013 08:02 AM
خليك في بلدك او امشي (افريقا ايدول) ما ناقصين نحنا في الغربة فضايح


ردود على مغترب
[المجاور خور مقاديــــــــم] 06-24-2013 04:45 PM
عرب ايدول؟! ياراااااااااااجل شوف ليك حاجةغير كده، انت يعنى بينك وبين نفسك مصدق انك من العرب دول لغاية ماتدخل معاهم كمان فى منافسة؟ مايكون واحد غشاك وقاليك جدك جاى من الجزيرة العربية، وبعدين انت أغانيك دى حاتكون زى الفيلم الهندى بالنسبة ليهملازم تكون فى ترجمة مباشرة على الشريط، وعلى فكرة مامعترفين بينا ولامستعدين يفهموا كلامناناهيك عن وصفهم لأشكالناوأنا ماعارفك انت فنان من متين لأننا لاشوفناك فى تلفزيون ولاسمعنا بيك فى راديوأو على الأقل فى مهرجانات الثقافة الكثيرة دى، ياأخوى أحسن ليك بدل ماتكون مسخرة زى البنت اللى اسمها مين ديك، أحسن شوف ليك جهة أمشى ليها تكون فيها عيز ومكرم بدل ماتمرمط سمعة السودان والسودانيين، لأنهم وقتها ماحايقولوا محمد عيسى بل ح يقولوا واحد سودانى.. بالمناسبة فى التسعينيات عرضو فيلم عرس الزين فى تلفزيون احدى الدول الخليجيةوكانت المهزلة عاملين ترجمة على الشريط، رأيك شنو؟ وتصورك لأغانيك لما تغنى، تفتكر حضرات السادة أعضاء اللجنة الموقرة ح يتابعوك ازاى؟


#704851 [سايكو]
4.00/5 (3 صوت)

06-24-2013 07:07 AM
يا راجل فكنا
انت قايل روحك عربي اصلا عشأن تكون (معبود العرب) !
انت ما شأيف الفلسطيني شكله كيف ؟؟؟؟
بعدين يا سيد البرامج الزي دي بشتركوا فيها هواه فقط يعني ما واحد شحط زيك محترف للغناء و عنده اغأني و البومات و عنده جمهور مع انك ما اظن يكون عندك جمهور لكن ممكن نقول انك معروف و بتظهر في الاعلام يعني مفروض يكون عندك طموح في انك تكون واحد من اعضأء لجنه التحكيم مثلا علي الاقل دا يكون كلام منطقي لكن حكايه اقناع المتابع العربي بموهبتك و ما عارف شنو دا كلام فارغ و اي زول مسك مايك عارف انه العرب ما بسمعوا لاغأني السلم الخماسي و ما حيسمعوها فاحسن تخليك في بلدك و حاول اكسب جمهور قريب لي ثقافتك الافريقيه و كفايه تمسح بالعرب يا مستعرب .


ردود على سايكو
United States [الغضنفر] 06-24-2013 03:32 PM
بالله يا سايكو دا فنان و محترف كمان ؟؟؟

United States [الحمد لله] 06-24-2013 01:55 PM
الفلسطينى شكلو كيف!!! هو الفلسطينى خالق شكلو ؟ سيبو عقدكم دى

[المتغطرس البهمي] 06-24-2013 12:27 PM
لكن نقول (إذا ركبت راسك) فأمامك مشوار صعب وأنا اقترح عليك الآتي :

إذا كنت بصدد تقديم الأعمال السودانية العادية المعروفة فتأكد بأنك ساقط لا محالة ولكن

حاول بلأول تجويد عمل عربي سهل لعبد الحليم او محمد منير أو الليل الهادي لشرحبيل ... هذه

يمكن أن تنجيك من سخرية الأراجوز المصري الذي يتكسب من السخرية على المتقدمين .. واذا الله ساعدك

فبلغت المرحلة التانية أنت محتاج لمساعدة فنان مش فقط محلي (كأغلب الفنانين السودانين) وانا

انصحك بملازمة الجزار أما اذا تقدمت للأمام نقول : الله يكون في عونك



هذه هي الحقيقة والنصيحة القوية لتاخذ بها



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة