الأخبار
أخبار إقليمية
جعفر الميرغني مساعد البشير يغادر مقر إقامته بلندن الى القاهرة لبحث آخر تطورات الوضع في المنطقة
جعفر الميرغني مساعد البشير يغادر مقر إقامته بلندن الى القاهرة  لبحث آخر تطورات الوضع في المنطقة


هل يزور السودان ؟
06-24-2013 07:34 AM

وصل إلى مطار القاهرة الدولي امس، جعفر الصادق الميرغني مساعد رئيس السودان، عضو الهيئة القيادية للحزب الاتحادي الديموقراطي الأصل، قادما من لندن في زيارة لمصر تستغرق 3 أيام يلتقي خلالها مع عدد من المسؤولين، لبحث آخر تطورات الوضع في المنطقة خاصة بدول حوض النيل إلى جانب بحث ملفات التعاون بين مصر والسودان. وكان مساعد الرئيس السوداني، التقى خلال زيارته لبريطانيا مع عدد من المسؤولين بينهم "مارك سيموندز" وزير الشؤون الإفريقية بالخارجية البريطانية، حيث قدم له شرحا للتطورات الأخيرة في السودان، مؤكدًا حرص السودان على الوصول إلى السلام وإنفاذ الاتفاقيات التسع المعلقة وأنه قدّم مبادرة للحكماء للتهدئة مع الجنوب.

المشهد


تعليقات 48 | إهداء 0 | زيارات 4219

التعليقات
#705856 [ابوسحر]
0.00/5 (0 صوت)

06-25-2013 09:34 AM
رد علي الاخ/عصمتوف

جميع الوظائف بيدربوا فيها الموظفين والمهندسين والمحاسبين والدكاترة
ليه ابن الميرغني ما يتعلم فينا الحلاقة
ما كل ناس الموتمر الوطني وحزب الامة بيتعلموا فينا الحلاقة
حتي الحزب الشيوعي بعد ما فقد الكادر في انقلاب هاشم العطا
الان هل لديهم كوادر بدون تدريب ما كل عمل يحتاج لتدريب وتعليمحلاقة في الروؤس
ومين من المسئولين مسموح ليه يزور امريكا ولا لندن؟؟؟؟


#705751 [بابكر فضل المولى]
0.00/5 (0 صوت)

06-25-2013 08:08 AM
يا الحلو ويا عقار كل واحد يجيب ولدو نعملو مساعد وريحونا من البلاوى دى


#705688 [adil a omer]
0.00/5 (0 صوت)

06-25-2013 04:20 AM
تمبوشى يا خطير قال لبحث اخر تطورات الوضع فى المنطقه دخلته اوباما فى اضافرينو

اهم حاجه جبت معاك كرتونة بامبرز لانو حتحتاجو قريب


#705654 [كركاب]
0.00/5 (0 صوت)

06-25-2013 12:26 AM
منقول
التقى خلال زيارته لبريطانيا مع عدد من المسؤولين بينهم "مارك سيموندز" وزير الشؤون الإفريقية بالخارجية البريطانية، حيث قدم له شرحا للتطورات الأخيرة في السودان، مؤكدًا حرص السودان على الوصول إلى السلام وإنفاذ الاتفاقيات التسع المعلقة وأنه قدّم مبادرة للحكماء للتهدئة مع الجنوب.

الزول الحنكوش دا هو اصلا عندة فكرة عن ما يدور فى مطبخ الحكومة
هو عارف ونحن عارفين هو قاعد كدة ذى قلتة. زول طاشى فى لندن 3شهور ولسة ما عندة فكرة يجى
بعنى الحرب دى دورت والكذابين قالوا حرورها وخشوا امروابة ومرقوا منها وركلسوا فى ابوكرشولا
والسحسوحة دا يجى ينظر فى الفاضى وقابل والتقى وشرح ونور
والله كلام كبير ود عشاى


ردود على كركاب
United States [شكبزور] 06-25-2013 09:18 AM
ود سيدي دا لما صرح إنو التمرد في النيل الأبيض
وشمال كردفان كان حينها نظرتو المستقبلية ثاقبة
واهو الجماعه وصلوا اب كرشولا

الزول دا مابصرح ساي عندو الهامات كدا
تسلم ياود سيدي وتجينا بالسلامه







النبي فيك تجيب لي معاك مرطب وملمع شفاه
لجارتنا كتونه نأنو شلاليفها ناشفه كر


#705620 [محمد زيدان]
0.00/5 (0 صوت)

06-24-2013 11:17 PM
تمام ياراكوباب وبصراحة البقت في أهلنا ان شاء الله ما تحصل تاني ... سحقاً وبعداً للإخوان المسلمين والطائفية ومنبر السلام العادل...معاً من اجل وطن يوازي سطوة المنفى ويستوفي شروط المستحيل...ودمتم أيها الراكوباب خنجراً في خاصرة الطائفية وتجار الدين.


#705562 [إبن السودان البار ***]
5.00/5 (3 صوت)

06-24-2013 09:34 PM
هذا هو العالم الرابع حيث كتب له أن يحكمه الجهلاء ؟؟؟ وهذا الشبل يتدرب في حلاقة رؤوس المساجين ليصبح مستقبلاً كبير حلاقي السودانيين ؟؟؟
حقيقة المراغنة المرة ؟؟؟
أن كنت من عبدة الأفراد وتركع لغير الله لتبوس يد الأسياد فأرجو أن لا تواصل في قرائة هذا الموضوع الصادم ؟؟
تجارة الدين الرابحة بالسودان منذ القدم حيث أهلنا الطيبين الجهلة والسذج المغيبين دينياً لا زالت رابحة الي الآن ؟؟؟ هذه التجارة إغتنت منها بفحش الأسرتين الطائفتين ( آل الميرغني وآل المهدي ) ليكونوا إمبراطوريات إمتدت الي مصر وهي إمبراطورية آل الميرغني وإمبراطورية آل المهدي الي بريطانيا حيث لهم عقارات وشركات ؟؟ هذه الطوائف المتاجرة بالدين يطلق عليها الجهلاً الكثيرين صفة أحزاب ديمقراطية في ذبح علني في وضح النهار لكلمة حزب وكلمة ديمقراطية نورهم وهداهم الله ؟؟؟ والآن يسلك الكيزان نفس أسلوبهم الدنيء ويتاجرون بالدين ويستفيدون من تلك التجارة الرابحة بطريقة فعالة أحدث وأسرع وذلك بإشعال الحروب وإستقلال السلطة والقمع الوحشي لمعارضيهم بتمويل يفوق ال 70 % من ميزانية الدولة ؟؟؟ لنري كيف اغتنت هذه العائلة السعودية الأصل التي دخل كبيرها السودان وهو ممسك بحصان قائد جيش المستعمر اللورد كتشنر عندما دخل غازياً للسودان ( هنالك صورة فوتوغرافية تثبت ذلك ) وهو السير علي الميرغني باشا حامل نيشان القديسين ميخائيل وجورج من درجة فارس ونيشان الملكة فيكتوريا من درجة فارس وعضو شرف في المجلس الإستعماري الحاكم للسودان برئاسة الميجر جينرال السير هيوبرت هدلستون ( الكافر) ؟؟؟ أعطيت له هذه الألقاب والمنصب السيادي والأوسمة الرفيعة نتيجة لتقديمه خدمات جليلة للمستعمر ومساعدته في الحكم وسوم وإخضاع شعوب السودان لنهب ثرواته ؟؟؟ يدعي المراغنة كذباً نسبهم للنبي محمد صلي الله عليه وسلم ؟؟؟ والنبي قرشي هاشمي أبيض اللون ؟؟؟ والميرغني أسمر اللون من منطقة القصيم بالسعودية ولايمت بأي صلة للنبي صلي الله عليه وسلم ؟؟؟ وهذا ما تقوله كتب التاريخ وعلمائه ؟؟؟ وهذه الأسرة المتاجرة بالدين ارتباطها بمصر أكثر من بالسودان وهو ارتباط تاريخي وثيق سياسي إقتصادي وكذلك عقد مصاهرة بزواج أحمد الميرغني من بنت الشبراويش المصرية الأصل والجنسية . مصر حيث عقاراتهم ومستشفاهم الخاص بالأسكندرية وممرضاته الفاتنات المختارات بعناية من بولندا ؟؟؟ إنهم يقيمون بمصر بصفة شبه دائمة تحت التقدير والإحترام والمكانة الخاصة لهم من قبل الحكومة المصرية بصفتهم زراع مصر النشطة داخل السودان ؟؟؟ وكذلك جل تعليم ابنائهم بمصر ولا يعرفون عن السودان غير مطاره وقصورهم ومزارعهم والقصر الجمهوري وموسيقي الجيش عندما تعزف مقطوعة حمادة جة --- للمرحوم أحمد الميرغني رئيس مجلس السيادة سابقاً عندما يدخل القصر الجمهوري تتبعه الحراسة بشرطة الدراجات البخارية ؟؟؟
والسودان بالنسبة لهم حديقةً غناء يقطفون من ثمارها ويستفيدون من أموالها وعرق أنصارهم المغيبين دينياً ليخدموهم في قصورهم ومزارعهم خدمة العبد للسيد بدون أجور أو حقوق في صورة سافرة من صور العبودية في القرن ال 21 المخالفة لأبسط حقوق الإنسان وما سنه ديننا الحنيف وحديث نبينا الكريم ( آتي الأجير حقه قبل أن يجف عرقه ) لا يسري عليهم وهو فقط مقرر من وزارة التربية والتعليم لإمتحان مادة الدين فقط !!! وفي خيانة وطنية وتنكر للجميل يستثمرون كل أموالهم المهولة التي يجنوها من السودان في مصر وأوربا ؟؟؟ حيث لهم مصنع لحوم باليونان ؟ وفي مصر حيث لهم عقارات لا تحصي ولا تعد تدر عليهم أرباحاً طائلة وكذلك مصنع للأرياح (مصنع الشبراويشي ) الذي ينتج ريحة يعرفها كل السودانيين ريحة السيد علي وعليها صورة الحسيب النسيب علي الميرغني بلفة عمامته الشهيرة ؟؟ وأخري ( ريحة بنت السودان ) عليها صورة سودانية عارية تماماً ترقص فقط بالرحط (وهوعبارة عن خيوط جلدية تغطي العورة جزئياً ؟ (هذا الشرح لشبابنا الذين لا يعرفون الرحت ) بالله عليكم احدهم يدعي انه من أهل البيت وجده النبي يضع صورته وأسمه في فتيل ريحة وكذلك صورة بنت عارية في ريحة من انتاج مصانعه ؟؟؟ وبالمناسبة ريحة بنت السودان مصنفة من أحد المجلات الأوربية بأنها من الروائح المثيرة جنسياً !!! ؟؟؟ وكذلك يصنع ماء كلونبا (555) والتي تجد رواجاً كبيراً بالسعودية حيث يخلطها الشباب والطلاب بالمدارس بالبيبسي كولا لتسكرهم ؟؟ ما رأي فقهاء السلطان بسوداننا الحبيب في الحسيب النسيب مولانا أبو هاشم ؟؟؟
في السودان يمتلكون اراضي في اماكن استراتيجية تجارية مميزة يصعب حصرها خاصةً في شرق السودان ومدينة كسلا وعقارات تدر مبالغ طائلة في العاصمة وغيرها من المدن بالسودان بأي حق وبأي قانون لا أحد يعرف ؟؟؟
يمتلكون بنك تجاري خاص بهم في قلب العاصمة الخرطوم وحالياً تم إفتتاح فرع له ببورسودان ؟
يجمعون أموال طائلة من أموال القباب اي أموال الندور التي يضعها المخدوعين بقدسيتهم وسلالتهم النبوية وكراماتهم التي منها الطيران لمكة بأجنحتهم الخاصة أي بدون بوينغ أو أيربص !!! وفي خبر صحفي انه نشب خلاف في أسرتهم في كيفية تقسيم أموال الندور بينهم ؟؟؟
يستلمون الصدقات بالدولار من حكومة الكيزان الفاسدة والتي يعرفها وزيرهم المدعو كرتي الذي صرح بأن المؤتمر الوطني اشتراهم بالدولار ( البيتين آل الميرغني و آل المهدي) وأصبحوا معارضة ناعمة ونائمة ؟؟؟ كل هذه الممتلكات والغني الفاحش من أين لهم هذا ؟؟؟
وفي خيانة وطنية بائنة تجدهم في كل المواقف ينحازون لمصر ولا يدافعون عن حقوق السودان المأزوم بالطوائف الدينية ؟؟؟ ؟؟؟ ولم نسمع عنهم أنهم يوماً واحداً إحتجوا علي اي تصرف ظالم ضد السودان الذي يحملون جنسيته كأحتلال حلايب بقوة السلاح وقتل عدد كبير من العزل والأبرياء ؟؟؟ وإتفاقية مياه النيل المجحفة ؟؟؟ وبناء السد العالي الذي شرد سكان مناطق مأهولة منذ القدم وأغرق أراضي زراعية شاسعة بها ثروات أثرية ومعادن لا تقدر بثمن ؟؟؟ وأباد حوالي مليون شجرة مثمرة من نخيل وغيره وكذلك أنعام لا تقدر بثمن في مقابل تعويض بخس ومخجل ؟؟؟ وكذلك قتل عدد كبير من الأبرياء السودانيين اللأجئين بميدان مصطفي محمود بالقاهرة رمياً بالرصاص دون أي إحتجاج منهم أو من حكومتنا المنبطحة ؟؟؟
والآن يوالي ويشارك الميرغنية حكومة الكيزان الفاسدة بدرجة غير مسبوقة في تاريخ الأمم للحفاظ علي مصالحهم وممتلكاتهم وثرواتهم المهولة المسلوبة من الغلابة والجوعي والمساكين ؟؟؟
جعفر الميرغني (جوجو) الإبن المدلل خالص والمقيم في قصره في دعة ورفاهية بلندن والقاهرة إنضم لحكومة الكيزان الفاسدة للمحافظة علي مصالح الأسرة في السودان والأستمتاع بفلوس الميري من سيارات وحراسة شخصية ومخصصات ومرتب مهول وغيره ليدير أعمال منصبه الحكومي الرفيع في الخرطوم بالمراسلة ومن منازلهم من لندن والقاهرة ؟؟؟
اللون والتقاطيع لهذا الفتي ( جوجو) افريقية بحتة وكذلك أسرته التي خدعت السذج بهذه الكذبة البائنة لعشرات السنين بأنهم من سلالة النبي محمد صلي الله عليه وسلم ؟ والنبي كما عرف عنه ابيض اللون عربي التقاطيع سبيبي الشعر ؟؟ ادعاء نسب هذه الأسرة الي النبي يستفذ الأخوة السعودين ويجعلهم يتساءلون بغضب وعنصرية ويقولون خسي !!! النبي تكروني او من السوادنة ؟؟؟ النبي عربي أصيل قرشي هاشمي ابيض اللون سبيبي الشعر ؟؟؟
المراغنة طيلة تاريخهم بالسودان لم يقوموا بعمل خير إنساني داخل السودان علي الأطلاق حتي ولو إنشاء سبيل ( أزيار أو ثلاجة لشرب الماء لعابري الطريق ) كما تفعل بعض السيدات الخيرات بعد أداء فريضة الحج ؟؟؟ إن الأموال تأخذ طريق واحد وهو الي ملزاتهم وبطونهم فقط ؟؟؟ أي أنهم يأخذون فقط ولا يتصدقون إتجاه واحد ؟؟؟
المراغنة شرعوا الآن في سلب الأراضي السكنية التي ملكها نميري لساكنيها بمناطقهم بالشرق من المساكين الغلابة مدعيين انها ملكهم الخاص وحكومة البشير آخر تطنيش ولا عزاء للغلابة الذين بعد كل هذا يركعون لغير الله ويبوسون أياديهم ؟؟؟
اسم الميرغني ليس عربي وفي الغالب باكستاني او افغاني او عجمي ؟؟؟ وهي مير غني ( أمير غني ) ؟؟ والله أعلم ؟؟؟ اتقوا الله يا آل الميرغني إن كنتم تؤمنون به ؟؟؟ وكفاية إستقلال وحلب لهذا الشعب الغلبان الذي أذيتموه طيلة تاريخكم بالسودان المنكوب بكم وبأمثالكم الكهنوتية تجار الدين ؟؟؟
حكي لي أحد أبناء الختمية الكبارقصة قد لا يصدقها الكثيرين وسوف يستنكرها التبع الراكعين المنتفعين هداهم الله ؟؟؟ وهو شخص متعلم تعليم عالي وله مركز مرموق في وزارة حكومية بأبو ظبي مما يدعو الي الوثوق في روايته وهي :- إن آل الميرغني بمناطقهم في مديرية كسلا لهم نساء يعملن ككشافات مثل كشافي لعيبة الكورة الذين يطوفون الحواري بأفريقيا والبرازيل للحصول علي أطفال موهوبين في لعبة كرة القدم لأستقدامهم لأوربا وبيعهم للأندية ؟ هؤلاء النساء مهمتهم ايجاد بنات جميلات صغيرات السن من 12 الي 15 سنة يتم اغراء ذويهم بألحاقهم بالعمل في خدمة احدي نسائهم اي ما يسمي بالشريفية ؟ الفقر والحوجة تدفع بعض الأسر الي القبول بهذا الشرف العظيم حسب اعتقادهم ؟؟؟ وحكي كذلك إن إبن عمه المتوفي له بنت صغيرة في غاية الجمال من ام المانية تزوجها عندما كان مبعوثاً بالمانيا تحلق حول هذه الطفلة الجميلة عدة كشافات عارضين علي اهلها شرف العمل مع أحدي الشريفيات ؟؟؟ وقف لهم والده الذي يعرف خباياهم وكيف يتعاملون مع ما ملكت أيمانكم معترضاً بشدة ورفض رفضاً باتاً غير عابئ بمركزه كختمي كبير ؟؟ لانه يعرف مصيرها وماذا سيحل بها في الليل الهادي !!! بعد ان تنضج وتصبح انثي مكتملة الجمال تجحظ لها العيون وهي تتمخطر وسط كبار ذئاب الختمية المتخمين بأكل لحمة الفتة الشهية التي تزيد نار الفحولة ؟؟؟ و أطباء الأمراض التناسلية وعلماء التغذية يعرفون جيداً مفعول أكل اللحوم وغيرها من الطيبات مع الراحات ؟؟؟ واللبيب بالأشارة يفهم ؟؟؟ نعم يا آل الميرغني قدسية زائفة وكرامات كاذبة وغني فاحش واراضي واملاك وسلطة وجاه وبوس ايادي وكمان 6 بعد أكل الفتة الساخنة باللحمة اللذيذة والله لقيتوها في السودان الهامل والما عنده وجيع متعة وملزات 7 نجوم ؟؟؟ للأسف الشديد ليس لنا صحفيين محترفين سوسة لهم الجرأة والإمكانيات لتتبع وكشف مثل هذه الفضائح ونشرها كالصحفيين في الغرب الذين دخلوا غرفة نوم رئيس الدولة وفضحوا وشرشحوا رئيس الولايات المتحدة بجلالة قدره بل كلنتون وعشيقته لوينسكي ؟؟؟ والثورة في الطريق إن شاء الله ؟؟؟


ردود على إبن السودان البار ***
United States [بشاشا] 06-25-2013 02:10 AM
نعم انا برضي سمعت ان هذه الاسرة المشبوهة تعمل في تصدير السودانيات للسعودية، للعمل في قصور امرائها كخادمات. نعم يحصلون علي اطفالنا من النساء، في شكل هبة!

تخيلو هذا ولو لثانية واحدة!

نعم ال الميرغني يتحصلون علي بشر من دم ولحم كهبة!

في الثمانينات لاقيت شيخ مسن في الحلفاية في مزرعة علي النيل، قال هو وهبا بالفاتحة، لي "سيدي"!

بل اكثر من كده، هو او اسرتو بيعملو في المزرعة دي مجانا لصالح هذه الاسرة المشبوهة المجرمة، اللتي اتي بها الاحتلال الثنائي الي السودان بعد ان هربت الي الخارج في ايام المهدية!

فيما قبل المهدية، كانو ببررو استعباد السودانيين او بيعهم بالكيلو في اسواق النخاسة، في الحجاز، امبابة، واسطنبول، باسم الخلافة الاسلامية، ك"عبيد"، باسم اطاعة، ولي الامر!

انا مشكلتي كلها مع الشعب السوداني المغيب وعيه ومستعبد الي اليوم، ومنوّم تنويم مغنطيسي!

هناك مجموعة من الانتهازية المجرمين من المثقفاتية، البياكلو عيش بتسويق اسرة مشبوهة كهذه، زرعها في ديارنا الاحتلال الثنائي، بغرض تركيع الاغلبية المهمشة، بالذات رواد الثورة الام، في الشرق والغرب، بما يؤمن هيمنة الاقلية اللتي اتي بها الاحتلال، علي رقاب الاغلبية!

هذه اللعبة القذرة المجرمة، لازالت تمرر الي اليوم، وهذا واضح في الدور المشبوه للصادق المهدي، والد الجنجويد، بالتنسيق مع مجنون ليبيا، القذافي، في اطالة عمر النظام المصري الحالي!


#705547 [بشاشا]
5.00/5 (2 صوت)

06-24-2013 09:04 PM
ايوا، كاننا لانزال في عام 1924م!

هذا العميل، سليل العملاء، ابا عن جد، من لندن كتشنر، جا ماري علي ديار الخديوية، لرفع تقاريرو كجاسوس لاسيادو المنحط!

الطريف حفيد المهدي المتنكر لي حبوبتو الدينكاوية، مقبولة، يفعل نفس الشي!

بزمتكم احنا شعب يرفعو ليهو علم؟

الي اليوم متحكمين فينا، اراجوزات ناس شويطين، ونجت، او نعوم شقير؟

مساعد مجرم حرب مقدم كرئيس جمهورية، وهو يقيم في لندن، ويدعي علنا، انو اجنبي من دولة تدعي السعودية، او بعد ده يتوارثونا، كما الانعام الي هذا التاريخ!

كيف واحد علنا بيدعي انو اجنبي، مقيم عمرو كلو في الخارج، يكون مفروض علينا منذ اكثر من قرن، كمان ك"سيد"؟

كيف واحد جدو جا مردوف مع قائد جيش الغزاة الترك، في سرج واحد، يكون مفروض علينا، او كمان ك"سيد" وكاننا "عبيد" وكل هذا يمرر مرور الكرام يا هؤلاء؟

ياخي في داخل السودان ديل بلبسو مصري، او بيقرو في مدارس مصرية، او يتزوجو مصريات، او بعد، واحد زي جمل الطين يكون هو رمز سيادة، نعم سيادة، جمهورية السود!

ياللنكتة بحق!

فعلا نحن الطيورو، ايها الانسانو،
بذي السذاجة، خصنا الرحمنو!

امنتو بامون!


ردود على بشاشا
United States [الحقيقة مرة] 06-24-2013 11:05 PM
والله يا استاذ امون ذاتو بكون امن


#705525 [abusafarouq]
0.00/5 (0 صوت)

06-24-2013 08:30 PM
مساعد الحلة جعفر الصادق سافر سعادته من القاهرة الى لندن للإستجمام والراحة الصيفية ثم طار من لندن الى القاهرة لبحث العلاقات السودانية المصرية يعنى الرجل ظل يتجول بين لندن والقاهرة وبالعكس شهور ترك وظيفة مساعد الحلة لمين فى الخرطوم أم هيى وظيفة شرفية لاقيمة له وما بالضرورة وجوده داخل مكاتب القصر لكن عبد الرحمن الصادق المهدى معجب بمكتب الحكومة داخل القصر ومرتاح مرطب للأخر والشغل الشاغل لجعفر الصادق العلاقات مع مصر . قول أنا مصرى وريحنا يا جعفر المرغنى حكايتك وأسرتك شنو مع مصر أمشو هناك وخلصونا من بلاويكم أتركو السودان للسودانين ..


#705503 [عصمتووف]
5.00/5 (1 صوت)

06-24-2013 08:10 PM
سمعنا بالدراسة عن بعد ادارة الحكم من بعد جديده علينا اول مره ندرسها


#705427 [كسار الثلج]
3.50/5 (2 صوت)

06-24-2013 06:17 PM
ما شاء اللهه على الجضوم يا الاكلك لقيمات ولكوم.


#705423 [جركان فاضى]
5.00/5 (2 صوت)

06-24-2013 06:14 PM
اتمنى ان تتاح لى مقابلة تلفزيونية مع حنكوشة الميرغنى دا عشان اسألو عن مدى معرفته ببعض مناطق السودان ومدنه.....وصدقونى صدقونى صدقوووونى انو حيرسب رسوبا كبيرا....والزول دا بيسمع من لندن بابكرشولا لكن ما عارف جهتها وين.....ثم استحلفكم بالله هل رأيتم هذا الحنكوشة فى اى مدينة غير الخرطوم؟


ردود على جركان فاضى
European Union [Jungle] 06-24-2013 07:01 PM
يا جركان فاضي والله انا شخصيا نصدقك من دون حليفة وعندي سؤال يا اخوي في السودان الفضل دا اذا ابوك او جدك ما من اهل البيت معناها مااا تلقي اي حالة حتي لو انت برووووف والدليل عليك الله مثل الغنماية الفوق دا مؤهل؟؟؟؟ الشغلة دي كيف


#705415 [ابوسحر]
0.00/5 (0 صوت)

06-24-2013 06:03 PM
ياجمعة النقد لازم يكون موضوعي بعيدا عن التهكم في خلق الله
الحزب الاتحادي الديمقراطي حزب كبير حزب الوسط
وكان رجاله يشار اليهم بالبنان الشهيد الازهري ومبارك زروق ويحي الفضلي و علي عبدالرحمن وكل العقد الفريد والشريفين الحسين وزين العابدين وعلي السيد
والسيد جعفر شاب لم تصلقه التجربة بعد ويجب ان يتدرب وياخد فرصة كبيرة في التدريب علي العمل السياسي والتنفيذي
الان الحزب تشظي كحزب الامة القومي وبقي اجنحة
كريمة الازهري جناح
والهندي والدقير جناح
وعلي حسنين جناح
اتمني ان تتوحد جميع الاجنحة في حزب واحد ويعقد الموتمر العام للحزب الموحد عاجلا


ردود على ابوسحر
United States [عصمتووف] 06-24-2013 08:05 PM
عن اي موضوعية اعتقد بان اي رئيس حزب يفشل في المحافظة علي حسبة متوحدا ومتماسك مهما كانت الظروف والمغريات اعتبره حزب فاشل حزب عائلة الميرغني حزب انتهازي اناني يفكر المرغني كالصادق الا في مكتسباتهم الدنيوية سيدان يفتقدان للمبدا يقودون اعضاء الحزب وقواعده كقطيع من الاغنام روح يا عم ونرفض نجلة ان يتعلم فينا الحلاقة


#705394 [خليل عــــزة]
5.00/5 (1 صوت)

06-24-2013 05:42 PM
من شابه أباه فما ظلم

ود أبوك صحي صحي

الأخبار البتجي من أبوك كلها زي دي

مولانا جاء من القاهرة ... مولانا مشى القاهرة

إنتو الفتة عدمت في السودان.

أخ ياقلبي ... المصران قنعنا منو؟؟


#705363 [ضد المؤتمرجية]
5.00/5 (2 صوت)

06-24-2013 04:50 PM
بلة دا أصلا من ها الحِلة
إلا أنربى وقرأ في الخارج
رافق جدو الفتح التركي
وسيرتو انقطعت في المهدية
وررَرَة سمعنا أستوطن برة ...
وقام إنزوج من مصرية
جابت علي ... علي جاب الطاهر
حتى الطاهر خلَّف بلة
جدو انشيطن أخير ما لانا
بلة أنسركن وبقي مولانا وجاء وبرانا
أقرب واحد لي حاج بلة ....
أقرب واحد شيخ الحلة
بلة الطاهر علي حسب الله
أول مرة يصلي معانا ...
قدمناهو وقم أمَّانا
صوتو مرخرخ لامن يقرأ
يقرأ ويقطع .. زي البطرا
لامن يركع جسمو متختخ
عند السجدة سجودو ممخمخ
شيخ الحلة بقول عن امرو
زول غرقان في الدين من عمرو
ستة سنين .. قابض في جمرو
وما فكاهو طريق الله ...
صوتو وِدِر من كترة ذكرو
وجسمو التختخو.. شدَة صبرو
قلنا حقيقة الزول بي عذرو
وفتنا قناعة.. ومااااانا قناعة
إلا الستة.. الصاروا جماعة
قالوا .. دا زول تربايته مياعة
ما يشبهنا ورفعو وضاعة
زول زول دنيا ودنيا صياعة
قصة دينو ودقنو بضاعة
وإحنا أصواتنا ... يا إما مباعة
يا إما جهالة وناس متباعة
وفي الحالتين آمالنا مضاعة
وخارم بارم
كونها بوسطة ... ومدرسة وسطى
والشفخانة وموية ونور
كونو يجيبا دا ما منظور
وزيادة الحصة ... الزول زول سوق
زول من جدو يلف ويدور


ردود على ضد المؤتمرجية
European Union [انصاري] 06-24-2013 09:48 PM
[ضد المؤتمرجية ]و
[حبيب الجابرية]
تحياتي,,,
شكراً لمن فتح زجاجة عطر الابداع (الحميدي) الرائع وشكراً لمن اكمل اللوحة، توهجت ذاكرتنا بذلك الزمان العطر.. للشاعر حميد الرحمة والمغفرة، وله الثواب بقدر مانثر فينا من اشعار مهمومه برهق الغلابة والمهمشين وقضاياهم الحية، أهيل سلام عليك في الخالدين يا حميد.

United States [حبيب الجابرية] 06-24-2013 07:48 PM
حكاية ناس الجابرية مع ناس الحيكومة ..



كان ضحوية ...وكُنَا نسنِّد في المحروت
وفجأة يهّوي مَكبر صوت
قال : الريس مار بي فوقنا
من شغلتنا قلعنا عِروقنا
فكَينالُو حبل وآسوقنا
وإنماسكنا يطمّن روقنا
قمنا جميع الحلي مَرقنا ...
البيشوفنا.. يقول وآآ شوقنا
كان ضحوية ... وكانت عين شمس الله قوية
وكان الريس في عَربية ...
واقف طولو.. تحت شمسية
هللّنّالو ... هلّجنّالو ...لوّحنّالو بالطورية
فرَّ عبايتو.. وهزَّ عصايتو ...
وهزوا بنادقن الضابطية
صفقنالن.. صفقة قوية
زغردنالن ... يويا أيويا
هدّن عندنا خمسة دقائق
قدمنالو كتاب الله ...درقة وسيف ... تبروقة هدية
.. قـُـفّة تمودة .. وفاس دهبية
وكنا قبُل بيّتنَا النية ...
بين بتين علّينا اليافطة ...
اليافطة أم زيق الدمورية
وانعبينا هتافاً واحد :-
الجابرية تحيّي الثورة ...
دايرين بوسطة ومدرسة وسطى
الشفخانة وسوق منضبطة
قام الريس.. روّح باسم
وقام خاطبنا بنهج الثورة الصارم وحازم
أمّن.. لازم من شفخانة ومدرسة وسطي
والتعمير بالعون الذاتي
إلا البوسطة .. دي ينظر فيها
أما السوق ... السوق منضبطة
للتُجَار الأسعار واضحة
وللمستهلك باينة وواضحة ...
جاملتوهن تبقى الغلطة
وإنكفّينا
رفعنا إيدينا ...هزيناهن بالتأييد:
لا تفريط في قوت الشعب ...
سحقاً سحقاً للرجعية
الجابرية ضراع الثورة ...
بالإنتاج حنبني بلدنا
كانوا في جيهة .. وإحنا في جيهة
هن ينهبّبّوا بالكابات ...
وما همّانا الصيف وعَرقَنا
فات الريس وإنفّرقنا
إنفرتقنا على الجابرية
كنا ببنضم وما صدّقّنا
بالجابرية تجيها البوسطة
الشفخانة ومدرسة وسطى
قلنا يا ريت لو وصلوا فطور
وإنحزّمنا ضبحنا التور
كُنا أقلا ضِمّننِا النور
أو يا ريت لو زدنا الصفقة ..
وعاش ويسقط ويويا أيييويا
كُنا أقلا ضِمنا الموية
كنا بننضم بي إيدينا ...
دا أحسن ريس مَّرّْ علينا
ومن الله خَلقنا وشفنا خِلقنا ...
دا أول ريس زاتو يجينا
وكونو يجينا
يقنّب بينا...
يشوف البينا .... كفاية علينا
آ الجابرية يجوكي الحُكَما
آ الجابرية تواصلي البرة
آ الجابرية ولادِك تقرا
نمشي الليلة نصاقر الرادي
نمشي الليلة نحضر النشرة
وكنا نرجِِّع في كلماتو
إلا في ستة من الجابرية ...
قالوا .. تعبكم خارم بارم
يذهب حاكم خلف الحاكم
والجابرية تظل في حالها ...
حِلّة حياتا تسُر الظالم
صُدفة تموت وتحَيا اطفالا
لا جلكوز لا تقرا رسالة
ولا .. راح يطلع منها عالم
ما بينصفكم إلا ضراعكم
عّبّوا ضراعكم يا رجّالة
وخَلّوا بصركم دغري وسالم
حُكم العسكر ما بينشكر
كلو درادر ... كلو مظالم
وما هو قدركن تَحيو همالة
مقصودين والقاصد فاهم
وقاطعناهن ...
حاربناهن..
تميناها البينا شتائم
حالتُن أحسن ناس في الحلة
إيدا نزيهة ... عقولا نبيهة
قلنا بَعرفوا ... وقلنا فواهم
يطلعوا فالصو.. وقٌطّاع رحَمة
عينة شماتة وخارم بارم
وإحنا القُصّر واثقين فيها
وقطّعناها معاهم جملة .. وقاطعناهم
صاروا في جيهة ... ونحن في جيهة
ومر اليوم ... الشهر ... الحول
والجابرية بلد في حالا
قواسي شيوخا ... مآسي أطفالا
عذابات ناسا
من القُرّاصة ولي قَرّاصا ...
... حلة تعافر ومقطوع راسا
عشرين كيلو من الجابرية ...
صِبية تساسق بي كراسا
آ الجابرية عذابك فينا ...
لاكي القرية.. ولاكي مدينة
وفد في وفد يقوم ويجينا
... دايرة دراسة وإجراءات
عون أمريكي وقرض ألماني وحاحاءات
وحد ما نشوفلنا مسعولين ...
مسعولين أو خواجات
نجري نلم قدحاتنا عليها ....
ترطن ترجع زي ما جات
الشفخانة وعايزة دراسة ...
مدرسة وسطى وإجراءات
ولما المطوحة طالت بينا
إنذكرنا العون الذاتي
إنحزمنا وقلنا برانا ... نبني نقوًم للشفخانة
طوبة في طوبة وقوّمناها
ويوما التمت .. جات السلطة ...
عربي وعجمي ومرة رطانة
الشفخانة دا ماهو بكانا
وهاك يا تلتلة هاك يا ورطة
وغصباً عنك يا الجابرية ...
وغصباً عنك يا أحوالا
وحُميّاتا وموت أطفالا
وحُمرة عينكن يا رجّالة
قوة انشكت بين النقطة
وفي الجابرية تحوم الشرطة
هووا كلاب الحلة وصنوا
ومن يوم داك ما شفنا السِتًة
................
وفد الحلة السافر جانا ...
قال إنأكد شاف الخرطة
ونحن بدل نبني الشفخانة ...
إنسرعنا بنينا النقطة
الشفخانة دا ماهو بكانا ...
وكانت غلطة انقلبت ورطة
إنفاهمتو مع المسعول ؟؟ ؟؟؟
إنفاهمنا مع المسعول
وقال حا يقوم للشفخانة
أو يدفعلنا حق اطيانا
مع إنو النقطة وكت بُنيانا ...
قوَمتوها بلا زنزانة
وفي تقديرنا كلام معقول
كونو يقوَم لي الشفخانة
حاجة تضحك
محرقة هانة
إنتو تقيفوا مع المسعول
وألا الكنتو تقيفوا معانا؟
قلنا:-
خفنا نفقِد الجاي ...
خفنا نفشّل باقي الخطة
هو فضل جاي ؟ ... هي فضلت خطة؟
وانفرتقنا على الجابرية ....
وانعلقنا
تجينا البوسطة ومدرسة وسطى
والشفخانة قصاد النقطة
تجينا ... تجينا ... وما أنيقننا
ناس إنولدو ... وواحدين ماتوا
لما الريّس ودوشتو فاتوا
وبعد خراج أرواح وعذاب
فاتوا العسكر وجو الأحزاب ...
ونفس الوجع اتجدد تاني
ونفس الحلم الراح تحتاني
حتلناهو ... جمعنا رفاتو
نفس اليافطة في نفس الحتة :
الجابرية تحيي الشعب
دايرين بوسطة ومدرسة وسطى
والشفخانة بديل النقطة
فينا انكلم شيخ الحلة
صنقع ...دنقر ... صلي وسلم
وكانوا كلاب الحلة يهووا
وقال كلمتنا تكون فد واحدي ...
شان ننقوى وما ننزلا
شان مشهادنا وعدل الحلة
نحن نفوّز شيخ البلة
وزاد هوهيو ... كلوب الحلة
وبعضنا عارض ... رده وفاوض
شيخ الحلة القام حمسنا ...
بلة الحمش الزول ما دلة
أول فاهم.. وقبلو ولدنا ...
وراح يحكملنا بشرع الله
هو .. هو ... هووا كلابنا
لما أستغرب شيخ الحلة
وإنفرقنا على الجابرية
إنفرقنا ويوم الليلة انجمعنا عموم الحلة
شيخ الحلة قرأ القرآن ...
صنو كلاب الحلة وهووا
وبلة إنقدم سمَّي وصلَّى ...
صنو شوية ... وهو هو هووا
قام وإنكلم ... عن ينكلم كان ينقسم
النسوان الجاي تتهامز
الصبيان الجاي تنغامز
وكان ينبسم ... وكانو كلاب الحلة يهووا
شكَّر وشتَّم ... هو هو هووا
حلَّل وحرَّم ... هو هو هووا
هوَّد وسابنا ... وفات ودانا الآخرة وجابنا
قاطعناهو وصوتو إنوطَّا
أصلاً واطي وتاني إنوطَّا
دايرن بوسطة ومدرسة وسطى ...
والشفخانة بديل النقطة
التموين وزيادة الحصة ....
كهربة موية وسوق منضبطة
بلة انبرع وقال ببنيهن ...
هو هو هووا كلابنا
واستغربنا قبل بالمرة
لامن نهتف ترسى كلابنا
لامن ينضم بلة يهووا
بلة انحمس وقال بسقينا ...
وبي إذن الله يضوى الحلة
هتف الشيخ وهتفنا وراهو :
لا تبديل لشرع الله .... هو هو هو
لا ولاء لغير الله ...... طاء طاء طاء
عاش الفارس أمل الحلة
بلة الطاهر علي حسب الله
عاش الفارس أمل الحلة
بلة الطاهر علي حسب الله
.....
بلة الطاهر علي حسب الله
كبَّر فينا وقام إندلي ...
ولسة كلاب الحلة يهووا ...
وزاد هوهيون كبشاً ضاع
من مرحاتو وصاقع باع
بلة الطاهر علي بلاّع
.........
بلة الطاهر علي بلاّع
كانت أول مرة نشوفو ...
يومنا الشفنا اللاندكروزر
اللونا مخطَط
والبنوت الراسا مرَبط ....
التنبوبر
لوري مكوَّش أقمشة ..سكر ...
حتى الفوفو ... وعتل تؤجر
وأمحي المنكر بي معروفو
بلة الطاهر علي بلاع ...
أكرمناهو .... أكرمن ضيوفو
يشبه مرت الشيخ في وشيهو ...
لولا الدقن الدشدش صوفو
بلة خبارك ما بتشبهنا وعامل زولنا
تاني نقول الزول برانا نغيير قولنا
إلا كبار الحلة بقولوا ...
بلة دا هولنا
بلة دا أصلا من ها الحِلة
إلا أنربى وقرأ في الخارج
رافق جدو الفتح التركي
وسيرتو انقطعت في المهدية
وررَرَة سمعنا أستوطن برة ...
وقام إنزوج من مصرية
جابت علي ... علي جاب الطاهر
حتى الطاهر خلَّف بلة
جدو انشيطن أخير ما لانا
بلة أنسركن وبقي مولانا وجاء وبرانا
أقرب واحد لي حاج بلة ....
أقرب واحد شيخ الحلة
بلة الطاهر علي حسب الله
أول مرة يصلي معانا ...قدمناهو وقم أمَّانا
صوتو مرخرخ لامن يقرأ
يقرأ ويقطع .. زي البطرا
لامن يركع جسمو متختخ
عند السجدة سجودو ممخمخ
شيخ الحلة بقول عن امرو
زول غرقان في الدين من عمرو
ستة سنين .. قابض في جمرو
وما فكاهو طريق الله ...
صوتو وِدِر من كترة ذكرو
وجسمو التختخو.. شدَة صبرو
قلنا حقيقة الزول بي عذرو
وفتنا قناعة.. ومااااانا قناعة
إلا الستة.. الصاروا جماعة
قالوا .. دا زول تربايته مياعة
ما يشبهنا ورفعو وضاعة
زول زول دنيا ودنيا صياعة
قصة دينو ودقنو بضاعة
وإحنا أصواتنا ... يا إما مباعة
يا إما جهالة وناس متباعة
وفي الحالتين آمالنا مضاعة
وخارم بارم
كونها بوسطة ... ومدرسة وسطى
والشفخانة وموية ونور
كونو يجيبا دا ما منظور
وزيادة الحصة ... الزول زول سوق
زول من جدو يلف ويدور
ويا الجابرية دا مطلب عادل ...
كونو تطيبي ... تكاتبي وتقري
ضوك يشلع ... دشك يرشع
ونحن دفعنا ضرايب بدري
ولسه بندفع ... لسع ... لسع
بس يا جماعة ... إن قضينا حياتنا تباعة
وصنيت رادي ... وقول في الفاضي
خوفنا نقوم ما نلقى أراضي
ونحن أساسنا وراسنا زراعة
والجابرية إن دايرة شفاعا
ما بيشفعلها إلا ضُراعا
عبو ضراعكن يا رجَالا ...
وخلو بصركم دغري وسالم
عبو ضراعكن آ رجالا ...
شيخ الحلة أضلَّ وضلَّ
وأسألوا بُرَّة وحاجة السُرَّة
عن التيبان وحكاية الصُّرة
شن لمه بلة وشيخ الحِلة مع شرع الله
والناس ديل العارضين برة
جربناهن كمين مرة
وتاني نجرب شان ننضرَّ؟!
ويا الجابرية معاكي سلامة ...
كان الفوقك ما فات مرة
كان كلماتن ناشف ريقا ... كانت مرة
إلا حقيقة ... وغلبنا نطيقا ...
وين في الصُرمة ... وقِل القدرة
وسكتناهن بس ما صنو
وقاطعناهن تاني المرة
وما من واحد فيهن ترَا

وبلة
كان هو طريق الناس وخيارا
فوزناهو.. وجانا زيارة
كرمنالو التور وعرضنا ...
وخليناهم برة الدارة
دايرن بوسطة ومدرسة وسطى ...
موية وكهربا والشفخانة ...
زيادة الحصة وسوق منضبطة
وصدو كلاب الحلة يهووا ...
ينضم بلة يهووا معاهو
نهتف نحن يزيد هوهيوا
مافي شهر جاتنا الخرسانة ...
جانا السيخ ... الطوب ... الرملة ...
جا الأسمنت شكارة شكارة
عديناهن ألف شكارة
وكرمنالن خيرا جانا
وكل كلاب الحلة الهوَّن ...
طفشناهن بالجبخانة
وفي صنانا تدودي الزانة
إنغالطنا كتير في بعضنا ...
أولى المدرسة واللا البوسطة ؟
أولى المدرسة
والشفخانة ؟؟؟؟
الشفخانة محل النقطة
ونان النقطة؟؟؟؟؟..
.نحن أهالي ... وودنا صافي
بيننا معزَّّة جرائم مافي ...
وما بنحتاج لي شرطة ونقطة
تحصل عِلة في شيخ الحلة
ونان النقطة؟؟؟؟
نحن الإيدنا بنت للنقطة ...
والجيَرنا زبالة أطيانا
ناس السلطة إن دارو النقطة ...
يمشوا بكان أرض الشفخانة
وما طالبانا خلاف زنزانة
مدرسة بوسطة ... مدرسة بوسطة
ستين طلبة وعشرين أوسطى
شغالين ما ملَو سخانة
مدرسة بوسطة ...
وقلنا غُنانا:-
يا الجابرية الله أدّانا...
حاج البلة المبروك جانا
جاب المدرسة جاب البوسطة
وبكرة يرجّع للشفخانة
نصحى نصابح موية الدُّش
نمسي نلاقي الضوْ عمّانا
مدرسة بوسطة ... مدرسة بوسطة
وتاوق ... وتاوق ... وتاوق ...اخ
وفجأة تبين تتضخ الخرطة
وكب تنتصب الميضنة ...أخ
أخ من حظك يا الجابرية
سابع جامع في الجابرية
سابع جامع وبالجبرية
وصدوا كلاب الحلة يهووا ...
أخ يا الناس الحالن قطَا
في البلدان الحظها فاجع
بق يا الصاح الماك متراجع
وحرِّق دبش الدنيا الغلطة
بق وانفرَق في الجابرية
بق في أرحامنا في شافع نافع
ترفعو أمو في حيطة الجامع
يكتب .. (يسقط دجل السلطة (
ويسقط بلة وشيخنا التابع
كشّفناك وكشفنا الخطة
تحيا كلابك يا الجابرية
ويحيا ضراع الزيتن طالع
والبيصارع مُر الواقع
تحيا ترابك والطورية
الجابرية تحيي الشارع
دايرين كهرباء
دايرين موية
دايرين سلطة وسوق منضبطة
دايرن هسة زيادة الحصة ..
الشفخانة بديل النقطة
دايرين بوسطة ومدرسة وسطى
والله بنعبدوا في ايت حتة
دايرين بوسطة ومدرسة وسطى
والله بنعبدوا في ايت حتة


#705360 [الدلوت]
3.00/5 (2 صوت)

06-24-2013 04:41 PM
الاستاذ السيد جعفر الميرغنى - حفظه الله ووالده فى حلهما وترحالهما - هو رجل المهام الصعبة هو ترك الديار والاهل منذ فترة وذهب لدار الفرنجة من اجل ايجاد مخرج مما يمر به السودانان وهو منذ مجيئه الى لندن فى اجتماعات دائمة مع المسؤولين البريطانيين حيث تمت الاستفادة المتبادلة فى علوم السياسة والقلى بعض المحاضرات لرجالات الدولة اللوردات وفى بعض الجامعات البريطانية وقد عزمته الملكة البريطانية وجبة غداء ( فتة بالرز واللحمة الطازة ) والحقيقة ان سيدنا الميرغنى مفخرة للسودان وشعبه


#705345 [محمد محمدين]
5.00/5 (1 صوت)

06-24-2013 04:19 PM
الود ده بدمًّه الخفيف كده يُفترض يشغلوه في قناة النيل الأزرق في برنامج هذا المساء ويشكل ثنائي جميل مع (أمجد).


#705338 [الحقيقة مرة]
5.00/5 (3 صوت)

06-24-2013 04:09 PM
ولا يهمك يا مولانا جونيور ما تشتغل بالراكوباب ديل بروليتاريا حاقدين طبقيا ساي عشان جدهم ما النبي ولا شغالين اسياد فل تايم ومساعدين رؤسا من منازلهم ومنازلهم دي لنضن الحلة ما جبرونا ولا امبرمبيطة بينما البلد نصها بطالة والنص التاني ما شغالين وكما قال المثل البطالة ولا القعاد ساي غايتو المهم: نظرة يا ود ابو هاشم !


#705334 [ود الريف]
3.25/5 (4 صوت)

06-24-2013 04:06 PM
مساعد رئيس الجمهورية.. هو رئيس السجم دا ذاته بيسوي في شنو عشان يساعدوه؟ و لا يكون فاكر نفسه مساعد بصحيح يا أمة ضحكت ...


#705280 [أأه يا بلد]
1.00/5 (1 صوت)

06-24-2013 02:42 PM
خليكم من التريكه
الزول ده فى إجازه ؟؟؟؟؟
متى يعود لعمله ؟؟؟
هل يصرف مرتبه على حساب الشعب ؟؟؟؟
كلما جات حاره جارين حتى الصادق اتعلم
وتصرفوا مرتبات بدون شغل
أخخخخخخخخخخخخخخخ تفوه


#705268 [المتين الوهم ده]
5.00/5 (2 صوت)

06-24-2013 02:17 PM
هاك الريموت ده ياولد غير لينا الحكومة دى اقصد القناة دى خالس فى لندن ويدير مهامه بالرموت ده هطلة واهبل وقال حيحل مشاكل التمرد فى النيل الابيض الحمد لله جيلنا ده مابعرف الاسياد ولا المسخرة الفارغة دى قوم كد ياولد المسخرة السوها ابهاتك فى البلد دى انت مابتعملها لينا فاهم يا بتاع الانجليز كلكم عملا وعاملين فيها اشراف واوعك تجى السصودان بعد الثورة عشان تحافظ على ......


#705250 [ود فارس]
5.00/5 (1 صوت)

06-24-2013 01:53 PM
كرع علينا الما قرينا عليكم الله ياناس الحيكومة بعد مايخلص من مصر خلوهو يخشانا في الجزيرة ود مدني (بالنيل الابيض )عازمينو فطور بملاح ويكااااااااب كارب ههها هههههها هههههههههههههههها


#705234 [عبيد الله]
3.50/5 (2 صوت)

06-24-2013 01:34 PM
ياناس ياحاسدين يامافاهمين ياقجر الاسلام وين الدين وين اطيعو ولى الامر ومساعد ولي الامر والنقد لايكون بهذه الطريقة البشعة ليس عليكم من الشكل فهذا امر الله هل فيكم من اختار شكله ولونه ومن ينتقد الشكل اي الخلقة فقد انتقد الخالق وتعلمون ان الانسان يهوي في النار سبعون خريفابكلمة ليضحك بها الناس من كان يريد النقد فللنقد طرقه المشروعة المباحة النافعة المفيدة للبلد فلا تهلكوا انفسكم بالمجان واتقوا الله وتعلموا فليس المر يولد عالما وتقبلوا تحياتي والله لست حاقد عليكم ولا عليه قكلنا اخوه .


#705190 [asmarasmarani]
5.00/5 (1 صوت)

06-24-2013 12:48 PM
كلام حبوبتي:
الود بقي بناقش الاوضاع الفي السوداني جد لي جد لي كبر لي كبر لي تنقش تنقش ...
كلامي لحبوبة :
ي حبوبة الود وسخ فيك نسيتي لبستِ البامبرز ...
وزيادة اخري :
الولد ده بزكرني شفع الروضة !!!


#705158 [الجعلي الفالسو]
5.00/5 (4 صوت)

06-24-2013 12:12 PM
يا حلاتو يا جمالو وجضمومو جدو المرغني الكبير كان من الأبطال ، كيف لا وقد جاء مع الجيش الغازي ليحتل السودان ، وفعلا تكللت مساعيهو بالنجاح وتم استعمار السودان من جديد ، والحمد لله جانا الحفيد مستشار لرئيسنا الهمام أعزه الله وأدام ملكه وسدد خطه وحشره في زمرته التي يستحق أن يحشر معها.


#705157 [النتغطرس البهمي]
5.00/5 (2 صوت)

06-24-2013 12:07 PM
ياجماعة الولد الملظلظ ده خلوهو لي لمن تدق ساعة الصفر


عشان اديهو ليكم علقة بعصضاية القذافي اخليهو يندم على اليوم الاتولد فيهو


#705143 [ALIIIIIIIIIIIIIIIIIIIIIIIIIIII]
4.00/5 (3 صوت)

06-24-2013 11:55 AM
هذا المخلوق البشع القبيح المنظر المسمي جعفر بن جازورا ال شلاضيم الميرغني لايعرف شيئا في السودان اطلاقا ولايهمه امر السودان في شئ ...ابو شلاضيم خليك في مقر اقامتك الدائم هناك وماتجينا ولا عاوزينك وبالمرة شيل معاك ابوك ذاتوا واهلك وقدوا مننا واطلعوا برة السودان وامشوا لبلدكم السعودية او بلادكم الحقيقية مصر المعفنة واحد صعلوك كمان عامل لينافيها الولد ارستقراطي وكاننا مازلنا نعيش في العصر الفيكتوري او القرون الوسطي او عصر الاتباع والطبقية التي يريد هذا المتخلف عقليا جعلنا نعيش فيها الي الابد شوف ياابو شلاضيم انحنا عندنا سيد واحد بس هو الله سبحانه وتعالي وليس واحد دلاهة وبشر من لحم ودم مثلنا وداير يعمل فيها ريشة فوق راسوا اللعبة دي العبها علي المغفلين والهبل من اتباعكم المساكين الذين الفوا العبودية والذلة ماعلينا نحن فاهم وبعدين انت اصلا خاتينك جوكر ساكت كمان جوكر ميت ولا حتي جوكر بتاع مناورة ولا حتي قافلين عليك وعلي الاخطل الثاني ابن امير المؤمنين ابو الكلام انتوا الاثنين اصلا ورق محروق محروق صور ساكت يعني زينة ده لو انت اصلا عندك دم وبتفهم يابقرة لكن انت الهاميك الصورة بتاعتك وصورة الحزب وود العز وماعارف شنو والحركات الفارغة الهايفة دي عارفين انت لاخصاك سودان كن يحرق باللي فيهو هامك مصالحك زي ابوك بس ماكلكم مصلحجية ومنافقين وتجار دين زي الكيزان امشي العب ليك بلا ستيشن احسن ولا مص حلاوة حربة ده لو بتعرف حلاوة حربة اصلا هي شنو سمعت بالدوم ولالا كمان ياجعفوري..انشري يالراكوبة


#705132 [سالم]
5.00/5 (2 صوت)

06-24-2013 11:43 AM
دا منو؟؟؟؟؟ واسمو منو؟؟؟؟؟؟؟ و جنسو شنو؟؟؟؟؟؟؟ و ساكن وين؟؟؟؟؟؟؟هههههههههههههههههههههه والله صحيح دا اخر زمن توكيل المهام لغير اهله .


#705129 [مدحت عروة]
5.00/5 (1 صوت)

06-24-2013 11:40 AM
عليكم الله سمعتوا ليكم بمسؤول هندى خليكم من امريكى او اسرائيلى او غربى يكون قاعد بره بلده ويناقش امور بلده الداخلية مع الدول الاجنبية بدلا من مناقشتها فى البرلمان او مؤسسة الرئاسة او فى لقاءات صحفية مع صحافة بلاده الحرة؟؟؟؟؟؟؟؟
الحاجة الانا بعرفها بى فهمى المتواضع ده انه اى دولة بتحترم نفسها بتناقش العلاقات الثنائية والمصالح المشتركة مع الدول التانية!!!!!
هل الحركة الاسلاموية او الانقاذ محترمين ؟؟؟؟؟؟


#705103 [ود الغـــــــــرب]
4.50/5 (4 صوت)

06-24-2013 11:09 AM
جيتن جيت جيتن جيت ايى

سمح انتا وبسكويت انتا

سمح انتا وعسل انتا

السمح ولدى ايى

العسل ولدى ايى

هى انتا حكيم ولا تمرجى

هى انتا سلطان ولا ضابط نيشان

هى لو جابو اسمو الهوى بقسمو

كدى كدى كدى كدى

سيى سيى سيى سيى سبى سيى


ردود على ود الغـــــــــرب
United States [جركان فاضى] 06-24-2013 06:08 PM
لو جابو اسمو الهوا بقسموا.... رهيب يا ود الغرب والله رهيب


#705087 [mustie2000]
5.00/5 (1 صوت)

06-24-2013 10:58 AM
هاهاهاهاهاهاهااهاهاهاهاهاهاهاهااهاهاهاهاهاهاهاهاهاهااههاهاهاهااهاهاهاه
وتاني
هاهاهاهاهاهاهاهاهاهاهاهااهاهاهااهاهاههاهاهاهه هههههههههههههههههههههههههههاااااااااااااااااااااييييييييييييييييييييييي


#705040 [خي فاطنة]
5.00/5 (1 صوت)

06-24-2013 10:14 AM
قبل فترة كده شفت ليكم واحد من اولاد سيدي الميرغني ( احمراني كده )في تلفزيون النيل الأزرق ، الود حرم نجيض تب مو (نى) ، جاسر و راضع فوق الصرار ، فصيح فصاحة وما بتلفت ... قلت هسه سيدي الميرغني كان جاب لينا ود اخوه دا ما بشرف السجادة الختمية في ( دولة الخصيان المماليك )... بعدين ود سيدي دا عندو مشكلة بتاعت صدفية في ايده ، يعني لو سلم بأيده مباشرة ممكن تنتقل ليه عدوى وتعمل ليه حساسية خاصة والكيزان كلهم عندهم امراض جنسية وفيروسات معديه ( حماه الله) ...

والله سيدي الميرغني دا دخلنا في احراج ودخل ولدو في موقف صعب ( يعني ضغط عليه وكدة ) ... غايتو الود فيه (شئ لله) يا ابو هاشم ... ربنا يغطيه .


#705031 [shah]
5.00/5 (2 صوت)

06-24-2013 10:07 AM
شال النوار ... ظلل بيتنا
من بهجة وعدك ... وما جيتنا
وفضلنا وحياتك ... منظرين
شوف وين روحتنا...
وديتنا .. وين ... ويييين


#705008 [كارورى]
5.00/5 (2 صوت)

06-24-2013 09:55 AM
كلام يجيب الطراش والغثيان, بتضحكوا على الشعب الحمير ديل , لاأكثر


#704998 [kaboo]
5.00/5 (1 صوت)

06-24-2013 09:47 AM
this boy not understand any thing about political


ردود على kaboo
European Union [ود كرف] 06-24-2013 04:15 PM
This boy does not understand any thing about politics


#704971 [ودالبلد]
5.00/5 (3 صوت)

06-24-2013 09:24 AM
يغادر مقر إقامته بلندن الى القاهرة لبحث آخر تطورات الوضع في المنطقة !
هاهاهاهاهاها......ضحكتونا .... ده خلوهو يبحث عن أحدث العاب (البلايستاشن) و(الاتاري)


#704961 [سعاد صالح التني]
5.00/5 (2 صوت)

06-24-2013 09:17 AM
الزول ده مابيجي السودان؟ مامعني انه مقيم في لندن (من محل اقامته في لندن)؟


ردود على سعاد صالح التني
[ود الغـــــــــرب] 06-24-2013 11:23 AM
ياسعاد يااختى ده جدو كان طابور خامس (يعنى ربيب انجليز) عينى الشى ده جارى فى دمو اكيد الملكه الزبيث عارف الاسره كلها عشان كده من المقربين للاسره المالكه ومش كده وبس ديل كانوا عايرين يخلونا مع مصر دوله واحده عشان نصبح مسخره للمصريين (ويقولوا علينا اوسمان البواب)
دى الاسكندريه نصف عماراتها ملك لهم ده عمو احمد الميرغنى رحمة الله عليه كان متزوج بنت الشبرويشى بتاع الاسكندريه شفتى ياختى سعاد ناس سيدى ديل مضيعن السودان وماكلين خيروا كبف

[جنوبي] 06-24-2013 09:58 AM
هو صحي الزول ده مساعد البشير ولآ مساعد وزير الخارجية البريطاني للشئون الافريقية ؟!!
هو ذااااتو البشير يساعدوه كيفن ؟ ما داسي المحافير كوووولها !!


#704960 [أبو مجتبى]
5.00/5 (1 صوت)

06-24-2013 09:16 AM
يا حليلو ......
هو لسه موجود وقاعد معانا
أنا أفتكرت أنه قاعد في لندن وزعلان، لكن الظاهر عليهو بيدير أمور السودان والشأن الرئاسي من لندن
عجايب آخر الزمان
قام من نومو ولقا كومو


#704951 [alkaser]
0.00/5 (0 صوت)

06-24-2013 09:09 AM
ياتو نطورات انت في شنو والحسانية في شمو


#704949 [ابوايمن الحلاوى]
5.00/5 (1 صوت)

06-24-2013 09:07 AM
يمين الله لو المخلوق الماثل امامنا ممكن العب دور ريادى فى حلحلة جزء ولو يسير من بلاوينا لهان علينا الصبر !! كل معانى البلاده واللتاخه والرخامه وتقالة الدم وووووو لهى صفات هذه الشخصيه المجهوله للشعب السودانى !! ويا ابوه لم وليدك عليك بدل اجيب ليكم سب ولعنات وسخط الشعب الممكون,, يعنى نحنا ناقصين قصر؟؟؟ ?WHO IS PAYING THE TOURING COST ؛ ثوره وانتفاضه لزلزلة الحكومه ليس بالمقصد والهدف الوطنى!! البلد عاوزه DRY CLEAN و FILTERING لابد من جرد الحساب واعادة المنهوب والمسلوب من الدوله من اموال واراضى ومصانع وووو. لن ينصلح الحال يا بنو شعبى الا ويتم تجريد كل منتفع وطنى او غيره؛ حساب يفوق حساب نكير دون التعدى على الكرامه الادميه. كل حرامى من جميع ال الرئيس واسرته الغرقانه فى اللهط والبلع حتى التخمه ويمين الله نعرف اخوانك ماذا كانوا؟ واين صاروا اليوم؟ وكل ذوى القربى والمؤلفة قلوبهم لكم والشمل يجمع الست دوده العنكبوته ونوابك وكل من انتسب اليكم ولو لمصلحه خاصه بغية الحصول على منفعه ... كوكبه وجحافل من الشباب ذوى الكفاءات والشهادات والجالسين على الطرقات هم من يقومون بتصفية الحسابات وختاما كلكم تمشوا كدارى وتأجروا بيوت فى الدخل المحدود وانت يارئيس اول ماجيت وساعة براءة الذمه وفى الTV عرضت مفتاح كريسيدا موديل امكن 92/94 ولغاية اليوم خليها تبقى CAMRY موديل 2013 او( PRADO LAST MODEL) وكمان اكون عندك بيت لود بيرنق او حتى طابقين فى ابو ابوادم او المنشيه يعنى 24 سنه وفر راتبك بالكامل طلما ساكن؛ كهرباء ومويه واكل وعلاج وبنزين ووو بالمجاااااان !!!السيد الرئيس عش باقى عمرك واكسب رضا ربك وامك والدنيا فانيه وزملاؤك كلهم فارقوا الدنيا والنعيم صدام/بن على/حسنى/ ابو يمن/ القذافى/ بشار وعليه كما دخلت خاوى الوفاض شيل حقوقك وغادر وصدقنى الشعب حيفرح ويسكر من الغبط واهو اخيرا باى باى باى بااااااااااى دنيا الترطيبه....


ردود على ابوايمن الحلاوى
United States [نسيب نافع] 06-24-2013 02:58 PM
اسمع يا أخي لا تتكلم في الأشراف وآل البيت أنت خلف الكي بور تكتب في البشير ونافع وقوش وغيرهم احزر ان تتكلم في الأشراف انا أخاف عليك

الله فوق سيدي طويل عمر الشريف اب شوفتن تسر


#704940 [عبدو]
0.00/5 (0 صوت)

06-24-2013 08:58 AM
حلوة "المنطقة" ههههههههه


ردود على عبدو
European Union [ahmed] 06-24-2013 12:16 PM
ياخي ابوايمن لا تتحترق من الزعل وتسبب لنفسك نوبات قلبية هكذا هو حالنا نعمل شنو.....لو نحن ماقادرين نزيلهم ..بس في امل في ناس الحركات؟


#704924 [shah]
5.00/5 (1 صوت)

06-24-2013 08:46 AM
يا حنتوش لكن ... ما وحشتنا ... ما قلت بتجينا ... يا حليل مجيكا.


#704917 [الشحمان مغسة]
5.00/5 (2 صوت)

06-24-2013 08:41 AM
جيييد لينا ود سيدي احتمال اجي يزورنا...واحلالي... كراعك خضرا ... كمان اليومين ديل الجو خريفي وبديع وكانما يحتفي بمقدمكم الميمون... سيكون شعبكم في انتظار وفدكم السعيد ... وهيييييع وكع وتاني كع
تخريمة:
المشرفين على موقع الراكوبة ورونا حدود الواحد ممكن ياخد راحته وحريته لحد وين بالضبط كده؟


#704906 [المتغرب الأبـــدي]
5.00/5 (1 صوت)

06-24-2013 08:29 AM
هل يزور السودان ؟
------------------
ههههههههههههههههههههههه


#704899 [ابوسروال]
5.00/5 (2 صوت)

06-24-2013 08:18 AM
ود روضة ماما روعه دا مساعد البشير ولا ديفيد كاميرون!!!
السودان دا فيها كثرة بلاوي واحد بريطاني مساعد وتركي مستشار واريتريا وزير وتشادي والباقين يدعون العروبة اما اصحاب الحق على الهامش لا صوت لهم ولا انتباهة في زمن الغفلة ...
لكن بدانا نصحو من سباتنا وسنلقن كل من تطاول علينا بالدين او العروبة درسا لن ينساه....
طال الزمن أو قصر!!!


#704898 [سايكو]
5.00/5 (1 صوت)

06-24-2013 08:17 AM
اب جضوم شبعان و مدلع و مكحل و ناقصاه البزأزه .
هسا دا حفيد الرسول و لا حفيد شعبان عبد البرحيم ؟؟؟؟


#704891 [ود نفاش]
0.00/5 (0 صوت)

06-24-2013 08:11 AM
ده مع منو والعينه منو وصفتة شنو
وقاعد فى لندن لى شنو وهو اصلو منصبه شنو وهو وزير شنو
با ناسسسسسسسسسسسسسسسسسسسسسسسسسسسسسسسسسس يا هوىىىىىىىىىىىىىىىىىىىىىىىىىىىىىىى
نحن وين فى دول الخليج وله وين
قال اناقش قال


#704889 [Zingar]
0.00/5 (0 صوت)

06-24-2013 08:06 AM
مرسى إبن المعلم الزيناتى إتهزم يا رجاله بالأنجليزى
** هو قال رجاله دى إزاى؟
بالأنجليزى.
** لا لا طيب إنت سمعتها إزاى؟
م الشمال لليمين.

والله يا جدع الجدع ده بقول حاجات غريبه
ده أنا أمى بتدعيلك وبتقول ما بتجيبش الود مرسى يذاكر معك ليه يامنيل.

ده انجليزى ده يا مرسى؟


#704872 [صادميم]
5.00/5 (3 صوت)

06-24-2013 07:45 AM
نعم سوف يزور السودان بعد انتهاء شهور الصيف و العجاج وشهر رمضان و ذلك للأعداد للزيارة المرتقبة للولايات المتحدة ليشرح لاوباما الوضع في السودان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة