الأخبار
أخبار إقليمية
السودان يحل في المركز قبل الأخيرعالمياً في مؤشر الابتكار 2013
السودان يحل في المركز قبل الأخيرعالمياً في مؤشر الابتكار 2013
السودان يحل في المركز قبل الأخيرعالمياً في مؤشر الابتكار 2013


07-03-2013 08:02 AM
حلت دولة الإمارات في المرتبة 38 عالمياً، والأولى عربياً في مؤشر الابتكار العالمي لعام ،2013 في تصنيفه السنوي السادس، الذي أصدره معهد إنسياد بالتعاون مع جامعة كورنيل ومعهد “ويبو”، والذي غطى 142 دولة حول العالم . بحسب جريدة الخليج وتم تصنيف الدول وفقاً لمعايير تنمية المواهب، والاستثمار المستدام، والدعم المؤسسي، والعقلية المجددة .
وأحرزت الإمارات 9 .41 نقطة بفارق أقل من 25 نقطة عن صاحبة المركز الأول، وهي سويسرا . وجاءت أول دولة عربية بعد الإمارات، وهي السعودية في المركز ،42 ثم قطر في المركز 43 .
وجاءت السويد في المرتبة الثانية، وبريطانيا ثالثة، وهولندا رابعة، والولايات المتحدة في المركز الخامس، وألمانيا في المركز ،15 وأستراليا في المركز ،19 واليابان ،22 وإيطاليا ،29 بينما حلت اليمن في ذيل القائمة (142)، وسبقها بمركز واحد السودان الذي حل في المركز 141 .
Mubasher


تعليقات 27 | إهداء 0 | زيارات 3833

التعليقات
#712828 [اخخخخخ]
0.00/5 (0 صوت)

07-03-2013 09:11 PM
ياحساداخبر زي ده دايرليوحفله كاربه يهزفيهاافرادالمؤتمرالوثنى ومعهم بقية الشعب المصطولين الكل دايريشيل من السودان شليه مافى زول قلبو على الوطن


#712785 [كسار الثلج]
0.00/5 (0 صوت)

07-03-2013 07:48 PM
وكيف تبتكر والبلد يتولى أمرها الهبل والمجانين وتلتف حولهم مجموعة من المنافقين والارزقية.


#712706 [Sabir]
0.00/5 (0 صوت)

07-03-2013 05:03 PM
ظلمتو السودان ياناس التصنيف,,, أكسح أمسح ماتجيبو حيي... الدفاع بالنظر... الحشرة الشعبية... لحس الكوع... الدايرنا يطلع لينا الشارع... أمريكا دنا عذابها... نأكل مما نزرع... هي لله.
وتتواصل الإبتكارات لينال السودان جائزة الشيطان في إبادة آمة.


#712699 [ابومونتي.]
0.00/5 (0 صوت)

07-03-2013 04:53 PM
لا,,,لا,,,السودان في المركز الأول ,,,ولكن إسرائيل هي السبب.


#712686 [ودالقضارف]
0.00/5 (0 صوت)

07-03-2013 04:29 PM
عليكم الله دا كلام دا الواحد لمن يشوف الخبر دا اتقول السودان احرز المركز الاول . وهسة انتو فرحانين بالخبر دا ونشارنو طول على عرض في الصفحة واخر شئ المركز القبل الاخير ما ياهو الطيش لو انتو بتفتخروا بالقبل الاخير خلي ينفعكم الدور الجايي تلقوا نفسكم اتلاشيتو والخوف انو ختو نظام سمعة انو جا المركز القبل الاخير وهسة تعالو وين الابتكارات بس ورونا ابتكرتو شنو عليك شوف مصالح بلدك وعمرها .


#712684 [weaka]
0.00/5 (0 صوت)

07-03-2013 04:27 PM
النتيجة دي مابلغت النصاب


#712672 [الوجع الخرافي]
0.00/5 (0 صوت)

07-03-2013 04:14 PM
( أنا كسوداني ) ...

أحمد الله علي أنهم ذكروا وتذكروا ...

أن هنالك أصلاً دولة تسمى السودان ...

كنت أعتقد أن هذه الدولة ( تلاشت ) ...

من خارطة العالم ...

بفعل عوامل ( التعرية الأخوانية السياسية ) ...

لا حول ولا قوة إلا بالله ...

( اللهم إن لم يكن بك علينا غضب فإنا لانبالي ) ...


#712611 [عباس التحت اللباس]
5.00/5 (3 صوت)

07-03-2013 03:02 PM
والله الشعب السوداني مفروض يحل في المركز الاول في الابتكار الواحد كل يبتكر الف حاجة عشان يجيب لقمة العيش لعيالو


#712573 [ابوامنة]
5.00/5 (1 صوت)

07-03-2013 02:20 PM
الشعب السودانى المبتكر رقم واحد فى مباصرة المعيشة
وفى تدبير كثير من احواله الاسرية


#712497 [محمد]
0.00/5 (0 صوت)

07-03-2013 12:52 PM
مع الناس ديل تاني السودان ما تقوم ليهو قايمه


#712490 [سيمو]
0.00/5 (0 صوت)

07-03-2013 12:45 PM
والراجل الواقف خلف وداد دة مينو؟؟؟؟


ردود على سيمو
United States [cour] 07-03-2013 09:30 PM
دة انا حتى فى دى حاسدنى ياخى


#712417 [ابو وليد]
0.00/5 (0 صوت)

07-03-2013 11:25 AM
كيف الناس حاتبتكر اذا كانت نصف عقول السودان بالخارج والنصف الاخر جاري ونفسو مقطوع ومامحصل لقمة عيشو..


#712408 [HoUse]
5.00/5 (1 صوت)

07-03-2013 11:18 AM
يوجد ابتكار لاكن لا يوجد دعم من السودان . فلماذا نبتكر والسودان لا يثق باللفكر الوطني . وحتي اذا ارادو التجربه اين هي المصانع لخدمة هذا الابتكار .


#712384 [بيكو]
5.00/5 (5 صوت)

07-03-2013 10:44 AM
بكرة يطلع لينا كويز كيسو فاضي ويقول لينا النتيجة دي مؤامرة كبرى من دول البغي والاستكبار والصهيونية العالمية الامبريالية التعسفية.
غايتو جنس غايتو!


#712368 [زول]
5.00/5 (1 صوت)

07-03-2013 10:28 AM
الابتكار عاوز بطن شبعانة وبال رايق ونفس تصبو بالامل الي غد مشرق واب طيب ما زهجان لو كان اصلا قاعد وام حنون سوت ملاح جميل ونظفت البيت وبعيدة عن شمارات الجيران ومواصلات متوفرة ومكيفة وشوارع نظيفة وما كلها اعقاب سجاير وتفة السفة ومدرسة او جامعة او مكان عمل نظيف به مكيفات سبلت باردة وثلاجات موية وناس باسمةوتشجعك وحكومة رشيدة وعاقلة ونزيهة ومحطات تلفزونية تخاطب العقل يمنع فيها الغناء لكل من هب ودب وبل في كل مناسبة وشايلين الهم من الان لقرب برنامج اغاني واغاني في رمضان ...ومازالت اللستة طويلة وكل واحد منا شايل لستته في جيبه وحايم...وتقولو 141 وقد جاملونا بان نكون قبل اليمن علي الاقل عندهم وسيلة تنسي الهم والغم وكلنا نعلمها ولكن اهل اليمن في مكان غير اليمن لصاروا من العباقرة وزمان قالو وادي عبقر كان في اليمن


#712350 [صبري فخري]
5.00/5 (1 صوت)

07-03-2013 10:18 AM
الصورة براها ابداع


#712328 [الكردفاني]
5.00/5 (1 صوت)

07-03-2013 10:00 AM
يا جماعة تاني الطيش ما كعبة، أنا كنت متوقع نفوت الطيش بي قادي.


#712319 [جركان فاضى]
0.00/5 (0 صوت)

07-03-2013 09:56 AM
الابتكارات دائما تخرج من الجامعات او عن طريق الجامعات....ياجامعات سودانية يا مدارس ثانوية


#712294 [البذئ]
4.88/5 (5 صوت)

07-03-2013 09:38 AM
لازم نقيف على ايدينا عشان نشوف النتيجة بالمقلوب و نبق التانى على الشعب السودانى ات يقيف على ايديه (يقلب هوبة) عشان يقراء النتائج صاح يلا يا جماعة كرعينكم معانا...


#712277 [su]
0.00/5 (0 صوت)

07-03-2013 09:27 AM
ياخى معقول رغم الحروب التى افقرت بلادنا نحن افضل بكثير من دول مثل تشاد وارتريا وافريقيا الوسطى والعديد من الدول على الاقل سبق ان اكتشفنا اشياء مثل المرحوم دكتور النزير دفع الله والمعز بخيت ولدينا علماء فى مجالاتهم الطيب عبدالله والطيب صالح ولدينا علماء حتى فى وكالة ناسا للفضاء


ردود على su
United States [ودالقضارف] 07-03-2013 04:32 PM
يا زول الناس بتقارن بامريكا و دول اوربا تجي تقول لي افضل من تشاد وارتيريا يا زول لو بتقارن البلد بالجماعة ديل ياهو الما تقدم


#712275 [الجقر]
4.63/5 (5 صوت)

07-03-2013 09:26 AM
نظرية لحس الكوع: ابتكار الدكتور العلامة نافع علي بن نافع من السودان
الساطور وتلاتة قمصان: ابتكار مسجل باسم الدكتور الفذ الحاج ادم بن ساطور
الدفاع بالنظر: عبدالرحيم محمد حسين المعروف بابو ريالة
الرقصة ام كراعاً مكعوج: المشير البشير المعروف ببشبش
التصنيف مجحف ودا متوقع من دول الاستكبار والصحيونية العالمية


#712261 [سوداني والسلام]
5.00/5 (1 صوت)

07-03-2013 09:15 AM
لكن السودان بكون الاول في مؤشر الابتكار العالمي لعام ،2013 في الفساد الحكومي باسم الدين .


#712249 [البذئ]
3.63/5 (4 صوت)

07-03-2013 09:08 AM
لا اوافق على هذا التقرير نحن الحاج ادم براهو ابو الابتكار و عبدالرحيم و ابتكاراتوا و المشير و وابتكارات ربيع عبد العاطى و امين حسن عمر انا باقول السودان الاول عالميا فى الابتكارات نرجو منهم مراجعة هذه النتيجة


#712220 [التاج محمد احمد]
4.25/5 (3 صوت)

07-03-2013 08:50 AM
نحن كالعاده فى كل التصانيف الاول او الثانى او الثالث من الاخييييييييييير وممكن يخرج علينا احدهم ويقول ان التصنيف جاير وكلام زى ما حصل فى تصنيف الجامعات


#712213 [بروفيسرات ودكاترة هواء]
4.25/5 (3 صوت)

07-03-2013 08:45 AM
وينهم اصحاب الشهادات الدكترة والبروفيسروية ما اضافو جديد اكتفو بالشهادة واللقب فقط


ردود على بروفيسرات ودكاترة هواء
United States [Mohd] 07-03-2013 12:40 PM
اي شهادة بروفيسور او دكتور او ماستر في عهد الانقاذ مشكوك فيها بنسبة 90%

معظمها مزور وشهادات زور ليس الا لرؤوس خاوية فاسدة لا تعرف غير الفساد والسرقة

United States [جركان فاضى] 07-03-2013 09:54 AM
طيب الامارات جاءت كيف الاول ؟ مش ببروفسرات وخبرات السودان


#712212 [well]
0.00/5 (0 صوت)

07-03-2013 08:45 AM
مراة راجل حلوة حلا


ردود على well
United States [بيكو] 07-03-2013 04:15 PM
هسي ده عربي ولا انجليزي؟
لينا حق نجي قبل الطيش!


#712199 [رحومة]
0.00/5 (0 صوت)

07-03-2013 08:32 AM
المركز قبل الأخير!!!! .... كتيرة الزغاريد علي راعي البقر يا حيكومة السجم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة